طبة لل ekol p29
 

السلام عليكم

معلش انا عضو جديد في المنتدي وعالم الاسلحة ومحتاج اعرف شوية حاجات

انا اشتريت Ekol 29 طبعا عشان موضوع البلي
البياع قالي لازم تفك الطابة بس ده مش هيخلي الاجزاء ترجع اوتوماتيك وفعلا الكلام ده حصل وانتو شرحتوه بأستفاضه علي المنتدي وكمان ان في حل اني اجيب طابه عل حجم البليه
فسؤالي كان
هيا الطابة ابعدها المفروض تبقي اد ايه وتتجاب منين لو هيضرب بلي نمرة 1؟
حد يعرف محل كويس او مصدر ممكن اشتري منه مستلزمات السلاح زي الطلق او جراب للمسدس لان الصراحة حاسس ان اغلب المحلات بتبالغ ومستغلة الموقف ؟

الف شكرا واسف لو طولت او كان الموضوع مكرر؟

رد: طبة لل ekol p29
 

أولا ألف مبروك المسدس والبى 29 مسدس جامد وخامته كويسة ( محمل ) ووزنه وحجمه مناسب..... ربنا يكفيك شره ويجنبك إستخدامه

ثانيا : بالنسبة لموضوع الطبة .. هاتضرب بيها بلى مقاس 2 مش واحد وبتكون مثقوبة من الداخل بقطر 4.4 مم أو 4.5 لتسمح بمرور بلية مقاس 2 .... وأفضل طبة عن تجربة هى طبة الأخ : أحمد مازنجر لأنها تكون من الصلب بطول ماسورة المسدس من أول بيت النار وحتى الفوهة وده لعدة أسباب أهمها حماية ماسورة المسدس من الضرر الذى قد تسببه البلية نتيجة قوة إندفاعها ( لأن البلية صلب وماسورة المسدس من الأنتمونيا ) ... وكذلك دقة النشان وقوة البلية نتيجة خروجها فى مسار واحد ...

تقبل مرورى وخالص تحياتى

Re: طبة لل ekol p29