الصيد فى مصر - استفسار من الخبراء

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - استفسار من الخبراء (http://www.egyhunt.net/showthread.php?t=19401)

استفسار من الخبراء

انا النهاردة جبت ليزر وفلاش ليت ماركة سينتر بوينت وجبت كمان قاعدة الي هيه مشرشرة نوعها يو تي جي (دي ان 34 ) بس مش عارف دول ينفعوا للديانا 350 ماجنوم ولا لئه يا ريت الخبراء يفيدونا في الموضوع ده وانا حاطط صور الحاجة الي جبتها
وشكرا

Re: استفسار من الخبراء

ايه يا شباب مفيش تفاعل خالص؟

رد: استفسار من الخبراء

أولا مبروك عليك وربنا يديك خيرهم ويكفيك شرهم...ثانيا حاجة جميلة وزي الفل ماشاء الله...بس...لييييييييييييه...وعلشان إيه جبتهم...لو كنت سألتني كنت هأقولك مالهومش لازمة...دول علشان بندقية متوسطة القوة وللمسافات القريبة وللصيد الليلي...الديانا 350 ماجنوم سواء عيار 4,5 ( نمرة 1 ) أو عيار 5,5 ( نمرة 2 ) بندقية هاي باور محتاجة تيليسكوب قوي لصيد أهداف خاصة ومن مسافات بعيدة في الضوء العادي وفي وضح النهار...ما ترميش فلوسك على الأرض...ورجاء ليك وللأخوة جميعا...قبل ما تشتري حاجة شوف البندقية بتاعتك وإعرفها وإفهمها كويس علشان تجيب لها الحاجة إللي تنناسبها وتنفعها وبالتالي تديك أحسن نتيجة...أعتذر لتدخلي وآسف لكلامي ده إللي ممكن ما يعجبكش ولا يعجب الكثير من الشباب وصغار السن من الأعضاء...بس ده حقكم عليا...الأمانة في الكلمة والنصيحة...طبعا من واقع الخبرة وخلاصة التجارب لسنوات الطويلة...تقبلوا مروري...

رد: استفسار من الخبراء

اقتباس:

المشاركة الأصلية كتبت بواسطة qoldus (المشاركة 249204)

معلومات اكثر من رائعة
وليه سؤال طيب ايه الاسكوب اللى يمشي مع الكرال الدبشك الخشب

Re: استفسار من الخبراء

يا باشا منا هركبهم علي المنظار مش لوحدهم طبعا

رد: استفسار من الخبراء

اقتباس:

المشاركة الأصلية كتبت بواسطة amin hegazy (المشاركة 249209)

معلومات اكثر من رائعة
وليه سؤال طيب ايه الاسكوب اللى يمشي مع الكرال الدبشك الخشب

المناسب للكرال سواء الخشب أو الفايبر...البي إس إيه مقاس 3-9*32...طبعا مع الإستوبر ( مثبت التيليسكوب ) الموجود على البندقية لضمان ثبات وعدم تحرك التيليسكوب من مكانه بسبب قوة رد فعل البندقية...

Re: استفسار من الخبراء

طيب ايه رائيك في المنظار ده للماجنوم
Leapers 5th Gen 3-9x32AO
او ايه الانواع المناسبة ليها؟

رد: Re: استفسار من الخبراء

اقتباس:

المشاركة الأصلية كتبت بواسطة modmod (المشاركة 249231)

يا باشا منا هركبهم علي المنظار مش لوحدهم طبعا

بأقولك ديانا 350 ماجنوم للصيد الخاص ولأهداف من مسافات بعيدة وفي وضح النهار...تقولي ها تركبهم على التيليسكوب مش لوحدهم...باين عليك معاك قرشين محيرينك...عموما أنت حر...المال مالك...والمثل بيقول:- من حكم في ماله فما ظلم...ربنا يسعدك ويهنيك...

Re: استفسار من الخبراء

يا باشا ليك رسالة علي الخاص

رد: Re: استفسار من الخبراء

اقتباس:

المشاركة الأصلية كتبت بواسطة modmod (المشاركة 249244)

طيب ايه رائيك في المنظار ده للماجنوم
leapers 5th gen 3-9x32ao
او ايه الانواع المناسبة ليها؟

طالما أنك في الكويت الأفضل تجيب كوناس ( الأمريكي ) مقاس 3-12*40...والأحسن طبعا مقاس 6-24*50 وعن تجربة ( التيليسكوبين عندي وضمن مجموعتي )...وماتنساش تدعيلي...

Re: استفسار من الخبراء

مفيش حد خالص راضي يعبر ولا ايه؟