|
ممكن نتكلم شوية
ازيكم يا شباب
عاوز اتكلم معاكم شوية معلش لما يكون في انسان انت خايف علية اوي وبتحبة من كل قلبك وعمرك ما فكرتك انك تقسي علية بأي كلمة وديما بتحاول تفرحة وتخالية سعيد ومرتاح البال والشخص دا يغيب عنك شوية وبعد كدا يرجع يقولك ان كان عندة ظروف وانو حياتة اتغيرت وانو ارتبط بحد ويبعتلك اغنية ويقولك انها جميلة اوي اصل حببها بيشغلهلها ديما ولما يجرح فيك في وقت صعب ووقت امتحانات بكاليروس اوحش حاجة دموع الراجل لما تنزل ممكن اخد رايكم من فضلكم لعدم وجود حد اتكلم معاة غير ربنا وبس واسف علي الاطالة يارب محتاجلك |
رد: ممكن نتكلم شوية
أفضل حاجة أن كل الناس مالهاش غير ربنا و إن شاء الله تعدى من الموضوع ده على خير و صدقنى من أعظم نعم ربنا علينا النسيان ركز أنت فى دراستك و مع الوقت ربنا هايكرمك و تعدى الموضوع ده على خير
|
رد: ممكن نتكلم شوية
امين يارب
ومتشكر جدا علي رد حضرتك عليا |
رد: ممكن نتكلم شوية
ربنا يقويك ويصبرك
بس البنات موش بيبقوا اشرار (معظمهم يعنى) بيبقوا بس موش فاهمين وساعات بتحس انهم اغبياء فى اختيار الوقت يعنى مثلا اللى بتحكى عنه ده ممكن تكون صحيت الصبح قالت اشوفه بيحبنى انا ولا مستقبله ومع هبل الفكره بالنسبه لاى حد عنده مخ الا انها فعلا ممكن تتنفذ نصيحتى بقى ليك انك تدخل تتوضا وتصلى لربنا وقعد تزاكر وكل ما تلاقى نفسك بتفكر فى حاجه غير المزاكره تقوم تعمل 10 ضغط وبكده التفكير فيها هيرطبط معاك بالالم وموش هتفكر وربنا يوفقك فى الامتحان واى حاجه تانيه تبقى بعدييييييييييييييييييييين |
رد: ممكن نتكلم شوية
معنى كده ان الشخص ده لعبي وانت متهموش وقاصد يدايقك
بس فيه حاجه اهم في حياتك بكتير دلوقتى وهيا الامتحانات يبقى نعمل ايه نركز قوى في المذكرة عشان ربنا يكرمك وتعدي السنه دي ونقولك مبروك التخرج الحاجه التانية متنساش تبعتلو رساله تقوله فعلا اغنيه جامده جدي اخر فيصل أو الهرم هههههههه ونفض للموضوع ده وركز في الاهم وخليك مع الله وقول يارب |
رد: ممكن نتكلم شوية
الرجالة قالوا بما يكفى ولو عايز نصيحتى ارمى الموضوع ورا ضهرك والى سابك سيبة انت كمان .
( جمد قلبك شويييييييييييييييييييييية) |
رد: ممكن نتكلم شوية
كلمة ابرك من الف
من بيعك بيعه ولا تندم يوم عليه لانه ميستلهش انك تحزن عليه ودا عن تجربة شخصية واتاكد انك هتلاقى بكرة الى يستهلك |
رد: ممكن نتكلم شوية
دي مش نهايه الدنيا وبعدين دي تجربه انت مريت بيها وهتقابل في حياتك زيها كتير اللي عدي عدي بص للي جاي ومتشغلش بالك ربنا يكرمك باحسن منها
انت بتحبها بس ده مش معناه انها احسن واحده في الدنيا اكيد في احسن منها حطها ورا ضهرك وشوف حالك ركز في دراستك ومستقبلك وبعدين البنات علي قفا من يشيل بس شد حيلك انت الاول وخلض واشتغل وهتلاقيهم بكره بيجروا وراك......................................بس اوعي حد فيهم يحصلك |
رد: ممكن نتكلم شوية
من باعك بيعه ومعظم البنات كدة على فكرة وعن تجربة شخصية
واشرب بريل وانساها هههههههههههههه |
رد: ممكن نتكلم شوية
2 مرفق
اسمع كلام عمر والاساتزه وشوف مصلحتك الاول وربنا يوفقك فى الامتحانات وبعد كدا هاتلاقى الى تستاهلك انت شكلك انسان طيب جدا وحنون وانضملى انا وعمر انا كمان اشتريت فيل وادى صورته قولى ايه رئيك ومستنى اشوف الفيل بتاعك;)
|
رد: ممكن نتكلم شوية
أخى الحبيب , الموضوع ده جذبنى بشدّة للمشاركة فيه , لأنه رجّعنى بالذاكرة الى حوالى 14 سنة ماضية , عندما كنت فى البكالوريوس مثلك , و مررت بمثل هذه التجارب , وكنت و قتها أتأثر مثلك بمثل هذه المواضيع , و لكنى و الحمد لله لم أسمح أبداً بأن يكون لها تأثير على مستقبلى و تركيزى فى الدراسة مرّت الأيام و تخرجت , واشتغلت , وربنا كرمنى و اشتريت سيّارة زيرو من عملى و مجهودى الذاتى , ثم زاد كرم الله علىّ واشتريت شقة تمليك بعد عمل و اجتهاد طويل و معاناة فى سداد أقساطها , وقتها أحسست بأنى أصبحت موضع أنظار الكثيرات من قريباتى و زميلاتى فى العمل "عريس لقطة عنده شقة و عربية" هههههههه خطبت فتاة من بين اختيارات عديدة كانت أمامى و قتها , ولكنى اخترت أن أظفر بذات الدين , وتم الزواج بفضل و عون من الله , و رزقنى الله بأفضل رزق فى الدنيا وهم الأولاد "ولد و بنت" والحمد لله على فضله و كرمه. كل هذه التفاصيل ليست لكى أحكى لك قصة حياتى , ولكن لكى تعلم أن هناك الكثير و الكثير الذى يدخره الله لك فى المستقبل , وأن مثل هذه المشكلة التى تعيشها الآن تعتبر "ولا حاجة" و سوف تتذكرها فى المستقبل و تضحك عليها .. كما أتذكرها أنا الآن و أضحك كثيراً منها. إرمى ورا ظهرك .. هذه الأمور لا تستحق أن تنشغل بها عن مستقبلك .. ركّز فى مستقبلك و دراستك لأنها الوحيدة التى تجعل لك قيمة فى هذا المجتمع و أرجو أن تتذكرنى و تتذكر ردّى هذا فى المستقبل .. عندما تتزوج و ترى أطفالك يلعبون أمامك .. وقتها سوف تعود بالذاكرة الى الوراااااااء ..... و تضحك خالص تحيّاتى |
رد: ممكن نتكلم شوية
بص يا سيدي...اول حاجه تعملها انك تتوضأ و تصلي و تقرأ قران و ده هيفيدك ان الشيطان يبعد عنك و ان قلبك يستريح ( الا بذكر الله تطمئن القلوب)
تاني حاجه انك تنسي عن طريق انك تشغل نفسك باي حاجه اي هوايه و تبطل تسمع اغاني اليومين دول خالص و يكون افضل لو تشغل نفسك بمذاكرتك تالت حاجه اوعه حد يخليك تفقد ثقتك ف نفسك او تقلل من نفسك..المواضيع دي اكيد حصلت مع كل واحد فينا ف يوم..ولكن الحمدلله بتكتشف بعد كده ان الحمدلله ربنا بعدك عنها لانه بيرزقك بافضل منها مليون مره و الايام هي اللي بتثبت بس انت اخلص قلبك لله |
رد: ممكن نتكلم شوية
اقتباس:
واهم حاجة فيل لكل مواطن ههههههههههههه حبيبى ياقناص والله وواحشنى |
رد: ممكن نتكلم شوية
اقتباس:
اخوك عمر |
رد: ممكن نتكلم شوية
انا بجد مبسوط جدا اني لقيت مشاركاتكم معايا
وكفاية ان الواحد مش يحس انو لوحدة وفي ردود من ناس محترمة جدا والردود كلها بجد هعمل بيها باذن الله بس الفكر لما يصعب عليك نفسك لما تكون بتحاول ترضي الي قدامك علي قد ما تقدر وبكل ما تملك وفي الاخر هو يبيعك في لحظة الموضوع صعب اوي بس بجد ان شاء الله ربنا يعدي الموضوع دا علي خير يارب ويوفقني ويوفق كل الناس في الامتحانات وربنا يسترها وانا سعيد جدا بالكلام معاكم يا ( اخواتي ) فعلا |
رد: ممكن نتكلم شوية
اقتباس:
|
رد: ممكن نتكلم شوية
ربنا يوفقك وتاكد ان حال الدنيا مبيقفش على حاجه .... والدنيا زى مبتديك بتاخد منك .... واذا كان الناس بتموت ومع الوقت اهلهم بينسوهم .... النسيان نعمه يا صديقى .... وهو كده الحال
وقت ما يكون هناك فرصه للحب وعندك صحه متلاقيش الفلوووس مثلا ( حياه الجامعه ) ووقت ميكون عندك فلوووس وصحه متلاقيش فرصه للحب ( بعد الاتخراط فى الحياه العمليه ومعاك وظيفه كويسه ) خليك واثق فى نفسك وحدد هدفك وربنا يوفقك ان شاء الله |
رد: ممكن نتكلم شوية
اقتباس:
|
رد: ممكن نتكلم شوية
هقولك حاجه من اخ اكبر انا عندى حوالى 41 سنه شفت كتير وعملت كتير وليا تجارب كتييييييييييييييير مع الحريم والبنات الضربه اللى لا تقسم الظهر تقويه انت حبيت من قلبك واخلصت صح انت كده عملت اللى عليك المهم حاجتين مهمين جدا
1---- اى بنت تعمل دقه نقص متلزمش وحجمها بيكون صغييير جدا وانت راجل كبير فمتديش اللى حجمو صغير اكبر من حجمو ادى كل انسان ايآ كان حجمو الطبيعى ودى حجمها 0 فمتديهشا اكبر من حجمها 2 ---- هتمر الايام وتلف الايام وتلقيها بتكلمك تتمسح فيك (اسف جدا) هتحك فيك وتجور ناعم اياك اياك تضعف وتحن (هيه كده بتسطعبطك ) اسف فى التعبير 3 ---- حط فى دماغك حاجه مهمه انك لا تقبل انك تاخد بقايا حد 4 ---- ليه تفكر انو خد منك حاجه مهمه هو فى الاصل خد بقاياك اسف (فضلاتك) 5 ---- الحريم كلهم جنس نمرود تديهم بال -------- يمشو زى الالف تضعف هيدو الواحد بال------- 6 ----- سيبك منها خالص ولا تحاول تكلمها ولا تسئل فيها كرمتها هتكولها ( وتقول فى نفسها ايه هو استغنى هو ما صدق يسبنى) لو كلمتك طنشها اكرفها ولا تعبرها 7 ----- سيبك من حركات الجامعه حد يوصلها انك خطبت ارطبت كل ده حركات معروفه فكرتنى بالذى مضى ههههههههههههههههههههههههههههههههه اولا -- اسف انى طولت عليك انا فى بدايه كلامى قلت حاجتين مهمين الكلام فتح منى ووصل ل 7 حاجات هههههههههههههههههههههه ثانيآ -- اسف واعتزر لو فى كلام خارج او غير لائق بس دى الحقيقة |
رد: ممكن نتكلم شوية
ياااااااااااه ياراجل يا طيب
انا افتكرت واحد صحبك بجد معلش بس لما شوفت انه ارتبط فهمت بص يا اخى العزيز الى يبيعك بالرخيص اوووووووووووووووووووووووووووووووووووعى تشتريه مهما كانت الظروف الى خلته يعمل كدة واووووووووووووووووعى ربنا ميوفقوش هو فى مشوار الارتباط بتاعه ويقولك انه فكر كويس والكلام ده و يعوز يرجعلك تانى بقولك اوووووووووووووووووووعى افتكر اللحظات الى انت فيها دلوقتى وباعك بمنتهى السهوله عند اقرب تاجر يشترى وخدها عند فى عند وخليك فى امتحناتك يا اخى العزيز وبعد كدة ربنا هيبعتلك الاحسن منها انشاء الله وساعتها هتقول ياااااااااااااااه الحمد لله ان محصلش نصيب ساعتها صدق اخوك الكبير والله بنصحك لوجه الله تعالى وصدقنى اتحطيت فى موقف ازفت منه ودلوقتى بقول من كل قلبى الحمد لله ان محصلش نصيب ساعتها والحمد لله والشكر لله معايا محمود دلوقتى |
رد: ممكن نتكلم شوية
والجيش و الشعب ايد واحده :) :) روق بقا وكل كلام اخوانى مع الكلام الى بقولهولك والله فعلا كلام صحيح
|
رد: ممكن نتكلم شوية
اقتباس:
كلامكم كلكم فرق معايا وكلامك بردو فعلا وعند حق 100% ومفيش اي كلام خارج ولا اي حاجة بجد وبجد ربنا يكرمكم |
رد: ممكن نتكلم شوية
اقتباس:
وربنا يخاليلك محمود يارب |
رد: ممكن نتكلم شوية
صورة جامدة جدا يا قناص :)
انا عندى فيل لونه برتقالى لاستعمال الطوارىء بس |
رد: ممكن نتكلم شوية
كن رجلا شديدا و قاسيا عندما تحس بفتور عاطفى
|
رد: ممكن نتكلم شوية
انت المفروض كنت تشوف الاول هى واخده بالها انك مهتم بيها و انت ينفذ رغبتها و ان الاعجاب مش من طرف واحد الى هو حضرتك و انت اكيد عارف دماغ البنات عايزين الى يقولو حاضر و كل حاجه مجابه بس كنت تاخد بالك بدل ما تتربط بيها و يحضل الى حصل و دمعه الراجل عمرها ما تنزل الا فى تلات حاجات اتاخدو منك اكيد مش بنت هى دينك و ارضك و عرضك غير كده متعيطش زى ما الرجاله قالو ارمى ورا ضهرك هتقابل كتير يا معلم و انزل السوبر ماركت هت باكتت بريل
|
رد: ممكن نتكلم شوية
خلاص انا قررت اشرب بيرل ههههههههههههههه
علشان الهوب ميفطش :) والله انتو قعدتكو زي العسل وبتنسي الواحد اي هم |
رد: ممكن نتكلم شوية
اقتباس:
|
رد: ممكن نتكلم شوية
طبعا الناس قالوا كتير بس هما كلمتين : ركز فى امتحاناتك والتانية انا زعلان منك لاننا اخوات كان لازم تتصل بيا حتى لو معنديش حل مباشر الفضفضة نفسها بتخفف شوية وبعد الامتحانات باذن الله نتقابل وامتحاناتك اهم المواضيع اللى زى دى متتخادش فى كلمة ده لازم معرفة تفاصيل اكثر ليكون الحكم افضل والحل اصح
|
رد: ممكن نتكلم شوية
والله ياباشا لو فكرت بموضوعية فى الامر هتكتشف مع مرور الوقت انك كنت بتضيع وقتك على الفاضى ومصلحتك اولا مذاكرتك ومستقبلك واتعلم من الدنيا انك ما تبصش وراك ابدا لان اللى بيبص وراه بيقع واسال الغزالة ليه بياكلها الاسد تمام اما بالنسبة للبنات عموما اتعامل معاهم فى وقتك ده على انهم بلاى استيشن فاهمنى طبعا وبعد ما ترسى على مستقبلك هتلاقى الف مين تتمناك وتتعلق بيها وتتعلق بيك وساعتها هتكون اخدت خبرة الدنيا واتعلمت من الزمان وهتتعامل على اساس صح مش على اساس عواطف اونطة واشتغالات ما لهاش لازمة اعتبرنى اخوك الكبير وتقبل منى يا اخى العزيز النصيحة وبكرر اوعى تبص وراك هتقع بجد وبالذات مع الحريم دوس باللى فى رجلك واسف لكل الناس لو فيه لفظ خارج او شىء عدى عليا وولا يهمك وتحياتى
|
رد: ممكن نتكلم شوية
بص يا باشا انا هقول لحضرتك نصيحة منى
فى الزمن ده الى تعامله بطيبة ومتفكرش تقوله كلمة وحشة وتشيله فوق راسك تلاقيه يتنمرد ويدوس عليك والى يعمل زى الامثال ويدبح القطة ويثبت نفسه من الاول تلاقيه الى فى القلب والنينى ويتحب ويتسمع كلامه والكلام ده عن تجربة شخصية ومع احترامى لحضرتك محدش يقول ان صوابعك زى بعضها لان دلوقتى وفى الزمن ده بقى كله شبه بعضه والحوارات كترت والقصص كلها شبه بعضها وممكن اسمعهالك :) زمن الرومانسية انتهى من 2005 :) مش هتلاقى منه دلوقتى وانا مستعد ادى ايميلى لحضرتك ونتكلم اكتر فى الحكاية دى وان شاء الله افيدك او على الاقل اهون عليك وصدقنى مفيش حاجة تستاهل ان الانسان ينزل دمعة لان الى يستاهل دموعى عمره ما هيكون سبب فى نزولها ربنا معاك يا باشا ونصيحة منى شوف مستقبلك لان لو حصل اى حاجة لاقدر الله هتندم اوى وربنا يعينك يارب |
| الساعة الآن 04:06 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir