الصيد فى مصر - صور بدون تعليق لما حدث اليوم

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - صور بدون تعليق لما حدث اليوم (http://www.egyhunt.net/showthread.php?t=20295)

superman2

11-12-17 05:46 PM

صور بدون تعليق لما حدث اليوم

.................................................. .................................................. .....................

ahmedmh_ali

11-12-17 05:48 PM

رد: صور بدون تعليق لما حدث اليوم

http://www.egypthunt.net/showthread.php?t=20275

sayedlabib

11-12-17 05:48 PM

رد: صور بدون تعليق لما حدث اليوم

قد تكون بدايه سقوط العسكرى فالمصرى لا يفرط فى كرامته حسبنا الله ونعم الوكيل

بدأت اكره الجيش جدا

commando

11-12-17 05:48 PM

رد: صور بدون تعليق لما حدث اليوم

يا جماعة اتقو الله الناس دى هى اللى ابتدت مش الجيش خافم ربنا

Ahmed El Sarky

11-12-17 06:05 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة commando (المشاركة 260695)

يا جماعة اتقو الله الناس دى هى اللى ابتدت مش الجيش خافم ربنا

مهو لو كل واحد اتلم وقعد في بيتو مش هنقول اصل الجيش السبب واصل المتظاهرين السبب, الناس دي بتعمل اية في التحرير وبعدين يندس وسطهم بلطجية او عناصر من الشرطة الملكية ويهيجو الدنيا ..........يبقي الحل الناس تقعد في بيوتها ولو عاوز يعتصم يبقي بادب مش بيات في الشارع ومناظر وحشة

ahmedmh_ali

11-12-17 06:06 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة ahmed el sarky (المشاركة 260725)

و الله يا أبو حميد فى صورة تانية من العيار التقيل بس ربنا يستر على البلد ...

superman2

11-12-17 06:07 PM

رد: صور بدون تعليق لما حدث اليوم

-------------------------------------

omarmagic

11-12-17 06:10 PM

رد: صور بدون تعليق لما حدث اليوم

بجد ربنا يسترها على البلد

Ahmed El Sarky

11-12-17 06:12 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة superman2 (المشاركة 260728)

علي كلامك الكل يفضل في بيته ويضرب علي قفاه زي زمان .... ماحنا شعب اتعود علي ضرب الجزم ونسكت ..... اللي عاوز ينام تحت اللحاف ينام بس اكيد الدور جاي عليه قريبا

منتهي السلبية

يا سيدي الفاضل لما يكون عندك وضع مش مستقر وفي ناس من مصلحتها انها تخرب في البلد يبقي ابعد وانتظر واذا لم يحدث تغيير انزل واعمل ثورة ..........

محمد حافظ بك

11-12-17 06:18 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة ahmed el sarky (المشاركة 260725)

بالظبط يا احمد باشا .. الناس دي صيع و فاضيين و مناظر تعبانة و نفسي افهم هم بيستفيدوا ايه من رمي الطوب كده غير انهم بيتفزوا الطرف التاني .. و احب اقول ان اللي بيعمل كده هدفه الفوضي عشان ناس تانية تستفيد و ادينا شفنا خزن هيئة الطرق اتسرقت و المجمع العلمي اللي بقاله 220 سنة اتحرق و المصابين نفسهم يتصابوا عشان ياخدوا التعويض و ادفعي يا حكومة .. ده غير اننا فينا طبع وحش جدا اننا بنحب الفرجة اوي يعني معظم اللي في الميدان للفرجة و ده بيعزز موقف الصيع اللي هناك .. و اي واحد في جهة حكومية هيفهم كلامي اوضح

superman2

11-12-17 06:19 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة ahmed el sarky (المشاركة 260735)

طيب واستني ايه ؟؟؟؟؟ اذا كنت عارف مين اللي عاوز يخرب البلد ليه استني اكتر من 10 أشهر ؟؟؟؟؟

ادرس ثورة رومانيا ضد شاوشيسكو هتعرف ان ما يحدث في مصر الان هو صورة طبق الاصل مما حدث بمعني اخر ان الجيش يطبق خطوات رومانيا وبالتالي الرئيس القادم سيكون واحد من اثنين (احمد شفيق او عمر سليمان ) وترجع ريمه لعادتها القديمه ......... نفسي نستفاد من دروس التاريخ

Ahmed El Sarky

11-12-17 06:25 PM

رد: صور بدون تعليق لما حدث اليوم

علي فكرة انا خدمت مع احمد شفيق وكنت بشوفة كل يوم والله العظيم راجل نظيف بس لاتقلق مش هيكون رئيس ولا عمر سليمان ........... وفكرة لية نستني دة علشان كل حاجة في بلدنا ماشية زى السلحفاء ودلوقتي جة الجنزوري وراجل محترم يبقي اديلة فرصة ونهدي بقي .
(الثائر الحق هو اللذي يثور ثم يهدا حتي تستقر الامور ) ونسال قرائة الفاتحة للشعراوي

فوزى السيد

11-12-17 06:26 PM

رد: صور بدون تعليق لما حدث اليوم

المشكلة مش فى الناس تقعد فى بيوتها ولا تنزل التحرير المشكلة انى انا كمواطن بعيد عن موقع الاحداث لما اشوف المناظر اللى فى الصور دى هلعن الجيش بافرادة وقياداتة لان احانا مش فى فلسطين هنا بنتعامل مع يهود عشان يحصل لاخونا وبناتنتا ومهاتنا كدة ومش ممكن اى حد يتقبل اى مبررات لهذا الفعل حسبنا الله ونعم الوكيل

superman2

11-12-17 06:39 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة فوزى السيد (المشاركة 260754)

دي النقطة المهمة ... كرامة الانسان يجب ان تصان مهما كانت الاسباب

jhoncarbntr

11-12-17 06:43 PM

رد: صور بدون تعليق لما حدث اليوم

الرجاء عدم الاهتمام بالناس اللى مدفوع لها فلوس لان اراءها ملهاش اى منطق ومتعرفلهمش هما عايزين ايه اصلا غير كل اللى عايزينه استمرار القلق والاحداث الاول موش عايزين رئيس الوزراء تم تغييره وبعدين الجيش فى ايده السلطة موش عايزين كده والجيش راح حول السلطة ودلوقتى موش عايزين كمال الجنزورى ....لا بقى ****** عليكم دانتم عايزين ******* لامؤاخذة امال عايزين ايه ياحلوين موش فاهمين لكم حاجة انا اقولكم ياترى عايزين كل شوية يحصل شغب علشان كل شوية نقول الجيش بيضرب فى المتظاهرين اللى هما اساس بيتظاهروا ليه اقولكم دى كمان علشان موضوع سوريا لسه مخلصش والفوضى موصلتش لمرحلة قوبة لغاية دلوقتى بالتزامن مع خروج امريكا من المنطقة وكون مصر وسوريا فيهم فوضى يبق4ى ده مبرر لاسرائيل المسكينة انها تحمى نفسها فتتوسع قول مترين فى سوريا ومترين فى مصر وهيصوا ياعملاء ياخونة ياكلاب القرش مؤامرة مؤامرة على مستوى عالى ملايين بتدخل وتستخدم فى شراء الانفس الضعيفة لتوليع العملية والدمار والثورة الفرعية المزعومة بس اللى يفهم

Ahmed El Sarky

11-12-17 06:45 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة jhoncarbntr (المشاركة 260771)

الله ينوررررررررررررررررررررررررررررررررررررررر عليك

ahmedmh_ali

11-12-17 06:51 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة jhoncarbntr (المشاركة 260771)

ممكن أعرف اية علاقة دة بسياسة التقليع اللى ماشى بيها الجيش دى ؟

ebrahem

11-12-17 06:59 PM

رد: صور بدون تعليق لما حدث اليوم

كويس انها كانت عاملة حسابها يمكن لو كانت نسيت تلبسها كانت البلد ولعت ياة داحنا بقينا صغيرين قوى شوية شباب لا يتعدو المئات يكسروا درة التاج فى المنشآت الحكومية والقوات بتتفرج؟ حد يسيب الألتراس الهمج يعملو الهما شايفينو صح؟ ولما المركب تغرق بينا؟.

ĴΘĶЄЯ

11-12-17 07:20 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة Ahmed El Sarky (المشاركة 260725)

اؤيد رأيك بشدة

فوزى السيد

11-12-17 07:31 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة superman2 (المشاركة 260792)

بطلوا بقي نغمة اسرائيل وامريكا وخليكوا في حالكوا ....... بكرة لما يجي يوم تشوف امك مكان البنت دي ابقي خلي الجنزوري ينفعك ... فعلا اتباع العباسية ...... متخلف

وانا معاك وعايزين نعرف هما مين اللى مدفوع لهم فلوس يا افندينا

فوزى السيد

11-12-17 07:36 PM

رد: صور بدون تعليق لما حدث اليوم

انا عايز اعرف هو لية لسة فى ناس بتتكلم بالهجة دى لحد الان بعد اكتشاف كل الفساد والتامر والسرقة لموارد البلد وسحق كرامة المواطن اما بتعذيبة للحصول على لقمة العيش او فى الاقسام ومراكز الشرطة دا احنا بقينا اتفة شعب عند اى شعب عربى او اجنبى بسبب ان حومتنا وحكامنا اهدرت كرامتنا انا والله كنت داخل اتكلم فى الصيد وكدة بس لما شوفت الصور دى نسيت انا كنت هعمل اية ولتانى مرة حسبنا الله ونعم الوكيل

superman2

11-12-17 07:56 PM

رد: صور بدون تعليق لما حدث اليوم

الاخ المشرف بيقولي ارجو الالتزام بقواعد المنتدي ... اي قواعد ?????????? انا كل اللي قلته ان في ناس مش هتتحرك غير لما تشوف امها او اختها في الموقف ده ... هل في ذلك مخالفة ؟؟؟؟؟؟؟؟؟؟؟؟؟؟؟؟؟؟ اذا كان نعم فارجو شطبي من هذا ( المنتدي ) فورا !!!!!!!!!!!!!!!!!!!!!!!!!!!!!!

فوزى السيد

11-12-17 08:01 PM

رد: صور بدون تعليق لما حدث اليوم

اقتباس:

المشاركة الأصلية كتبت بواسطة superman2 (المشاركة 260809)

وانا ارجو شطبى معك اذا تم هذا

omarmagic

11-12-17 08:05 PM

رد: صور بدون تعليق لما حدث اليوم

ياجماعة ياريت الانفعال ميوصلناش لحجات وبعدين نندم عليها
وبرجاء التحكم فى النفس

amin hegazy

11-12-17 09:34 PM

رد: صور بدون تعليق لما حدث اليوم

راجع الفيديو ده ربنا يكرمك الاول
http://www.egypthunt.net/showthread.php?t=20309
معاك ان الصور لاول وهله مستفزة بس شوف الفيديو كويس وانت هتفهم

الساعة الآن 11:54 AM