التلسكوبات ممنوعه و لا لا؟
 

يا جماعه أرجوكم فهمونى هو مش احنا اتكلمنا فى الموضوع ده قبل كدا و ادى نص القانون
"... ولا يجوز بأى حال الترخيص فى الأ سلحة المبينة فى القسم الثانى من الجدول رقم 3 وكاتمات أو مخفضات الصوت والتلسكوبات التى تركب على الاسلحة النارية"

و اللى انا اقصده: التلسكوبات التى تركب على الاسلحة النارية معنى كدا ان التلسكوبات التى تركب على الاسلحه الغير ناريه زى بنادق ضغط الهواء مش ممنوعه و ان الحادثتين اللى حصلوا مع الاخوه الافاضل قبل كدا واضح جداً ان واحده فيهم تلفيق تهمه زى ما هو قال والتانيه كانوا اكيد مش فاهمين او تحدى اعمى زى مهو باين من وصف القصه وارجوكم لو فى حد محامى مثلاً او يعرف يجبلنا خبر يقين فى الموضوع ده ميترددش عشان انا اصلاً بنزل اصطاد بديانا 54 بمنظار 3-9*40 و فى المعادى و المقطم و حتت وسط المدينه يعنى و فيها حراسه اصلاً شديده فى بعض الأحيان فلو كدا يعنى ابقى فاهم ان اللى بعمله ده اصلا ممنوع :)
و شكراً لسعه صدركم و على العموم انا هنزل الكلام ده فى موضوع جديد بردو عشان كل الناس تقراه ان شاء الله :)

رد: التلسكوبات ممنوعه و لا لا؟
 

و ده قانون الاسلحه والذخيره بالتفصيل من على المنتدى و شكر خاص لابو الشوق :)
http://www.egypthunt.net/showthread....DE%C7%E4%E6%E4

رد: التلسكوبات ممنوعه و لا لا؟
 

و دول الموضوعين اللى خلونى اسأل السؤال ده مره تانيه
http://www.egypthunt.net/showthread.php?t=1153
http://www.egypthunt.net/showthread.php?t=1765

رد: التلسكوبات ممنوعه و لا لا؟
 

فعلا ياليت يا شباب محامي صياد يقولنا راي القانون اة بالضبط علشان نعرف علشان انا بقابل نفس المشكلة دي وبسافر باعربيتي والبندقية عليها تليسكوب وبصراحة م عارف الذي ممكن اعملة في موقف زى تا خاص ان من الاسهل انك تريح دماغك وتسيب علي الاقل التلسكوب وتطير بس برضو صعب شوية خاصا لو الموضوع اتعقد

رد: التلسكوبات ممنوعه و لا لا؟
 

طب الموضوع ده ملهوش حل ومفيش ترخيص مثلا

رد: التلسكوبات ممنوعه و لا لا؟
 

يا جماعة التلسكوب بجميع انواعة ممنوع ممنوع ممنوع بدليل ان المحلات منعت من بيعة واي محل يتم ضبط تلسكوب بة او يبيعة يتم اغلاق المحل وتحويل صاحبة الي نيابة امن الدولة

رد: التلسكوبات ممنوعه و لا لا؟
 

يا استاذ جلال انا معاك و الله بس ممكن تفسير لنص القانون ده
و بعدين طب هما فعلاً بيشوفونا بنصطاد بيه!!!
يعنى منزلش بيه من البيت و لا اعمل ايه؟
و ممكن يبقوا بيعموا كدا مع اصحاب المحلات دى عشان محدش يشتريه و يركبه على سلاح نارى (و ده اللى انا فاهمه من نص القانون!) :)

رد: التلسكوبات ممنوعه و لا لا؟
 

ممنوع حتى لو لم تستخدمه مجرد حيازته يشكل جريمه مثل حيازة سلاح بدون ترخيص
وما تفرق سواء ركبته على رش او نارى وهو ممنوع حتى للبنادق الرش لانه ممكن يركب على الرصاص
وبيحصل انهم بيتغاضوا عنه لان عقوبته كبيرة وهم يفهمون انه على بنادق رش بغرض الصيد
فلاداعى لخراب بيت شخص علشان بيصطاد فعشان كدة معظم الشرطه بتتغاضى وتطنش

رد: التلسكوبات ممنوعه و لا لا؟
 

يعنى حضراتكم شايفيين انى منزلش بيه من البيت؟ :)

رد: التلسكوبات ممنوعه و لا لا؟
 

لا يفتي وصلاح باشا في المنتدي ارجو من الجميع النظر الي هذا الرد كمرجع نهائي للموضوع دة