|
كنت ظالم تجار السلاح (اعتزار)
حقيقى انا كنت ظالم تجار السلاح و كنت بأتهمهم فى كل موضوع بكتبه انهم جشعين و انهم سبب الارتفاع الرهيب فى سعر الاسلحة النارية و اليوم انا اعتزر عن ما كتبته عن جهل و عدم تحقق
و الموضوع اتضح امامى لما واحد صاحبى رئيس نيابات عارف انى بضرب خرطوش بيقولى انا جبت بندقية خرطوش اوتوماتك و عاوز يطلع معايا نصطاد قلتله طبعا لازم اجربها و طبيعى جدا بباركله و بسأله جابها بكام و هنا شعر راسى وقف و بلمت و قرفت من نفسى و من صاحبى لما قاللى انه حصل من الامانة العامة على اذن استيراد سلاح و راح لاحد المحلات بالجيزة و عمل معاه صفقة استوردله مسدس هكلر 9 مللى كان مطلوب من المحل و اأخد من المحل فى المقابل ( بندقية خرطوش سمى اوتوماتك تركى + 10000 جنيه كاش + 1000 طلقة خرطوش عيار 12) هى لما تكون ازون الاستيراد واقفة للبشوات و اصحاب البلد يبقى التاجر اللى يده مكتفه يعمل ايه حقه انو يبيعها ب 70000 بعد كل اللى دفعه انا لما الرؤية وضحت امامى قلت من الواجب اعتزر للى ظلمتهم و دلوقت عرفت و انتو معى مين السبب فى اللى احنا فيه الفسسسسسااااااددددددددددد |
رد: كنت ظالم تجار السلاح (اعتزار)
الإعتراف بالخطأ قمة الشجاعة والرجولة هي دي أخلاق الصياد اللي على حق
|
رد: كنت ظالم تجار السلاح (اعتزار)
لكى الله يا مصر
واقفه زاى الجمل مع كل الى فيها |
رد: كنت ظالم تجار السلاح (اعتزار)
شكرا زيمو كفافى نورت الموضوع
|
رد: كنت ظالم تجار السلاح (اعتزار)
والله انت راجل بجد
لأن الإعتراف بالحق فضيلة وتحياتي على مشاركتك الجميلة |
رد: كنت ظالم تجار السلاح (اعتزار)
هى دى الرجوله ماشاء الله ربنا يحفظك يا اخى من كل سوء
|
رد: كنت ظالم تجار السلاح (اعتزار)
برضو ده ميمنعش ان في تجار كتير بتستغل الموقف وتزود في الاسعار وربنا يهدينا ويهديهم
|
رد: كنت ظالم تجار السلاح (اعتزار)
شكرا تيمو و قناص
|
رد: كنت ظالم تجار السلاح (اعتزار)
لا شكر على واجب انت رجل فعلا ودى الحقيقه ولازم نقولها
|
رد: كنت ظالم تجار السلاح (اعتزار)
المفروض تكمل بقا وتروح تبلغ على صاحبك وعلى المحل دة علشان نقضى على الرشوة والفساد فى البلد هههههههه ولوكل واحد غير بلسانة وايدة وقلبة كل شي غلط البلد حاتتغير للاحسن وربنا معاك
|
رد: كنت ظالم تجار السلاح (اعتزار)
اقتباس:
|
رد: كنت ظالم تجار السلاح (اعتزار)
اخى فعلا هما ممكن يكون بيضغط عليهم لكن ده مايمنعش انهم بيزودوا نسبة هامش ربحهم بدرجة كبيرة جدا غير انهم بيتعاونوا مع بعض لزيادة الاسعار والتحكم فى السوق وده ملوش اى عذر
|
رد: كنت ظالم تجار السلاح (اعتزار)
طب تصدقو ان التاجر مايقدرش يستورد و يروح يدور على واحد باشا يتزلله علشان يجيبلو حتة طبعا مش لوجه الله علشان ياكل من وراها عيش يا بيه انا علشان بضرب خرطوش بشوف تجار بيجو يشتركو علشان ياخدلو كام علبة مدعمة طبعا غلط بس ايه اللى جابرك على المر
تخيل بقى لو كل تاجر يقدر يستورد و يمنحو الرعايا التراخيص تعتقد التنافس هيكون فى مصلحة مين ؟ بالظبط زى منافسة شركات المحمول المستفيد الوحيد احنا |
رد: كنت ظالم تجار السلاح (اعتزار)
الرجوع الى الحق والاعتراف به من شيم الراجل .
بس ليا تعليق المسدسات الصوت سعرها ضرب جدا جدا جدا ممكن نعرف ليه ؟ طبعا علشان الاستغلال ظهرت بوادر انها هتتمنع فذاد الطلب عليها فغلا سعرها بدون زيادة فى سعر الاستيراد وعلى فكرة حاجات الصيد بره سعرها رخيص بالمقارنه لسعرها فى مصر وممكن التأكد من الاسعار فى المواقع على النت . |
رد: كنت ظالم تجار السلاح (اعتزار)
شكرا لجون و فضيل على المشاركة
|
رد: كنت ظالم تجار السلاح (اعتزار)
اقل كلمة تتقال فى حقك راااااااااجل
|
رد: كنت ظالم تجار السلاح (اعتزار)
شكرا لافر دة من ادبك
|
رد: كنت ظالم تجار السلاح (اعتزار)
عاوزين نهيص بقى ونشترى سلاح حى وميت براحاتنا .. اما حكومه تييييت .. فى امريكا اى حد يشيل سلاح براحته :@@
|
رد: كنت ظالم تجار السلاح (اعتزار)
انت كده عداك العيب و قزح
|
رد: كنت ظالم تجار السلاح (اعتزار)
و انت دمك زى العسل يا ماكس
|
رد: كنت ظالم تجار السلاح (اعتزار)
الفساااااد دى حقيقه .. بس متقلقوش بكره هتتعدل
|
رد: كنت ظالم تجار السلاح (اعتزار)
اسنيبر منور بس ليه كدة ؟من غير امل احسن نموت ( محمد منير )
انشاء الله ربنا يعدلها من عنده هو كان فيه حد يصدق ان عيله مبارك هتمشى عقبال الباقى قولو امين |
رد: كنت ظالم تجار السلاح (اعتزار)
مع كامل احترامى للجميع
صاحبك معملش اذن الاستيراد و جاب بيه طبنجة و باعها .. لا دع عمل صفقة تبادلية فيها طرفان رابحان اى كان تفاصيل الصفقة دى ايه , مش باع بعد كده اشترى و دى تفرق كتير فى السلاح و اصول بيعه و شراءه . طبعا استغلال المناصب لاغراض شخصية و بطريقة قانونية 100% ده ميعيبش صاحبك اللى 90% من الاعضاء اللى فى المنتدى او خارج المنتدى لو مكانه حيعملوا زيوا بالضبط و اكتر, سواء ده كان اسمه فساد او اسمه تجارة , هو مجرد استغلال قانونى للسلطة ولا يعاقب عليه القانون , ولكن يوجد العديد من ذوى المناصب لا يستغلون اى منصب و اتعودوا على كده خلاص وده اريح و احسن , بس اللى واخد على عمل المصالح لنفسه او لغيره عمره ما حيعرف يبطلها لانه اتعود على كده . وجهة نظرى الشخصية صاحبك مغلطش وده مش فساد , يبقى فساد لو بيطلع اذن استيراد يجيب بيه حاجة و يبعها , لاكن دى صفقة تبادلية سلاح مقابل سلاح مع دفع او أخذ الفرق , ولا هوا لازم يجيبوا بالسعر المفترى المتاح للمدنيين فى الشراء عشان يبقى محترم , الراجل استغل سلطته بطريقة غير مباشرة و قانونية عشان يجيب حاجة بيحبها بسعر كويس مش اكتر بدل ما يتم استغلاله :) احييه على ذكاؤه و نظافة يده |
رد: كنت ظالم تجار السلاح (اعتزار)
حسبنا الله ونعم الوكيل بس مايمنعش برده جشع التجار الكبيررررر
|
رد: كنت ظالم تجار السلاح (اعتزار)
يا كومبكت ياريتو بدل و اخد فرق زى ما انتا فهمت لأ دا كل اللى عمله انه جاب التصريح و اشترى بفلوس التاجر المسدس و هو اخد البندقية و ال 10000 جنيه مقابل الازن يعنى التاجر هيحمل ثمن البندقية + 10000 على اللى هايشترى المسدس
|
رد: كنت ظالم تجار السلاح (اعتزار)
و ممكن التاجر يخده يبدله فى حاجة تانية :)
برضه الراجل اللى جاب التصريح مش غلطته ان فى واحد نزل اشترى مسدس مستورد من محل بالاسعار بتاعة اليومين دول , لان الصعيد فيه سلاح على ذمة البيع كتير اوى و بنص تمن القاهرة و على الرخصة |
رد: كنت ظالم تجار السلاح (اعتزار)
هى فين الرخصة انا عندى 44 سنة و مدير عمليات فى شركة و هموت و ارخص خرطوش
|
رد: كنت ظالم تجار السلاح (اعتزار)
لو مدير قطاع حكومى ده مبرر كافى للترخيص
|
رد: كنت ظالم تجار السلاح (اعتزار)
لأ شركة قطاع خاص
|
رد: كنت ظالم تجار السلاح (اعتزار)
شركة خاصة لأ , مدير فرع لبنك خاص ممكن
هات ما يفيد من الشركة انك بتشيل مبالغ مالية للشركة و بتتحرك بيها , و ينتهى الترخيص لو سبت الشركة |
رد: كنت ظالم تجار السلاح (اعتزار)
مشكور ولكن لاتنسى أنهم جميعا يرفعون في الاسعار بشيء خيالي
يعني لو كلفهم الامر عشرة بيرفعوا عشرين والله المستعان كلي أمل أن تنظف بلدنا من كل ذلك ان شاء الله |
رد: كنت ظالم تجار السلاح (اعتزار)
اقتباس:
المشكلة فى اللى ماسكين الازون يهادو بيها حبايبهم و الوسايط |
| الساعة الآن 08:27 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir