|
قنص الغرااااااااب
السلام عليكم ورحمه الله انا طبعا مش هقدر اتكلم الصور هى اللى هتتكلم وانتو اللى هتحكموا وطبعا احنا مش نيجى حاجه فى القناصين المحترفين مع الصور دة حصيله الصيد المتواضع http://www1.picturepush.com/photo/a/...40/3298124.jpg ومع القناص محمد يونس http://www1.picturepush.com/photo/a/...40/3298134.jpg ودة صحبى وحبيبى بلال http://www4.picturepush.com/photo/a/...40/3298137.jpg ومع مش بتفاءل بالغراب بس النهاردة حاجة تانيه كان وش السعد بعد توفيق ربنا http://www5.picturepush.com/photo/a/...40/3298148.jpg ودة المدفع ال CF20 وهى على فكرة بندقيه قويه جدا بالنسبه الى فئتها وقدرنا نصطاد الغراب على بعد 60 متر تقريبا والحمد لله وقع ما حطش منطق:D http://www3.picturepush.com/photo/a/...40/3298161.jpg |
رد: قنص الغرااااااااب
شكرا على الصور الجميلة
|
رد: قنص الغرااااااااب
ربنا يخليك استاذى العزيز جاسر وشكرا على الرد
|
رد: قنص الغرااااااااب
ماشاء الله حاجة تفتح النفس
|
رد: قنص الغرااااااااب
الله عليكم يارجاله...
|
رد: قنص الغرااااااااب
الله ينور عليك يا وحش ....... بس المرة الجاية خلى الغراب فى مؤخرة السرب لان الحكمة بتقول (اذا كان الغراب دليل قوم فبشرهم بالخراب) اخوك بوجى
|
رد: قنص الغرااااااااب
اخى ما نوع بندقيتك الجميله بارك الله لك وكم سعرها النوع وليس المودبل اخى الكريم
|
رد: قنص الغرااااااااب
بشكركم يا اخوانى على الردود الجميله وبشكر
أ.جاسر وبقوله انا منتظر من حضرتك صورك الجميله ان شاء الله أ.نوركاوى وبقوله ان شاء الله لما تيجى بالسلامة هتصطاد اكتر من كده أ.محمد رضا العبدوبقوله الله ينور عليك انت كمان وان شاء الله ربنا هيكرمك باضعاف الكميه دى أ.بوجى انا سعيد جدا بمشاركتك فى موضوعى وان شاء الله هخلى الغراب فى مؤخرة السرب ولا تزعل نفسك وشكرا على مرورك أ.استاذى العزيز سمير نوع بندقيتى هى جامو cf 20وسعرها جديد كان عند فتح الله من حوالى شهرين 2700 جنيه ودلوقتى صعب تقريبا تلاقيها جديده وشكرا لجميع اعضاء المنتدى الكرام .............. والله ولى التوفيق |
رد: قنص الغرااااااااب
مشكووووور صيد موفق
|
رد: قنص الغرااااااااب
لي سؤال ياإخواني ؟؟
أي نوع أفضل هي أم جامو هنتر 1250 من حيث القوة ودقة النيشان وغيرها من المميزات |
رد: قنص الغرااااااااب
بسم الله ما شاء الله عليك يا محمد باشا ، ربنا يزيد ويبارك والطلعات الفدائيه القادمه تكون أكتر وأكتر واهلا بصديقك اللي بقي صديقنا بلال
|
رد: قنص الغرااااااااب
برافو بس زمب العصافير اة
|
رد: قنص الغرااااااااب
ازيك يا حازم اخبارك ايه وبصراحة انا نفسى اطلع اصطاد معاك علشان انا عارف انك صياد جامد ما شاء الله وكمان استفيد واتعلم منك عن طريق خبراتك فى نوادى الرمايه وبجد انت واحشنى جدا وانا طبعا قولتلك على الظروف اللى منعتنى انى اجيلك الاسبوع اللى فات بس ان شاء الله اشوفك قريب مع السلامه..................
اما بالنسبة للاخ الكريم م \ عمرو جوده بالنسبة للجامو هنتر 1250 فهى اقوى بندقيه جامو فى العائلة كلها وهى اقوى بكثير من الجامو ال cf 20 ويكفى انها مصنفه من فئة بنادك الهاى بور وشكرا على مرورك. والله ولى التوفيق ................ |
رد: قنص الغرااااااااب
الله يخليك يا محمد على زوقك واخلاقك وبالتوفيق دائما.
|
رد: قنص الغرااااااااب
تسلم يا ( بلد )
|
رد: قنص الغرااااااااب
على فكرة يا ابو يونس أنا شرقاوي زيك وأتمنى نطلع مع بعض رحلة صيد في يوم من الأيام بس ان شاء الله لما انزل أجازة مصر
|
رد: قنص الغرااااااااب
صيد موفق وصور جميله جدا وطريقه العرض جميله لكن اللى اصطاد اجمل واجمل !!!كنت فى فتره بحب اصطاد الغربان وذلك نكايه فيهم ليس لغرض وكان بيعجبنى منظر ما بعد الصيد من الغربان الحيه على اخيهم الميت حيث ياتى من كل صوب وحدب اعداد كبيره منهم ويصنعون حلقه طيراان مع نعيق يصم الاذان لدرجه انى كنت بخاف والله ليهمو ا وينقضوا عليه لذلك كنت ببعد واشاهد من بعيد.
|
رد: قنص الغرااااااااب
السلام عليكم ورحمة الله وبركاته
بالنسبه للاخ lionheart314 اهلا وسهلا بيك فى اى وقت وانا هتشرف بمعرفه حضرتك والله وان شاء الله لما تيجى بالسلامة عرفنى وباذن الله هنطلع مع بعض وربنا يرجعك لينا بالف سلامة . اما بالنسبة الى اخى الكريم أ.محمود محروس بصراحة مشاركتك للموضوع هى اللى اجمل بكثير من الموضوع نفسه ويا ريت ما تحرمناش من مشاركاتك الجميله اما بالنسبه لموضوع الغربان فانا برغم انى معجب بطريقة واستايل الغربان لانى بحس انه طائر له شخصيه مستقله وطريقة عيش غريبه وانا سمعت انه لما غراب بيموت باقى الغربان بتدفنه فعلا والدليل انك فعلا صعب جدا تلاقى غراب ميت الا اذا كان حد هو اللى موته وانا قتلته بسبب انى سمعت حديث عن الرسول عليه الصلاة والسلام وفى ما معناه انه اوصى بقتل الغراب وعامه انا برده هسئل فى الموضوع ده لانى بصراحة زعلت لما اصطادته وسبحان الله ولله فى خلقة شئون. والله ولى التوفيق ............ |
رد: قنص الغرااااااااب
أخجلتم تواضعنا يا محمد باشا ، العفو متقولش كده ، أنا اللي نفسي والله أطلع أصطاد معاك وإن شاء الله عن قريب جدا ، وألف سلامه عليك وترجعلنا بألف سلامه
|
رد: قنص الغرااااااااب
الاخ محمد ما دمت مهتم باغربان !!! الغربان يا صديقى هى واحده من اذكى وامكر الطيور على الاطلاق ..ويكفى انها علمت بنى النسان كيف يدفن موتاه بعد ان عجز الانسان عن ذلك.ومن عجائب هذا الطائر انها الوحيده التى تقيم العداله الالهيه على الارض . وهذا ما اثبتته دراسات عالم الحيوان ان الغربان تقيم محاكم تحاسب فيها اى فرد يخرج عن نظامها .ولكل جريمه عقابها .مثلا اذا اغتصب غراب طعام الافراخ الصغيره العقوبه تكون بان تقوم الجماعه بنتف ريش الغراب المعتدى حتى يصبح عاجز عن الطيران كالافراخ الصغيره جريمه اغتصاب العش او هدمه على المعتدى ان يبنى عش جديد لصاحب العش المعتدى عليه اما جريمه الاعتداء على انثىغراب اخر ليس هناك رحمه تقضى الجماعه بقتل المعتدى ضربا بمناقيرها حتى الموت وتنعقد المحكمه فى ارض زراعيه واسعه وياتى الغراب المذنبوسط حراسه مشدده دون نعيق او نحيب وراسه منكس فى الارض وذلك اعترافا منه بالذنب .فاذا صدر الحكم تقوم الجماعه بتمذيقه بمناقيرها حتى الموت ...بعدها يقوم غراب بحفر حفره يوارى فيه سوءه اخيه ثم يهيل عليه التراب احتراما لحرمه الموت .
|
رد: قنص الغرااااااااب
الغربان دي عصت نبي الله
وهي الطائر الوحيد الذي يأكل الجيفة تقريبا والله أعلم مع قبح منظرها بالإضافة لقبح أصواتها. |
رد: قنص الغرااااااااب
ياسبحان الله دول بيعملو زي البني ادمين بظبط سبحان الله فعلا ماخلق شئ من باطل - شكرا يااخ محمود علي المعلومات المذهله دي وياريت حاجات زي كدة تانيه - تقبل تحياتي
|
رد: قنص الغرااااااااب
شكرا لك انت يا صديقى والله من فتره كنت بدور على رقم تليفونك علشان تمدنى بمعلومات عن النوريكا وما زلت بحاجه اليها
|
رد: قنص الغرااااااااب
تحت امرك ياباشا في اي وقت بس انا حاليا مقيم في السعوديه فا هتبقا المكالمه مكلفة برضو -ممكن نتكلم عن طريق الايميل و اتشرف باضافتك على ايميلي thewrongway_mixmix@hotmail.com وبرضو ده رقم الموبايل في السعوديه واي اوامر ياباشا 00966509427857
|
رد: قنص الغرااااااااب
معلش هوا الايميل رخم وطويل شويه بس مقدرش اغيرو لظروف العمل ولك تحياتي
|
رد: قنص الغرااااااااب
اهلا وسهلا بالناس
انا عضو جديد هنا فالمنتدى الجميل ده وكنت حابب احكى قصه حقيقيه حصلت للان خالى الصغير مع الغربان وكانت من شهر تقريبا انا من الشرقيه وابن خالى ده لقى غراب ميت جنب البيت فمسكه وفضل يلعب بيه فالغربان شفته وبدات تهجم عليه وتنقره فجسمه لدرجة انها عورته وفضلت 3 اسابيع كل ما تشوفه بره البيت تهجم عليه وتعوره لدرجة انه مبقاش يروح المدرسه لوحده الا فعربية ابوه شيئ غريب ومخيف فعلا |
رد: قنص الغرااااااااب
شئ غريب فعلا واللة يااستاز محمد - الغربان دي شكلها مش سهله ووراها سر غرييييب - مشكور ع الحكايه الجميله واهلا بيك وسط اخوانك في المنتدى
|
رد: قنص الغرااااااااب
الله ينور عليكم وعلى ردودكم وبالهنا والشفا يا مان
|
رد: قنص الغرااااااااب
بس انا سمعت ان الرسول صلي الله عليه وسلم اوصي بقتل نوع من الغربان اللي بيكون فيها لون ابيض ...
اذا كان زي اللي في الصوره انا بظن ان كل غربان مصر كده ... فهل الغراب المقصود هو اللي في الصوره ؟؟ |
| الساعة الآن 01:22 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir