|
سؤال لإهل الخبرة .. كرال ماغنوم أم نوريكا 61؟
السلام عليكم
يا إخوانى ساعدونى بارك الله فيكم أيهما الأفضل كرال ماغنوم فايبر ام نوريكا 61 وكثيرا ما سمعت عن عيوب فى الكرال ! فهل هذا صحيح؟؟ وهل الفايبر أفضل أم الخشب؟ أرجو الإفادة سريعا لإتخاذ القرار وجزاكم الله خير ملحوظة: المنتدى لا يعمل كما بالسابق .. حيث يوجد إختلاف فى الصفحات واللغة !! فهل المشكلة عندى ام من المنتدى؟ |
رد: سؤال لإهل الخبرة .. كرال ماغنوم أم نوريكا 61؟
الكرال لانها هاى باور وبالنسبة للسوستة تتغير بواحدة اسبانى لو حصل حاجة فيها
|
رد: سؤال لإهل الخبرة .. كرال ماغنوم أم نوريكا 61؟
الكرال الكرال الكرال
بالنسبه للمنتدى دا عيب من عند حضرتك ممكن تلاقى تحت كدا الغات اختار العربيه |
رد: سؤال لإهل الخبرة .. كرال ماغنوم أم نوريكا 61؟
استاذ طارق هى بتبع السوسته الا سبانى فين وايه المضمون انه اسبانى وتحياتى ليك
|
رد: سؤال لإهل الخبرة .. كرال ماغنوم أم نوريكا 61؟
والله كنت اخدت قرار بالنسبة للكرال الخشب .. الإصدار الجديد
وبعدها قرأت كام موضوع عن مشاكل الكرال وان معظم من يشتريها يبيعها بعد فترة قصيرة ، ومشكلة السوستة والزناد والجلبة قرأت لغاية ما اتعقدت فى البنادق كلها فياريت النصيحة المفيدة ، وإذا كانت المسألة فى القوة بالنسبة للكرال وبعد كام شهر هتبوظ فالاحسن من وجهة نظرى النوركا بالنسبة للمتانة يعنى والخامة .. فأيه رأيكم؟؟ وللعلم النوركا موجودة هنا فى المنتدى والكرال الخشب ايضا هنا جديدة ب 1250 الفلوس مبتجيش بالساهل وانا عايز حاجة تعيش معايا |
رد: سؤال لإهل الخبرة .. كرال ماغنوم أم نوريكا 61؟
ان شاء الله ربنا هيكرمك بافضل مما تتخيل تحياتى ليك
|
رد: سؤال لإهل الخبرة .. كرال ماغنوم أم نوريكا 61؟
حضرك انا مش اهل خبرة خالص بس انا هجيب بندقية اول الاسبوع الجاى ان شاء اللة و كل اللى سألتوا قالى الكرال جميلة جدا بس بيتغيرلها سوستة بس وكمان هاى بور و فى ناس كتير جايبنها و مش راضيين يستغنوا عنها
ارجو اكون افادتك |
Re: سؤال لإهل الخبرة .. كرال ماغنوم أم نوريكا 61؟
انا جبتها مستعمله وركبت عليها سكوب 40*9*3 البندقيه في قوتها ممتازه مش بطاله بالنسبه لفلوسها
شكلها جميل جدا حافظ علهيا هتعيش معاك |
رد: سؤال لإهل الخبرة .. كرال ماغنوم أم نوريكا 61؟
اتوكل على الله وهات كرال بالنسبة الى سعرها كويسة
|
رد: سؤال لإهل الخبرة .. كرال ماغنوم أم نوريكا 61؟
اقتباس:
يا جماعة سعرها دة بالنسبة لى كتير ولكن قولت طالما حاجة هتعيش مش خسارة فيها وعشان كدة بسأل ، ومسألة القوة الجبارة مش مهمة عندى كتير لانى مش هصطاد غزلان فالسؤال الأهم دلوقتى الكرال على قوتها وسعرها الحنين .. هل هتعيش؟؟ يعنى معمرة؟؟ ولا النوركا على قوتها المتواضعة مع خامتها الجيدة؟؟ مع العلم ان متغيرلها سوست وهى مستعملة؟ |
رد: سؤال لإهل الخبرة .. كرال ماغنوم أم نوريكا 61؟
شوف ياباشا بعد اذن اخوانى الاعضاء المحترمين لو هتجيب النوريكا 61 جديدة توكل على الله هاتها اما لو مستعملة يبقى الكرال الجديدة الدبشك الخشب الاصدار الجديد احسن مليون مرة وعلى فكرة لا بتحتاج تغيير سوستة ولا جلبة الاصدار الجديد ممتاز عند هشام سمير امانة حاجة محترمة وفينش رائع لا غبار عليه معايا بقالها شهرين ولا كلمة قاتلة ورهيبة ودقة موووووووووس فى النيشان ملهاش حل حقيقى رغم انى عندى المانى واسبانى وهى بعتبرها بديلهم بجد كل اللى هتعملة هتفتحها تنظفها كويس بجاز ابيض او بيروسول ترش جوة البستم جامد هتتغسل من جوة بطريقة جميلة وبعدين تشحمها كويس وتزيتها بزيت خفيف زيت سلاح او زيت مكن خفيف وتتوكل على الله تصطاد ههههههه هتعجبك جدا وبالتوفيق وتحياتى
|
رد: سؤال لإهل الخبرة .. كرال ماغنوم أم نوريكا 61؟
اقتباس:
ولكن قولى ازاى اعرف الاصدار الجديد من القديم؟؟ |
رد: سؤال لإهل الخبرة .. كرال ماغنوم أم نوريكا 61؟
ياجماعة الله يخليكوا مافيش حاجة اسمها اصدار جديد وقديم فى مشكلة السوستة بالنسبة للكرال بدليل ان فى ناس اشترت الرماية وهى تعتبر اخر موديل نزل للكرال مصر والسوستة اتكسرت بعد اسبوع.
الاختلاف فى شكل الدبشك فقط لكن السوستة زى ماهية. بالنسبة لشراء الكرال فوجهة نظرى الشخصية وانا كتبتها اكتر من مرة لو العضو متمرس فى حل وصيانة البنادق بنفسه وله خبرة مع بنادق الرش حيعرف يتعامل مع الكرال بسهولة ولو مبتدأ انصحه يشترى اى بندقية متوسطة السرعة وتكون دقيقة حتساعده فى الصيد وحتحببه فى الهواية ومن هذه البنادق النوريكا او التل المجرى او السلافيا التشيكى وتقريبا كلهم اسعارهم متقاربة. خالص تحياتى للجميع. |
رد: سؤال لإهل الخبرة .. كرال ماغنوم أم نوريكا 61؟
اقتباس:
النقطة الثانية هى موضوع الحل والتركيب ودى سهلة بالنسبة لى لانى كان عندى معادى ورمسيس وكنت بفكهم بسهولة وبشحمهم وكله تمام نيجى للمشكلة العويصة ألا وهى انى عايز حاجة (قوية للعمر - شكلها كويس - نشانها سهل الضبط - وسعرها حنين) هل الكرال هتوفيلى الاحتياجات دى ولا لاء؟؟ طيب لو ما وفت الاحتياجات .. هل النوركا 61 المستعملة هتوفى؟ ولعلم النوركا عند العضو (توتو) هو عارضها فى موضوع خاص |
رد: سؤال لإهل الخبرة .. كرال ماغنوم أم نوريكا 61؟
الكرال الخشب ما شاء الله كويسة وأنا لسة جايب واحدة الثلاثاء الماضي وبفضل الله جميلة جدًا وأنا عارف واحد عنده بي إس عتلة قديمة وحالتها كويسة على 1200 جنيه لو تريد أن تشتريها ممكن أكلمهولك
|
رد: سؤال لإهل الخبرة .. كرال ماغنوم أم نوريكا 61؟
كرال و اتكل على الله
|
رد: سؤال لإهل الخبرة .. كرال ماغنوم أم نوريكا 61؟
بالتوفيق ان شاء الله
|
رد: سؤال لإهل الخبرة .. كرال ماغنوم أم نوريكا 61؟
اخى الفاضل انا معى الكرال ماجنوم الجديدة السوستة بتاعها معدلة لتتحمل وشغالة معى مية فى المية بسم الله ما شاء الله واهم شىء المحافظة على البندقية كى تعيش معاك ........مع تحياتى
|
رد: سؤال لإهل الخبرة .. كرال ماغنوم أم نوريكا 61؟
شكرا لكل من ساعدونى فى الإختيار
اشتريت كرال خشب بفضل الله وحتى الآن شغالة تمام .. بخلاف النيشان دائما يجيى فوق الهدف ! والعيب مش فيا لانى جربت كتير جدا وعملت كل حاجة ممكن تعمل |
رد: سؤال لإهل الخبرة .. كرال ماغنوم أم نوريكا 61؟
اقتباس:
أولا مبروك البندقية , وربنا يرزقك خيرها ان شاء الله رد فعل الكرال قوى شوية و خصوصاً بالسوستة الأصليّة بتاعتها , لازم تتعود عليها شوية وهاتظبط ان شاء الله و بالمناسبة , إنت بتستعمل نوع رش ايه ؟ |
رد: سؤال لإهل الخبرة .. كرال ماغنوم أم نوريكا 61؟
اقتباس:
وهى فعلا تعبانى فى النيشان جدا ، والكل بيقول من رد الفعل لكن انا مش جديد فى الموضوع يعنى عندى خبرة فى النيشان وحاسس انى بتحكم فيها كويس إلى حد ما ، وبالرغم من كدة الرشة دايما تجيب فوق الهدف وشمال قليلا .. ودة على مسافة 6 الى 10 متر .. اما المسافات البعيدة فحدث ولا حرج!! وبالنسبة للسوستة حاسس انها كويسة ومش ناشفة اوى .. بالعكس ريحت كتير عن الاول وبستعمل رش الرماية (مؤقتا لغاية ما الاقى حد بيبيع رش نضيف) |
| الساعة الآن 03:58 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir