الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   ايه العمل فى نيشان الكرال!! (http://www.egyhunt.net/showthread.php?t=22675)

محمد ناصر 12-01-26 01:14 PM
ايه العمل فى نيشان الكرال!!
 
السلام عليكم ورحمة الله
الكرال تعبتنى فى ضبط النيشان جدا .. لدرجة انى قربت افقد الثقة فى نفسى ، بتكون امامى اليمامة بتقولى اصطادنى وبرجع لانى عارف انى مش هصيدها!!

الرشة مرة فوق ومرة تحت ومرة يمين ومرة شمال .. ولكن الغالبية فووووق

فى الصباح ضربت عصفور من البلكونة عندى المسافة حوالى 15 متر ونزل العصفور (حى!!) واكلته القطة اول ما نزل

ومن شوية يمامة اخدت الرشة وطارت ! وطبعا لان الرشة مجاتش فى مكان قاتل مع انى منشن فى الصدر !!

ارجو ان تخبرونى عن طريقة عملية للضبط ، وكمان بعض الخطط للتعامل مع هذا السلاح الجديد عليا (لانى واخد على الرمسيس والمعادى)

dr_mohasan 12-01-26 01:16 PM
رد: ايه العمل فى نيشان الكرال!!
 
ماتفقدش الثقة فى نفسك لأن مافيش مشكلة اساساً
انت محتاج تضرب بيها شوية لغاية ما تتعود على رد فعلها القوى خاصة انها بسوستتها الأصلية , كما أن اى بندقية جديدة بتحتاج فترة للتليين و تطبيع السوستة , وفى الفترة دى بتكون البندقية مش مظبوطة 100%
و نصيحة مخلصة , غيّرلها السوستة علشان تستمتع بيها
وأنصحك تستعمل معاها رش تقيل زى البروماجنوم عن تجربة

عادل عبده 12-01-26 01:21 PM
رد: ايه العمل فى نيشان الكرال!!
 
نضف الماسوره كويس واضرب برش محترم

محمد ناصر 12-01-26 04:21 PM
رد: ايه العمل فى نيشان الكرال!!
 
اقتباس:
المشاركة الأصلية كتبت بواسطة dr_mohasan (المشاركة 292729)
ماتفقدش الثقة فى نفسك لأن مافيش مشكلة اساساً
انت محتاج تضرب بيها شوية لغاية ما تتعود على رد فعلها القوى خاصة انها بسوستتها الأصلية , كما أن اى بندقية جديدة بتحتاج فترة للتليين و تطبيع السوستة , وفى الفترة دى بتكون البندقية مش مظبوطة 100%
و نصيحة مخلصة , غيّرلها السوستة علشان تستمتع بيها
وأنصحك تستعمل معاها رش تقيل زى البروماجنوم عن تجربة
انا حاسس فعلا ان السوستة ريحت شوية عن الاول ، وسوستتها كويسة بشهادة محمود شلبى ، قال انه كويسة ومش محتاجة تتغير (على الاقل فى الوقت الحالى)


لو المسألة مسألة تعود على رد الفعل ، طيب ياريت وصف صغير لمسألة رد الفعل دى .. يعنى لتفادى الأخطاء

محمد ناصر 12-01-26 04:23 PM
رد: ايه العمل فى نيشان الكرال!!
 
اقتباس:
المشاركة الأصلية كتبت بواسطة عادل عبده (المشاركة 292731)
نضف الماسوره كويس واضرب برش محترم
جارى تنظيف الماسورة ، ولكن الرش بعيد عنى دلوقتى ، إن شاء الله اغر الرش بنوعية كويسة
جزاك الله خير

adel152 12-01-27 12:55 AM
رد: ايه العمل فى نيشان الكرال!!
 
اقتباس:
المشاركة الأصلية كتبت بواسطة محمد ناصر (المشاركة 292842)
انا حاسس فعلا ان السوستة ريحت شوية عن الاول ، وسوستتها كويسة بشهادة محمود شلبى ، قال انه كويسة ومش محتاجة تتغير (على الاقل فى الوقت الحالى)


لو المسألة مسألة تعود على رد الفعل ، طيب ياريت وصف صغير لمسألة رد الفعل دى .. يعنى لتفادى الأخطاء
الاخ العزيز ا/محمد بعد التحية.
وانت رافع البندقية على الهدف اسند البندقية بأيديك (يعنى ماتمسكهاش جامد) ايديك اللى قدام الزناد خليها مفتوحة والبندقية قاعدة عليها (ما تمسكش الدبشك) يدوب صوبعك بس على الزناد وباقى ايديك سنده البندقية وخدك يدوب ساند البندقية من الناحية التانية وكتفك يدوب ملامس نهاية الدبشك وسيب البندقية تتحرك تلقائى اثناء الضرب (دوس على الزناد ببطأ كأنك بتعصره يعنى ما تنتش الزناد اثناء الضرب. الوضع ده حيظبط النيشان معاك بنسبة كبير جدا.
شوف الفيديو ده فى شرح للكلام اللى بأقوله
خالص تحياتى

محمد ناصر 12-01-27 06:15 PM
رد: ايه العمل فى نيشان الكرال!!
 
[QUOTE=adel152;293238]الاخ العزيز ا/محمد بعد التحية.
وانت رافع البندقية على الهدف اسند البندقية بأيديك (يعنى ماتمسكهاش جامد) ايديك اللى قدام الزناد خليها مفتوحة والبندقية قاعدة عليها (ما تمسكش الدبشك) يدوب صوبعك بس على الزناد وباقى ايديك سنده البندقية وخدك يدوب ساند البندقية من الناحية التانية وكتفك يدوب ملامس نهاية الدبشك وسيب البندقية تتحرك تلقائى اثناء الضرب (دوس على الزناد ببطأ كأنك بتعصره يعنى ما تنتش الزناد اثناء الضرب. الوضع ده حيظبط النيشان معاك بنسبة كبير جدا.
شوف الفيديو ده فى شرح للكلام اللى بأقوله
خالص تحياتى[QUOTE]

بارك الله فيك ، انا فعلا بعمل كدة ، لكن المشكلة مش فى المسكة ، المشكلة فى البندقية.. فى النيشان او الرش على ما اعتقد

Max.1 12-01-30 02:27 AM
رد: ايه العمل فى نيشان الكرال!!
 
ان شاء الله الخبراء يفيدوك

sniperff 12-01-30 02:55 AM
رد: ايه العمل فى نيشان الكرال!!
 
بص يا معلم::: أولا تأكد انك بتضرب صح الاول لما تتأكد اعمل الاتي:
الناشنكاه بتاع الكرال بيفك لفوق مع الضرب طب ايه الحل انا عن نفس اول ماجبتها ضبطها و لصقت الناشنكاة بشيكارتون من فوق بحيث البكره ماتلفش يمين ولا شمال طيب الحل الافضل بقا انك تدور علي اي سوستة شبيهة بسوستة الناشنكاه الصغبرة ده بس تكون صلبة اوي و الناشنكاه عمرو ماحيفك ان شا الله...ماعنديش فكرة بقا السوستة دي منين انا عن نفسي لقيت سوستة شبيهة ليها في لعبة اطفال ...دور بس و حاتلاقي .... شيل السوستة الاصلية و دور او اسأل في محل ميكانيكي اكيد حتلاقي عندو

محمد حافظ بك 12-02-07 10:54 PM
رد: ايه العمل فى نيشان الكرال!!
 
اقتباس:
المشاركة الأصلية كتبت بواسطة adel152 (المشاركة 293238)
الاخ العزيز ا/محمد بعد التحية.
وانت رافع البندقية على الهدف اسند البندقية بأيديك (يعنى ماتمسكهاش جامد) ايديك اللى قدام الزناد خليها مفتوحة والبندقية قاعدة عليها (ما تمسكش الدبشك) يدوب صوبعك بس على الزناد وباقى ايديك سنده البندقية وخدك يدوب ساند البندقية من الناحية التانية وكتفك يدوب ملامس نهاية الدبشك وسيب البندقية تتحرك تلقائى اثناء الضرب (دوس على الزناد ببطأ كأنك بتعصره يعنى ما تنتش الزناد اثناء الضرب. الوضع ده حيظبط النيشان معاك بنسبة كبير جدا.
شوف الفيديو ده فى شرح للكلام اللى بأقوله
خالص تحياتى

http://www.youtube.com/watch?v=_mnbi...eature=related
الله ينور يا برنس استاذ و رئيس قسم

mido_23279 12-02-10 01:46 AM
رد: ايه العمل فى نيشان الكرال!!
 
الله ينور يا أستاذ عادل

adel152 12-02-10 07:08 AM
رد: ايه العمل فى نيشان الكرال!!
 
اقتباس:
المشاركة الأصلية كتبت بواسطة mido_23279 (المشاركة 305775)
الله ينور يا أستاذ عادل
حبيب قلبى احمد باشا فينك من زمان. بقالك فترة حرمنا منك عل المانع خير ان شاء الله.
انا بعتلك رسالة على الخاص فى سبتمبر الماضى للأطمئنان عليك وقلقت جدا لما مارديتش.
خالص تحياتى.


الساعة الآن 08:17 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir