كرال - نوريكا - بايونير
 

أنوي بإذن الله شراء بندقيه رش نمره 2 قريب
بميزانيه من 800 إلي 1200 (و لو مالقيتش اللي عايزه حستني شويه و أرفع الميزانيه ل 1500 )
و محتار مابين الثلاث بنادق اللي أعتقد هما دول اللي في حدود ميزانيتي (سواء جديد أو مستعمل )
فعايز مساعده في الإختيار أيه رأيكم
مع العلم أني بقالي 12 سنه بستخدم رمسيس 4.5
و أربع سنين مسدس جامو أوتو 4.5

رد: كرال - نوريكا - بايونير
 

لو فى رينج الفلوس من 800 الى 1500 بحد اقصى ونمرة 2 يبقا كرال جديدة وتغيرلها السوستة و الجلبة بجداد اسبانى وجراب محترم وتعيش مع حضرتك العمر
وممكن 1500 نمرة واحد نوريكا جيت بحاله الزيرو وبندقيه مدفع مدفع وقمه فى الشياكة (امتلكها ولا يمكن افرط فيها واشتريتها بالسعر ده )
بس البايونير مستعملة حتى غاليه
وطالما حضرتك عاوز نمرة 2 وبالرينج ده يبقا خليك فى الكرال اخوننا هنا بيشكروا فيها كتيير
وربنا يوفقك يارب فى حاجة محترمه متتعبكش خالص

رد: كرال - نوريكا - بايونير
 

شكرا ليك
طيب في مثلا نوريكا سبورت في نفس الحدود دي
http://www.egypthunt.net/showthread.php?t=19434

رد: كرال - نوريكا - بايونير
 

http://www.egyptguns.com/index.php?route=common/home

و في الموقع ده البايونير رخيصه جدا مش عارف دي أسعار قديمه ولا أيه

رد: كرال - نوريكا - بايونير
 

بندقية تحفه وخفيفة ودقيقة جدا فى النيشان بس مش هاى باور
وبالنسبة للبايونير انا افتكرت قصدك على البايونير البام مش البنادق دى
انا قصدت هاى باور

رد: كرال - نوريكا - بايونير
 

زى ما كفافى باشا قالك لو عاوز نمره اتنين هات الكرال
ولو قبلتك اى مشلكه عنيا ليك

رد: كرال - نوريكا - بايونير
 

الله يخليك و شكرا

رد: كرال - نوريكا - بايونير
 

كلك زورق وربنا يجعلك زخراً للمنتدى يا عادل باشا

رد: كرال - نوريكا - بايونير
 

طيب بالنسبه للموقع ده

http://www.egyptguns.com/index.php?route=common/home

الأسعار و الإمكانيات صح ؟!
لأنه مزود سرعة الرمسيس أوي

رد: كرال - نوريكا - بايونير
 

والله اخوننا هنا فى المنتدى قاسو سرعه المعادى ولقوها فعلا فوق 180 متر انما الرمسيس معرفش
ولكن لو المعادى عشان نمرة 2 تبقا 180 متر يبقى منطقى ان الرمسيس 220 متر
هى مشكلتهم هما الاتنين فى جودة الجلبة و السوسته وجلبه بيت الرش ديما تلاقيهم بيبوظو بسرعه
والخشب الفينيش بتاعهم مش كويس وعيب نمره واحد بردو الماسوره ضعيفه او قطرها صغير كانت ديما لو وقعتلها مرتين ولا تلاته تلاقيها اتعوجت
وايضا مكان انزلاق الدراع واحتكاكه باسفل الكانون تلاقيه تاكل على طول
ولكن السليم منها كانت قوية ودقيقه جدا جدا

رد: كرال - نوريكا - بايونير
 

ياباشا كلامك مافهوش غلطه بس السرعه مبالغ فيها
وبما انى فكيت جميع اصدرات الرمسيس
فعلا الجديد منها دون المستوى خالص
وعلى فكره انا قيست سرعه بندقيتى النره واحد بعد التعديل والتظبيط وكانت سرعتها مابين 160 الى 170 متر ثانيه مع الحفاظ على الدقه طبعا
وديه انا بقولها بثقه عشان انا اللى قيستها بأيدى
وتحياتى لكم جميعا ولحضرتك شخصيا

رد: كرال - نوريكا - بايونير
 

معلش سؤال فى وسط الموضوع هى النوريكا جت عاملة كام دلوقتى جديد ومستعمل

رد: كرال - نوريكا - بايونير
 

رد: كرال - نوريكا - بايونير
 

نمره واحد شاريها مستعمله بس بحالتها جديدة نوفى ب 1500 جنية ويعتبر عامل معايا واجب فى حوالى 300 جنية

رد: كرال - نوريكا - بايونير
 

الكرال يكسب طبعا

رد: كرال - نوريكا - بايونير
 

انا متحير انا راخر بس بصراحة انا الكرال الكوموفلاج دى عامله لى قلق

رد: كرال - نوريكا - بايونير
 

شوف الرمايه شكلها تحفة و الفيبر البنى فى اسود بردو جميلة