|
محتاج المساعدة ضرورى
السلام عليكم
عايز اعرف رايكم ايه او لو فى حد مر بنفس المرحلة دى انا اشتريت تليسكوب من النت وجه واتحجز فالجمارك اتصلت بيهم قالولى لازم موافقة الامن العام قولتلهم لو سيبتو فى مشاكل قالو لا بيرجع تانى مصدرو بعد شهرين بس انت ليه تسيبو انت تيجى تاخد الكتالوج وتروح الامن العام هيوافقولك عليه وتعالى استلمو موظف الجمارك قالى دا موضوع سهل انا مش عارف اروح ولا لا مع العلم انى من المنيا وانا اصلا شاريه ب200 جنيه وحوار انى انزل القاهرة ده هيصرف مش اقل من 400 جنيه وخايف بعد كده ميوافقوش فالامن العام فمش عارف بصراحة اعمل ايه اروح واجازف ولا اكبر دماغى ومش مهم ال200 جنيه مع انو طالع من عينى بصراحة ( بوشنال 3-9*56 اضاءة احمر واخضر) حجمو رهيب فياريت اعرف ردكم ضرورى او اى حد مر بنفس الحوار ده قبل كده |
رد: محتاج المساعدة ضرورى
هو بينى وبينك التليسكوب يستحق انك تنزل لانك لو هتجيبه من هنا مش هيقل عن 1000 جنيه
بس الموضوع ده معقد شويه ولو حضرتك تواصلت مع اخونا حبيبنا الاستاذ احمد ابو شمس هوه هيفيدك وبأذن الله موفق وتعرف تجيبه |
رد: محتاج المساعدة ضرورى
عادل باشا متشكر جدا لردك وياريت يا جماعة اللى يعرف حاجة يقولى اعمل ايه
|
رد: محتاج المساعدة ضرورى
بص انا مش عاوز اعقدك هو فى واحد زملينا جاب واحد واتصادر
بس ابو شمس جاب واحد وعرف يدخله عشان كده هوه اكتر واحد هيفيدك بعون الله |
رد: محتاج المساعدة ضرورى
الله يطمنك يارب اقدر اجيبو وعلى فكرة الموظف بتاع الجمارك قلى كمان احنا ممكن نبعتهولك تانى بلده من غير متتكلف اى مصاريف اعادة شحن ولا حاجة بس تكتب طلب وتبعتو فاكس
|
رد: محتاج المساعدة ضرورى
ياباشا تبعته تانى ايه بس
انا لو منك استئتلوهوم على امه ده ماجبش ربع تمنه هنا اتشقلبلهوم اعمل اى حاجه بس حاول تخلصه وحاول متخلهوش يروح الامن العام عشان تعرف تخده او شوف حد فى الامن العام قبل ما ترحه يكون معرفه ليك يعنى وكده ونصيحه منى ابحث عن ابو شمس وحاول توصله وهوه هيفيدك جدا بالتوفيق يارب وابقى طمنى |
رد: محتاج المساعدة ضرورى
الله يطمنك هو موظف الجمارك قالى انهم ممكن كمان يرجعو تانى بلده بدون اى مصاريف شحن او تكلفة عليا بس اكتب طلب وابعتو فاكس بس بينى وبينك انا هموت واعديه من الجمارك او اجيبلو الموافقة من الامن العام وانشاء الله مش هسيب الموضوع ده وراه وراه
وياريت ابو شمس يرد ويفيدنا الموضوع ده ولو فى دفع فلوس من تحت لتحت مفيش اى مشكلة |
رد: محتاج المساعدة ضرورى
ياباشا الاستاذ احمد ابو شمس من اكتر الشخصيات المحترمه والكويسه جدا وخدوم بجد
وهوه هيفيدك فى حاجه وحده بس انه هيقولك تجربته وهوه عمل ايه معاهوم وهوه لو شافالموضوع مش هيتأخر عليك بس ممكن يكون مشغول حاول تدور عليه او تجيب نمرته ولو فى ايده اى نصيحه او هيعرف يخدمك مش هيتأخر ابدا |
رد: محتاج المساعدة ضرورى
اوعا توصل الموضوع عند الامن العام والامش هتشوف الاسكوب دور علي رقم ابو شمس وربنا يوفق باذن الله
|
رد: محتاج المساعدة ضرورى
هيما متشكر على ردك واهتمامك انا مكنتش هروح طبعا الامن العام بنفسى انا كنت هبعت ابن عمى مقدم فمديرية امن القاهرة بس مش عارف الموضوع ممكن يعدى ودى ولا جدول يبقى جدول
|
رد: محتاج المساعدة ضرورى
ياعم بدل ليك واحد قريبك ظابط يبقى هيعدى من الجمارك بدل هوه اللى هيروح
وعلى فكره هوه مش ممنوع عشان هوه لبنادق الرش بس صباح التناحه بتاعتهوم والطمع فى الحاجه وبأذن الله تعرف تجيبو وتطمنى وتفرحنا بأذن الله |
رد: محتاج المساعدة ضرورى
اقتباس:
|
رد: محتاج المساعدة ضرورى
ربنا يسهل بس انت عارف موظف الجمارك عملى فيها معرفش ايه وقلى رش مش رش لازم موافقة الامن العام ودى سهل روح انت بس وهما هيوافقولك عليها فأنا خايف تبقى فيها احراجات لابن عمى لو راح الجمارك ع طول عموما انا ليا صحبى الانتيم ملازم اول جيش هبعتو بكرة يرخم على بتوع الجمارك هخليه يجيب اخرهم يمكن يقدر يجيبو منهم
ولو مقدرش يجيبو انا اعندى 6 اصحابى كمان ظباط جيش والله العظيم لكل يوم ابعتلهم واحد منهم لحد مكرهم فى عيشتهم واخليهم يعدوه عشان بجد حاجة تغيظ لما مكتوب فالكتالوج بتاعو للبنادق الرش هما بقى بيرخمو ليه |
رد: محتاج المساعدة ضرورى
1 مرفق
اقتباس:
مفيش احرااااااااااج مع العالم بتوعو الجمرك دول عشااااان دول اصلا عالم مش محترمة وعالم جهلة وهو بيقولك اعمل فاكس ومش عارف اية وهيرجع وطب والفلوس الي ادفعة فية انت لقيهم ولا اصلا هيرجعو انا خليك بجح مع العالم دول لانهم لو شافوك جنية هيا كلوك انا في واحد صاحبي في السعودية بعتلي طابعة اللوان انك جيت هدية بس حاجة محترمة اااوووووي وبعتها توصيل من الباب الي الباب المفرررروض هما كانو يبعتولي اخطار انها جات وعايزة موافقة واجرات لا سابوها عندهم لمدة شهر ونص وشغالة تعد في ارضيات ووجمرك وخلافة لدرجة ان صاحبي نزل من السعودية وجاااي يبارك ليا علي المكتب فاكر بقاء انو هيشفها قدامو في المكتب افتكر اني استلمتها وبعتها قعد راح مفهمني الموضوع وراح بعتلي صورة البوليصة بتاعت الشحن بتعتها علي الايميل راحت استلمها من جمرك المطار دفعة حوالي 600 جنية تخليص جمركي وتصريح وجمرك ومصاريف ارضيئة وملف استيرادي وبعد ما اختها ووصلت البيت لاقيت الحبارات بتاعتها راكبة والكبل الكهرباء بتاع الاستخدام في مصر مفكوك الخلاصة انها كانت عجبة حد هناااااااااااااك وكان عايز ينام عليها لان بعد فترة معيئة بتخش في حاجة اسمها مصادرات الجمارك وممكن الي كانت عجباة يخدها وباقل من 100 جنية لو حب كمااان مرفق صورة الطابعة |
رد: محتاج المساعدة ضرورى
السلام عليكم علي حضرتك و اهل الصعيد كلهم و اصدقاءنا و حبايبنا اهل المنتدي الكرام انا الحمد لله ربنا كرمني و قدرت اني ادخل اسكوبات بنادق رش عددهم اربعة و لكن بصفة رسمية بدون اي فلوس من تحت و لا رشوة و لا اي وسطة ده كان كرم من ربنا سبحانه و تعالي و انا دلوقتي لي اتنين محجوزين بحاول اخرجهم و لكن بدون جدوي و كان في اخ محترم جاب اسكوب باسم ابن خالته ظابط و لم يستطيع اخراجه مع انه ظابط و لكن نصيحتي لحضرتك انك تحاول لعل و عسي و ربنا يسهلها ان شاء الله و لكن لا تحاول موضوع الفلوس اللي من تحت لتحت حتي لا تضع نفسك في مسئولية قانونية عرفت تخلصه بالمحايلة و الطبطبه كان بها ما كانش هتاخد جواب الامن العام و تروح لعل و عسي و المرحلة التالته ان الامن العام هايطلب عرضه علي المرصد و ده هايكلفك 300 ج و لعل و عسي و لكن في النهاية لا توجد اي مسئولية جنائية علي حضرتك لا تخف و ادخل في الموضوع بقلب جامد و ان شاء الله خير مرة تانية سلامي لكل اهل الصعيد اهلي و حبايبي |
رد: محتاج المساعدة ضرورى
متشكر يا ابوشمس على المعلومات دى وياريت رقم تليفونك عايز اتكلم معاك شوية
|
رد: محتاج المساعدة ضرورى
اقتباس:
بس ليا سوال ليك ممكن انك تبعتهم علي السعودية مثلا او الامارات بدل من الرجوع الي المصدر مرة اخري |
رد: محتاج المساعدة ضرورى
اقتباس:
في واحد حبيبنا عمل كده فعلا قبل العيد بعته السعودية كلفه 77 ج و وصل فعلا الي قريبه هناك |
رد: محتاج المساعدة ضرورى
هى السعودية مش ممنوع فيها ولا ايه النظام؟
|
رد: محتاج المساعدة ضرورى
اقتباس:
http://www.aliexpress.com/product-fm...olesalers.html |
رد: محتاج المساعدة ضرورى
انا عايز اعرف دلوقتى هو اللى بيبقى جاى من الامارات او السعودية سهل انه يعدى بتليسكوب ولا لازم يخبيه جوة حاجة ولا ايه النظام
|
رد: محتاج المساعدة ضرورى
لازم يخبيه وحركات وكده
|
| الساعة الآن 12:57 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir