سوال هام رجاء الرد
 

ما الفرق بين بنادق الخرطوش والبمب اكشن والوينشستر و ما اسعارهم وهل البندقيه الموريس رش ام حي وما سعرها وصوره لها وهل يمكن ترخيص بندقيه الي او رشاش تحت اي ظرف و ماهي مبررات الترخيص عموما وهل يجوز الترخيص بدون مبررات وماهو السلاح الذي يمكن ترخيصه للاعب الرمايه وهل يمكن شراء مسدس غير مرخص اذا كان لدي رخصه وبعد كده ترخيصه لقله ثمنه يعني وما المقصود بأن مسوره المسدس تتنفخ واسف علي الاطاله شديد الاسف ولكم جزيل الشكر يا احلي منتدي في الدنيا

Re: سوال هام رجاء الرد
 

ايه ياجماعه فين الردود وياريت اعرف اسعار الخرطوش والبمب اكشن والوينشستر ويعني ايه ماسوره المسدس تتنفخ وبعد كام طلقه وكام سعر المسدس البريتا الحي دلوقتي

Re: سوال هام رجاء الرد
 

محمد انا هرد عليك على قد ما اعرف وياريت حد من الناس اللى عارفة اكتر منى تجاوبك
بالنسبة للموريس دى بندقية بدائية بتستخدم فى التدريب عندنا فى الجيش وبتعمر بعد كل إطلاق او ممكن تركبلها خزنة تشيل عدد طلقات قليل وطبعا حى مش رش الخرطوش طلقاتها عبارة عن قمع من مادة تشبه البلاستيك قاعدتة نحاس لتحمل الضغط وبداخلة عدد كثير من البلى المعدنى يتناثر منها فى اتجاهات مختلفة عند الاطلاق وهناك عدة انواع من البنادق التى طلق الخرطوش منها أم روحين ودى بتشيل طلقتين فى ماسورتين وب2 زناد كل واحد بيضرب خرطوش وفى أنواع احدث بتخزن عدة طلقات بخزنتها بشرط التعمير وشد الاجزاء يدويا بعد كل إطلاق

بالنسبة لترخيص البنادق اعتقد انو اسهل من ترخيص الطبنجات لأن المبرر بيكون الصيد والهواية
والترخيص فى مصر بدون مبررات مينفعش علشان انت فى مصر

وكمان شرائك لسلاح بدون ترخيص مينفعش إلا اذا كنت هتشتريه بطرق غير قانونية وده عواقبه وخيمة
فإذا كان لديك رخصة فلما تريد شراء سلاح بدونها ؟؟!!
اما الطبنجات المصنعة بماسورة مغلقة فهى من شروط تصنيع بعض شركات السلاح التى تنتج الانواع الفشينك لتضييق الخناق على من يريد التلاعب بالمنتج وتحويل ذخيرتها من صوت فقط لصوت وإطلاق مقذوف
(فاكرين نفسهم ملقتين)
أرجو انى اكون افادتك

رد: Re: سوال هام رجاء الرد
 

مفيش حاجة اسمها اسعار الخرطوش و البامب اكشن ,و الوينشستر دى ماركة سلاح
ماسورة مسدس تنفخ يعنى تعمل زى بقاليل تبان من بره و مفيش حاجة اسمها بعد كام طلقة
سعر المسدس البريتا الحى بيبقى حسب الموديل

برجاء مراجعة بعض المواضيع فى قسم الاسلحة النارية بالمنتدى فبها اجابات لكل ما تريد

رد: سوال هام رجاء الرد
 

بنسبه للبمب اكشن دى بنادق خرطوش بتشيل 7 طلقات او 5 طلقات حسب الخذنه ما تشيل وانت بتسحب الاجذاء مره واحده وهى بتفرغ وتسحب بالارتداد اما الاخرى انت تقوم بالتعمير مع كل طلقه سواء كانت بخذنه او بدون و الاسعار تبدء من 3500الى ما شاء الله حسب المركه و بلد الصنع والعيار والامكانيات و ممكن الى 40000و الله اعلم وطبعن على الرخصه اما المورس فهوى سلاح نارى للصيد والتدريب اما ترخيص رشاش فمستحيل تحت اى ظروف واى سلاح يدرج تحت الاطلاق الالى للرصاص او يكون سلاح هجومى او يسمح بتركيب كاتم للصوت فلا يرخص اما المبررات مطلوبه مثل حمل مبالغ كبيره بصفه مستمره او حياذه زراعيه ولا تقل عن 10 افدنه خارج الكردون الامنى اومصنع خارج الكردون الامنىوما يوافق عليه الامن العام من مبررات ويمكن شراء سلاح بدون ترخيص من السوق السوداء ولاكن لا يمكن ترخيصه باى حال من الاحوال لان لا يوجد له اى اوراق ومن الممكن ان يكون عسكرى (ميرى )او يكون مدنى و مسروق او يكون داخل البلد تهريب وفى كل الاحوال لو ظهر فى حوذتك بتتعمل لك قضيه وحبس اما الماسوره المنفخه فهى خطيره جدا جدا جدا لانها تعتبر تالفه وتحدد عن طريق النظر بداخلها فى النور ان وجد اى اختلاف فى الشخشانات من انبعاج او مظهر غريب فلا تحاول استعمال السلاح اما اى ذخيره حيه فلا تباع بدون ترخيص وحياذتها فيها حبس ارجو ان اكون افدتك

رد: سوال هام رجاء الرد