صباح الخير عليكم

ازيكم يا احلى قناصين وصيادين حبيت احكيلكم احداث الطلعه الصغيره دى
أولا انا طلعت لوحدى ودى ارخم حاجه فى الطلعه بصراحه ضربت اهداف كتيره
والغريب ان معظمها للاسف ضاع منى ومعرفتش اجيبه ولا اصوره حتى
غراب فوق عمود مسلح لبيت لسه مبنى جديد والحمد لله نزل مقفول مكانه بين اسياخ الحديد
تانى غراب كان فوق مسجد بقيت متردد اضربه ولا لأ عشان حرمه المسجد بس توكلت وضربته
نزل مقفول على سطح المسجد (حاجه تغيظ) طبعا فى الوقت ده مش عايز اقولكم كميه الغربان
طايره فوقى وعماله تنبح يجى حوالى خمسين غراب بلا مبالغه كبرت دماغى وكملت ضربت أول
يمامه على سلك كهرباء جت فى جناحها ودى الافتتاحه بالنسبالى الغربان ما بتتحسبش:D
فضلت ماشى والدنيا مطينه من اثار المطر طبعا امبارح ضربت تلت يمامات من مسافات بعيده
من حوالى 30 متر ل 40 متر ونزلوا مقفولين ودول جبتهم ضربت تلاته كمان غيرهم واحده اتعلقت
على شجره معرفتش انزلها ولا بالطبل البلدى واتنين وقعوا جوه مزرعه سورها عالى وصوت الكلاب
فيها الله ينور ده غير اللى ضربتهم من مسافات بعيده وجت فيهم بس نزلوا ريش وطاروا طبعا معظمهم
واقفين بزاويه ومسافات بعيده فالتلسكوب هو اللى كان ينفع فى الاهداف دى لانه ادق
الغريب بقى انى ضربت غراب تانى حجمه ولا دكر البط وقع وجت فى صدره المفروض مات
ببص لقيته طار تانى بس باين عليه هيقع بعيد بصراحه زهلت من قوته وتحمله الضربه

كانت طلعه شيقه لكن ينقصها الصحبه الطيبه والحظ او التوفيق من عند ربنا

الحصيله فى النهايه اللى رجعت بيها بعد الحكايه دى كلها ست يمامات طبعا ضئيله لكن
انا راضى عنها لان هى الظروف اللى ضيعت منى الباقى اسيبكم مع الصور

http://img838.imageshack.us/img838/4958/photo0098a.jpg

http://img28.imageshack.us/img28/5790/photo0102pj.jpg


http://img813.imageshack.us/img813/8623/photo0100xy.jpg

http://img854.imageshack.us/img854/5124/photo0101.jpg

المشاركة الأصلية كتبت بواسطة mohd_wafik (المشاركة 292678) الله ينور يا دكتور و انا بحييييك على استخدام الاوبن سايد مش التلسكوب و الاوبن سايد مع الوقت بيعلي مهارة الصيد و الرمايه للصياد و تقبل تحياتي

المشاركة الأصلية كتبت بواسطة dr_mohasan (المشاركة 292723) أحب أهنيك على هذه الطلعة الكبيرة و أقول لحضرتك إن مافيش طلعة كبيرة و طلعة متواضعة , المهم ان حضرتك طلعت و ضربت و استمتعت بهوايتك ومش مهم أبداً كميّة الصيد , احنا بنطلع علشان نستمتع فقط و طالما استمتعت بالطلعة .. تبقى طلعة كبيرة جداً , وان شاء الله متعتك تزيد المرة القادمة بالصحبة . و تبقى ملحوظة أرجو انك تتقبلها وهى فقط من وجهة نظرى الشخصية .. أرجوك بلاش تضرب على أى شىء يحتمى بالمسجد , فقط إحتراماً للمسجد , وهذا فقط رأى شخصى. خالص تحيّاتى

المشاركة الأصلية كتبت بواسطة 3mad (المشاركة 293159) الله ينور ماشاء الله :) هو ده التواضع انا جاى المنوفيه يوم الجمعة اللى زى بكرة نظبط ونطلع مع بعض يا دك ولا ايه انا فى انتظار الرد

المشاركة الأصلية كتبت بواسطة عادل عبده (المشاركة 292673) تسلم ايدك يا دكور والسى اف 20 من البنادق الممتازه بجد

المشاركة الأصلية كتبت بواسطة قناص المنوفيه (المشاركة 293166) الله يخليك يا ريس وانا فى انتظارك تشرف والله انا بجد نفسى نطلع نعمل قلق هنا :rolleyes:

المشاركة الأصلية كتبت بواسطة adel_7768 (المشاركة 293726) السلام عليكم يا دكتور احمد معلش انا اسف اني مقدرتش اجي لحضرتك ونطلع الطلعه الحلوة دي سوي انا كنت في مامورية شغل يوم الخميس ورجعت متاخر وانشاء الله ارتب مع حضرتك طلعه ثانية واجي لحضرتك وموفق انشاء الله في الطلعات الجميلة دي