استقاله
 

برجاء قبول استقالتى
من المنصب الادارى
لانه ولله الحمد طوال وجوده فهذا المنصب مزعلتش حد من الاعضاء منى حتى اللى كنت بحذف موضوعه
كنت ببعتله السبب فرساله على الخاص
وباسلوب مهذب وكان العضو يتقبل الموضوع بصدر رحب ويتفهم موقفى
لانى الحمد لله بكلمه بكل ادب واحترام
ولكن الاخ العزيز احمد على فاحد مواضيعه
http://www.egypthunt.net/showthread.php?t=20340
تدخل احد الاخوه الاعضاء بمشاركه مستفزه خارج الموضوع
وطبعا احمد رد علىه وهو ثائر
ولقيت الموضوع سياخد جانبا اخر وستحدث مشكله
وقمت بحذف بعض المشاركات وارسلت للاخ احمد على الخاص واعتذرت له
ولسه حبعت للاعضاء
لقيت الاعضاء بتهاجم احمد على اساس انه اللى حذف المشاركه
فقلت انى اللى حذفت المشاركات
وكلمتك الراجل بكل ادب واحترام
وبعدها لقيت احمد رجع المشاركات تانى
وبيرد على الراجل تانى وناس تانيه داخله تشارك
وبجد زعلت جدا لان احمد صغرنى جدا قصاد الناس
ولقيت اسلم حل انى انسحب
لاحافظ على احترامى لنفسى على الاقل مدام اخويا مش محترمنى
واسف على الاطاله وشكرا لكل الاخوه طاقم الادارة
اللى قضيت معاهم احلى وقت
وبحمد ربنا انى دخلت المنتدى بدور على مسدس صوت
وخارج منه صياد بفضل كل اخوتى
والسلام عليك ورحمه الله وبركاته

رد: استقاله
 

فكك بقى من اللى أنت فية و أتعدل بلاش خيابة أدخل على الموضوع و أقرة أنا كاتب أية ، الموضوع فى حاجات من أمبارح أنت متعرفش عنها حاجة و كان فية مشلكة مع الأدارة بسبب المشاركة دى ..

رد: استقاله
 

حتعملى فيها فيلم الخطايا و لا اية أستقالة أية بدل لما أخطفك ..

رد: استقاله
 

القرار الاداري الصحيح هو حذف الموضوع لانه مخالف بالاساس لا حذف مشاركات فقط !!
والتنبيه على المشرف بالالتزام بقوانين المنتديات وهي عدم كتابه مواضيع سياسيه او دينيه
ليس لها علاقه مباشره بالصيد !
اذا كان المشرف من يخالف قواعد المنتديات كيف من المفترض ان نطلب من الاعضاء ذلك !!

رد: استقاله
 

السلام عليكم
يا فندم بجد انا محتار ومش عارف اعمل ايه
برضه من فترة حصل تجاوز فاحد المواضيع الدينيه
لانه تعرض للدين الاسلامى والمسيحى
وقمت بحذف الموضوع مع الاعتذار لصاحبه
وهو الاخ اوكابى
وقبل الاعتذار
وعمل موضوع هنا بضرورة حذف المواضيع الدنيه والسياسيه
وندخل مشرف عام 3 مشكورا ووافق على رأى طبقا لقواعد المنتدى
وقمت بعمل موضوع فقسمى بهذا القرار واكثر الاعضاء رحبوا به والحمد لله
وفعلا على مدار اكتر من ساعتين حذفت مواضيع سياسيه ودينيه
ولكن الاخ مشرف عام 1 قام بحذف موضوعى
وارجاع كل المواضيع المحذوفه
وقال حتى لايبتعد الاعضاء عن المنتدى
فياريت بس اعضاء الاشراف العام والادرارة
يتفقوا على رأى واحد
وابلاغى به
سواء عاوزنى اكمل معاكم او لأ
وانا حقوم بواجبى مدام لسه فالادارة لحين ابلاغى القرار
واسف على عدم التواجد الفترة اللى فاتت
لظروف وليس تملص وربنا اللى اعلى
وشكرا

رد: استقاله
 

سيتم التنبيه على مشرف عام 1 بعدم تجاوز قواعد استخدام المنتديات
من الممكن انه وقت تجاوزه لهذه القواعد كان يمنع حدوث مشادات نظرا لتعصب بعض الاعضاء السياسي او الديني فارجو ان تلتمس له هذا العذر .. وان كانت القواعد نهائيه ويجب تطبيقها بقدر المستطاع .

رد: استقاله
 

شكرا يا فندم للرد
بس اخر سؤال يا ترى المواضيع الساسيه والدينيه احذفها ولا لأ
لو الرد بالموافقه اسمحولى اعمل موضوع تانى انبه فيه الاعضاء
ولكم جزيل الشكر
تحياتى