|
تجربتى فى محلات السجلابى فرع الجيزة
النهارده روحت انا وواحد صاحبى نشترى علبة طلق بلى من محل السجلابى فرد علينا الشاب اللى شغال بأسلوب ينفرز ومنتهى الاستهتار ان الحاجة دى مش عنده المهم قولنا نسأل على اسعار الطبنجات الصوت وكانت المفاجأة
ايكول تونا تخيلو بكام 850 جنيه الريتاى بارون 1200 جنيه الروم 3000 جنيه وكل الاسعار تنفرز ومبالغ فيها والشاب يكلمك من على الباب ومش عايزك حتى تدخل تلقى نظرة والرد بالقطارة مش ياخد ويدى معاك فى الكلام بصراحة الكلام اللى سمعته عن الاسعار بتاعة المحل ده تخليك ترو ح تشترى وانت مغمض لما تروح تحصل الصدمة هذا للتحذير ليس للاساءة للمحل والله اعلم |
رد: تجربتى فى محلات السجلابى فرع الجيزة
معلش يا باشا
احسن حاجة فى البلد دى ان فيها كذا محل تلاقى معاملة وحشة فى واحد تروح للتانى وفى النهاية كله بيعمل لمصلحتة والله لقيت منك معاملة حلوة واسعار كويسة يبقى ربنا يبارك لك ويتقال فيك احلى كلام ملقتش منك ولا ده ولا ده خلاص براحتك وربنا يسهلك فى البيع الى مش هيتم بطريقتك دى معلش يا باشا تقبل تحياتى |
رد: تجربتى فى محلات السجلابى فرع الجيزة
اقتباس:
|
رد: تجربتى فى محلات السجلابى فرع الجيزة
يا باشا دا بيبيع المارفك جولد ب 6500 علشان نمره 3 ربنا يكرومو يا رب هههههههههههههههه
|
رد: تجربتى فى محلات السجلابى فرع الجيزة
اقتباس:
|
رد: تجربتى فى محلات السجلابى فرع الجيزة
يعنى داخل محل اسلحة وتقوله طلق بلى وعايزة يعاملك حلو ههههههه كويس انه عمل معاك كده
وبالنسبة للمعاملة الناس هناك محترمه جدا والله سوء على أو مصطفى او حتى نديم صاحب المحل والسعر اللى بيقوله دي اول كلمه كسر انت معاه بقه وانت وشطرتك |
رد: تجربتى فى محلات السجلابى فرع الجيزة
هل يوجد احد من الاعضاء معاه رقم المحل ده ؟؟
|
رد: تجربتى فى محلات السجلابى فرع الجيزة
اقتباس:
يا استاذ مفيش حد يعمل الي انت عملتو دااااا خالص وانا اتعملت معاهم كذاااا مرة والناس هناك محترمين جداااا من اول الصغير لحد الكبير حتي الدكتور نديم نفسو بس مفيش محل في مصر كلها بيبيع طلقات بلي وانت رايح محل والمنتدي موجود لية انا مش عارف وبعد كدااا بنقول لية المحلات بتتعامل باسلوب مش كويس عشان ممكن يكون حد داخل قبليك يسالو علي حاجة زي كدااا وهي ممنوعة نهايئا .......وعلي فكرة مفيش محل في مصر كلها هتلاقي عندو طلقة بلي واحدة ......... |
رد: تجربتى فى محلات السجلابى فرع الجيزة
اقتباس:
|
رد: تجربتى فى محلات السجلابى فرع الجيزة
للأسف يا إخوانى , إحنا اللى بنجيب المعاملة السيئة و عدم الاحترام لنفسنا أنت رايح تسأله عن حاجه توّديه فى داهية و تقفلّه المحل , ومستغرب انه بيعاملك وحش مجرد السؤال عن طلقات البلى فى محلات السلاح ممكن يسىء للمحل و يضعه موضع شبهة لو حد سمعك وأنت بتسأل , لأن معنى أنك رايح تسأل بمنتهى الثقة كدة ممكن يتفهم من أى حد حاضر الموقف أو حتى واقف أمام المحل بيتفرّج أن المحل ده شغال فى الحاجات دى و علشان كدة الناس بتتردد عليه و بتسأل بكل ثقة عنها , علشان كده هو مجبر أنه يرد عليك الرد ده و يعاملك المعاملة السيئة دى علشان يثبت لأى حد ممكن يسمع سؤالك بالصدفة أنه مش بيتعامل فى الكلام ده المشكلة فى سؤالك ده مش بس فى خوف المحل من القانون , ولكن خوفه كمان من البلطجية , لأن عادة أى مجموعة من المنحرفين أو البلطجيّة بيختبروا محلات السلاح فى التعامل , يعنى يبعتوا واحد منهم يسأل عن طلقات بلى مثلاً علشان يختبر المحل و هل ممكن يستجيب و يبيعله ولو حتى من تحت الترابيزة , وساعتها بيبتدى يطلب من المحل حاجات أكبر من كدة مثل طلقات الحى أو الخرطوش مثلاً , علشان كدة اصحاب المحلات بيردّوا بطريقة مش كويسة علشان يقفلوا الباب فى وجه هذه المحاولات (الكلام ده عرفته لما كنت عند شريف بتاع الصيانة اللى فى شارع شبرا و دخل واحد يسأل على طلقات بلى , شريف برضه رد عليه رد ناشف و قاللوا احنا مش بنتعامل فى الحاجات دى) أظن دلوقتى بقى مفهوم سبب المعاملة السيئة ثانيا , شهادة لوجه الله تعالى , أنا رحت المحل ده مرتين مع زميلنا محمد وفيق و اتعرفت على أستاذ نديم و أ/على , وهم ناس محترمين جداً وتعاملهم ودّى جداً , والله العظيم أنا فضلت فى المحل ما يقرب من ساعة كاملة بعد ما اشتريت علبتين رش فقط و فضلت أسأله تقريباً عن كل حاجة فى المحل و أسعارها , والناس كانوا مرحبين جدا , واتعرّفت هناك على دكتور اشرف السعدنى زميلنا فى المنتدى بالصدفة وكان بيشترى من هناك حاجات . و بالنسبة للأسعار فهى قابلة للتفاهم و الفصال وده عن تجربة شراء منهم , ولا تنسوا أن أسعار السلاح فى المحلات عادة بتكون أغلى من تجّار المنتدى لأن عندهم التزامات من ضرايب و ايجار و مرتبات و تكاليف تشغيل .... إلخ ويجب الحرص من الزملاء فى التعامل مع محلات السلاح علشان مانجيبش المعاملة السيئة لنفسنا خالص تحياتى |
رد: تجربتى فى محلات السجلابى فرع الجيزة
شهداة حق يا جماعة في فتح الله اسكندرية فرع سعد زغلول وفي حضور عضوين من الاعضاء من اسكندرية هما احمد عطا الله واحمد خلف انهم كانو كويسين جدااااااااا وكان اسلوب التعامل فووووق الممتاز من جميع العاملين وكان في اخد ورد في الاسعار بلاسلوب الكويس المحترم
|
رد: تجربتى فى محلات السجلابى فرع الجيزة
ايه يا جماعة فى ايه ما الناس بتبيعوه علنى فى كل حته ها نفرض انى غلطت وسألته سؤال وحش مش عاجبه كان ممكن يقولى ما عنديش ويدخل فى موضوع السؤال على الطبنجات بكل أدب طيب الاسعار الميالغ فيها دى ايه التونا 850 جنيه ايه الاستغلال ده عامة ده رايى وكل واحد حر فى رايه
|
رد: تجربتى فى محلات السجلابى فرع الجيزة
أخوانى الأعزاء محل السجلابى ( فرع الجيزه) من المحلات المحترمه جدا وده عن تجربه شخصيه أما بالنسبه للاخ اللى كاتب الموضوع يا ريت يراجع نفسه شويه و ميتهمش الناس بالباطل شوف أنت عملت ايه وطلبت ايه ( طلق بلى) يعنى ده برده كلام..... وبعدين جى تقول المحل معاملته سيئه أتقى الله يا أخى فى نفسك والأخرين
|
رد: تجربتى فى محلات السجلابى فرع الجيزة
اقتباس:
والله يا باشا ده اللى حصل وكان فى اتنين قاعدين على المكتب وبيجربو بندقية رش طابعا مش متعمرة لا تقوله انى ما بفهمش وما حدش فيهم فكر يقوله بتعمل ايه يا جماعة والله انا مش بينى وبينهم اى عداوة لكن اصول البيع والشراء ان البائع ياخد ويدى مع الذبون مش يقفله كده عامة لو موضوعى مضايق الناس انا اسف لمحل السجلابى |
رد: تجربتى فى محلات السجلابى فرع الجيزة
شهادة حق كل الموجودين بالمحل ناس محترمة جدا وفوق الوصف و على رأسهم الاستاذ/ نديم و طبعا كل شىء أسعاره زادت نظرا للعرض و الطلب و السلاح مثله مثل كل السلع النهاردة كيلو الارز ب 6 جنبه وطبعا لاتستطيع تراجع السوبر ماركت وتقوله غالى ,طبعا حضرتك حتأخذ الارز و أنت تبتسم إبتسامة عريضة تدل على الجنتلة ومش فارق معاك السعر وقيس على كده أسعار اللحوم والاسماك و الدواجن و الالبان,طبعا السلع دى ضرورية ولا تستطيع الاستغناء عنه أما السلاح ممكن تستغنى عنه ,فهل حاولت تهاجم تجار السلع الغذائية وتحظر الناس منهم ,معلهش الناس حتقول عنك فى هذه اللحظة مجنون و مش عايش فى الدنيا و لايعرف شىء ,المقصود من هذا المثل إن السلاح ده سلعة ترفيهية و سعره لا يخضع لأى مقايس وكل تاجر حر فى سعره بدون أن نخطاْ فى أحد ومع العلم أسعار السجلابى الجيزة محترمة جدا و منافسة جدا و أنا أعلم أسعار أغلب المحلات و شكرا على سعة صدركم و تحياتى للجميع
|
رد: تجربتى فى محلات السجلابى فرع الجيزة
انا جربت التعامل معاهم قبل كده وقابلوني بكل زوق واحترام واخوه وقعدت معاهم اكتر من نص ساعه وسألتوا عن كل اللي عندو لدرجة ان الحوار تطرق لاسلوب تشطيب المحل وطريقة العرض وتأمين المحل ضد السرقه وك>ا موضوع وكانوا في غاية الاحترام والموده واتعرفت على كل الموجودين بس اكتر واحد اتكلمت معاه كان علي ونديم ودي شهاده للناس دي انهم في قمة الزوق والاخلاق والبشاشه
|
رد: تجربتى فى محلات السجلابى فرع الجيزة
السلام عليكم انا اخوكم محمود توحيد وكل اللى اتقال على المحل ممكن يكون صحيح بس انتا كلمت مين بالظبط انا عن نفسى اشتريت الكرال منهم وكان السعر كويس والبندقية قمه فى الروعة وكان صريح معايا ولما قلت انا من المنتدى بدون نقاش ادهانى بسعر خاص +علبة رش اللى انا اختارها وفى واحد صعيدى دخل علينا بالصدفة سال على الكرال قالة بسعر تانى خالص واللى اتعاملت معاة كان ا/على قمة فى الزوق والاحترام ومن فضلك راجع نفسك وراجع اسعار السلاح كويس قبل الحكم على اى شخص او محل وبعدين راعى انك سالت على البلى وانا سمعت انوا محظور وممكن يكون كان خايف منك وتقبل مرورى ملحوظة انا لا انحاز لطرف لكن وصفت تجربة شخصية صادقة ومستنى ردك اخوك محمود توحيد
|
رد: تجربتى فى محلات السجلابى فرع الجيزة
فعلا وشهادة حق انا اتعملت مع السجلابى وفتح الله بس لقيت ارتيح فى المعاملة مع السجلابى اكتر نظرا لنهم شباب
وسن متقارب واعطوانى نصائح عن كل سلاح ومميزاتة |
رد: تجربتى فى محلات السجلابى فرع الجيزة
انت شخص فى قمه الذكاء
|
| الساعة الآن 10:43 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir