الحقونى
 

السلام عليكم ورحمة الله
اخوانى الاعزاء انا اصبت بالاحباط من عدة اشياء لو ممكن ابداء رايكم فى المواضيع الآتيه:
1-انا غاوى نيشان من زمان وخصوصا الاهداف الدقيقه والصعبه بس لما باجى انشن على حاجه بعيده مبتجيش فى الهدف بس بتبقى قريبه جدا . البندقيه بتاعتى مش هينه انا معايا جامو هنتر 440 ونيشانها مظبوط على حسب معلوماتى لانى بنشن على القريب بتيجى وفى ادق الاهداف مثلا زى الابره والاهداف المرسومه .
2-انا معنديش قلب امسك الطيور بسبب حوادث قديمه هل فى نصيحه ممكن اتبعها للتخلص من هذا الشعور اللى مقيدنى.
3-انا عارف ان المنتدى مفيهوش شات وانا عندى اقتراح :
لو ممكن القائمين على المنتدى ينظموا رحلات للمبتدئين فى الصيد ويقود الرحله مجموعه من الصيادين المحترفين فى هذا المجال لان المشاركه اللى على الهوا دى بيبقى فى اسئله كتير بس انا عن نفسى "ورغم كرم اساتذتنا الكبار " عندى قاموس اسئله عن الصيد وانا بحترم رغبة الاساتذه بتنمية هذه الرياضه النبيله.


ملحوظه :-
انا لابس نظاره نظر وعندى منظار بس مبستخدموش الا فى حالات خاصه واظن انه للبنادق الهاى باور.
ارجوا الرد على هذه المواضيع وابداء رايكم فيها
آسف للاطاله اشكركم .

رد: الحقونى
 

الموضوع دة قتل بحثا ان الرامى الجيد ليس بالضرورة يكون صياد جيد والعكس ان الصياد الجيد ليس بالضرورة يكون رامى جيد الموضوع محتاج صبر وتدريب علشان تصيد طير
بالنسبة للبندقية شىء طبيعى ان النشيان بيختلف باختلاف المسافة علشان الرشة بتاخد منحنى بفعل الجازبية
جرب تضرب اعلى من الهدف لو المسافة بعيدة وهى هتتظبط

رد: الحقونى
 

اشكرك جدا يا ابو الشوق سعدت بالتعرف عليك ومليون شكر على المعلومه

رد: الحقونى
 

معاك هانتر 440 وبتقول الحقوني دية من احسن وادق البنادق الجامو ولو عايز مرة تطلع معانا ممكن اي يوم جمعة وان شاء الله تكون مبسوط معانا

رد: الحقونى
 

ياريت يا استاذ جلال انا مصتدش فى حياتى كلها غير ثلاث مرات

رد: الحقونى
 

اول رحلة ان شاء الله انت فيها ممكن تقولي ساكن فين و ان شاء الله نتقابل

رد: الحقونى
 

انا ساكن فى امبابه

رد: الحقونى
 

انا معنديش قلب امسك الطيور بسبب حوادث قديمه هل فى نصيحه ممكن اتبعها للتخلص من هذا الشعور اللى مقيدنى.
ممكن المساعده

رد: الحقونى
 

والله يا اخي اقدر اقولك ان اعترافك بالخوف او العجز عن فعل شيئ هو نصف حل هذا الشيئ
وصدقني مفيش حل غير انك تفكر بعقلانيه وتشوف الطير ده قدراته اه وتشوف اخطر شيئ يستطيع فعله اه
وستجد ان الله اتاك قدرات كثير تستطيع بها التحكم التام باي طير
وكحل عملي انت اذا توقفت كتير اما الصيد او الضحيه وانت قلقان تمسكها لن تمسكها ولكن عليك انك تسبق شعورك بالقلق وتتوجه نحو الطير بسرعه وتمسكه وصدقني بعد ان تكسر قاعدة الخوف لاول مره سيزول الخوف بنسبة 50 % ومع تكرار العمليه ستجد نفسك قد تعودت علي ذلك الفعل وبمنتها السهوله
واحب اقولك انك شجاع لان الجبان هو من لم يستطيع ان يظهر ما يخاف منه ولاكن انت استطعت ان تعبر عن ما تخاف منه اخوك احمد عبد العليم والحل ده انا مجربو مع حجات كتير انا بخاف منها

رد: الحقونى
 

ابسط سيدى اهو جالك دعوة صيد من شيخ الصيادين مرة واحدة

رد: الحقونى
 

رينا يخليكوا يا جماعه ويجازيكم خير

رد: الحقونى
 

البشمهندس احمد قال كل الكلام اللي كنت هقولهولك والله - وياراجل انتا ساكن في امبابه وساكت من الصبح ومستني لما اسافر وبعدين تقول انك في امبابه عموما انا ساكن في المهندسين ش السودان وبيني وبينك 10 دقايق وانشاء الله لما ارجع من السفر يكون ليا لقاء معاك - وده تلفوني حاليا بالرياض 00966509427857 وايميلي thewrongway_mixmix@hotmail.com - وتقبل تحياتي واسف ع اللكلك هههههه

رد: الحقونى
 

يا نوركاوى انت راجل زى العسل وانشاء الله على ماتيجى اجازه اكون اتعودت على الصيد