الصيد فى مصر - ردا علي موضوع معلومة للتاريخ (ahmed6394)

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - ردا علي موضوع معلومة للتاريخ (ahmed6394) (http://www.egyhunt.net/showthread.php?t=20504)

eng.amg

11-12-21 11:23 AM

ردا علي موضوع معلومة للتاريخ (ahmed6394)

ردا علي موضوع الأستاذ ahmed6394

بعنوان معلومة للتاريخ في هذا الرابط

http://www.egypthunt.net/showthread.php?t=20486

هذا الكلام خطأ 100 في 100

لسبب بسيط .. أن المشير أبو غزالة رحمه الله عليه قام بتأليف كتاب شهير عن بطولات أكتوبر وكان أحد فصول هذا الكتاب مخصص لطنطاوي وكان برتبه عقيد علي حسب ذاكرتي لأني قرأت الكتاب من مدة كبيرة.

والموقف إلي حضرتك ذكرته بالإساءة ذكره هو (المشير أبو غزاله) بالإنجاز حيث كما ذكر تمت إبادة فرقة مظلات إسرائيلية علي يديه أثناء هجومها علي كتيبته ليلا برغم من تفوقهم في المعدات وتزودهم بأسلحة متقدمة وأدوات رؤية ليلية والعدد ولم يعد منهم فردا واحدا

أرجو من الإخوة المحترمين التأكد من المعلومات قبل إذاعتها وإرفاق المصدر

لأن هذه البلاد مشكلتها الوحيدة ((إذاعة الأخبار بدون تأكيد))

وعلي فكرة أنا ضد حكم العسكر

eng.amg

11-12-21 11:28 AM

رد: ردا علي موضوع معلومة للتاريخ (ahmed6394)

وطبعا لما راجل زي المشير أبو غزالة يمدح راجل زي دا فلا يمكن أن يكون قد أخفق في موقف حتى مشابه للموقف إلي حضرتك بتحكيه

ĴΘĶЄЯ

11-12-21 11:30 AM

رد: ردا علي موضوع معلومة للتاريخ (ahmed6394)

فعلا عندك حق يا باشا
انا مستغرب جدا للى بيحصل
ربنا يصلح الحال

bodygard 34

11-12-21 11:42 AM

رد: ردا علي موضوع معلومة للتاريخ (ahmed6394)

بغض النظر عن اتفاقنا او اختلافنا فى وجهات النظر السياسيه حاليا.. برجاء عدم المساس بسمعة الجيش خصوصا من الشباب حديثى السن اللى ماعاصروش مرحلة الحروب اللى خاضها الجيش بتاعنا او يمكن لسه ماخدموش فى الجيش (فترة التجنيد) او ضريبة الدم كما كان يحلو لنا زمان ان نطلق عليها لأنها بالنسبه لينا شرف وفخر..مافيش فى الدنيا حد بيعمل كده يا جماعه..جيشنا خير اجناد الارض ونحن فى رباط الى يوم الدين وده كلام رسلونا الكريم صلى الله عليه وسلم.. وارد ان يصدر خطأ لكنه لا يعمم على الجيش كله او رموزه وقادته..وأسألوا اى محارب قديم يعنى ايه زميل سلاح؟؟؟جايز ده يفسر شئ

kiko_2015

11-12-21 11:47 AM

رد: ردا علي موضوع معلومة للتاريخ (ahmed6394)

اعتقد ان الجيل العظيم اللي حارب ( و اقصد فصيلة الجنود و الضباط الصغار) يختلف عن جيل هذه الايام

جايز السبب ان زمان مكانش في كلية شرطه بالواسطه ولا كلية حربيه بالمعرفه و لا مش عارف ايه بالفلوس

اعتقد ان الحاجات دي سبب في قلة الكفاءات..بدليل ان ضابط الشرطه النهارده و ضابط الجيش ممكن يعمل اي حاجه للاسف زي ما بنشوف لانه معندوش قيم و دخل الكليه بفلوس ابوه عشان يقول ابني ظابط..مش عشان يحارب الفساد بل لان يكون جزء من هذا الفساد

kiko_2015

11-12-21 11:48 AM

رد: ردا علي موضوع معلومة للتاريخ (ahmed6394)

بالنسبه لموضوع الثغره..الثغره حصلت واللي كان كان..ورجالة السويس قاموا بالواجب ف المقاومه الشعبيه

jhoncarbntr

11-12-21 11:55 AM

رد: ردا علي موضوع معلومة للتاريخ (ahmed6394)

شكرا اخى على تصحيح المعلومات تحياتى لك

ahmed6394

11-12-21 12:08 PM

رد: ردا علي موضوع معلومة للتاريخ (ahmed6394)

لو انا غلطان إذاً سوف امحى الموضوع حالاً و متأسف

bodygard 34

11-12-21 12:21 PM

رد: ردا علي موضوع معلومة للتاريخ (ahmed6394)

اقتباس:

المشاركة الأصلية كتبت بواسطة ahmed6394 (المشاركة 263605)

لو انا عاطان إذاً سوف امحى البموضوع حالاً و متأسف

مش موضوع غلطان ياأخى الفاضل وكلنا مش شايفين بوضوح مش انت لوحدك ..الصوره مظلمه فعلا.بس فى ثوابت لو بالبلدى كده لعبنا فيها قول على مصر السلام..والجيش من الثوابت او اخر حاجه من الثوابت دى..لو شعب اتهم جيشه بالخيانه تبقى مصيبه..اشبه بواحد قاعد فى بيته وقرر ان يهد اكبر عامود مسلح شايل البيت لأنه عايز يجدد البيت... البيت حايقع على دماغه هو وعيلته..ربنا يهدينا جميعا وينور طريقنا

bodygard 34

11-12-21 12:27 PM

رد: ردا علي موضوع معلومة للتاريخ (ahmed6394)

اقتباس:

المشاركة الأصلية كتبت بواسطة kiko_2015 (المشاركة 263576)

اخى العزيز.. لا يمكن تشبيه الجيش بالشرطه ..مش تقليل من قيمة الشرطه ولا رفع من قيمة الجيش ده شئ وده شئ اخر..ده مؤهل لشئ وده مؤهل لشئ اخر وده موضوع شرحه يطول فعلا لكن اللى اقدر اقوله دلوقت ان الشرطه تؤهل للتعامل مع المدنيين والجيش يؤهل للتعامل مع اعداء الوطن وده فرق زى مابين المشرق والمغرب

eng.amg

11-12-21 12:43 PM

رد: ردا علي موضوع معلومة للتاريخ (ahmed6394)

اقتباس:

المشاركة الأصلية كتبت بواسطة ahmed6394 (المشاركة 263605)

لو انا غلطان إذاً سوف امحى الموضوع حالاً و متأسف

السيد المحترم...أنا مقصدش أبدا الإساءة إليك بأي حال من الأحوال
واضح من ردك الكريم إنك إنسان مهذب ومحترم
إلي أقصده إن الناس تتأكد بس قبل متقول معلومة... لأن دا ممكن يسبب مشاكل كتير وأهم حاجة إن ديننا يأمرنا بالتأكد من المعلومات قبل إذاعتها
تحياتي يا أستاذ أحمد

smsmn8888

11-12-21 01:03 PM

رد: ردا علي موضوع معلومة للتاريخ (ahmed6394)

اقتباس:

المشاركة الأصلية كتبت بواسطة kiko_2015 (المشاركة 263576)

مين قالك بس الوسطة في مصر من زمان اتفرج علي الافلام الابيض واسود بس ساعتها كان العدو معروف للجميع والهدف واحد

الساعة الآن 04:51 AM