بندقيه ام روحين
 

ارجو معرفه الفرق بين بندقيه ام روحين التي لديها ماسورتان بجوار بعض والتي فوق بعض مع الصور والتوضيح لوسمحتم والسعر لكل منها وشكرا

رد: بندقيه ام روحين
 

بعد التحية يا ا. محمد يشرفنى انى ارد على موضوعك

فعليا ما فيش فرق بين الاتنين ( الاتنين بيضربوا خرطوش ) بس الفرق فى التصميم فقط

الماسورتين اللى جنب بعض تصميمها هو الاقدم و اسمها side by side و دى الاقدم ( بندقية الباشاوات )

الماسورتين اللى فوق بعض( over and under دلوقتى هى المستخدمة فى الرماية على الاطباق

و بالنسبة للانواع فحاليا فى بنادق تركى ( ماسورتين فوق بعض ) موجودة فى مصر و سعرها بيبقى حول ال10 الاف و ان كان المفروض سعرها يبقي اقل من كده

و اتمنى اكون افدتك

رد: بندقيه ام روحين
 

السادة الافاضل النوعين موجودين لحد دلوقتى
بس الside by side قليلة شويه لانها اكثر استعمالها فى الصيد و العيارات العالية
و ال over and under فى الرماية و طبعا ارخص

رد: بندقيه ام روحين
 

الف الف شكر وياباشا انا الي ليا الشرف ان حضرتك اول شخص ترد عليا ومعلش ليا كمان استفسار هل ليها اسم غير ام روحين وهل في منها بيضرب غير الخرطوش ولماذا سعر منخفض جدا في الصعيد ولكم جزيل الشكر

رد: بندقيه ام روحين
 

انا كان معايا بندقية زى الصورة الى اليمين محفور عليها ارقام وكلمات بحثت عنها فى النت وموصلتش لحاجة هيا زناد واحد بضرب الطلقة الأولى بعد دوسة خفيفة والطلقة التانية بعد دوسة اتقل من الاولانية لكن لو انت متعصب ممكن ضغطة واحدة تطلع الطلقتين مع بعض ومافيهاش امان بتتعمر بتبقى جاهزة على الضرب وطلقة الخرطوش بتاعها ماركة ابو قير طول الخرطوشة ييجى 6سم وقطرها ييجى اتنين سم قعدت البندقية معايا حوالى اسبوعين ورجعتها لصاحبها من غير ماعرف موديلها

رد: بندقيه ام روحين
 

فين الردود يارجاله وكنت شاريها بكام ياريس و علي الرخصه ولا من غير

رد: بندقيه ام روحين
 

بص يا باشا مبدئيا البنادق دى على الرخصة سواء رماية او حماية او صيد الا اذا كنت ناوى تجيبها شمال ثانيا هى رخيسة بتبتدى من 7 الف جنيه للتركى

رد: بندقيه ام روحين
 

ياباشا انا بأسأل للمعرفه فقط وكمان فين باقي الردود هوا الموضوع صعب لهذه الدرجه ولا ايه

رد: بندقيه ام روحين
 

بالنسبه لسؤالك الاول هو دا الاسم المنتشر بين العامه او ام ماسورتين لكن فى الخارج تسمى دبل ريفل وسيد بى سيد دا الشكل وحاليا بتضرب خرطوش فقط مافيش منها رصاص ودى بندقيه محترمه اخترعت اول مره سنه 1820 وكانت بتضرب بليه كبيره وكان تحشى من اعلى الفوهه بالبارود الاسود وتضع البليه فوقه وتكبسها بسيخ مثبت اسفل الماسوره كالبنادق وشاكوش ين من الصوان ليحدث شراره ويشعل البارود وكانت تاخز وقتا فى زلك الوقت وعند اختراع الخرطوش ظهرت ثانيه واثبتت جدارتها عن المره السابقه فالخرطوش سريع التعمير لا يستغرق ثوان وقد استخدمها الانجليز فى حروبهم فى الهند 1982 مع بندقيه اسمها انفيلد وقتها كانت تضرب رصاصتين وكانت ماسورتين فوق بعض وبالنسبه للصعيد انا اشتغلت فتره فى قنا الحكومه تعرف ان دى عادات وماتتكلم فيها ومابتقبض عليهم ولكن كل سنه بيسلمو للحكومه السلاح التالف بحجه انه سليم ككبش فداء يعنى عشان الضباط يثبتوا انهم شغالين وخلاص ولزلك لانتشاره فستجد موديلات كثيره واغلبها الكلاشنكوف والاسعار رخيصه فالاشياء البدائيه دى ملهاش عندهم زبون فباى سعر بيبيع ولعلى قد افدتك

رد: بندقيه ام روحين
 

شكرا معلومات قيمة

رد: بندقيه ام روحين
 

تحت امركم يا بو اسكندر والمعلومات دى من كتالوج عرض لشركه كابيلا فى كندا وهى تبيع كافه مستلزمات الصيد والاسلحه المتنوعه وعندهم بنادق انجليزيه وفرنسيه من ايام حروب السنين السبع وبتتباع للغاويين