الصيد فى مصر - خطوات عملية لطلاء مسدسات الصوت .

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - خطوات عملية لطلاء مسدسات الصوت . (http://www.egyhunt.net/showthread.php?t=18496)

خطوات عملية لطلاء مسدسات الصوت .

السلام عليكم
اخواني الافاضل طبعا دي مشكله كلنا بنعاني منها معاناه شديده جدا وهيا لون المسدس الصوت بيبتدي يروح بعد فترة بسبب الاحتكاك وبسبب ان الطلاء اللي عليه بيروح
لما بدات افكر بطريقة عملية
اول حاجة عملتها بعد ما اتخنقت من التقشير اني شلت اللون خالص
وطبعا بقا لون المسدس كويس مش وحش بس للاسف مش عاجبني خالص لاني جايبة اسود وكان في فضي وانا مش عايز فضي انا عايزة اسود
بس لما ركزت . لقيت البودي بتاع المسدس مدهون لون مطفي . غير لون الأجزاء اللي مدهونة بنفس اللون وفي نفس الوقت واخدة طبقة دوكو لامع معرفش ليه . اعتقد عشان الاجزاء دي لكثرة الحركة بتتعرض كتير للقشر فزودوا الطبقة دي بطبقة دوكو
ايا كان .. دخلت منتدي اسمه ملتقي المهندسين العرب ودخلت علي مهندسين الكيميا وقعدت اسأل هنا وهنا ومفيش فايده محدش رد عليا ليه مش عارف
رحت مطلع الكتب بتاعتي بتاعت اولي كهربا عشان اراجع طلاء المعادن بالتحليل الكهربي .. وبالاخص مادة تكنولوجيا الانتاج والتصنيع
وطبعا لقيتها
ولقيت اننا محتاجين اربع حاجات
اولا: عينة من المعدن اللي احنا هنطلي بيه
تانيا : المعدن اللي احنا هنطلي بيه
تالتا : محلول
رابعا : مصدر تيار كهربي dc
طيب عينة من المعدن واقدر اجيبها
مصدر تيار دي لعبتي
لكن انا مش عارف بقا المحلول ده ايه .. ومكانش في تفصيل في الموضوع ده الا في النحاس بس قالي انك عشان تطلي بالنحاس محتاج اكسيد النحاس او كبريتات نحاس

كل ده وانا ناسي تماما ان امي دكتورة في الكيميا هههههههههههههه
بعد ما فكرت قلت ايه الهبل ده ما انا اسال امي
رحت سألتها اول سؤال قلتلها هوا ايه المعدن اللي لونه اسود مطفي ؟؟ ردت عليا بسرعة قالتلي الرصاص .. قلتلها الرصاص لونه اسود ؟ قالتلي اه . قلتلها مش لونه رصاصي ؟ قالتلي رصاصي مين يا جاهل يا ساقط ثانوية عامة .. رحت ساكت علي طول قلتلها طيب هوا لونه يعني اسود اسود ولا اسود لامع ولا ايه ؟ قالتلي لا اسود اسود ولما بيتأكسد كمان بيبقا لونه طين . قلتلها طيب والمحلول ؟ قالتلي المحلول احد مركبات الرصاص .. اي مركب تلاقية هينفع . قلتلها طيب متعرفيش قيمة الفولت اللي هتتحط علي الاقطاب ؟ قالتلي لا ده بيكون فولت قليل قوي وبطيئ وكل ما كان ابطأ كل ما كان احسن وبيدي فرصة ان المعدن يترسب وبثبت أكتر وطبعا بياخد وقت اكبر
قلتلها زي الفل دلوقتي بقا انا عايز اطلي الانتيمونيا بالرصاص ده وراحت قايلالي الطريقة كالتالي :
اولا لازم المعدن ينضف المعدن كويس جدا
تانيا لازم يكون المحلول جديد مش مستخدم قبل كده
تالتا لازم الفولت يكون قليل
رابعا لازم ياخد وقته كويس جدا ويتحط في الشمس بعدها عشان ينشف كويس قوي

دلوقتي بقا انا قررت ابتدي عمليا في الموضوع ده . بعد ما تأكدت ان بالقياس عن طريق الأوم ميتر ان الانتومنيا قدرتها عالية جدا علي توصيل الكهرباء . انا بقا دلوقتي عايز اقتراحاتكم قبل ما ابتدي شغل عملي عشان انا هعمل الموضوع ده يعني هعمله . مش هقعد اسأل كتير ومحدش يرد عليا . انا هبحث عن الحل بنفسي ان شاء الله وهلاقية
ايه مقترحاتكم لاكثر طريقة فعالة لتنضيف المعدن ؟
وايه اقتراحاتكم لاحسن محلول من مشتقات الرصاص ؟
وايه اقتراحاتكم بصفة عامة علي الموضوع ؟
يسعدني اقتراحاتكم ودي صورة للمسدس بعد ما شلت الطبقة من علية