|
عاوز موضوع مثبت لانواع الرش
انا لاحظت ان بجد المنتدى مليان خبراء ف الصيد وكلمة خبراء دي بجد مش مبالغة ف لوسمحت عاوز الخبراء يعملوا موضوع لكل نوع من انواع الرش الكتير اوي ويكتبوا مع كل نوع امتى نستخدمه ومع اي طريدة ومع اي بندقية وياريت يكتبوا الانواع اللي موجودة ف مصر واللي مش موجودة بحيث يبقى عندنا خلفية لو حد معرفة نازل من اي دولة عربية نقولو يجيب لينا معاه ايه وهو نازل اسف ع الاطالة وشكرا مقدما |
رد: عاوز موضوع مثبت لانواع الرش
متابع للاهمية
|
رد: عاوز موضوع مثبت لانواع الرش
اقتباس:
دا انا كنت خلاص هفتكر اني كاتب الموضوع بالعبري بس هي الناس بخلانة علينا ليه بالمعلومات |
رد: عاوز موضوع مثبت لانواع الرش
4 مرفق
السلام عليكم ورحمه الله وبركاته
رامى بيك حبيب الملاين اسف على التاخير لسة شايف الموضوع دلوقتى وهتكلم عن تجربتى مع الانواع الى استخدمتها فعلا انا هحكى عن التجربة العملية لسلاحين نمرة واحد (0.177) 1- بندقية نوريكا جيت حوالى 250 متر فى الثانية 2- مسدس رش ولترCp88 حوالى 120 متر فى الثانية 1- فى الهاى باوراو البندقية النوريكا جيت لو الهدف فى حدود اقل من 15 متر بستخدم الجامو الماتش ولو اكتر من 15 متر بستخدم الجامو الماجنم (شبه الماستر بوينت بس اطول وله خطين فى الجنب) لان بعد 15 متر بتبدا الرشايه تتاثر بالهواء وبالجاذبية فبتبدا تقل سرعتها وبالتالى متقدرش الماتش تخترق , انما الماجنم مدببه فبتخترق بسهولة , انما لو حطينا الماجنم وضربت يمامه ولا حمامه هتدخل وتخرج وتطير اليمامة وتقع بعد فترة ممكن تقع فى بلكونه تانية او فوق سطح تانى (تسرقها السكينة زى مبيقولو ) انما الماتش لما بتجى فيها فى نطاق ال 15 متر بيفرتكها بصراحة وبتنزل زى الكيس البلاستيك 2- فى المسدس الولتر او السرعة المتوسطة زى الولتر بستخدم الهانتر فى الاهداف القريبه الى اقل من 10 متر و الاهداف الى ابعد من 10 متر بستخدم الماستر بوينت ) لان السرعة المتوسطة بالنسبة لى زى الولتر بتبقا الى حد ما الهانتر بتخترق بردو فى حدود ال 10 متر انما بعد كدة بتطبطط مكانها انما الماستر بوينت علشان مدببه لو جت فى حاجة فى نطاق 20 متر هتخترقها وذلك عن تجربة لانى بستخدمه فى الصيد ايضا بس بيضايقنى فيه موضوع النشان لان النشان بيبقا اصعب من البندقية وده موضوع تانى دى تجربتى العملية المتواضعة ومدرج صور الرش المستخدم وارجو بردو ان اساتذتنا يصححولى معلوماتى ويفيدونى معاكم لانى انا لسة بتعلم بردو ويارب اكون افدتكم بحاجة ولكم منى الف شكر |
رد: عاوز موضوع مثبت لانواع الرش
جزاك الله خيرا
|
رد: عاوز موضوع مثبت لانواع الرش
الف شكر كفافي باشا ع المعلومات القيمة
بس هل الكلام ينطبق على رش نمرة 2 عشان بصراحة انا اللي عندي كرال فيبر اسود نمرة 2 |
رد: عاوز موضوع مثبت لانواع الرش
.................................................. ......................
|
رد: عاوز موضوع مثبت لانواع الرش
3 مرفق
رامى بك النظرية وحدة
الكرال عند حضرتك هاى باور هتبقا بالنظرية الاولى وهى ان حضرتك تستخدم الماتش فى المسافات القريبة لحد 20 متر كمان الهدف لو بعد ال 20 متر يبقا تستخدم الماجنوم او الهانتر , طبعا فى ناس بتستخدم الهانتر على طول فى اى مسافة لانه وسطى لاهو مدبب ولا هو مسطح ولاكن بعد متعلمت من المنتدى هنا النظرية دى وجربتها عملى وجدتها فعلا مؤثرة كنت ياما اضرب اليمامه وابص الاقى الريش طار منها وطارت بردو كنت ساعتها بستخدم الماجنم لما سالت عرفت ان بتسرقها السكينة لفترة وبعد كدة بتقع الهاى باور ممكن تصطاد بيها لحد 70 متر بمنظار محترم والرش الماجنم فما بالك لو ضربتها فى حدود 15 او 20 متر فى انواع بقا من الرش تحفة بس مش موجودة فى مصر زى الهوبى و الديستروير دى انواع ممكن تموت بيها طريدة كبيرة لانه بيعمل تفريغ للهواء اوفقاعة فى جسم الطريدة بتشوفها كانها مضروبة بمورس او بموزر وفى جامو روكيت ده براس نحاس علشان الاختراق لو حجم الطريدة كبيرة بردو فى نوع هنا فى مصر اسمه برومثيوس ده براس حديد صلب بس سمعت كتر انه بياكل الشاشخنات بتاعتة الماسورة ولاكن لم اجربه فعليا الانواع الغير موجودة فى مصر هحوطلك صورته لو عاوز تسال عنه ودور فى اليوتيوب على تاثير الرش ده والفرق بينه وبين الرش العادى هيعجبك قوى بس اهم حاجة متنساش اخوك فى الغردقة ابقا ابعتلى رشتين كدة ولا حاجة :) |
رد: عاوز موضوع مثبت لانواع الرش
ده موضوع عن مقارنة الرش الهولوبوينت و الرش العادى
http://www.egypthunt.net/showthread.php?t=19072 وده موضوع تانى بردو ازاى تحول الرش الماتش نمرة 2 العادى الى رش هولوبوينت http://www.egypthunt.net/showthread.php?t=19072 والموضوع ده باش مهندس شادو لسة عاملة طازة هيفيدك بردو وبياكد التجربة العملية الى انا جربتها http://www.egypthunt.net/showthread.php?t=19322 والباش مهندش كريم ( Kemoboss ) كان عارض بعض من علب الرش البرومثيوس الخارق ممكن تراجعة بردو |
رد: عاوز موضوع مثبت لانواع الرش
اقتباس:
|
رد: عاوز موضوع مثبت لانواع الرش
اقتباس:
|
رد: عاوز موضوع مثبت لانواع الرش
موضوع شيق,,,,,,,,,,,,,,,بالتوفيق
|
| الساعة الآن 01:02 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir