|
طلعة القناطر 21-01-2012
السبت الماضي خرجنا أنا وعبد الرحيم للقناطر .. أجرنا مركب بنية إصطياد البط البري
وربنا رزقني بصيد أوزة برية وحيدة .. كنت فاكرها بطة بس لما نظفتها إكتشفت إنها وزة الصراحة الطائر قوي جداااا عزبتنا لغاية مسيطرنا عليها وحطيناها في المركب رغم إني بعد مضربتها في جناحها بالبام 22 عبد الرحيم ضربها تاني بالكرال وضربتها تالت في رقبتها وبعد كل دا حصل إصابات قطعية لعبد الرحيم من مخالبها ونابني من الحب جانب لما عضتني بمنقارها في كف إيدي أدت لجرح وكدمات وحسيت إن حد ضربني بشاكوش من قوة العضة مطولش عليكم لما نظفتها وحطتها في ميه وخل وملح.... لمدة ساعات النتيجة بعد التسوية إن ريحتها زفرة جدا .. ومعتقدش إنها مستصاغة للأكل. فالنتيجة كانت في سلة المهملات. أنا متأكد أنها وزة وليست غاق أو طائر آخر.. فهل حد عنه فكرة إيه الغلط إلي عملته في التسوية ؟؟ |
رد: طلعة القناطر 21-01-2012
إيه ده يا بشمهندس , دى معركة مش طلعة صيد ههههههههه المهم عايزين نشوف صور المعركة الرهيبة دى و بالتوفيق ان شاء الله فى طلعاتكم القادمة |
رد: طلعة القناطر 21-01-2012
بص ياكبير ديه مش وزه
ديه طائر اللقلق ويقال عليها وزه عراقى وواحد من كبار الصيد يحب قنصها ولاكنه لا أكلها ويوجد بعد البلاد فى الارياف يؤكلونها بالتوفيق ومبروك على الطلعه وتزفير الدبابه |
رد: طلعة القناطر 21-01-2012
وانهت المعركة بتثبيت الأكتاف وصفر الحكم
ههههههههههههههههههههههههههههههه اهم حاجة انك بخير تحياتي |
رد: طلعة القناطر 21-01-2012
اييييه ده خناقه ولا صيد هههههههههههههههههههه ربنا يوفقكم و تقبوا تحياتي
|
رد: طلعة القناطر 21-01-2012
اقتباس:
هى فين الصورة يا عادل ؟ مش باينة عندى عالعموم لو الطائر ده هو طائر اللقلق , أو العَنَز كما يسمى فى مصر , فرأيى الشخصى أنه لا يؤكل لأنه من آكلات الجيَف كما أنه يتغذى على الحيوانات و الطيور الأخرى مع إن فيه ناس بتقول إنه بيتاكل ... مش عارف بصراحة ازاى |
رد: طلعة القناطر 21-01-2012
يا باشمهندس امجد ده طائر البلاشون و هو ليس للاكل لانه زفر جدا حيث يتغزي علي الاسماك و لو راجعت صور الرحله الي انا منزلها هتجد اني صايد واحد من ضمن البط جه غلط و هو لونه اسود و ارجو من ساعدتك ان تاخز حقنه تتانوس في اقرب وقت لان العضه بتاعته سامه
|
رد: طلعة القناطر 21-01-2012
الف سلامة عليكم
|
رد: طلعة القناطر 21-01-2012
اقتباس:
اقتباس:
اقتباس:
الغريب إني دورت علي صور الطيور المهاجرة في مصر وملقتشي أي صور تنطبق عليه دا كان منتشر جدا هناك ومتواجد طول اليوم بيطير في أسراب بتشكيل زي الطيران الحربي ... مواصفاته كالتالي: - رقبة طويلة ومنقار أصفر - اللون أسود مائل لللمعان - الجناح أسود وفيه أبيض من الأطراف - الوزن حوالي 3.5 كج - الطول 0.5 متر وطول الجناحين حوالي متر - بيقوم بالغطس في الماء لمدة دقيقة تقريبا ويعاود السباحة علي السطح ثم يغطس من جديد |
رد: طلعة القناطر 21-01-2012
حمدلله على سلمتكوا من المعركة ده يا بشمهندس
فين الصور |
رد: طلعة القناطر 21-01-2012
راجع على عرض الصور وان شاء الله اقد افيدك لان مفيش صور ظاهرة
|
رد: طلعة القناطر 21-01-2012
5 مرفق
هى دى صورة الطائر الى انت اصطدته
|
رد: طلعة القناطر 21-01-2012
يبقي الطائر ده عجاج و هو كما قلت يطير في اسراب كبيره و هو ايضا ليس للاكل و من ضمن صفاته انو بيغطس في الماء
|
رد: طلعة القناطر 21-01-2012
بص بقى يا باشا لو دة وز عراقى و طعمة زفر زى السمك بيعملو اية و هما بيطبخوه ؟ يتحشى من جوة و يترش علية من برة بشر قشر برتقال و ليمون ده بيشيل الزفارة بدرجة كبيرة و بالهنا و الشفا
دة لو كان وزززززززززززززززززززززز |
رد: طلعة القناطر 21-01-2012
اقتباس:
|
رد: طلعة القناطر 21-01-2012
عشان نشيل الزفارة من الطيور الزفرة بنتبل الطير فى المحلول ده
(خل_ ليمون_زعتر_فلفل اسمر_ملح) يتم التتبيل باننا نقسم الطير نصفين لو كان شوى وبنحط الجزئين فى المحلول ده لمدة نص ساعة او اكتر وفى نص المدة نقلب كل نص على الجهة الاخرة واثناء الشوى ناخد بالملعقة من المحلول ده ونشرب الطير وهو على الشواية اما ان كان طبخ عادى سلق وتحمير فبنعمل المحلول ده بنسبة معينة وبنحطه فى ماء السلق ومعاه ملعقة سكر او نص ملعقة كربوناتو واى حاجة من دول فايدتهم بيطرو لحم الطير اثناء التسوية وكمان بيخلو الطير يستوى بسرعة وتقبلو مرورى ولكم تحياتى..../سامى توفيــــق |
رد: طلعة القناطر 21-01-2012
اقتباس:
تسلم ايدك ... :) |
رد: طلعة القناطر 21-01-2012
حبيبى يا أحمد يا قمر
من تواضع لله رفعه والحمد لله على نعمه عليا وكله بفضل الله سبحانه وتعالى |
رد: طلعة القناطر 21-01-2012
دى طيور ( الغاء) التى تغطس تحت الماء لصيد السمك
|
رد: طلعة القناطر 21-01-2012
شكرا يا شباب علي الردود والإهتمام...
وعموما أهو الواحد مبيخدش خبرة ببلاش :) |
| الساعة الآن 07:50 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir