|
العلاقه بين الصياد و البندقيه و نوع الرش
السلام عليكم ...
امبارح لسه عرفت معلومه و طبعا مقدرش ابخل بالمعلومه دي عن حبايبي و اصدقائي ... في علاقه معنويه بين الصياد و البندقيه و نوع الرش ... كلامي هقسمه لموضوعين :- أ- الاختلاف بين كل من - الصياد ( المهندس شريف صلاح _ ابو ياسين ربنا يخليله ياسين _ و العبد لله ) البندقيه ( ديانا 350 ماجنوم مع كل من الصيادين ) الرش ( جامو ماتش مع المهندس شريف صلاح و جامو برو ماجنوم مع العبد لله ) المهندس شريف باسم الله ما شاء الله بيعمل شغل عالي اوي مسافات قريبه و بعيده بالماتش و البرو ماجنوم مش ظابط معاه العبد لله بيعمل شغل على قده بالبرو ماجنوم بس الماتش حدث بلا حرج .. طب لييه الفرق ده مع ان نفس البندقيه و نفس الظروف بس اكيد محدش يقارني مع المهندس شريف عشان المقارنه اكيد مش هتكون في صالحي يبقى نلخص الكلام إلى فات انه في علاقه بين الصياد و البندقيه و نوع الرش .. ب- الاختلاف بين كل من - الصياد ( الاستاذ اشرف باهي و الدكتور محمد حسن ) البندقيه ( جامو سي اف اكس رويال ) الرش ( جامو برو ماجنوم ) من الاخر البرو ماجنوم ظابط مع البندقيه لدرجة الدقه بسم الله ما شاء الله ... يبقى عاوز اوصل ليكم من النقطتين انه في علاقه بين العوامل التلاته ممكن تتشابه او ممكن تختلف .. عشان كده مينفعش نقول ان البندقيه فلانه ينفع معاها رش فلان .. لازم الصياد يجرب بنفسه و يحكم بنفسه ... ياريت اكون قدرت اوصل المعلومه بشكل سليم ... تقبلوا تحياتي محمد وفيق |
رد: العلاقه بين الصياد و البندقيه و نوع الرش
اقتباس:
كلامك سليم يا محمد , والكلام ده بعيد تماماً عن كل المواضيع النظرية , الموضوع ده بالتجربة العملية - إتنين يشتروا نفس البندقية , واحد تظبط معاه و تعمل أحلى شغل , والتانى ماتعجبهوش و يبيعها - إتنين معاهم نفس البندقية , واحد بيستخدم عليها نوع معين من الرش والنوع التانى مش بيجيب معاه خالص , ونلاقى الشخص التانى بيفضل نوع الرش اللى مانفعش مع الأولانى , مع انها نفس البندقية !!! الخلاصة زى ما محمد قال : الموضوع لا يحسم الا بالتجربة العملية الخاصة بالشخص نفسه , لأنه ثبت فعلاً وبالتجربة أن هناك علاقة خاصة بين 3 أطراف : الصيّاد - البندقية - نوع الرش وهناك عامل رابع مهم جداً وهو : البيئة (المكان) التى يتم فيها الصيد , سواء صحراوى أو زراعى أو برك مياه أو .... البيئة بيكون ليها عامل مهم فى اختيار نوع الرش لأنك لو بتصطاد مثلاً فى بيئة زراعية تكثر فيها الأشجار حيث يمكن الإختباء و التمويه بين الأشجار و الوصول الى مسافة قريبة من الصيد (10-20 متر مثلاً) فيمكن هنا تستخدم نوع رش خفيف زى الماتش , أما لو بيئة صحراوية حيث يصعب التموية و تضطر لأن تصطاد من مسافات كبيرة(40 متر و أكثر) و أنت معرض لعوامل الطقس و الرياح , هنا يجب استخدام رش تقيل زى البروماجنوم مع الأخذ فى الاعتبار نوع البندقية و قوتها خالص تحياتى لكم , وأشكر محمد على الموضوع الجميل |
رد: العلاقه بين الصياد و البندقيه و نوع الرش
الله ينور علييك يا دكتور .. فعلا انا نسيت موضوع البيئه ... تقبل تحياتي
|
رد: العلاقه بين الصياد و البندقيه و نوع الرش
شكرا للمعلومة
|
رد: العلاقه بين الصياد و البندقيه و نوع الرش
اقتباس:
|
رد: العلاقه بين الصياد و البندقيه و نوع الرش
الله ينور معلومات مفيده جزاكم الله خيرا
|
رد: العلاقه بين الصياد و البندقيه و نوع الرش
تسلم ايدك على الموضوع يا كبير
|
رد: العلاقه بين الصياد و البندقيه و نوع الرش
اقتباس:
اقتباس:
|
رد: العلاقه بين الصياد و البندقيه و نوع الرش
ياعم اللى عدى عدى اللى اداك يدينا يا سيدى
متخفش ده مش حسد ده قر |
رد: العلاقه بين الصياد و البندقيه و نوع الرش
موضوع رائع من حضرتك استاذ محمد ووضع له اللمسات الاخيرة الدكتور محمد.
بارك الله فيكم وزادكم من علمه. خالص تحياتى |
رد: العلاقه بين الصياد و البندقيه و نوع الرش
ماشاء الله موضوع رائع ومفيد لكل الصيادين
تقبل تحياتي استاذ محمد وفيق وسعدت جدًا بمكالمة حضرتك إنهاردة م/ أحمد نبيل |
رد: العلاقه بين الصياد و البندقيه و نوع الرش
اقتباس:
|
رد: العلاقه بين الصياد و البندقيه و نوع الرش
الله عليكم يا محمد بيه ويادكتور محمد ومعكم حقك فى اللى قولتوه انتوا كده صيادين محترفين
|
رد: العلاقه بين الصياد و البندقيه و نوع الرش
اقتباس:
|
رد: العلاقه بين الصياد و البندقيه و نوع الرش
موضوع جميل بس مش كل الرش اللى موجود فى السوق موزون وكويس
وفى الاخر بيبقى الموضوع راحة نفسية |
رد: العلاقه بين الصياد و البندقيه و نوع الرش
موضوع جميل تسلم إيدك يابشا
|
| الساعة الآن 10:57 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir