|
صيد العصافير
السلام عليكم ورحمة الله وبركاته
إزيكوا يا جماعه وعاملين ايه كلكوا ؟ إن شاء الله دايما بخير أنا حبيت أناقش معاكوا موضوع بخصوص صيد العصافير ، أنا شايف يا جماعه إن صيدها ( مع إنه حلال ) بدون فائده لإن معظم أنواع العصافير صغيرة الحجم ، ولو تركناها هيكون أفضل للإستمتاع بمنظرها الرقيق والتمتع بسماع أصواتها المغرده الجميله ، أنا كنت بصطادها زمان أول ما إشتريت البندقيه ولكن شعرت إن تركها أفضل ، ومن زمن طويل لم أقم بصيد أي عصفور بالرغم من كثرتها ، ايه رأيكم ؟ منتظر مشاركاتكم ولكم مني أجمل تحيه |
رد: صيد العصافير
انا كمان مبصطادش العصافير
|
رد: صيد العصافير
الموضوع جميل بس انا يمكن مش حقدر مصتدهاش وطبعا انا محترم موقفك جدا بس العصافير ما شاء الله كتير واحنا كصيادين في مصر عددنا قليل ده بلنسبه لعدد العصافير ومش بهددها بالانقراض وهي بصراحه طعمها جميل وزي ما انت قلت صيدها حلال فموقفك ده موقف طيب و دليل علي انك انسان طيب
|
رد: صيد العصافير
واللة هيا طعمها جميل جدا بس زي متقول مبنصطدهاش كتير او مبصطدهاش كتير لانك عاوزلك 1000 وحده عشان تشبع مع انها بتكون مش حساسه زي اليمام - تحياتي ياباشا
|
رد: صيد العصافير
البورسعيدى احيك على هذا الكلام وأؤيدك فانا ارى انه لافائدة من صيدها لصغر حجمها وضعفها وافضل ان ارها تطير وتغرد
|
رد: صيد العصافير
والله هى فعلا صغيرة لكن بصراحة طعمها جميييييييييييل اوى مش معنى كده انى بصطادها علطول لكن ميمنعش كل فترة كده وبعدين اهى احسن من اليمام اللى بياخد الطلقة ويفط ده
|
رد: صيد العصافير
كل الشكر والتقدير للأساتذه tito , eng_ahmed , noricawy isa , haninie , Boogy ، وشكرا علي الإطراء اللطيف يا بشمهندس أحمد ، ولكم كلكم تحياتي يا أحلي أعضاء في أحلي منتدي
|
رد: صيد العصافير
يا جماعه هى العصفوره فيها ايه علشان نصتدها دا العشر عصافير يدوب بيمامه فضلاًعن الحمامه وبجد هى اضعف وارق من انها تموت وكمان صيدها مفهوش اى متعة لانها من الطيور التى تأمن وتسالم الانسان واحنا مبنصدش يا
علشان نأكل والا فالكيلو لحمه بصيد شهر على العموم ده رأيى وآسف جداً للاطاله |
رد: صيد العصافير
والله يا جماعه انا باحب العصافير جداااااااا وانا لا اصطادها بالرش ولكن باضرب على الطرود الكبيرة فى مضارب الارز والشون بالخرطوش لانه اسهل وبيجيب اعداد كبيرة بخرطوشه واحدة يعنى 4 او 5 خراطيش فى ساعتين
ممكن تصيد 600 او700 عصفورة وبتبقى سهرة شواء جامدة جداااااااااااااااااا ملحوظه هامه جدااااااااااااااا الجمعيه الزراعيه فى اى مكان فى مصر بتدفع 5قروش ثمن لكل راس عصفورة تصيدها مهما كان العدد لان العصافير ضارة جدااا بالمحاصيل الزراعيه وتهدد محصول القمح والارز والذرة (الجمعيه لاتأخذ العصافير نفسها ولكن بتعد الرؤوس وتعطيك 1جنيه لكل 20 عصفورة وتاكل انت العصافير ودى طريقه تقدر تساهم فى الحصول على الرش) اسف للاطاله ولكن وجب التنويه |
رد: صيد العصافير
شكرا للأستاذ هشام فريد والأستاذ صلاح فريد علي المرور الكريم ، لكن يا أستاذ صلاح حرام العصافير تضرب بالخرطوش لإنها أساسا حجمها صغير جدا ، وأكيد إن أعداد العصافير المهوله التي يتم صيدها معظمها لا ينتفع بها و يتم رميها
|
رد: صيد العصافير
اخى البور سعيدى الرش النمرة 1 الواحدة حجمها اكبر من 5 او 6 رشات من الى فى الخرطوش والعصفورة لاتصاب فى الغالب بكثر من رشتين نمرة 8 حسب خبرة الضارب طبعااما عن الانتفاع بها فانا عن نفسى لما باصيدها بالخرطوش طبعا بتكون بغرض الاكل وليس التسليه
|
رد: صيد العصافير
شكرا يا أستاذ صلاح علي الإهتمام والرد والإفاده ، بصراحه حضرتك طمنتني إن الصيد كله ينتفع به ، أنا بصراحه معنديش خبره كبيره في الخرطوش علشان كده إتخضيت علي العصافير ، شكرا لك مره أخري
|
رد: صيد العصافير
الاخ حازم اعتقد ان صيد العصافير بدون فائده تعود لك لا اجذم بانه حرام ولكن اعرف ان الرسول عليه الصلاه والسلام نهى عن الضرب على هدف حى !!وبعدين عصافير ايه يا حازم انت كنت بتصطاد ذئاب هتبص للعصافير انت افتقرت ولا ايه
|
رد: صيد العصافير
انا معاك طبعا لا لصيد العصافير
بس انا عايز اقول شئ الغربان اصبحت كتير اوى وانا سمعت انهم في السويس كانو بيطالبو الصيادين بيصدهات فياليت الذي يلاقيهم في طريقة يخلص عليهم بالمرة |
رد: صيد العصافير
والله يا اخوان العصافير ضيعيت محصول الشعير عندي السنه دي وناوي اشتري لها ديانا 34
|
رد: صيد العصافير
بيتهيالى صوت اليمام احلى و اجمل
العصافير بتغرد فى القاهرة لكن بتخرب بيت الفلاحين فى الارياف |
رد: صيد العصافير
بصراحة يا أصدقائي أنا مع فكرة عدم صيد العصافير لانها كائن رقيق وبيأمن للإنسان وكمان مفيش فيدة من أكلها مع انها بصراحة بتكون هدف كويس للرماية ودة لصغر حجمها وتحركها السريع بس بصراحة بتصعب عليا لما اصطادها وخصوصا مع تأثير عيار 5.5 المدمر لجسمها الرقيق فبطلت اصطادها يمكن من 15 سنة
|
رد: صيد العصافير
قال صلى الله عليه وسلم : "ما من مسلم يغرس غرسا او يزرع زرعا فيأكل منه انسان او بهيمة او طير الا كان له به صدقة " يعنى يا اخ فكرى المحصول ما ضاعش تخيل كل حبة شعير بحسنة شوف بقى انت المحصول ضاع ولا كسب وربنا يرزق الجميع بالحلال
|
رد: صيد العصافير
شكرا لكل من شارك بالمرور الكريم وأبدي برأيه في هذا الموضوع وإن بدا في ظاهره غير مهم لكن في جوهره أخذ بأسس ومبادئ تتأثر بها روح كائن مهما صغر حجمه فمن حقه أن يعيش مادام لا يضر أو لا ينفع بدرجه تستوجب قتله وإزهاق روحه ، وشكرا لكم مره أخري للأهتمام والمشاركه
|
رد: صيد العصافير
الطبيعة كانت فى توازن لحد ما تدخل الانسان وافسد التوازن البيئى , بمعنى ان كان فيه مفترسات للعصافير زى الصقور مثلا والانسان قضى على معظمها فاصبح فى خلل بيئى والعصافير عددها زاد وطبعا بتحتاج عذاء اكتر وده بيهدد المحاصيل الزراعية وصيدها بيعادل التوازن البيئى ... اسف على الاطالة وتحياتى للجميع
|
| الساعة الآن 08:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir