سؤال لذوى الخبرة المحترمين
 

مليش خبرة خالص فى بنادق ضغط الهواء و بفكر ادى ال جامو لابن اخويا يبعهالى و مش عارف تمنها ممكن يكون كام اصلا علما بانها لم تجرب اصلا و انا شاريها من انجلترا منذ حوالى 8 سنين و اكتر , العلبة مكتوب عليها Gamo CF-20\CF-20 Luxe و معاها علبة بلى مش رش ودى كانت معاها فى العلبة .

ارجو معرفة قوة هذه البندقية و تقييمها بالنسبة لباقى البنادق اللى زيها او اللى قريبين منها فى السعر و المستوى فى الوقت الحالى.

رد: سؤال لذوى الخبرة المحترمين
 

رد: سؤال لذوى الخبرة المحترمين
 

شكرا لاهتمامك يا أ\بيبو
لم اصورها من قبل ولا الموضوع محتاج صور لانها جديدة لانج و اى خبير فى بنادق الهواء ممكن يفيد بدون صور , معلش حكم السن بيخلى الواحد يكسل يصور و يرفع صور و يعمل حاجات اى شاب بالنسبالوا ممكن يعملها زى المياه و الهواء

و شكرا لاهتمامك :)

رد: سؤال لذوى الخبرة المحترمين
 

السى اف 20 بتعمل حوالى من 2000 الى 2200 مستعمله بالحاله اللى حضرتك بتوصفها كده
ديه لو هى الى سى اف 20 اللى انا اعرفها
وهى سرعتها ببتراوح من 190 الى 220 متر فى الثانيه وعمتا البنادق الجامو بنادق محترمه وتقريبا هى عتله يافندم
ياريت اللى يلاقى فى كلامى حاجه غلط يوضحهالى وتقبل كامل ووافر الاحترام والتقدير

رد: سؤال لذوى الخبرة المحترمين
 

اعتقد يا عادل باشا انها اغلي من كده .. و بعدين تفسر بايه وجود بلي معاها ؟؟

رد: سؤال لذوى الخبرة المحترمين
 

أ\ عادل المحترم

اشكرك على المعلومات المفيدة جدا

بس هل السرعة اللى حضرتك قلت عليها تعتبر عادية ولا نص نص ولا قوية فى بنادق الهواء عموما, وابن اخويا عضو سابق بمنتخب الرماية و بيقوللى عليها تعبانة و بيقوللى 2500 جنيه , طب ازاى تعبانة و بالسعر اللى قاله ده !! , وازاى تعبانة و بتضرب بلى !! , وهل كل بنادق الرش ممكن تضرب بلى و رش ؟

رد: سؤال لذوى الخبرة المحترمين
 

تحياتى للأستاذ عادل على معلوماته
بس ده شئ مش جديد
=======================
الـ CF-20 من عائله الـCFX
و هى كلها عتله
أغلب الـ CF-20 عيار 4.5 و سرعتها 787 ق/ث (240 م/ث) لهذا العيار 190 م/ث للعيار 5.5
الوزن 2.9 كجم
الطول 1.1 متر
و هى فعلا بتضرب بلى و رش
و الموديل ده أعتقد أنه أتوقف تصنيعه
http://img299.imageshack.us/img299/9791/gamocf20mr3.jpg

رد: سؤال لذوى الخبرة المحترمين
 

أشكرك يا أ\هانتر

رد: سؤال لذوى الخبرة المحترمين
 

اتوقف تصنيعه دى يعنى انتيكة فى الطبنجات الحى , هل يسرى هذا على هذه البندقية ولا ده يعيبها ؟

رد: سؤال لذوى الخبرة المحترمين
 

مش بيتهيأ لى ان ده يعيبها لو كانت فعلا اتوقف تصنيعها
لان أغلب المصنعين بيستمروا فى توفير قطع الغيار لسنين بعد توقف المنتج نفسه على خطوط الانتاج

رد: سؤال لذوى الخبرة المحترمين
 

بس أرجو انك تحاول انك تتأكد من المعلومه دى
و لو كانت صح فأرجو انك توضحها للمشترى من باب الأمانه
و موفق فى البيع إن شاء الله

رد: سؤال لذوى الخبرة المحترمين
 

كده كده اى مشترى عاوزها حيبقى عارفها اكتر منى شخضيا :)

و انا متأكد ان قطع غيارها متوفرة جدا جدا ودى ميزة برضوا

بس عايز افهم ايه اللى موجود في البندقية يخليها تضرب بلى و رش , وليه مش كل البنادق كده و كلها اصلا بنادق رش !؟

رد: سؤال لذوى الخبرة المحترمين
 

دي عادي وموجوده في مسدسات الرش كتير منها بيدرب بلي ورش في نفس الوقت
وممكن البدقية دي فيها نفس الخصيه

رد: سؤال لذوى الخبرة المحترمين
 

برجاء حذف الموضوع من قبل الادارة