الصيد فى مصر - BSA,KRAL,Weley رايكم لوسمحت

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - BSA,KRAL,Weley رايكم لوسمحت (http://www.egyhunt.net/showthread.php?t=21293)

AirPowder

12-01-03 10:39 PM

BSA,KRAL,Weley رايكم لوسمحت

انا بقالي 3-4 ايام بدور علي بندقية لديدة كده اتعلم بيها نشان و صيد وقرأت هنا عن معظم الانواع و قريت بره بردو بس في الرينج ألي انا عيزه عجبني ثلاث بنادق بس عايز اسمع رايكم فيها لاني لسه اول مرة ادخل في الموضوع ده و طبعا انتو اعلي مني خبرة و علم في الموضوع ده فعايز اخد رأيكم من حيث تجاربكم الشخصية مع هده البنادق و ملاحظة عيوبها و محسنها و يريت الاسعار كمان و ادا كانو متوفرين في مصر و لا لأ و يريت لو في حاجه أبتدي بيها أعلي أو أجود من الثلاث أنوع دول تقلولي ودي الثلاث بنادق ألي بكلم عليهم و الفرق بينهم من حيث الارقام و لكن من حيث الجودة و السمعة و كل ده عليكم بأ ;) http://i42.tinypic.com/2cmt7dg.jpg
شكرا

الرحاله

12-01-03 10:42 PM

رد: BSA,KRAL,Weley رايكم لوسمحت

كراااااااااااااااااااااااااااااااااااااال من الاخر

AirPowder

12-01-03 11:49 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة الرحاله (المشاركة 274873)

كراااااااااااااااااااااااااااااااااااااال من الاخر

حضرتك بترشح الكرال اعتمادا علي م/س لان ده ميهمنيش قوي حاليا كمبتدأ و كمان سمعت كلام عن عيوب كتير اوي في الكرال في السوستة و حجات تانية وانا مشبفهم في الحجات دي زي التعديلات و غيره فمش عايز أدخل نفسي في مشاكلها فغالبا هركز بين ال BSA و webley ولو الفكرة ألي أنا وخدها عن الكرال لو خطأ يريت حد يوضحلي الصحيح .............. شكرا

adel152

12-01-03 11:50 PM

رد: BSA,KRAL,Weley رايكم لوسمحت

البندقية الوحيدة الموجودة فى مصر من الثلاثة هى الكرال.
بالنسبة لرايى الشخصى افضلهم الbsa

الرحاله

12-01-03 11:55 PM

رد: BSA,KRAL,Weley رايكم لوسمحت

لولا اختلاف الازواق لبارت السلع .. لو عاوز تسمع الكلام الصح عن الكرال عليك وعلى الاستاذ عادل عبده ( طاقم الادارة ) ملك الكرال هيوضح لك كل حاجة والعيوب اللى انت بتسمع عنها كلها ممكن تلافيها بس انا باقول الكرال عشان انت قلت انت مبتدئ زى كده ودى اول سلم الهاى بور ومتخسركش كتير لو كرهتها ( فى السعر يعنى ) زى الانواع التانية

AirPowder

12-01-04 12:34 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة الرحاله (المشاركة 274929)

طيب حضرتك تفضل العتلة ام الكسر و يريت فعلا لو يمكن تلافي عيوبها , و احد من خبراء الكرال يوضحلي ايه عيوبها و كيفية تعديلها لكي اتلافاها ولو كده يبأ اتوكل علي الله و اشتريها و الف شكر علي اهتمام حضرتك و ردك السريع :)

الرحاله

12-01-04 12:36 AM

رد: BSA,KRAL,Weley رايكم لوسمحت

الكسر طبعا

body77

12-01-04 02:31 AM

رد: BSA,KRAL,Weley رايكم لوسمحت

اولا الويبلى ان لقيتها( ممكن تسال عنها الامبراطور ) ثم ال bsa

mohd_wafik

12-01-04 09:56 AM

رد: BSA,KRAL,Weley رايكم لوسمحت

السلام عليكم ..
موضوع اختيار البندقيه بيعتمد على عدة عوامل ..
بس مش كل بندقيه هاي باور تبقى كويسه ..
المفروض تحط في اعتبارك الدقيه في المقام الاول ثم الهاندلنج للبندقيه ثم خامات البندقيه ووزن البندقيه و رد فعلها و بعدين السرعه و السرعه مش عامل مهم اوي يعني ممكن تجيب بندقيه متوسطة السرعه و تعمل بيها شغل جامد احسن من الهاي باور ..
طب السؤال هنا . ميزانيتك كام و على اساسا كده هرشحلك بندقيه ؟

mibrahem

12-01-04 10:19 AM

رد: BSA,KRAL,Weley رايكم لوسمحت

كرال واتوكل على الله انا برضة جديد فى هذا الموضوع ولاكن دخلت على منتديات كتير ووجدت ان هذا المنتدى من اقواهم واستفدت كتير من اراء الأخوة الموجودين فيه ووجدت عدم بخل بالمعلومة
وعلى فكرة انا اشتريت كرال خشب كسر من حوالى اسبوع قولى مبرووووووووووك

اشهد الا اله إلا الله و ان محمد رسول الله

moneey1975

12-01-04 10:20 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة mohd_wafik (المشاركة 275119)

كلام الاستاذ محمد ... سليم مليون في الميه وبالتوفيق ان شاء الله تعالي

AirPowder

12-01-04 11:35 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة mohd_wafik (المشاركة 275119)

ممكن نقول من 2000 - 2500 لان انا مش عايز مجرد بندقية اتعلم بيها و خلاص انا عايز حاجة تعيش معيا و متكونش مشكلها كتير انا بصراحة نفسي اجيب اللBSA Meteor M7 بس في ناس بتقولي مش متوفرة عندنا هنا و لو حضرتك تعرف حاجة في نفس الربنج و احسن ياريت تقولي و انا كنت متحمس نوعا ما اني اجيب الكرال و اشوف ايه تعديلتها و اضبطها عشان اتلافا عيوبها بس يعني بردو بقول لنفسي ايه ألي يخليني اجيب حاجة جديدة عشان اول ماأجيبها افتح و العب فيه و اغير و بتاع بالدات أن الكرال دلوقتي مش رخيصة زي الاول دلوقتي الخشب بتلعبلها في 1700+ يعني مش حاسس بمميدات اوي فيها عشان اجيبها و اعدلها زي ما كنت بفكر في الاول

AirPowder

12-01-04 11:39 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة mibrahem (المشاركة 275124)

ألف مبروك ربنا يبركلك فيها :)

mohd_wafik

12-01-04 12:12 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة AirPowder (المشاركة 275165)

Bsa معديه السعر الي معاك وبعدين المبلغ المعاك ممكن تجيب بيه كرال خشب بعتله واساسا مش هتعدي 2000 بس متجيش بعد كده تقول طلع فيها عيب بس انا ليا راي حوش وهات الجامو 440 تقريبا مش هتعدي 3500 بالكتير

عادل عبده

12-01-04 12:33 PM

رد: BSA,KRAL,Weley رايكم لوسمحت

هات كرال كسر خشب من الاخ الفاضل هشام سمير ب1250
ولو عاوز فيها اى تظبيط انا تحت امرك
يا اما هات جامو هانتر440 بندقيه صياده ومالهاش حل

AirPowder

12-01-04 02:22 PM

رد: BSA,KRAL,Weley رايكم لوسمحت

انا بصيت علي الجامو 440 فعلا بندقية 10/10 ولي عجبتني اوي الجامو 1250 كأداء و دقة و يريت لو حد متخصص يقدر يقولي اسعرهم هنا كام بضبط و لو حد يعرف موقع بيبعهم يكون تعامل معه قبل كده يريت لو يقولو لاني ملاحظ الحاجة الي ب 3 ألاف جنيه برة بتتباع هنا ب 6 فا يوم ما أجبها من برة مهما كانت الجمارك اكيد ارخص و اضمن من المحلات هنا (انتو عرفين هنا معظم التجار ضميرهم عامل ازاي و أد أيه بيحبو الخير من اول المعملة و البضاعة الصيني المضروب لغايت الحساب) هههه .

و ألف شكر لاهتمامكم و لكل ردودكم المفيدة

slem448

12-01-04 02:54 PM

رد: BSA,KRAL,Weley رايكم لوسمحت

خليك في الاسباني خاماتها عاليه

فوزى السيد

12-01-04 07:39 PM

رد: BSA,KRAL,Weley رايكم لوسمحت

والله لو جيت للحق سيبك من كل اللى انت عارضة واللى اتعرض عليك لو عايز بندقية محترمة وتنفعك كمبتدىء وكمان تنفعك لما تحترف الصيد وتعيش معاك بدون اى اعطال ولا اى مشاكل يبقا عليك بالسلافيا 631 التشيكة بجد وعن تجربة بندقية جميلة ومعمرة جدا

AirPowder

12-01-04 08:35 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة فوزى السيد (المشاركة 275459)

دي ايه مواصفتها و سعرها كام

محمد حافظ بك

12-01-04 08:57 PM

رد: BSA,KRAL,Weley رايكم لوسمحت

انصحك بنوريكا جيت نمرة 2 يادوب علي قد سعرك وبندقية هاي باور و ممتازة ..

فوزى السيد

12-01-04 09:08 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة airpowder (المشاركة 275486)

دي ايه مواصفتها و سعرها كام

مواصافتها سرعة 170 متر بالثانية امان خلفى دقة عالية فى النشان خرساء بدون صوت تقريبا بدون رد فعل نهائيا خامات اكثر من ممتازة السعر 2150 جديدة وممكن تدخل على صفحتى الشخصية هتلاقيا فى البومات الصور

محمد حافظ بك

12-01-04 09:12 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة فوزى السيد (المشاركة 275507)

بندقية وهمية و ممتازة و فوزي باشا مبهدل الدنيا بيها في رشيد ...

فوزى السيد

12-01-04 09:14 PM

رد: BSA,KRAL,Weley رايكم لوسمحت

4 مرفق

دى صور ليها

فوزى السيد

12-01-04 09:16 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة محمد حافظ بك (المشاركة 275512)

بندقية وهمية و ممتازة و فوزي باشا مبهدل الدنيا بيها في رشيد ...

محمد حافظ باشا شكرا لتعليقك الجميل وفعلا هى بندقية جميلة وهى السبب فى بهدلة الدنيا فى رشيدهههههههههههه

AirPowder

12-01-04 10:48 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة فوزى السيد (المشاركة 275515)

دى صور ليها

جميلة جدا ماشاء الله ربنا يبركلك فيها بس في حاجة تانية كدا شوفتها و كنت عايز اخد فيها راي حضرتك و أرئكم جميعا في الCFX Royal البندقية دي عجباني جدا و تاس كتير بتكلم علي دقتها و ادئها و بصراحة الي عجبني فيها عن الجامو 440 انها مش كسر و بشوف بعض الناس بتقول الكسر احسن بس بنسبالي انها مش كسر دا ميزة لاني بصراحة مقدرش كل طلقة اكسر و احط الرش و اضرب ضربة و اكسر تاني ممكن يجيلي جلطة فيها لانه مجرد التفكير في تكرار الكسر بيزهئ ما بالك بعمله ههههه بس سمعت أن في نوع 198 م/س بس الي انا بكلم عنها و عجباني هي ألي سرعتها220 م/س لانها غير فرق السرعة كمان مزودة بقعدة Optic و في نقطة نفسي افهمها الserial number الي علي البندقبة بيدل علي ايه او ايه لزمته و شكرا ليك و لكل المشاركين في الموضع علي اهتممكم و اخلصكم في اعطاء المعلومة

سرسور

12-01-05 12:15 PM

رد: BSA,KRAL,Weley رايكم لوسمحت

اخى لو ناوى على بندقية من الخارج هات الديانا ايركينج
لكن لو ستشترى من مصر انزل الاسواق الاول لترى المتوفر و تعرف سعرة
و تمسك البندقية بيديك لان الحقيقة ليست مثل الصور فرق الوزن و شكل الدبشك و راحتك مع البندقية
ارشح لك محل فتح الله فرع محطة مصر ممكن تزوره و ترى ما عندة وهو اقل اسعار فى المحلات التى رأيتها
و ليس شرط ان تشترى بندقية هاى باور
يوجد بنادق كثيرة متوسطة السرعة و لها اداء و دقة افضل من الهاى باور
و ممكن تشترى بندقية مستعملة تبدأ بها ثم تقرر ما تريد بعد ذلك
فاذا لم تعجبك لن تخسر كثيرًا عند بيعها لكن الجديدة باى حال سوف تخسر فيها
ارجو ان اكون افدتك

mohd_wafik

12-01-05 04:10 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة airpowder (المشاركة 275594)

جميلة جدا ماشاء الله ربنا يبركلك فيها بس في حاجة تانية كدا شوفتها و كنت عايز اخد فيها راي حضرتك و أرئكم جميعا في الcfx royal البندقية دي عجباني جدا و تاس كتير بتكلم علي دقتها و ادئها و بصراحة الي عجبني فيها عن الجامو 440 انها مش كسر و بشوف بعض الناس بتقول الكسر احسن بس بنسبالي انها مش كسر دا ميزة لاني بصراحة مقدرش كل طلقة اكسر و احط الرش و اضرب ضربة و اكسر تاني ممكن يجيلي جلطة فيها لانه مجرد التفكير في تكرار الكسر بيزهئ ما بالك بعمله ههههه بس سمعت أن في نوع 198 م/س بس الي انا بكلم عنها و عجباني هي ألي سرعتها220 م/س لانها غير فرق السرعة كمان مزودة بقعدة optic و في نقطة نفسي افهمها الserial number الي علي البندقبة بيدل علي ايه او ايه لزمته و شكرا ليك و لكل المشاركين في الموضع علي اهتممكم و اخلصكم في اعطاء المعلومة

لو لاقتها هتعمل من 4500 لي 6000

AirPowder

12-01-05 05:23 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة mohd_wafik (المشاركة 276010)

لو لاقتها هتعمل من 4500 لي 6000

دي سرقة رسمي:eek: دا من علي النت الديانا 350 عمللها 3000 و في offers اوقت بتنظلها لي 1500!... في AirGundePot انا لو هجيب هدور علي حد مسافر او اعمل الجيفت كارد بتاع اجريكول واشتريها من علي النت بصراحة التجار هنا حرمية فلوس و بيغالو أوي في السعر حتي يوم ما بيبيعو بالرخيص بيبأ ضعف الثمن بره و يريت الفرز ألي هنا يكون 1/4 ألي من بره انا لو كده احسنلي اشوف صرفة و اجيب من علي النت او لو لأت حد مسافر بس الحوار بأ ايه نظام الجمرك هنا بيتاخد أزاي علي هده الانواع من المشتريات و كيفية تعاملهم مع بنادف ضغط الهواء في الدخول كأنها بندوقية لعبة و لا بيتم التعامل معها علي انها سلاح و التخلف و التليف في دماغ المصرين الي بيبأو في شغلة الجمارك تحديدا يا ريت لو حضرتك عندك فكرة عن موضوع الجمارك دي تفدني و شكرا

فوزى السيد

12-01-05 06:40 PM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة AirPowder (المشاركة 275594)

يا فندم ماهى كسر برضة بس عن طريق عتلة اسفل الماسورة يعنى كل رشة هتكسرها برضة ما فيش بنادق ما بتتكسرش كل طلقة غير ال pcpودى بتعمل بالغاز اما باقى البنادق كلها لاز تنكسر كل رشة اما عن طريق الماسورة او عن طريق عتلة سفلية او جانبية

mohd_wafik

12-01-06 01:38 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة airpowder (المشاركة 276062)

دي سرقة رسمي:eek: دا من علي النت الديانا 350 عمللها 3000 و في offers اوقت بتنظلها لي 1500!... في airgundepot انا لو هجيب هدور علي حد مسافر او اعمل الجيفت كارد بتاع اجريكول واشتريها من علي النت بصراحة التجار هنا حرمية فلوس و بيغالو أوي في السعر حتي يوم ما بيبيعو بالرخيص بيبأ ضعف الثمن بره و يريت الفرز ألي هنا يكون 1/4 ألي من بره انا لو كده احسنلي اشوف صرفة و اجيب من علي النت او لو لأت حد مسافر بس الحوار بأ ايه نظام الجمرك هنا بيتاخد أزاي علي هده الانواع من المشتريات و كيفية تعاملهم مع بنادف ضغط الهواء في الدخول كأنها بندوقية لعبة و لا بيتم التعامل معها علي انها سلاح و التخلف و التليف في دماغ المصرين الي بيبأو في شغلة الجمارك تحديدا يا ريت لو حضرتك عندك فكرة عن موضوع الجمارك دي تفدني و شكرا

هههههههههههههههههههههههههههههههههههههههههههههه انته طيب اوي ...
ممنوع منعا باتا استيراد بنادق ضغط الهواء من الخارج عشان الاستيراد مقفول

AirPowder

12-01-06 04:31 AM

رد: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة mohd_wafik (المشاركة 276342)

ليه و لو كده المحلات بتستورد بندقها منين و لو انا مثلا دلوقتي في ألمانيا و جيبت بندقية و خدتها معيا و انا نازل في شنطيتي هيقلولي ممنوع و هي بتعتي؟؟؟؟

صياد كبير

12-01-06 10:08 PM

Re: BSA,KRAL,Weley رايكم لوسمحت

هههههههههه واضح ان حضرتك ماعندكش اي فكره عن القانون الخاص بالاسلحه هنا في مصر , عموما ملخصه انه ممنوع استيراد بنادق الرش ولو انت جايبها معاك هتتصادر منك ويحسروك عليها ادام عينيك , عشان كده التجار بيعملو اللي هم عايزينه في السعر لانهم بلا منافس في الاستيراد . عموما لو انت مسافر بره وحابب تجازف انها تتصادر منك لما ترجع بيها اوك حاوول وبالتوفيق بس انصحك تقرا الموضوع بتاع الاخ اللي اشتري بندقيه من موقع علي النت في امريكا ووصلت مصر واتصادرت منه في المطاااااااار

AirPowder

12-01-08 01:23 AM

رد: Re: BSA,KRAL,Weley رايكم لوسمحت

اقتباس:

المشاركة الأصلية كتبت بواسطة صياد كبير (المشاركة 276886)

تصدق والهي العظيم بعد ما عرفت الموضوع ده اتخنأت من البندقية و صيد من قبل حتي متعلمو هو البلد دي كل حاجة فيها مشية من الشمال لليمين انا قريت القوانين الخاصة بالجمرك و المواد المحظورة و الهي حاسيت أن ده من تأليف حد بيهظر هو ألي عملها Upload بس بعد ماتأكد من انها صح و الهي بقالي بتاع يومين أرفان من البلد ديه قد ما كونت أرفان منها قبل مقرا القانون بتاع 100 مرة فعلن والهي العظيم القانون متفصل بالمقاس علي الحرامية و المرتاشين و النصابين و لو الواحد مش من الثلاثة دول يبقي مقدموش غير الوسطة ربنا و الهي يصلح حال البلد في الدستور الجديد أو يتوب علينا من العيشة فيها و نهج أنشلا علي أسرائيل دول حتي عندهم بعد الشر علينا الله اكبر الله اكبر الشر برا و بعيد حاجة اسمها حقوق الحيوان مباك بالانسان :(

الساعة الآن 03:54 AM