الصيد فى مصر - عاوز تعمل عجينه للصيد خش وشوف

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - عاوز تعمل عجينه للصيد خش وشوف (http://www.egyhunt.net/showthread.php?t=1874)

عاوز تعمل عجينه للصيد خش وشوف

اولا عجينة العيش
ودي بتكون عبارة عن لبابة العيش الفينو( الجزء الداخلى من الرغيف الفينو ) ومعجونة بماء فقط كل ما تحس انها ناشفة اديها مية لغاية ماتبقة عجينة لينة ومتماسكة . بس ولما تخلص حط نقطتين زيت وبس , واعجنها تاني , وبكده تكون جاهزة .
الطريقة دي بنسميها العجينة البارده لانها مش بنستخدم النار فيها , وكمان العجينة دي مش بتنفع لكل الاسماك يعني ممكن تنفع للبطاطا والشراغيش والموزة لكن لا تنفع لاصطياد سمك البورى .

http://catchfish.afkar2u.com/wp-cont...9/07/c0002.PNG
ثانيا عجينة الدقيق
وهى نوعين :-
الاول : عجينة ناشفة
وبتكون عبارة عن كوب دقيق تحطة في طاسة وتقلبه على نار هادية لغاية لما الدقيق لونة يتغير بيبقى كريم كده بس خلي بالك متخليش الدقيق يتحرق منك
بعد كده ضيف المية مرة واحده وقلب لغاية ما تنشف وتلاقيها كتلة واحده ولو حسيت انها ناشفة زود مية بس شوية صغيرين .
فيه بعض الصيادين بيحطوا مية بسكر وبيسموها عجينة بسكر ودي بتنفع كتير مع البوري
الثانية :عجينة سايحة
وطريقتها نفس الطريقة اللي فاتت بس بتزد المية شوية , ومتسيبهاش كتير على النار علشان متنشفش منك وبرضه ممكن تعملها بسكر .
وعجينة الدقيق تنفع لكل الاسماك اللي بتاكل عجين وخصوصا طبعا البوري

بس مش المهم انك تعرف تعمل العجينة ,المهم انك تعرف تطعمها في السلاح لانك لازم تطلع حته فى يدك على اد التطعيمة وبعدين بتعملها زى البليه وبعدين تطعمها صح و ترميها فى المياة بشويش وقابل وحط فى العياشه
وفى صيادين تستخدم الفم بحيث انك تاخد حتة عجينة في فمك وتكورها بلسانك وتحط السلاح في فمك وتلف العجينة على السلاح , مش سهلة في الاول بس بعد كده بتعملها وانت مغمض بس خلو بلكو من لسنكو .