الضغط داخل بستم بنادق الديانا والبي اس
 

عايز اعرف الضغط الجوي كام بار جوا بنادق ضغط الهوا الألماني والانجليزي؟
الموضوع باختصار اني عايز اطور بندقيتي المعادي (وهطورها بأذن الله) ياما بالجاز رام يأما بغيرها

رد: الضغط داخل بستم بنادق الديانا والبي اس
 

ياريت تقولى ايه موضوع الجاز رام دا ونشتغل احنا الاتنين عليه بدل متشتغل لوحدك

رد: الضغط داخل بستم بنادق الديانا والبي اس
 

بأختصار شديد دا فيديوا تعديل انك بتحط بدل السوسته بتاعت البندقيه حاجه اسمها جاز رام هيه زيها زي مساعدين الموتسيكلات او العربيات السسبنشن لما تضغط عليه يرد تاني بسبب انضغاط الغاز طبعا رد فعله مش زي رد فعل السوسته بتاعت البندقيه وبيقولوا في الفيديوهات انه بيخلي البندقيه ادائها ممتاز وبيخلي قوتها الضعف
بس دا اكيد يعتمد علي قوه وحده الجاز رام المنضغطه دي وطبعا لازم تلاقي حاجه رفعها علي قد رفع ماسوره البندقيه والسوسته بتاعتها زي الفيديوا دوت

رد: الضغط داخل بستم بنادق الديانا والبي اس
 

ممكن تلاقي قطع غيار للغاز رام بتتباع على النت ده إلى سمعته

رد: الضغط داخل بستم بنادق الديانا والبي اس
 

قبل مدور علي النت مكن الاقي حاجه في مصر اسهل لان النت الشحن والجمارك بتزود مبلغ محترم علي اي حاجه لسه شاري ساعه زودوا 15ج والساعه تمنها 350 يعني كنت اجبها من مصر احسن

الفكره انها لو ممكن اجبها من قطع غيرا العربيات يبقا هنزل الحرفيين واخلعها من اي عربيه بمبلغ بسيط

رد: الضغط داخل بستم بنادق الديانا والبي اس
 

بص ياباشا انا جيبت مساعد شنطة زيرو لعربيه بيجو 505 ب45 جنيه تقريبا ممكن ينفع معاك لانو رفيع بس معرفش الطول بقى هينفع ولا لا

رد: الضغط داخل بستم بنادق الديانا والبي اس
 

الطول مش مشكله لأنك ممكن تقص من الجزء المعدني الي هوا العمود الحديد يريت تقلي قطره
بس بردوا لازم اتأكد من الضغط بتاعه لانه ممكن يكون بيركب بس الضغط بتاعه اي كلام يبقا تعبت نفسي علي الفاضي

رد: الضغط داخل بستم بنادق الديانا والبي اس
 

رد: الضغط داخل بستم بنادق الديانا والبي اس
 

ايوه يا فيصال ارجو انت تعم الفائده

رد: الضغط داخل بستم بنادق الديانا والبي اس
 

أن شاء الله خير
اكيد لو اشتغلت معايا كويس هقلكم كل مراحل التصنيع انا بس عايز حد يديني أرقام صحيحه لعمليه الضغط الجوي بالبار جوا البستم في البندقيه علي أساسه هعمل حساباتي

رد: الضغط داخل بستم بنادق الديانا والبي اس
 

هى بنادق ال pcp بتشتغل من 120 بار الى 200 بار انما البنادق الى فيها سوسته مش عارف بس اعتقد مش هتبعد عن كده لان سرعة الرشه تقريبا هى هى..
معلش فى حاجه فى سؤالك... انت بتسال عن الضغط داخل البندقيه و ليس الضغط الجوى... الضغط الجوى هو ضغط الهواء الى احنا عايشين فيه و هو حوالى 1 بار ..

رد: الضغط داخل بستم بنادق الديانا والبي اس
 

طيب وبيشحنوها أزاي ب 120 بار دا قوي أوي
لازم كمبوريسور قوي جدا علي ما أعتقد

رد: الضغط داخل بستم بنادق الديانا والبي اس
 

ممكن بكمبوريسور قوي
أو Accumulating pressure
بكمبوريسور بس لفتره طويله
لو عابز تعرف ازاى بالضبط دور على youtube على حاجه اسمها shoe box compressor
بالنسبه لسؤالك الأصلى فمع احترامى للأخ اللى افترض ان الضغط حيكون قريب من الـPCP
فالأفتراض ده مش صحيح لان الـPCP مش بتستهلك كل الضغط ده لطلقه واحده
فأنا حأحاول أعمل موضوع كامل للرد على سؤالك ده بالتفصيل

رد: الضغط داخل بستم بنادق الديانا والبي اس
 

يريت توضح ايه نوع الكمبوريسور الي بتتكلم عليه وهل بيتباع؟

انا فكرت اجيب الكمبوريسور زي الي في البنزينه بتاع نفخ الكاوتش؟!

رد: الضغط داخل بستم بنادق الديانا والبي اس
 

مراقب عن كثب وفقك الله

رد: الضغط داخل بستم بنادق الديانا والبي اس
 

الكمبروسور بتاع البنزينه اخره حوالى 40 بار لان كاوتش العربيه بيكون فى حدود 30 بار بس... مش بالحجم على فكره... الناس الى اشترت بنادق pcp فى منها انواع كتير بتتباع بمنفاخ بيوصل الضغط ل 200 بار بعد حوالى 80 ضغطه على المنفاخ و هو يدوى و فى طبعا حاجات بالكهربا و بتكون مرحلتين عشان يقدر يوصل للضغط ده...ضغط ال pcp طبعا مش بيخلص مره واحده بس دى فيها نظام تانى.. تانك مليان بهواء مضغوط و هيكون مسال كمان...

رد: الضغط داخل بستم بنادق الديانا والبي اس
 

ده الكموبرسور اللى أنا أقصده

ضغط العجل عمره ما بيزيد عن 3 بار فى العربيات الملاكى و الـ SUV

رد: الضغط داخل بستم بنادق الديانا والبي اس
 

ده موضوعى عن الضغط داخل بستم البنادق
http://www.egypthunt.net/showthread.php?t=20552

رد: الضغط داخل بستم بنادق الديانا والبي اس
 

طيب المنفاخ اليدوي دا بيتباع فين؟ وأسعاره أيه؟
والضغط جوا طفايات حريق العربيات الصغيره كام؟