موضوع فى غاية الاهمية
 

اخوانى وحبايبى الاعضاء وجب على تنبيهكم من موضوع فى غاية الاهمية وحقيقى مهم جدا جدا جدا طبعا كلنا عارفين موضوع قانون الاسلحة الجديد فيه بند فى جدول وهو يجرم الاسلحة ذات الماسورة المثقولة يعنى الغير مششخنة وفوجئت بقضية مضبوط فيها طبنجة صوت مفتوحة وبيها خزنة ذخيرة 9 مم فيها بلى وده طبعا قضية عند صديق ليا واحالتها النيابة وللاسف دخلت تحت التجريم فى العقوبة المنصوص عليها لان الطبنجة بعد ما اتعرضت على المعمل الجنائى ثبت انها مفتوحة ةوبيها ماسورة نحاس (طبة ) ودى هنا المشكلة مع الذخيرة كمان اللى هى معدلة ببلى ودى المصيبة الكبرى وطبعا صاحب القضية هيروح كده اونطة فوجب عليا تحذير احبائى واخوانى فى المنتدى لانه واجب عليا ان من لديه مسدس او طبنجة صوت معدلة او مفتوحة يتخلص منها او على الاقل ما يظهرهاش لحد او ما يعرفش حد لان لو حد بلغ عنك بردو هتبقى مشكلة اما الصوت المقفول ده عادى مافيهوش مشكلة ولا يفضل الظهور بيه فى اماكن عامة او تجمعات يعنى وتحياتى

رد: موضوع فى غاية الاهمية
 

جزاك الله كل خير وربنا يسترها مع الجميع


تحياتي

رد: موضوع فى غاية الاهمية
 

بجد انا اتخنقت من القانون العقيم بتاعنا دا - يعنى ولا عارفين يحموا الناس ولا راضيين يسيبوهم يحموا نفسهم بأبسط الطرق - انا بجد مش بنام من كتر الاخبار المزعجة اللى الواحد بقى عايش فيها - طيب انا مش عايز البلد كلها و عايز امشى منها انا و اسرتى و اهلى - حتى دى كمان قافلينها فى وشنا - انا مش فاهم هما عايزيين ايه بظبط - ولا يرحموا ولا يسيبوا رحمة ربنا تنزل - هو علشان انا مصرى ( موكوس ) مكتوب عليا العيشة الزل جوة بلدى و براها - حاجة زبالة بجد بجد

رحمتك يا رب

رد: موضوع فى غاية الاهمية
 

بصو بقى يا جماعه نهايه الكلام القانون حاجه والدنيا اللى احنا عايشين فيها حاجه تانيه خالص
يعنى انا عمرى ما اتخانقت مع حد قبل كده ولا حسيت انى محتاج حمايه اصلا بس اللى حصل السنة اللى فاتت ميرضيش حد الناس كانت قلقانه جداااا ميرضيش حد ان الناس تحط كراسى ورا الباب او سرير وتنام عليه عشان اهلها يحسوا بالامان
ميرضيش حد ان بنى ادم محترم يمسك سكينه ويقف فى الشارع عشان يخوف البلطجيه
انا جيبت مسدس صوت بيضرب بلى وسايبه فى البيت وموش همشى بيه فى الشارع اصلا بس لو حد دخل عليا البيت هعمل معاه الصح ولو المسدس موش موجود فى سكينه او ساطور ولو منعوا دول فى رجل مكنسه او لوح قزاز مكسور او اى حاجه تطولها ايديا
بلاش نخوف الناس من القانون والكلام ده عشان القانون لو موش بيعرف يحمى يبقى فى حاجه اسمها حق الدفاع الشرعى عن النفس
انا كان فى خناقه فى الشارع وبهدلولى العربيه
تخيل شعورى بقى وانا واقف فى البلكونه والناس بتتخانق بسلاح ابيض وبتخبط بيه على عربيتى وانا اصلا معرفشى مين بيضرب مين وعمالين يرموا مولتوف على بعض وانا حسيت العربيه هتولع قدامى وانا واقف اتفرج
كل اللى عملته فى عمرك كله هيولع قدامك وموش هتعرف تعمل لحد حاجه
انا نفسى صعبت عليا يومها جداااا وكنت قرفان من البلد كلها
انا طبعا نزلت فى وسط السيوف والخناقه واخدت العربيه بعيد
ومفكرتش اصلا اخد المسدس اضرب بيه بلى او حتى صوت
ومراتى سئلتنى ماخدتهاش ليه؟؟؟!!! ونزلت من غير حاجه خالص
وكان ردى عليها ان دى بس عشان لو حد عتب باب البيت غير كده لا

فى قاضى هيحكم عليا عشان قتلت او عورت واحد دخل بيتى بالعافيه؟؟؟ انا شخصيا معتقدش بس برضوا وقتها هبقى يا قاتل يا مقتول !!!!

رد: موضوع فى غاية الاهمية
 

للاسف موضوع ملوش حل خاللللللللص