|
عيارات بندقية الرش
يا تري يا جماعه فيه في مصر بنادق عيارها اكبر من 2 يعني 3 و 4 والا اقصي حاجه 2 ويا تري لو فيه يبقي نوعهم ايه ومتوسط اسعارهم ايه وفين
|
رد: عيارات بندقية الرش
بصراحه انا معرفش
بس ان شاء الله هتلاقي حد يفيدك يكون خبره اكتر مني |
رد: عيارات بندقية الرش
السلام عليكم ... فيه بنادق نمره 3 بس للاسف نوع واحد لشركه واحده فقط ... نوريكا مارفيك جولد سرعتها 185 م/ث ... بس السرعه دى مش حلوه اوى فى نمره 3 ... وعندك الريال ترى من جامو الاسبانيه ودى بندقيه قليله ان مكنتش نادره ... وفيه طبعا الحاجات اللى بنتمنى تكون فى مصر من النمره 3 زى الويبلى باترويت بسرعة 250 م/ث (مدفع )ودى فى انجلترا بترخيص زى النارى لانها قاتله ... او جامو هانتر اكستريم ودى بسرعة1000 قدم /ث (يعنى 305م/ث) ... ولو هنتكلم عن العيارات التقيله فى العالم هنلاقى عيارات لحد 50 ... زى بنادق السوماترا والسام يانج ... النوع الاول يابانى والنوع التانى كورى بس دى بنادق سرعتها خرافيه وكمان سعرها ... يعنى البندقيه بتعدى 500 دولار او يورو ... وده عالميا سعر غالى ... وباللغه بتاعة المصريين بنادق المصنعيه فيها كتير ومكلفه مجهود وموادخام وفلوس ... ياريت اكون عرفت افيدك ... تحياتى .
|
رد: عيارات بندقية الرش
شكرا جزيلا اخي روك علي المعلومات الرائعه ...ويا تري القي النوريكا مارفيك جولد عند مين واخر مره كان سعرها كام .......وشكرا مره تانيه علي اهتمامك
|
رد: عيارات بندقية الرش
أنا شوفت نمرة 3 عند عازر .. ممكن تسأل عليها هيا في حدود 6000 علي ما أتذكر
|
رد: عيارات بندقية الرش
بسم الله سهولة واقناع ومعلومة تخلى السائل يحب الهواية منور ياهندسة
|
| الساعة الآن 07:19 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir