|
راجل ابن راجل
بسم الله الرحمن الرحيم راجل ابن راجل ده اسم قصيده تحفه لاحمد فؤاد نجم ايام الثوره وطبعا الى هايقرا الرساله هايعرف مين الحنطور ومين الحمار ومين الجحش الى كان عايز يسوقنا قاصدى يسوق الحنطور ;) الجحش قال للحمار *** يابا اديني الحنطور ياباإنت سنّك كبر *** و وَجَب عليّا الدور كَـحّ الحمار كَـحة *** فزعِت لها الركاب مش يابني بالصحة *** ده كل شئ بحساب و سواقة الحنطور *** محتاجة حدّ حكيم و إنت عينيك فارغة *** همّك على البرسيم قوللي تسوق إزاي *** و التبن مالي عينيك ده حتى حبل اللجام *** واسع يا إبني عليك إعقل و بطّل طمع *** لا تسخّن الركاب ماتجيش يا واد جنبهم *** لا تبقى ليلة هباب دول صنف ناس جبّار *** قادر مالوهش أمان يبان عليهم وَهَن *** لكنهم فرسان يابا دا نومهم تِقِل *** و بقالُه يابا سنين كل البشر صحصحوا *** و لسه دول نايمين يا جحش بطّل هبل *** و بلاش تعيش مغرور رُكابنا مش أغبيا *** ولا عضمهم مكسور بُكرة حيصحولك *** و يزلزلوا الحنطور |
رد: راجل ابن راجل
حلوة جدا فعلن
|
رد: راجل ابن راجل
ههههههههههههههههههه فظيع نجم ده و الله
|
رد: راجل ابن راجل
جميلة.........الله ينور
|
رد: راجل ابن راجل
جامدة جدا تسلم ايدك
|
رد: راجل ابن راجل
الركاب هما شعب مصر ---- سؤال حيوى ---- مين الحمار ومين الجحش ؟؟؟؟؟؟؟ هههههههههههههههههههههههههههههههههههههههههههههههههه ههههههههههههه
|
رد: راجل ابن راجل
اقتباس:
|
رد: راجل ابن راجل
لأ جامدة اوي بجد
|
رد: راجل ابن راجل
ههههههههههههههههههه جامدة
|
رد: راجل ابن راجل
والله يا جماعة أنا مكنتش متابع نجم قوي بس بعد الثورة سمعت فيلم الفاجومي والألبوم بتاعه فقعدت أتعرف علي نجم ومشواره وكفاحة اللي كان مستمر رغم التحفظات الي كانت عليه الا انه تحس انه بيطلع القصيدة من قلوبنا .. حقيقي تحفه
|
رد: راجل ابن راجل
تحفة بجد ... خطييييرة جدا
|
رد: راجل ابن راجل
جميلة القصيدة جدا ....
مع انى بحب شعر احمد فؤاد , بس موش عارف مابقتش احب شخصة .... حاسس انو بقى منافق |
رد: راجل ابن راجل
اقتباس:
انا بعشقه بصراحه ولو سمعت قصايده بصوت الشيخ امام حاجه تحفه راجل بجد صوته بيدخل قلبك واسمع دى يا فلسطينية و البندقاني رماكو .. بالصهيونية تقتل حمامكو فِ حماكو يا فلسطينية و أنا بدي أسافر حداكو ناري بإيديا و إيديا تنزل معاكو على راس الحية و تموت شريعة هولاكو ............ يا فلسطينية و الغربة طالت كفايا و الصحرا أنّت من اللاجئين و الضحايا و الارض حنّت للفلاحين و السِقايا و الثورة غاية و النصر أول خطاكو ........ يا فلسطينية و الثورة هيَّ الاكيدة بالبندقية نفرض حياتنا الجديدة و السكة مهما طالت و بانت بعيدة مد الخطاوي هو اللي يسعف معاكو ......... يا فلسطينية فيتنام عليكو البشارة بالنصر طالعة من تحت مية ألف غارة و الشمعة والعة و الامر كان بالخسارة راجعين حيارى عقبال ما يحصل حداكو |
رد: راجل ابن راجل
انا بكرة نجم بس قصيدة ابن الايه جامده اخر حاجة
|
| الساعة الآن 01:27 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir