أرجو المساعدة
 

[]أولا مش عارف أقولكو أد ايه أنا مبسوط بالمنتدي، وشيء مشجع بجد اني ألاقي الكم ده كلة من الناس بتشاركني حب السلاح والرماية، وكمية المعلومات الرهيبة بجد، الي من كترها مش قادر أستوعب كل ده :d:d، فأنا بقا محتاج حد يفدني، نفسي من زمان أتعلم الرماية والصيد بس مش لاقي حد يساعدني، أنا تقريبًا قريت مواضيع المنتدي كلها قبل ما أشترك، بس لحد دلوقتي مش عارف أحدد أحسن نوع بندقية تناسبني، فياريت حد من الأعضاء الكرام يساعدني ويقولي ايه أفضل بندقية ليا وتكون حاجة كويسة لحد ما انتقل للمستوى الاعلى وايه أحسن مكان أجيبها منه، في كايرو الجميلة ..شكرًا على وقتكم وأسف على الإطالة.

رد: أرجو المساعدة
 

يا باشا نورت بيتك التانى وشرفت فى وسط اخواتك

رد: أرجو المساعدة
 

شكرًا يا أستاذ عادل عبده، ويشرفني انضمامي للمنتدى

رد: أرجو المساعدة
 

رد: أرجو المساعدة
 

نفسى اساعدك بس مشغول جدا ومش عارف اركز بس بأذن الله اى حد من الاخوه يساعدك ولو محصلش انا عنيا ليك اول ما افضى بس

Re: أرجو المساعدة
 

نورت المنتدى ويا ريت تحدد الثمن علشان تلاقى رد لطلبك ان شاء الله

رد: أرجو المساعدة
 

شكرًا للرد، أعتقد 1500 حد أقصى كبداية :o:o

رد: Re: أرجو المساعدة
 

اعتقد السعر ممكن يكون مابين 1200 و 1500، وياريت حد يفيدني بالنسبة للشانجهاي والرمسيس ادائهم ايه؟؟ حلوين ولا اية ؟؟

رد: Re: أرجو المساعدة
 

نورت المنتدى واعتقد ان ممكن تجيب الكرال الماجنوم دي تعمل 1200 لى 1300 جنية ان تقريبا
وتعتبر هاي بور برده
افضل من السنجاي والرمسيس

رد: أرجو المساعدة
 

السلام عليكم
اهلا بيك وسط اخواتك واهلا بيك فرد جديد فى عائله صيادين مصر
بالنسبه لسؤالك عن افضل بندقيه ليك كمبتدئ هى البنادق اللى سرعتها متوسطه او اقل كمان
علشان تعلمك ولو غلطت ما يكونش ضررها كبير
نصيحتى ابدأ زى ما الكل بيبدأ وهات الرمسيس بس بلاش من المحلات وحاول تشوف اى حد عنده قديم واشترى وظبطها احسن
ولو مش عارف هات البندقيه الصينى ام عتله سفليه تقريبا اسمها b3-2 وديه جميله ورخيصه واخر ثمن سمعته ليها كان 900 تقريبا
ابعد تماما عن الكرال لان مشاكلها كتيره ده غير سرعتها عاليه عليك كمبتدئ وطبعا خطيره جدا فى ايدك
ابعد عن اى بندقيه هاى باور وخاصه الصينى
ابعد عن استخدام التلسكوب دلوقتى خالص واضرب نشنكان واتعلم ازاى تظبطه صح وافهم بندقيتك صح
اضرب بالبندقيه كتير وشيلها كتير علشان تحبها وتتعود عليها وعلى وزنها
اهم شئ تتعلم ازاى تفك وتركب بندقيتك حتى لو حديد من دبشك فقط وده علشان الصيانه الدوريه
اضرب بكل انواع الرش وشوف تاثير كل حاجه والمسافات واهم شئ اضرب على كل المسافات حتى لو 100 متر علشان تفهم بندقيتك كويس وتتعود على ضرب المسافات
فى النهايه راعى مبدا الصيادين عموما وهو انك تصطاد اللى يفيدك وعلى قدك وبس
اعتقد لو مشيت على الخطوات ديه فى ظرف سنه هاتقدر تشترى بنادق هاى باور وتجيب اسكوبات وتبقى صياد معتمد
يللا انا مستنيك اديك ختم النسر
هههههههههههههههههه
ربنا يوفقك ان شاء الله وتحب الهوايه اكتر واكتر
سلام عليكم

رد: أرجو المساعدة
 

اه صحيح نسيت اقولك ان مفيش مستحيل فى الصيد ولو فيه طير متعرفوش اضرب عليه ونزله فى ايدك علشان تعرفه وتعرفنا عليه وراعى اخلاقك مع الناس وادبك مع بندقيتك وطريدتك ومش هاوصيك ع الرحمه بالطير ولازم تريحه بسرعه
يللا قدامك طريق طويل بس ممتع جدااااااااااااا وهاتحس بقيمته فى اخر الطريق ان شاء الله