|
خبطتني عربية وكسرتلها الإزاز
.............
|
رد: خبطتني عربية وكسرتلها الإزاز
الصراحه هيا تستهاهل القتل بس المفروض مكنتش تضرب بالبندقيه بس يلا خير بس فى حاجه تانيه الرمسيس دى قويه كده ليه هيا دى الى انت جايبها من عادل لو كده براءه
|
رد: خبطتني عربية وكسرتلها الإزاز
اولا سلامتك
ثانيا انت بجد غلطان ان انت عملت كدة خصوصا ان هي واحدة ست هي اكيد ماكنتش عايزة تقف عشان كانت خايفة منك ويمكن لما شافتك وانت بتشاور لها عشان تقف شافت البندقية وخافت واكيد هي مش هتعرف دي رش ولا حي انا بصراحة ومن غير فزلكة والله ، لو كنت مكانك ماكنتش هعمل كدة ابدا وكنت هسيبها وامشى ومدام جت سليمة خلاص الحمد لله . لكن تصرفك دة أكد لها أنك حد مش كويس لو كان دة شكها من الأول وكان ممكن الناس إتلمت عليك خصوصا فى الظروف اللى بتمر بيها البلد دلوقتى وكنت إطحنت علقة وقالوا بلطجى وكان ممكن اي عسكري شافك وعملك مشكلة خصوصا بعد قانون الأسلحة والذخائر اللى إتعمل جديد خلى بالك من نفسك ياصاحبي والسلاح اللى معاك دة للصيد بس أو للدفاع عن النفس بس فى ظروف ربنا مايحطك فيها . أسف لو طولت عليك إعتبرني أخوك الكبير وخايف عليك |
رد: خبطتني عربية وكسرتلها الإزاز
الف الف الف الف سلامة على حضرتك
وبالنسبة للست بنت الــــــــــ دى فهما دلوقتى اتفرعنو اووووووووووووووووى وفى كل حاجة مش فى السواقة بس انت كنت تضرب لها الكاوتش كمان بنت الجزمة دى علشان تعرف ان الله حق ولو جت تكلم اضربها هيا والى معاها يلعن ابوهم مبقاش فى حد بيقدر حاسين انهم ملوك وهما تيت اصلا يا باشا الف سلامة على حضرتك ومتحسش بالزنب على مجتش على باله ربنا ينتقم من الى جابها |
رد: خبطتني عربية وكسرتلها الإزاز
اقتباس:
ف غصب عني كل اللي حصل دة اساسا اه يا عمورة من دولة للعلم هيا من اول رشة كسرت القزاز الوراني وكملت كسرت اللي من قدام لأن صوت كسر القزاز اللي من قدام طلع بعد ما القزاز الوراني اتكسر وكمان رحت على جنب العربية عشان احط الرشاية التانية وبصيت عالقزاز القدماني لقيتو مكسور كلو لكن برضو ضربتو من حرقة دمي انا عايز اعرف هوا قزاز العربية الأصلي اللي من قدام ومن ورا سعرهم يساوو كام مع بعض |
رد: خبطتني عربية وكسرتلها الإزاز
اقتباس:
لكن لو انتا كنت مكاني صدقني كنت هتعمل كدة لأن لو مكنتش عملت كدة كنت طقيت بعدين انا شكلي مش بلطجي انا اسأل اللي شافوني عادل وأستاذ احمد نبيل ونيو يير (ميزو) عارف انك متقصدش عليا وتقصد عموما طبعا لكن انا دمي اتحرق بطريقة بشعة بجد بجد وبعدين دي شابة واساسا كان باين عليها برود رهيب مش خوف ولما شافتني زودت السرعة ليه!!!!!!!!!!!!!!!!!!! |
رد: خبطتني عربية وكسرتلها الإزاز
اقتباس:
والله انا الناس كانت بتبص وانا اساسا بخبطلها عالقزاز وبعد اما ضربتلها القزاز لقيتها نزلت وجاية وجه معاها كذا شاب من الشارع وجاية تمسكني من دراعي رحت لفيت وماسك البندقية قلتلها غوري من وشي لصفي دمككك والله ربنا العالم دمي كان محروق اد ايه انا لغاية دلوقتي رجلي وجعاني واللي زاد من حرقة دمي ان كان عندي اصابة من سنتين في رجلي ودلوقتي بتوجعني وكانت بتموتني ساعتها |
رد: خبطتني عربية وكسرتلها الإزاز
اكيد الست ديه كان شكلها وحش لانها لو حلوه مكنتش هتعمل كده ههههههههههه
حمدا لله علي سلامتك |
رد: خبطتني عربية وكسرتلها الإزاز
اقتباس:
والحمد لله ان ماكنش معاك Ak 47 وكان معاك رش بس هههههههههههه |
رد: خبطتني عربية وكسرتلها الإزاز
اقتباس:
بس والله لو كانت اتكلمت كنت نشيتها ف راسها حصل خير الله يسلمك ياحبيب الملايين |
رد: خبطتني عربية وكسرتلها الإزاز
اقتباس:
هيا كانت شايفة نفسها جدا تقريبا ههههههههه منا ناوي اجيب الكبير وهركبو ف البندقية لكن على بداية الترم التاني ان شاء الله |
رد: خبطتني عربية وكسرتلها الإزاز
اقتباس:
وينتقم من الى جابها الهى تتقلب بيها وتولع بنت الجزمة دى علشان يفرحو بالعربيات بتاعتهم ابقى روح اكشف عليها يا باشا علشان ميحصلش حاجة لاقدر الله وتطمن وتطمنا عليك ربنا يعينك يارب |
رد: خبطتني عربية وكسرتلها الإزاز
اولاً الف سلامة ثانياً سعر الزجاجان معاً من 700 الى 850
|
رد: خبطتني عربية وكسرتلها الإزاز
اقتباس:
والله ياحبي انا مريح عليها وهستنى ليوم الأحد عشان عندي امتحان لو لسة وجعاني هعمل عليها اشعة ف القصر عندي يومها ان شاء الله تسلملي ياحبيب قلبي |
رد: خبطتني عربية وكسرتلها الإزاز
اقتباس:
ياه!! لوحين القزاز الكبار اوي اللي من قدام لورا ب 700 او 800 بس؟! برضو أحسن |
رد: خبطتني عربية وكسرتلها الإزاز
على العموم الف سلامه عليك ولو بتوجعك متسمتش عليها واكشف على طول
|
رد: خبطتني عربية وكسرتلها الإزاز
هههههههههههههههههههههههههههههههههههههه
يخربيت عقلك يا ميدو انت دماغ والله يابنى انت هتخلينى اندم انى اديتك الرمسيس وادعى ربنا انك متعرفش تجيب حاجه من السعوديه يابنى بدل البنت كانت حلوه كنت سمحتها وخلاص او كنت اتصلت بيا وانا كنت جبتلك حقك على العموم الف سلامه عليك يابرنس وربنا يسمحها وانا كنت مركب الزجاج اللى قدام للانسر بتاعه حمايا ب700 بعد عذاب يعنى اطمن هتلاقيها زعلت فى بتاع 1500 جنيه لو بره التوكيل لو فى التوكيل هتزعل فى اضعافهوم لما تفضى ابقى كلمنى |
رد: خبطتني عربية وكسرتلها الإزاز
الف سلامة وكان المفروض التلتة بين عنيها عشان استهتار ها بالناس وقلة الدم والاحترام وبرافو على موقفك موقف راجل صحيح والله وبجد كان اقل واجب ده تحياتى والف سلامة عليك
|
رد: خبطتني عربية وكسرتلها الإزاز
اولا الف سلامة لحضرتك _ثانيا انا زى اخوك الكبير وبانصحك ما ترفعش البندقية بتاعتك وسط ناس وتضرب لان ربنا ستر تخيل لو الرشاية جت فى عين الست اللى انا باعترض على سلوكها قليل الزوق دة اللى كان هايحصل ان حضرتك هاتبقى متهم موش مجنى علية _ حضرتك كان المفروض تاخد رقم العربية ولو عايز تاخد حقك القانونى تعمل محضر صغير جدا فى القسم موش هاياخد من وقت حضرتك عشر دقائق والست دى كانت هاتيجى تبوس جزمتك او انك تقول حسبى الله ونعم الوكيل وربنا هايجبللك حقك اكتر ما حضرتك عايز وعلى العموم هدى اعصابك وقدر الله وما شاء فعل قضاء اخف من قضاء
|
رد: خبطتني عربية وكسرتلها الإزاز
الف سلامة عليك و دى ست قليلة الزوق بس انت مكنتش ضربت بالبندقية بس تستاهل حصل خير و الحمدالله على كدة و تمن الواحد 400
|
Re: خبطتني عربية وكسرتلها الإزاز
البندقيه سلاح خطير كان تكتفي انك تديها كلمتين في عضمها لكن مش ببندقيه ابدا لان دا ممكن يدخلك في مشاكل وحوارات
لازم تتعلم الصبر والسلا ح دوت مش عشان الناس وللعلم الستات لما بيخبطوا ب العربيه تقريبا جسمهم واعصابهم بتفك وبيعيطوا وبيعملوا حجات غريبه جدا ومبيبقوش في وعيهم أصلا ممكن تغلس لكن مش ببندقيه لان فعلا كان ممكن تيجي فيها وتخش في قضيه كبيره اتعلم ديما انك تستخدم ايدك افضل غير بقا لو الي ادامك طلعلك سلاح دا قصه تانيه |
رد: خبطتني عربية وكسرتلها الإزاز
لا حول و لا قوة إلا بالله إيه كمية العنف المخزونة بداخلكم يا زملائى الأعزاء حطوا نفسكم مكان البنت , فى الظروف اللى احنا فيها دى واحد بيشاور لبنت راكبة عربية , وشايل بندقية , وطبعا هى مش هاتعرف تفرق أنواع البنادق , تفتكروا هاتتصرف ازاى ؟!!! كلمة لأخى الحبيب : لازم تسيطر على نفسك لأن الموضوع ليس بالسهولة التى تتصورها , تخيّل لو الرشة خبطت فى الزجاج ثم انحرفت و جات فى عين حد ضيعتها , هل أنت مستعد تتحمل ذنبه أمام الله ؟ و تتحمل المسائلة القانونية و تضيّع مستقبلك و تحسّر أهلك عليك علشان لحظة تهور ؟ تذكر دائما أن السلاح الذى تمتلكه مخصص للصيد فقط , وليس من المروءة أو الشهامة أن ترفعه فى وجه فتاة مهما حدث. تذكر أيضاً أن الصيّاد أخلاق , ومن فوائد هذه الهواية أننا نتعلم الصبر و ضبط النفس , يبقى اتعلمنا ايه من الصيد لما نرفع سلاح الصيد فى وجوه الفتيات ؟ سؤال أخير لأخى الحبيب : هل كنت هاتتصرف نفس التصرف لو اللى راكب العربية راجل ؟ و كنت هاتعمل ايه لو اللى سايق كان معاه سلاح مرخص و طلع ضرب عليك نار ؟ كلمة لإخوانى الصيّادين : تذكروا أن مثل هذه الأفعال الغير مسئولة سوف تكون السبب فى القضاء على الهواية , وطبعاً موضوع القانون بتاع ترخيص البنادق الرش مش بعيد علينا. و يجب ألا نؤيد مثل هذه التصرفات لأنها خطأ ... مهما كانت الظروف و حسبنا الله و نعم الوكيل |
رد: خبطتني عربية وكسرتلها الإزاز
اقتباس:
طول عمرى هفضل اتعلم منك حقيق لم اخطأ ابدا عندما اخذتك مثالا اعلى لى فأنت رجل حق ونعم الرجال ربنا مايحرمنيش منك ابدا يا اخى ويديم المعروف يارب |
رد: خبطتني عربية وكسرتلها الإزاز
الف سلامة عليك يا باشا .. بس برضه نصيحة من اخوك الصغير ماتتعودش انك ترفع البندقية على حد فى الشارع عشان ممكن بعد كده تتعود على الحركة دى لما يحصلك اى موقف تانى زى ده لا قدر الله ...
وعلى فكرة البندقية دى خطيرة جدا جدا عشان طالعة من تحت ايد واحد دمااااغ زى دولة ههههههه وانصحك متفرطش فى البندقية دى .. وهقولك على سر تانى هيخليك متفرطش فى البندقية دى بس بعدين بلاش قدام الناس عشان ممكن تصحى الصبح متلاقيهاش ههههههههه |
رد: خبطتني عربية وكسرتلها الإزاز
عليا الطلبات انت برنس والله ارواح البني ادمين مش لعبة خااالص وعدم شعورك بالذنب صح صح والله موفق ان شاء الله والف الف سلامة يامعلم |
رد: خبطتني عربية وكسرتلها الإزاز
الف سلامه يا وحش و شد حيلك بس بلاش التهور ده تانى مره علشان ممكن يعملك مشكله كبيره انت في غنى عنها
و عموما الف حمد لله علي سلامتك |
رد: خبطتني عربية وكسرتلها الإزاز
تقولي ايه الي ينرفزك يا اوكابي اوقولك الحريم الي بيسقو عربيات و تلات اربعهم بهايم ولا بيعرفو يسوقو
|
رد: خبطتني عربية وكسرتلها الإزاز
اقتباس:
برافو عليك يا أحمد , هى دى فعلاً أخلاق الصيّاد :( |
رد: خبطتني عربية وكسرتلها الإزاز
السلام عليكم أخي الفاضل من الوارد أن يكون اندفاعها بالسير ناحيتك بسرعة تخوفها من أن تتعرض لها.
حدث ما حدث وحقيقة لو كنت مكانك لما حاولت ايقافها لنصحها بل الاشارة لها من بعيد قد تفيد بأن سيرها مخالف. ولو أردت أن تعلم رد الفعل الحقيقي بدون مبالغة ارجع لسيرة رسول الله صلى الله عليه وسلم وأنظر كيف كظم غيظه عند المواقف الاستفزازية فهذا ما نريده كشباب بالرغم من أننا نعاني وعانينا سنوات وسنوات ما بين القهر والإنكسار والفروق الاجتماعية والمادية ما ولد إلينا بعض ملامح الإباحة والإفتاء النفسي الداخلي الذي يرينا تصرفاتنا صحيحة 100%, ولو راجعت ردود الاخوة لوجدت فيها من أباح هذا التصرف كون السيدة من مالكي السيارات.. قدر الله وما شاء فعل أخي الفاضل والامور قياسية ونسبية وحسب الموقف والزمان لكن تعلم من ذلك الموقف بألا تعترض أحداً بالبندقية التي لربما مثلما قالوا البعض من الاخوة الاعزاء والدكتور الفاضل المحترم محمد مجسن قد تفقأ الأعين وحينها سينقلب الحال لقدر الله. وأعذرني كلامي ليس نصحاً فلست أهل للنصح لكنه بدافع الخوف على أخ مثلك في ظروف صعبة تمر بها البلاد والاستفزازات كثيرة والضغوط النفسية أكثر. |
رد: خبطتني عربية وكسرتلها الإزاز
اقتباس:
السلام عليكم .. لا اجد اى كلام اقوله سوى انى احترمت سيادتكم جداً .. رغم ان قد كلمنى عن حضرتك كتيييييير جداً يا دكتور من حبايبك و كما كان ليا الشرف ان التقى بك فى اخر طلعة ليا مع روك و الحمد لله لم يكون لى نصيب.. اما عن الغالى ميدو مجدى .. فلا كلام اخر يقال غير ان الصيد يعلم الصبر و المروءة .. و ليس من اداب الصيد او اداب دينك فعل هذا الموقف و لكن انا عاذرك و كما يقال (محدش بيتعلم ببلاش)..احمد ربك انها حت سليمة.. ملحوظة:اكيد يا دكتور احمد عطا الله ميقصدش الكلام ده ,, انا عارفه كويس. |
رد: خبطتني عربية وكسرتلها الإزاز
اقتباس:
وارجو ان حضرتك متكونش زعلان منى ولا اى حد يكون زعلان منى .. وبصراحة الاسلوب ده مش معروف عنى بس لما الاقى اخويا متعرض لموقف زى ده لازم ازعل جدا واتنرفز واستخدم الاسلوب ده فى الكلام .. وبعتذر لتالت مرة .. وانا والله اتفزعت لما لقيت حضرتك كاتب المشاركة دى .. عشان معنى كده أن حضرتك فهمت كلامى غلط .. |
رد: خبطتني عربية وكسرتلها الإزاز
اولا الف سلامه عليك و ثانيا الحريم عايزين الحرق فى السواقه و تستاهل الى انت عملته فيها و كنت تفرقع الكاوتش كمان و تقوم بالسلامه باذن الله
|
رد: خبطتني عربية وكسرتلها الإزاز
الحمد لله على سلمتك بس انت غلطان كنت بدبشك البندقيه وكمل على بقيت ازاز العربية
وحاجة تانيه بربريز السيارة الامامى يعمل فى المتوسط300 والخلفى250 وممكن يكون اغلى لانى جايب بربريز عربيتى وهى موديل قديم ب180جنية |
رد: خبطتني عربية وكسرتلها الإزاز
ايه ياجدعان اللى بتقولوه ده انتوا اكيد بتهرجوا اللى حضرتك عملتوا ده كارثه وممكن تبقى جريمه ترويع واتلاف ممتلكات لان الوضع الطبيعى فى الوقت الحالى ان اى حد يوقف اى عربيه بشكل مباشر لازم يخبطه ويمشى انا بنبه على اخوتى وجميع اهلى انهم فى حاله ان اى حد يحاول يوقفهم ويكلمهم وهما فى الطريق ينصرفوا ولا يعطوه اى اهتمام وانا شخصيآ لو حد حاول يوقفنى ويصدر نفسه فى طريق العربيه هدوسه وامشى لو فى مكان غير امن ومفيش شرطه او ماره بكثافه وحضرتك اللى غلطان طبعآ لان انتا حاولت توقفها وغالبآ علشان تخبطك اكيد انتا اللى تصدرت امام السياره ورد فعلها طبيعى كان اقصى شيئ انك تشاور فهمت فهمت مفهمتش خلاص تتحمل تصرفها ومنين حضرتك كنت خايف عليها من مخالفه ومنين دمرت عربيتها وفرحان وعايز تصفى دمها انتا غير مدرك لما تفعله وتقوله ولا ايه وباقى الاعضاء اللى عمالين يقولوا كلام ميرضيش ربنا ومحدش قال كلمه حق لاواحده بخلاف د.محسن اللى عمال يقول الستات واللى عمال يقول بنت كذه هوا حضرتكم معندكوش حد فى اهلكم بيسوق عربيات ولا ايه علشان تقولوا الكلام الفاضى ده وتعمموا ومشفتوش امهات ونساء افاضل راكبين عربيات والله شيئ محزن ومخزى من رجل يتصرف هذا التصرف مع حرمه وخلى بالك انتا مدين لها باصلاح التلفيات والاعتزار ويكون مع زوجها او اخ ليها وليس التعامل المباشر معاها كمان بعد الاسلوب الغريب فى رد فعلك وممكن لو فعلآ بتتقى الله ترجع لدار الفتوى او لشيخ فقيه وامين وتعرض عليه موقفك وتشوف كيفيه التكفير عن ما فعلت واحمد ربنا انها محبستكش لانك اتهجمت عليها بفعلك فى الاول لما حاولت توقفها بالعافيه ولما بلطجت عليها فى الاخر ومش مفروض انها تفترض لا هيا ولا غيرها حسن النيه فى حضرتك واى واحد يحاول يوقفها تقف وتشوف هوا عايز ايه والله شيئ محزن ما اسمعه والمحزن اكثر رد الفعل الغريب من الاعضاء اللى محدش افترض انها اخته او امه وياريت لو حد من الاعضاء اخته او امه بتسوق عربيه ولقت واحد غريب بيحاول يوقفها المفروض تعمل ايه فى الايام دى خاصه ولو طلع اللى بوقفها مجرم وخطفها او اغتصبها هيكون رد فعله الجميل ايه هيقولها المفروض تحسنى النيه فى الناس اللى فى الشارع لو مش عاجبك كلامى تجاهله تمامآ واعتبرنى مقلتش حاجه ولو عايز الحق سيبك من كلامى خالص واسئل احد الشيوخ الفقهاء فى موقفك علشان تعرف كيفيه اصلاحه وعلى فكره هيا واهلها ممكن يكون فى خوف شديد واقاربهم كمان بسبب فعلك ده لانها فاهمه ان اللى حضرتك عملته محاوله لقتلها او خطفها
|
رد: خبطتني عربية وكسرتلها الإزاز
ممكن تكون قلقت من محاولة استيقافها من قبلك و على هذا الاساس قامت بزيادة السرعة و هو رد فعل ممكن يكون لا ارادى من مجرد انثى , و حط والدتك او مراتك او اختك مكانها وقوللى رد فعلك انته اتجاه اللى عمل كده ايه
اخرك بالبندقية هو ضرب الكاوتش لتعطيلها عن التحرك و لك الحق فى ذلك وده ضد القانون برضه عشان هى معهاش سلاح و لم تقم بمبادرة فى اطلاق نار او استخدام اى سلاح هى ساعات كده ... خير تعمل شر تلقى ... كبر دماغك .. المهم اتعلمت ايه من الموقف انما اللى عملته ده و بتكتبه اعتراف ضمنى منك بترويع الناس و بانك ضد القانون و ارجو من الادارة حذف الموضوع من اساسه |
رد: خبطتني عربية وكسرتلها الإزاز
حمد الله على سلامتك ياميدو مشاكل انت مش مكفيك القطط بتدرب فى الستات كمان الحمد لله جت سليمه
|
رد: خبطتني عربية وكسرتلها الإزاز
والله انت عملت كل الصح..احنا مش فراخ عشان العربيات تخبطنا و تمشي عادي
|
رد: خبطتني عربية وكسرتلها الإزاز
الحمد لله علي سلمتك و لكن رد فعل حضرتك كان زيادة اوي لانها برده كانت معزوره واحد متعرفوش شايل بندقية واقف في وسط الطريق عايز يوقفها تفتكر هي تعمل ايه وخصوصا في الظروف اللي احنا فيها و بعدين هي مش خبيرة اسلحة علشان تعرف اللي في ايدك بندقية رش و حتي لو تعرف برضه لازم تخاف و الحمد لله حضرتك كويس محصلش حاجة و متزعلش من تعليقي
|
رد: خبطتني عربية وكسرتلها الإزاز
يعم مانتا عارف حريم اليومين دول مبيفهموش حاجة اصلا هي ممكن تكون مبتعرفش تفرق اصلا بين الرش والحي حلال عليك تكسير الزجاج في واحدة ذي دي انا لو منك اضرب على الكاوتش ولو طولت اكسر الفوانيس كنت كسرت الدول المحترمة ذي السعودية مبيسمحوش للحريم انه يسوقوا لكننا للاسف في مصر يلا حصل خير اهم حاجة انك سليم
|
رد: خبطتني عربية وكسرتلها الإزاز
عن أبى هريرة عن النبى صلى الله عليه و سلم قال " الملائكة تلعن أحدكم اذا أشار لأخيه بحديدة (يقصد يهدده بها) وإن كان أخاه لأبيه و أمه " صدق رسول الله صلى الله عليه و سلم المعنى أن من يشير فقط بأى حديدة مثل بندقية أو مسدس حتى لو صوت أو سكينة قاصداً أن يهدد أحد أو يخيفه ... فإن الملائكة تلعنه هذا فقط لمجرد التهديد , فما بالكم بما فعل أخونا ميدو لمجرد خطأ قد يكون غير مقصود من قائدة السيارة ؟ إتقوا الله فى أنفسكم |
رد: خبطتني عربية وكسرتلها الإزاز
تصرف خطاء جدا منك وغير مقبول دى مهما كانت واحدة ست والموقف اللى حصل ميسئش ليها للدرجة اللى تعصبك وتخليك تعمل التصرف ده وبصراحة الموقف ده لو كان حصل قدامى كنت هأذيك وهادخلها لان ده عيب وضد االاخلاق العامة ده اللى كنت هاعمله ومتزلعش منى
|
رد: خبطتني عربية وكسرتلها الإزاز
هى اتصرفت بشكل خاظئ بدافع من الخوف و انت اتصرفت بخطأ أفدح منها
الف سلامة ليك |
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
الف مليون سلامه وامسك اعصابك يااخى فهم ناقصات عقل ودين
|
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
فى الاول ارجوا المحافظة على الاداب العامة وعدم استخدام الفاظ خارجة .
انا بعد الثورة كنت عاوز اجيب ( حى ) للأسباب الى كلنا عرفينها بس بعد مناقشات مع ناس كبيرة ولها خبرة فى الحياة اقتنعت تماما بهول ما يمكن ان يحدث ، تخيل معايا انا راكب العربية وماشى وواحد زنق عليا فأنا وقفت امامة ونزلنا نتخانق ورحت طلعت الطبنجة ومديله واحده ومات تبقى المحصله النهائية واحد مات علشان سبب تااااااااااااااااااااااااااااااااااااااااااااااااا ااااااااااااااااافه . السلاح أى سلاح بيبقى راكب على طرفة الشيطان زى مبيقال فى الامثلة الشعبية الى انت عملته يا د / ميدو غلط جدا وخلى بالك ان الغلط بيجيب غلط برضة وفعلا لو انا كنت حاضر الموقف كنت هغلطك واحمد ربنا انها مكبرتش والموضوع خلص لكن استشير أحد العلماء فى الكفارة ( ان وجدت ) وبلاش الصيد وسط الناس وغير يوم الجمعة ( امان ) . تقبل مرورى |
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
اقتباس:
|
رد: خبطتني عربية وكسرتلها الإزاز
يااااااااااااااخبررررر ابيض
الف سلامة عليك يا صاحبي انا مقدر شعورك في اللحظة دي بس زي ماقال السادة الاعضاء الكرام انت صياد والصيد اخلاق فلا تجعل احد من الناس انه "يصطاد" عليك غلطة حتى ولو كنت مظلوم اشد الظلم والحمد لله ان الرشة ماجتش في عين حد ولا سببت خسائر اكبر من كده والا كانت هتبقى جناية لا قدر الله ففي الصحيحين عن أبي هريرة قال قال رسول الله صلى الله عليه وسلم: (ليس الشديد بالصرعة إنما الشديد الذي يملك نفسه عند الغضب) . وقال مورق العجلي: (ما امتلأت غيظا قط ولا تكلمت في غضب قط بما أندم عليه إذا رضيت). تحياتي |
| الساعة الآن 02:34 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir