|
بدون عنوان
السلام عليكم ورحمة الله وبركاته
النهاردة وانا رايح الكلية..مأخدتش معايا غير شنطتي الكروس الصغيرة اللي عليها علم النادي الأهلي مأخذتش كتب و? اي حاجة تاني.....ولبست جاكيت تقيل تفتكرو ليه عملت كل دة طبعا عشان اطير عالتحرير بعد الكلية اشوف ايه الاوضاع هناك واحد هيتسائل طب ما كنت تشوف في التلفيزيون وتقعد وتشرب الشاي وتريح دماغك وتقعد زي الباشا ردي عليك هيكون في السطور القليلة القادمة انا ركبت ميكروباص ورحت عالتحرير من خلال شارع قصر العيني طبعا اول حاجة ?حظتها الميدان مقفول بالطبع زحمة كتير جدا جوا الميدان نزلت ودخلت لغاية ما رحت عند ناصية شارع محمد محمود بالتحديد لقيت زحمة جدا عند الناصية وناس بتصور بالموبايل،.......مفهمتش في ايه سألت واحد في ايه جوا....قالي ادخل وانتا تشوف....... دخلت لقيت ناس على كذا حال.....اللي واقف على سور الجامعة الأمريكية بيتفرج ويصور.......وشوية موتوسيكلات بتروح وتيجي مفهمتش دي بتاعة ايه و? بيعملو ايه لكن بعدها فهمت وسأشرح ?حقا ولقيت ناس راجعة من جوا وشايلة ناس على كتفها مغمى عليها وناس تانية ماسكة راسها متعورة جامد وناس كتير جدعان واقفين ب ازازات خل وبيبسي وكو? عشان يغسلو للناس وشهم انا دخلت جوا زيادة لقيت فجأة عربية امن مركزي طلعت من شارع جانبي وقاعد فوقيها واحد ماسك حاجة زي رشاش مدفع او بندقية كبيرة.......انا مستوعبتش الموقف لقيتو موجهو عليا والناس كلها جريت من حواليا .......حسيت الزمن وقف قلت خلاص انا ميت ميت راح ضرب لقيت حاجة كبيرة طالعة وجت ف كتفي وانا بلف وبجري عرفت انها قنبلة غاز مسكتها ورميتها عليه بعد ماسديت مناخيري وجريت وببص لقيت ناس من البلكونات بيحدفو ازايز بيبسي عليه وعلى عساكر الأمن المركزي راح ضرب عليهم قنابل وهما في البلكونات!!!!!!!!!!!!!!!!! جريت انا ورجعت مع الناس لقيت واحد ماسك ازازتين مولوتوف وواقف بقولو مستني ايه قال مستني الموتوسيكل ياخدني.........اتاريهم بيركبو الموتوسيكلات ويروحو يحدفو المولوتوف على الأمن المركزي ويرجعو جري طبعا انا راجع من جوا لغاية نص الشارع مش قادر عنيا بتدمع كتير جدا ولغاية دلوقتي بتدمع(لسة خارج من التحرير من 5 دقايق وانا في المترو بكتب المقال دة) ومناخيري بترشح جامد لقيت الناس اللي معاهم خل وبيبسي بيلحقوني وبيغسلولي وشي ولاد وبنات والبنات اكتر لان الولاد بيتقدمو خلاصة القول........في ثورة تانية.......دي مش طريقة ردع انا كنت بموت جوا من الاختناق ما بالكو بالشيوخ والعواجيز......الناس بتموت فعلا جوا انا نزلت ?ن متأكد ان الحقيقة غير التليفزيون عشان كدة نزلت اشوف انا كنت داخل مسالم لكن اللي خلاني ارمي القنبلة عليهم انو استقصدني وضربها فيا!!!!!!!!!!!!!!!!!!!!!!!!!! طب ما كان يضربها في الجو زي ما بيضربها وبعدين تنزل في اي مكان طالما المجلس هيستمر في ردع الناس بالطريقة دي في ثورة تانية هتحصل وخدوها مني كلمة.....الناس دي مش هتروح بيوتها اسف على الأطالة محمد مجدي....... |
رد: بدون عنوان
معلش انا يمكن فهمى تقيل شويه
هم دلوقتى سايبين الميدان للثوار يعملو الى هم عايزينه وواقفين بعيد قبل وزارة الداخليه الى من حقهم وواجبهم يحموها... ايه الى بيوديكو عندهم؟؟؟؟؟؟ متعدوا فى الميدان براحتكو و سيبوهوم يحمو وزارتهم |
رد: بدون عنوان
معرفش حاجة انا رحت اتفرج وبس
|
رد: بدون عنوان
الى بيحصل ده مش صح و حد ليه مصلحه انه يبهدل الدنيا قبل الانتخابات عشان يبوظها.... مالانتخابات كمان كام يوم و ان شاء الله بعدها الرياسه و كل حاجه ترجع كويسه... انا مش فاهم المحتجين دول عايزين ايه غير مطامع شخصيه
|
رد: بدون عنوان
طبعا مطامع شخصية...........هوا اشمعنا جايين قبل الأنتحابات بيومين ويقولو يسقط المجلس العسكري
انا اراهن ان كل دول مدفوعلهم فلوس كمان الا شوية منهم |
رد: بدون عنوان
حبيبي قلبى بلو سى انتخابات الرئاسة فى 2013
و ثانياً المجلس العسكرى ده عايز يبوظ البلد و انا عايز اروح التحرير بس طبعاً اهلى مش موافقين علشان انا ثانوية عامة بس ملعون التعليم الميدان اهم |
رد: بدون عنوان
الإنتخابات في 2013؟!!!!!!!!!!!!!!!!
|
رد: بدون عنوان
مين قال الرياسه هتبقى فى 2013..... المجلس بيقول ان قبل اخر 2012 هيكون مسلم الحكم.... خلى بس مجلس الشعب يخلص و يشدوا حيلهم و يعملو الرياسه و نخلص احنا كمان من الهم ده... الواحد مش عارف يسيب ولاده يروحو المدرسه ولا لا من القلق
|
رد: بدون عنوان
لو حضرتك فاكر الرساله رقم 28 للمجلس ما كانت برضه كلام بيقولوه
http://www.facebook.com/photo.php?fb...&type=1&ref=nf |
رد: بدون عنوان
موضوع كويس
وكل اللي اقدر اقولهولك ربنا يتولانا برحمته |
رد: بدون عنوان
انت متحفز عشان اترمى عليك حاجه يعنى طيب ايه اللى وداك من الاساس ودخلك جوه طالما انت رايح تتفرج كنت فضلت بعيد لا قدر الله وبعد الشر عنك لو الهباه ده وقعت على راسك بدل كتفك كان تاثيرها عليك
ياريت اللى يشارك في الاعتصامات يكون بهدف مش مجرد عتصام ومظاهرات وخلاص قول الحمد لله وربنا يسترها عليك وعلينا ويصلح حال البلد يا رب |
رد: بدون عنوان
حضرتك شوف البيان الى الاحزلي المت****ة مضية عليه
|
| الساعة الآن 06:23 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir