الفرق بين عيار 9 ملى p.a.k وعيار 9 ملى p.a
 

الموضوع ده شرح بسيط لموضوع سابق كان الفضل ليه لاحد الاعضاء ودة الرابط بتاعه
http://www.egypthunt.net/showthread.php?t=19032
والسبب في عمل الموضوع ان فيه كذا عضو سال نفس السؤال في نفس الموضوضع حبيت اعمل حاجه مستقله عشان بس الفكرة توصل للزملاء
الفرق بين النوعين حوالى 0.5 ملى نص ملي طيب هو الفرق ده يعمل حاجه يعنى
اه ممكن يكون السبب في حشر الطلقات ليه بقه يحشر الطلقات ده كله نص ملى
هقولك لما بتحط طلقه مثلا 9 ملى بيه أيه في مسدس عيارة بي ايه كيه هتلاقيه دخلت وزى الفل بس غطسه جامد في بين ضرب النار وخصوصا كعب الطلقه اللى منه الضافر بتاع الاجزاء بيسحب معاه الطلقه وهو راجع ويسهل في خروجها مع ضغط الهواء اللى متعلم عليه بالاحمر
لكن لو حطيت نفس العيار بتاع المسدس هتلاقي ان كعب الطلقه طالع لبرة بمقدار النص ملى ده يبقى الضافر بتاع الاجزاء يسهل خروج الفارغ مع ضغط الهوا
وتعرف من فين عيار المسدس هتلاقية مكتوب على العلبه بتاعت المسدس أو في الكتالوج بتاعها
وبرده هتلاقي العيار ده مكتوب على علب الطلق نفسها اللى بتشتريها من التاجر
معلش ممكن الصور متكنش واضحه شويه بس ده عشان تعرف الفرق وممكن تجرب بنفسك

رد: الفرق بين عيار 9 ملى p.a.k وعيار 9 ملى p.a
 

وكل مسدس بيبقى مكتوب على جنبه نوع الطلق اللى يناسبه جنب اسمه والتريد مارك بتاعته

رد: الفرق بين عيار 9 ملى p.a.k وعيار 9 ملى p.a
 

معلش انا مش فاهم بالضبط ده سؤال ولا حضرتك بضيف في الموضوع

رد: الفرق بين عيار 9 ملى p.a.k وعيار 9 ملى p.a
 

لا حضرتك انا بضيف لكلام حضرتك والغرض مش التغطية ولكن لتوضيح الصورة لان بجد العيب ده موجود فى معظم المسدسات التركى ان اغلبها بتحشر الطلقات

رد: الفرق بين عيار 9 ملى p.a.k وعيار 9 ملى p.a
 

سعيد باضافه حضرتك طبعا
ومفيش حاجه هنا اسمها تغطيه ولا حاجه احنا كلنا بنتعلم ونفيد بعض بس انا مفهمتش حضرتك بضيف ولا بتسال بس والله

رد: الفرق بين عيار 9 ملى p.a.k وعيار 9 ملى p.a
 

لا حضرتك انا شفت مسدسات بيبقى مكتوب نوع الطلقات عليها على الجزء بتاع شد الاجزاء
وانواع تانية مش موجود زى التركى مثلا
ويمكن ان يكون دا السبب ومش ان السلاح ماسورته بتتهبب بعد عدد معين من الطلقات
زى الايكول جيكل دول كدة فى الحقيقة عجيبنى جدا بس عشان العيب ده متردد انى اشتريه
وحولت اشوف حاجة بديله ليه ووقع نظرى على النت على الروم فيكتور المانى وفيه نفس مميزات الايكول بس لما سالت عليه قالو لى مش موجود ولو لحظت حضرتك مكتوب عليه نوع الطلقات
http://www.gaswaffen.org/Gaswaffen_G.../Vektor400.jpg

رد: الفرق بين عيار 9 ملى p.a.k وعيار 9 ملى p.a
 

حضرتك ممكن تلاقي عيار المسدس مكتوب في كذا مكان
1- المسدس نفسه زي الصورة اللى حضرتك رفعتها
2- على العلبه بتاعت المسدس نفسه
3- في الكتالوج بتاع المسدس
وفعلا مش هتلاقي الروم 9 ملى دلوقتى اصبح نادر تقريبا اللى موجود دلوقتى 8 ملى

رد: الفرق بين عيار 9 ملى p.a.k وعيار 9 ملى p.a
 

شكرا جدا على ذوق حضرتك وسعة صدرك معايا
ايوة ما انا لما سألت عليه قالوا اتوقف استيراده لاسباب امنية وهى ان الاسبطانه بتاعته بتتفك وبتتركب مش زى التركى ملحومة فى جسم المسدس وكمان لان اسبطانته حديد فوقفوا استيراده
ومعرفش لو هلاقى منه 8 مم
http://gunman.biz/sheme/P-Z/Roehm_Vektor_CP1_plan.jpg

رد: الفرق بين عيار 9 ملى p.a.k وعيار 9 ملى p.a
 

فيه منه 8 ملى موجود تقريبا عند السجلابي فالجيزة حته او اتنين بس اكيد هتلاقية غالى

رد: الفرق بين عيار 9 ملى p.a.k وعيار 9 ملى p.a
 

في التركي بيكون مكتوب برده
أنا معايا بي 29 و مكتوب علي

رد: الفرق بين عيار 9 ملى p.a.k وعيار 9 ملى p.a
 

معلومات مهمة ومفيدة وناس كتير ممكن متنتبهش للكلام ده والموضوع جميل ومجهود رائع منك أ. أمين والأجمل مشاركة الأعضاء الجميلة التى أضافت للموضوع

تقبلوا مرورى وخالص تحياتى

رد: الفرق بين عيار 9 ملى p.a.k وعيار 9 ملى p.a
 

شكرا لمروك حضرتك الكريم

رد: الفرق بين عيار 9 ملى p.a.k وعيار 9 ملى p.a
 

معلومه جميله بس حضرتك مش موضح pa منpak يعني انا معرفتش انهي الي اكبر نصف ملي

رد: الفرق بين عيار 9 ملى p.a.k وعيار 9 ملى p.a