|
رد اعتبار للاستاذ احمد(ابو شمس)
لسلام عليكم ورحمه الله وبركاتة
بعد التحيه على جميع الاعضاء الاعزاء انا حبيت احكى لكم على موقف حصل بينى وبين الاستاذ احمد (ابو شمس) وكان لازم اعمل الموضوع ده للرد على بعض ضعاف النفوس اللى شككوا فى صدق هذا لبرجل وانا هقولكم على اللى حصل بالتفصيل وانتوا بنفسكم تحكموا اللى حصل ان الاستاذ احمد كان عمل موضوع لمساعدة الاشخاص فى شراء اشياء من النت بعموله 50 جنيه فقط نظير الخدمه وطبعا جاب لاعضاء كتير اشياء واغراض كتير وانا بصراحة ما كنتش اعرفه ده مجرد موضوع وقريته المهم اتصلت بيه وقولتله انا محتاج ليزر لظبط النيشان + حامل للمنظار وقولتله ححولك الفلوس ان شاء الله لما انزل اجازة بعد يومين فكلمنى وقاللى انه هيبعت يجيب الحاجات بعد يوم واحد فقط فقولتله خلاص يبقى المرة الجايه لما تبعت هبقى احولك الفلوس فقاللى لا ابعتلى تفاصيلك عنوانك ورقم موبيلك ....... ولما تنزل اجازة ابقى حوللى الفلوس طبعا انا استغربت ازاى هو ميعرفنيش وهيبعت يشتريلى الحاجة ويبعتهالى طيب انا مثلا ممكن ما ابعتلوش الفلوس والحاجة هتجيلى برده لانه هيكون حولها وطبعا رفضت وقولتله لا فقاللى يا سيدى حتى لو انت مش حولتلى الفلوس انا مسامح وهستعوض ربنا فيهم المهم شكرته جدا وبعت ليه البيانات الشخصيه وبع يومين ربنا اعاننى وحولت له الفلوس والحمد لله وقاللى الحاجات هتوصل بعد 21 يوم تقريبا وهتصل بيك لما توصل على البريد علشان تكون عارف هتجيبهم امتى فشكرته وخلصت المكالمه وفعلا بعد المدة اللى قاللى عليها اتصل وقاللى الحاجات وصلت عندك فى مكتب البريد وبصراحة انا ما انتظرتش لما الحاجات تجيلى على البيت وروحت علشان استلمهم وكانت المفاجاة ان الليزر بس هو اللى وصل اتصلت بالاستاذ احمد فقاللى انه جابلى الليزر والحامل واستغرب جدا وقاللى انا هتصرف وبعدها بشويه اتصل بيها وقاللى انه اتصل على هيئه البريد وقالوا ان لازم صاحب الاشياء هو اللى يسال فانا قولتله لا مش هروح رمسيس علشان حامل المنظار وربنا يعوض عليا وخلاص فقاللى خلاص انا هبعتلك قيمه الحامل ده فانا برده رفضت لانى الحمد لله ما بقبلش العوض فقعد يحلف وانا احلف المهم فوجئت بيه بعد فتره بيتصل بيا ويقولى انه بعت واشترى حامل المنظار على حسابه وهما هيوصلوا بعد اسبوع ولازم اروح استلمه فانا بصراح ما قدرتش اقول حاجة لانه فعلا كان وصل البريد وروحت استلمته فعلا. فى النهايه احب اشكر الاستاذ احمد وبكرر ان الراجل ده محترم جدا واخلاقة عاليه وفعلا هى دى اخلاق الصيادين وبقول لاى حد حاول يشوه صورته اتقى الله(وما يلفظ من قول الا لديه رقيب عتيد) صدق الله العظيم والله يا جماعة هو ده اللى حصل بالظبط بس انا حبيت اريح ضميرى والله ولى التوفيق ................ |
Re: رد اعتبار للاستاذ احمد(ابو شمس)
فعلا راجل قمة الزوق والاحترام
|
رد: رد اعتبار للاستاذ احمد(ابو شمس)
انه رجل و الرجال قليلون
|
رد: رد اعتبار للاستاذ احمد(ابو شمس)
شاكر لك استاذ محمد و لكل العضاء المحترمين بس احنا اخوات و ما فيش شكر بين الاخوات |
Re: رد اعتبار للاستاذ احمد(ابو شمس)
ربنا يديم علينا روح الاخوة والترابط
|
رد: رد اعتبار للاستاذ احمد(ابو شمس)
بسم الله (كلك رجولة اخى ابو شمس)
|
رد: رد اعتبار للاستاذ احمد(ابو شمس)
وانا بردو احب اشكر ابو الشمس وهو عارف ليه
كفاية انه بيعرض المساعد بمنتهى الرجولة بدون اى تردد وربنا يارب يباركله ويحبب فيه خلقة وشكرا لصاحب الموضوع وجزاه الله خيرا |
رد: رد اعتبار للاستاذ احمد(ابو شمس)
وهو دا ابو شمس عنوان للرجوله والشهامه والجدعنه
الف شكر يا ابو شمس على كل اللى انتا بتعمله |
رد: رد اعتبار للاستاذ احمد(ابو شمس)
اقتباس:
ربنا يخليك لينا يا حاج / عرفه |
رد: رد اعتبار للاستاذ احمد(ابو شمس)
اقتباس:
اقتباس:
اقتباس:
و الله مش عندي كلام اشكركم به و لكن اتمني من الله ان يديم علي فضله و حب الناس و اشكرك كل واحد باسمه و احنا اخوات |
رد: رد اعتبار للاستاذ احمد(ابو شمس)
معرفة الرجاااال كنوووووز
|
رد: رد اعتبار للاستاذ احمد(ابو شمس)
ربنا يديم المعروف والمحبه بين الاعضاء يا رب
|
رد: رد اعتبار للاستاذ احمد(ابو شمس)
احمد راجل محترم واكثر واخلاق وذوق
|
| الساعة الآن 09:34 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir