|
معلومة أخرى مهمة من أخوكم فى الله /سامى توفيق
اغلبيتنا لما بنصطاد طير طبعا مش حنقى ان كان الفرد حديث السن ولا كبير وبالعامية بنسميه (عتائى) وطبعا ان كان الطير كبير فى السن (عتائى يعنى) بيكون لحمه ناشف وكمان بياخد وقت فى التسوية
عشان نخلى لحم الطير يبقى طرى ويستوى بسرعة بنضيف ملعقة سكر والطير بيتسلق او ملعقة صغيرة كربوناتو والاتنين بيساعدو على التسوية السريعة وكمان بيطرو اللحم شوية. وبالهنا والشفا معلومة اخرى لتسوية اللحوم الزفرة مثل الاوز او البط او فراخ الماء او غيرها من الطيور زوات اللحم ازفر قم بتتبيل الطير فى محلول من (خل _ليمون _ زعتر _ فلفل أسمر _ ملح) لمدة نصف ساعة واهم شئ اننا نحط شوية من المحلول ده داخل الطير خلال الوقت المحدد نصف ساعة وممكن نضيف قليل من المحلول ده لماء السليق ( الميا اللى حنسلق فيها الطير. تمناتى لكم باسعد الاوقات وصيد موفق باذن واحد أحد. السلام عليكم وان شاء الله فى معلومة اخرى مفيدة... لكم تحياتى. أرجو من الناس اللى بتحب تعلق على اى معلومة وتحب تبين انها فاهمة وتقول عكس المعلومة اللى انا بطرحها يخلو رايهم لنفسهم عشان فيه ناس بتحب تعلق والسلام وتجادل وهيا على خطأ. |
رد: معلومة أخرى مهمة من أخوكم فى الله /سامى توفيق
الله ينور يا سامى باشا
الف شكر على المعلومات القيمه تحياتى |
رد: معلومة أخرى مهمة من أخوكم فى الله /سامى توفيق
شكرا على المعلومات الحلوة دي بس اعتقد مفيش مشكله لو حد ضاف تعليق يمكن يفيد في الموضوع
وبرده لك الشكر على المعلومات دي |
رد: معلومة أخرى مهمة من أخوكم فى الله /سامى توفيق
تسلم ايدك يا باشا
وهو قال يا اخ امين :: الناس اللى بتحب تعلق على اى معلومة وتحب تبين انها فاهمة وتقول عكس المعلومة اللى انا بطرحها وانا شايف انه مغلطش بصراحة مع خالص تحياتى لحضراتكم |
رد: معلومة أخرى مهمة من أخوكم فى الله /سامى توفيق
تسلم ايدك على المعلومات الحلوة
|
رد: معلومة أخرى مهمة من أخوكم فى الله /سامى توفيق
تسلم ايدك وحبذا لوبعد السليق تشويه على الفحم ياولد ايه الجمال والحلاوة دى
|
رد: معلومة أخرى مهمة من أخوكم فى الله /سامى توفيق
إليك يسلمووووو ياحبي
على المعلومات الجميلة |
رد: معلومة أخرى مهمة من أخوكم فى الله /سامى توفيق
ربنا يجازيك عنا كل خير علي المعلومات الروعه ديه
|
رد: معلومة أخرى مهمة من أخوكم فى الله /سامى توفيق
تسلم على الكلام المفيد
جزاك الله خيرا تقبل مرورى |
رد: معلومة أخرى مهمة من أخوكم فى الله /سامى توفيق
المنتدى ده فى نظرى معمول علشان نتبادل الخبرات ونتناقش فيها ولو اراء الناس الى بتحاول تستفيد منك او من غيرك بتخلى حضرتك متضايق كده يبقى اسمحلى انا عن نفسى مش هشارك فى مواضيع ليك تانى مادام اسلوبى مش بيعجبك .
تقبل مرورى |
رد: معلومة أخرى مهمة من أخوكم فى الله /سامى توفيق
واضح انك حضرتك مضايق لما الناس اختلفت معاك فى المرة اللى فاتت عشان كنت بتقول ان الطائر بينزل دم بعد مابتكون الرشة خلصت علين ولازم نذبحه والناس قالت لحضرتك اننا جربنا بالفعل مفيش دم نزل واختلفت معاك فى الراى ...
لازم حضرتك تتقبل الراى الاخر ولو كان خطا عليك تصلحه بالادلة والقرائن او لا تتفق معاه يرجع لحضرتك انما مينفعش تقول (أرجو من الناس اللى بتحب تعلق على اى معلومة وتحب تبين انها فاهمة وتقول عكس المعلومة اللى انا بطرحها يخلو رايهم لنفسهم عشان فيه ناس بتحب تعلق والسلام وتجادل وهيا على خطأ.) لان كل واحد حر فى رايه يقوله براحته وميخلهوش لنفسه طالما فى حدود الادب والذوق ومينفعش تحجر على راى حد هذا المنتدى للمناقشة وتبادل الاراء ولو فيها اختلاف |
رد: معلومة أخرى مهمة من أخوكم فى الله /سامى توفيق
اقتباس:
|
رد: معلومة أخرى مهمة من أخوكم فى الله /سامى توفيق
يا اخوانى موضوع ذبح الطير بعد موته لايفيد باى شىء اى كان لانه وبمعنى اخر لن ينذف قطرة دم واحدة وده علميا وعمليا ما تزكية الطير بمعنى اذا كان لسه فيه الروح وجب علينا نلحقة فورا ونذبحة كى لا يتعذب وطبعا بطريقة الذبح الشرعية بالتسمية والتكبير وايضا وده ممكن اخواننا العضاء كتير بيقعو فى الخطا ده لازم يكون سلاح الذبح حاد جدا وعموما كل له وجهة نظرة اما الصحيح اخى الكريم عندما تتوقف الحياة ويقف القلب عن النبض لن ينذف الجسم قطرة دم واحدة مهما جرح لان المخة المسؤلة عن دفع الدم توقفت يعنى الميه قطعت فلن يفيد الذبح بشىء طالما سميت قبل ما تضرب على الطائر ونزل ميت او مقفول خلاص كده والله اعلم سليم ويحل اكله وكما قال الشار هل يضر الشاة سلخها بعد زبحها وتحياتى
|
رد: معلومة أخرى مهمة من أخوكم فى الله /سامى توفيق
مشكور علي المعلومات المفيدة وشكر للاخوة علي المعلومات الاضافيةوجزاكم الله خيرا
|
رد: معلومة أخرى مهمة من أخوكم فى الله /سامى توفيق
اقتباس:
للأسف , الجملة دى بتدينا إحساس إنك مش واثق فى المعلومة بتاعتك على الرغم من بساطتها , أرجو ان يكون عندك احساس أكبر من كدة بالثقة بالنفس , وتكون قادر عل المناقشة و طرح وجهة نظرك و الدفاع عنها , وفى النهاية كلنا ممكن نخطىء. |
رد: معلومة أخرى مهمة من أخوكم فى الله /سامى توفيق
اقتباس:
معاك 100 % |
رد: معلومة أخرى مهمة من أخوكم فى الله /سامى توفيق
الف شكر ياغالي تسلم ايديك
|
رد: معلومة أخرى مهمة من أخوكم فى الله /سامى توفيق
اقتباس:
|
رد: معلومة أخرى مهمة من أخوكم فى الله /سامى توفيق
أخى العزيز الغالى /فضل
أنت ليه أخدت الكلام عليك وأنا أصلا مش بقصدك نهائيا ولكن انا قصدت شخص ومش حقول فلان أو علان ولكن الشخص ده كان بيغلطنى فى تحريم صيد الدقانيش رغم انى كنت كاتب الدليل على تحريمه ادخل على جوجل واكتب طائر الصرد وشوف بيتغذى على ايه ولكنه علق وقال لازم تجيب دليل على كلامك وكانى كاتب بالاتينى انت على راسى يا سيدى والمفروض انك تبقى شايف نفسك معلقتش تعليق والسلام ولكن انت كتبت تعليق مظبوط.... ولكن وجهة نظرى انا كانت مختلفة عن ردك المفروض انا اللى ازعل من كلامك انك بتقولى (مش حشارك فى مواضيع تانى ليك) ولكن ولا ححط فى بالى لانى ولا كأنى شوفت تعليقك ده ومنورنى يا عم فضل يا غالى. |
رد: معلومة أخرى مهمة من أخوكم فى الله /سامى توفيق
ايه هوا الكل اخد الكلام على انى مكنش عاجبنى تعليق الناس فى الموضوع السابق هههههههههههههههههههههههه ايه ما بتصدقو مولد وتسقفو فيه
عموما انا بينت وجهة نظرى فى الجملة اللى انا كاتبها للاخ العزيز /فضل ويا عم محسن يالى بتقول (للأسف , الجملة دى بتدينا إحساس إنك مش واثق فى المعلومة بتاعتك على الرغم من بساطتها , أرجو ان يكون عندك احساس أكبر من كدة بالثقة بالنفس ,) انا الحمد لله واثق فى نفسى جدا وعارف بقول ايه والمفروض تعرف انا كتبت كدا ليه الاول وبعدين تبقى تعلق انت او غيرك من اللى فهمو كلامى غلط ولكن للاسف ماحدش بيعقلها ويتوكل وعموما يا سيدى زى ما بتقول كل واحد حر فى اللى يكتبه او يقوله فانا حر فى اى حاجة اكتبها او اقولها وعيب لما تقول (أرجو ان يكون عندك احساس أكبر من كدة بالثقة بالنفس ) لانك مش بتكلم عيل صغير .... انا ممكن اكبر دماغى من اى حد ولكن الحمد لله المعاملة الحلوة هيا اللى بتدوم. |
رد: معلومة أخرى مهمة من أخوكم فى الله /سامى توفيق
الموضوع اللى فات انا كان كل اللى حبيت اوصلو للناس ان حتى لو الطير مات بعد الاصابة ندبحه عشان لون جسمه ميبقاش مائل للون الازرق او فيه تجلط دموى داخل جسم الطير واللى كنت بوصلو للناس ان ندبح عشان الطير يتهوى ويبقى وكانه مدبوح فقط.
|
رد: معلومة أخرى مهمة من أخوكم فى الله /سامى توفيق
اقتباس:
|
رد: معلومة أخرى مهمة من أخوكم فى الله /سامى توفيق
معلومات مفيدة تسلم ياكبير
|
رد: معلومة أخرى مهمة من أخوكم فى الله /سامى توفيق
والله انا فى البداية كنت مغلط صاحب الموضوع فى الجملة الى الكل اعترض عليها بس بعد مشوفت رد الناس علية وكلا باسلوبة وتجريحة بالكلام فارى ان فعلا لية حق يعترض على بعض اردود ويا جماعة بالله عليكم احنا هنا كلنا اخوات فلو فى موضوع ردك هيكون تجريح لصاحب الموضوع ففعلا حاول اما ان تغير اسلوبك وتصلو معلومتك او ان فكرو غلط باسلوب ميجرحش فية او انك تحتفظ برايك لنفسك اسف ومستعد للرد على اى رد على مشاركتى دى وللك فائق الاحترام والتقدير
|
رد: معلومة أخرى مهمة من أخوكم فى الله /سامى توفيق
فيه ناس فعلا تستحق الواحد ياخد كلامها تاج على راسه عشان ناس ربنا انعم عليها بنعمة العقل
شكرا جزيلا اخواتى الاحباب (7imdan _ lilkapo) وعموما والله الواحد مش بيحط فى باله وممكن معلقش على رد حد بيجادل والسلام من غير ما يفهم المقصد من كلامى ايه ولكن برد عشان فى النهاية اثبت ليهم انهم على خطأ والمفروض يفهمو مغزى كلامى ايه لكم منى جميعا كل الوقار والاحترام والتقدير وارجو فهم مغزى الكلام قبل الرد. |
رد: معلومة أخرى مهمة من أخوكم فى الله /سامى توفيق
ليك منى احلى تحيه يا استاذ سامى وصداقتك شرف ليا فى المنتدى :) اخوك محمد
|
رد: معلومة أخرى مهمة من أخوكم فى الله /سامى توفيق
اقتباس:
|
| الساعة الآن 05:34 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir