|
تقيم الbsa airsporter mk7
أرجو لمن عندة معلومات أو تعامل مع هذة البندقية أن يقيمها بحيادية حيث هذة البندقية تضاربت الأقاويل عليها مما أثر على سمعتها من حيث أن الجزة بتسرب هوا أو لوباظت متصلحش أو إن سرعتها لا تصل إلى الهاى بور
وفى عروض كثيرة فى المنتدى لبيعها وسعرها متأرجح جدا وقد يكون كل هذا ليس لة أساس من الصحة |
رد: تقيم الbsa airsporter mk7
البندقية ممتازة في خامتها وتقفيلها وقوية هاي باور( سرعتها في عيار 5,5 نمرة 2 230 م/ث )وللأسف نيشاناتها العادية غير دقيقة...ودائما أفضل إستعمالها بتيليسكوب لا يقل قطر عدسته عن 32 ملم وقوة تكبير أو تقريب الزوم 3-9 في هذه الحالة تكون 10/10...ونصيحتي في حالة ضعفها لا تفك الجزرة أو تحاول تغيير ظبطها إبعد عنها خالص لا يوجد لها قطع غير وصعب تخرط زيها...إكشف على الجلبة الداخلية لو محتاجة تغيير أو الجلبة الخارجية في بيت الرش ( الأو رانج ) أو شوف السوستة ممكن تكون ضعفت...وكما قلت سابقا إستبعد تماما فك أو اللعب في الجزرة صعب ونادر تلفها أو عطلها وكذلك غير موجودة كقطع غيار...البندقية في الإجمال قوية وشكلها جميل وشيك وخامتها وتقفيلها ممتاز...أرجو أن أكون قد أفدتك ولو قليلا...وأرجو مشاركة كل من يمتلكها أو إستعملها أن يدلي بدلوه وتجربته الشخصية لتعم الفائدة علينا جميعا عن طريق تبادل الخبرات..
|
رد: تقيم الbsa airsporter mk7
ياريت تفيدنا كمان افضل طرق التعامل مع الكرال بخبرتك ربنا يجعلها فى ميزانك ويجزيك خير عنا
|
رد: تقيم الbsa airsporter mk7
مع احترامى لكلام الجميع عشان تعرف الفرق ما بين كفائة البنادق مش قبل 6 شهور من الاستخدام تبدأ تظهر العيوب من اعوجاج فى الماسورة وضعف السوستة وعدم دقة ودة بيرجع للخامة والتقفيل وحرفية وخبرة الصانع ونوع الماكينات المستخدمة علشان كدة بنقول الديانا مثلا شركة عريقة وفية بندقية ب1000 و بندقية ب 9000 جنية والاتنين بيصطادوا لكن العمر الافتراضى والكفائة مع الاستخدام علشان كده انا مش بقول عقدة الخواجة لا انا بسميها عقلية الخواجة وشكرا
|
رد: تقيم الbsa airsporter mk7
هوا حضرتك منين يافندم من الهرم انتا جارى وياريت تشركونا فى الاجابه على السؤال
|
رد: تقيم الbsa airsporter mk7
الكلام عن الفروق بين البنادق صح بس الفرق مش كبير كده و حضرتك تفضلت و قولت فى بندقيه ب 1000 جنيه وواحده ب 9000 جنيه و الفرق ده فى مصر بس انما لما بتخرج من المصنع الفرق بين احسن واحده و اوحش واحده مش بيكمل الف او الفين جنيه مصرى بالكتير و سعر المصنع هو الى بيعبر عن جودة الخامات و المنتج فالفرق مش كبير اوى كده فى الخامات و فرق السعر الى فى مصر عشان ظروف البلد الى كلها حراميه
|
رد: تقيم الbsa airsporter mk7
كلامك 100% والأخ sadaany مرحبا بك أنا من الهرم أمام جامع السلام
|
رد: تقيم الbsa airsporter mk7
ان شاء الله حد من الاعضاء يفيدك
|
رد: تقيم الbsa airsporter mk7
بندقية تحفة ولا تقدر بثمن كانت معايا و بعتها علشان كنت مسافر و انشاء الله هشترى اختها تانى تقفيل ممتاذ دقة فى الاصابات عيبها الوحيد انك كل فترة بتطر تظبط النيشان تانى لان من كتر الاهزاز بتطر تظبطة كل شوية دة العيب الوحيد من وجه نظرى
|
| الساعة الآن 01:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir