في الفترة اللي فاتت كان في قلق جامد عند مديرية الأمن
والغازات المسيلة للدموع كانت للركب وكل يوم شوية يطلعوا
عند المديرية وتبتدي القصة
وأنا عن نفسي شفت اللي حصل يوم الثلاثاء لما المتظاهرين
كانو واقفين باحترامهم محدش من الداخلية عمل حاجة بس
في شوية بلطجية رموا طوب ومولوتوف وكهربوا الجو بس بصراحة
الأمن المركزي اتغابى سواء في الضرب أو موضوع الغازات اللي
فضلت فالجو لحد تاني يوم وفي ناس شكلها زفت كانت بتولعها
وقعدوا يقولو ان المشير طلع بيان أمر فيه بالضرب علي المتظاهرين
وان الأمن بيضرب رصاص حي وكلام كلو استفزاز فياريت يا جماعة
محدش يردد أي كلام وخلاص إلا لما يكون شافه أو حد واثق منه
علشان كل القلق ده غرضه تأجيل الأنتخابات وانا عرفت امبارح
انو اتقبض علي اكثر من 40 بلطجي معاهم سلاح ومبالغ مالية كبيرة
وأغلبهم كان متخدر فيا ريت نحاول نهدي البلد ونكز في الإنتخابات للمصلحة العامة
وأي حد عنده أخبار حقيقية عن المنصورة يا ريت يحطها وشكرا