|
عملية الصيد الثمين
تدرس هذه العملية فى كبرى معاهد ونوادى الصيد العالمية الزمان أول أيام عيد الأضحى المبارك المكان إحدى قرى محافظة الغربية (بلدى) الساعة السادسة صباحاً حيث الندى ينزل على الزرع وتنتشر طيور أبو قردان فى الأرض المحروثة تنقيها من الدود وتتغذى عليه قررت أن تكون أول طلعة صيد لى فى حياتى قمت أنا وإبن عمتى جهزنا القناصتين http://www12.0zz0.com/2011/11/16/17/942833746.jpg ثم الرش الخارق المسمى مارسمان http://www12.0zz0.com/2011/11/16/18/821140658.jpg نظرنا إلى منظر الأرض الزراعية من فرندة البيت الريفى http://www12.0zz0.com/2011/11/16/18/358824408.jpg http://www12.0zz0.com/2011/11/16/18/693969344.jpg نزلنا إلى الأرض الزراعية نلهس وراء اليمام http://www12.0zz0.com/2011/11/16/18/971357214.jpg http://www12.0zz0.com/2011/11/16/18/804367956.jpg أين أنت يا يمام أبى سوف يذبح العجل غداً ثانى يوم العيد لإنشغال الجزار ونريد أن نتذوق لحم اليمام فى أول يوم العيد بديلاً عن اللحم البلدى أنها بالطبع ستكون الوليمة الكبيرة سوف أعد جثث اليمام المنطرحة على الأرض هل سنصل إلى ثلاثون زوجاً من اليمام حتى تشبع الأسرة منه لا ثلاثون زوجاً قليلاً نريد ستون زوجاً من اليمام وصلنا إلى نهاية الأرض حتى الطريق المسفلت اليمام يقف فى أعلى الأشجار http://www12.0zz0.com/2011/11/16/18/580623234.jpg تصويبة ثانية ثالثة عاشرة إحدى وخمسون اليمام يهرب والقناصات نيشانها غير مظبوط والرش المارسمان يدخل بصعوبة فى ماسورة البنادق ونضطر إلى إدخاله بمسمار فى فتحة الماسورة كنا لم نفطر بعد وأحسسنا بالجوع والإرهاق ورجعنا إلى البيت وفى ثانى يوم للعيد قررنا المواصلة عند عمتى التى سوف نذبح عندها العجل حيث مزارع البرتقال التى تنتشر بها أعشاش اليمام وبعد إعياء ومحاولات دؤبة فى الصيد حيث كان اليمام فى هذه المناطق حذر إلى الدرجة الذى كان يبادر بالطيران عندما نقترب منه من مسافة 30 متر من الله على من فضله بهذا الصيد الثمين من مسافة مترين http://www12.0zz0.com/2011/11/16/18/530925773.jpg سقطت جثة هامدة بلا حراك ولم تؤثر الرشة المارسمان على المرحومة بنقطة دم واحدة فأضررت إلى إطعامها لأحد الكلاب هذه قصة أول طلعة صيد لى أحببت أن أكتبها لكم بطريقة درامية قصصية مع تحياتى محمد أبو عمر |
رد: عملية الصيد الثمين
يا سلام يا سلام على الرواية والسرد الجميل _يعنى حضرتك ضحيت بعصفورة؟؟_هههههه تقبل اللة _البندقية لو رمسيس وضعيفة استخدم رش خفيف معاها اما بالنسبة لليمام وشجر البرتقال افضل وقت تصتادة فية قبل المغرب بساعة كدا وهو جاى يبيت البد تحت شجرة بهدوء وراقبة وهو نازل واتوكل على الله بس محتاجة هدوووووء شديد
|
رد: عملية الصيد الثمين
اسلوبك رائع في الكتابه وقصه حزينه لدرجه انى كنت هعيط :)
ان شاء الله المرة الجاية ربنا يكرمك برزق وتتعلم اكتر واكتر |
رد: عملية الصيد الثمين
بالتوفيق للافضل باذن الله بس اظبط النشان بتاعك وكله هيبقي تمام
|
رد: عملية الصيد الثمين
يا عم ان قاعد اجرى على الصور عشان اشوف النتيجة .......... صدمتنى باذن الله المرة الجاية تكون احسن تقبل تحياتى
|
رد: عملية الصيد الثمين
الله ينور عليك هو ده الصيد والا بلا
بس سيبك انت القصه احلبى من الصيد وربنا يوفقك المره القادمه |
رد: عملية الصيد الثمين
انا مش هرد على موضوعك
انا بس هسألك سؤال واحد................... انت منين في الغربيه |
رد: عملية الصيد الثمين
موضوع اكتر من ممتاز
والطلعه الجايه بأذن الله ترجع ب100 فرد يمام وبجد قصه تتعمل فيلم |
رد: عملية الصيد الثمين
ياسبحان الله لا عبره صحيح
|
رد: عملية الصيد الثمين
ههههههههههههههههههه بصراحه انت بتحكى الاحداث بطريقه روعه
|
رد: عملية الصيد الثمين
انته تنفع مالف افلام بجد حاول تعمل كده اما بالنسبه للموضوع
ممكن يتعمل فيلم ونسميه (اليمام والصياد الحزين) |
رد: عملية الصيد الثمين
اتحفتنا بموضوعك الجميل فلا تحرمنا من مواضيعك الشيقه الرائعه وجزاك الله خير ( بصراحه افضل موضوع اقرائه فى منتدى صيد الاعضاء ويستحق ان ياخد افضل موضوع فى الشهر )
|
رد: عملية الصيد الثمين
واحلى تقييم :)
|
رد: عملية الصيد الثمين
طريقة السرد ممتازة و رايقة و المرة الجاية متلاقيش حلل تكفي تسوية اليمام ان شاء الله
|
رد: عملية الصيد الثمين
انت اكيد مقتبسه من اول طلعه ليا وكانت ثمينه برضو
انا مرجعتش منه بعصفوره حتي واكتشفت في الاخر ان النشان مش مظبوط يعني لو كنت نشنت بيها علي فرد حمام كان هيقع غراب من الشجره اللي جنبيها . بس شكرا علي الصور وجو الاكشن الجامد دا . |
رد: عملية الصيد الثمين
اقتباس:
|
رد: عملية الصيد الثمين
ثم مات البطل والبطله ومات الممثلون جميعا وعندما عرض الامر علي اعضاء منتدي الصيد في مصر مات الاعضاء جميعا هههههههههههههههههه قصه جميله انا بس حبيت احط التاتش بتاعي هههههههههههههه مع تحيات حزلقوم
|
رد: عملية الصيد الثمين
ان شاء الله اللي جاي احسن
|
رد: عملية الصيد الثمين
بكرة ان شاااااء الله تعوضها
|
رد: عملية الصيد الثمين
الله ينور يا باشا انت سيبك من الصيد والقنص والكلام دة واشتغل سينارست هتنجح جدا وتقبل تحياتى
|
| الساعة الآن 10:15 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir