|
ارفعوا عنى الحرج والاجر والثواب على الله
لو سمحتم يا جماعة لى استفسار بسيط وارجو منكم سرعة الرد هل الحمام البرى هو نفسه الحمام البرجى مع اختلاف الاسماء ام لا وان لم يكن هو فكيف افرق بين الحمام البلدى والحمام البرى او البرجى لانى اصطدت حمامة كنت فاكرها برية لكن فى ناس قالوا لى دى حمامة بلدى وانا اصبتها فى جناحها واشعر بالذنب ارجوكم دلونى على الصواب
ملحوظة ( لو امكن التفريق يكون معاه صور لزيادة التأكيد البصرى ) وشكرا لكل اعضاء المنتدى وآآآآآآآآآآآآسف للاطالة اخوكم محمود برعى |
رد: ارفعوا عنى الحرج والاجر والثواب على الله
اخى العزيز محمود ان الحمام البرى او الجبلى او بعض الحمام المستقتن فى الابراج هو نفس النوع وهو ليس له مالك فبعض الفلاحين يبنى له ابراج لايواءه اى يقوم بصيده ولكن بطريقه مختلفه عن طريقه صيدنا له ويعتبره ملك له ولكن هناك نوع من الحمام الموجود فى الابراج من الحمام البلدى فحذر كل الحذر من المساس به للحرمه واذا اردت معرفة شكل الحمام الجبلى فهو كالتالى راسه صغيره وارجله حمراء وحجمه اصغر من الحمام العادى اي ما بين اليمام والحمام المنزلى
|
رد: ارفعوا عنى الحرج والاجر والثواب على الله
شكرا اخ هشام على الرد وللعلم الحمامة طلعت بتاعة واحدة جارتنا وانا قلتلها وهى سامحت فيها ومرضيتش تاخد حقها ولا تاخدها وحلفت عليا ما هى راجعة .......... وعموما بلاها صيد حمام اساسا ماله اليمام يعنى
اخوك محمود برعى |
رد: ارفعوا عنى الحرج والاجر والثواب على الله
والله جزاك الله خيراً الواحد اصلاً بيأكل الحمام ومبكونش مستريح نفسياً بسبب الشك فى الحرمنيه
|
رد: ارفعوا عنى الحرج والاجر والثواب على الله
حط فالجامع تمنها
علشان تبقا مطمن |
رد: ارفعوا عنى الحرج والاجر والثواب على الله
شكرا للرد وانا نويت اعمل كده فعلا ووالدتى قالت لى انها ب 20 جنيه
|
| الساعة الآن 03:44 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir