|
تجربة عملية ل Laser Bore Sighter تثبت فشله بجدارة
زملائى الأعزاء , بما أننا لم نخرج اليوم للصيد , فقد توفر عندى بعض الوقت لإجراء تجربة تشغل الجميع بخصوص ال Laser Bore Sighter بهدف تقييمه بشكل عملى , لأنى وجدت الكثير من الزملاء و أنا منهم يسألون عنه و عن مدى جدواه فى ظبط السكوب خطوات التجربة كانت عبارة عن تركيب ال Laser Bore Sighter على البندقية و فحص مدى تطابق نقطة الليزر مع صليبة السكوب , ثم تكرار إخراج ال Laser Bore Sighter وإعادة تركيبه أكثر من خمس مرات لفحص مدى تطابق مكان نقطة الليزر فى كل مرة مع صليبة السكوب وقد أثبتت التجربة فشله حيث أنه فى كل مرة يتم إخراجه و تركيبه من جديد تظهر نقطة الليزر فى مكان مختلف عن سابقه , مما يعنى عدم جدواه فى الظبط الدقيق للسكوب , مع الأخذ فى الإعتبار أننى قد قمت بتثبيته جيداً جداً فى كل مرة , كما أن المسافة كانت 8 متر فقط , يعنى الفارق بين نقطة الليزر فى كل مرة هايكون أكبر من كدة بكتير فى المسافات الأكبر هذه هى صور التجربة مع صورة لتجميع البندقية من نفس المسافة باستخدام الرش البروماجنوم (3 رشات) ... واضح جداً الفارق أرجو إن التجربة دى تكون رد على جميع الأسئلة الخاصة بال Laser Bore Sighter و مدى جدواه , و أتمنى أن اكون وُفقت لإفادتكم خالص تحيّاتى |
رد: تجربة عملية ل Laser Bore Sighter تثبت فشله بجدارة
ياعينى على العالم اللى مبترحمش
يا بيصطادو يا اما بيخترعو ويجربو الله يسهلك وبلاش احنا يا كبير |
رد: تجربة عملية ل Laser Bore Sighter تثبت فشله بجدارة
انا كنت سمعت عنه بس ممكن تكون جودة الموجود فى مصر فرز رابع يمكن ده هو الى عامل الفروقات دى كلها .
انا كنت بطلع مع طارق نصطاد فالعربية بتاعتى بتتجدد لو ينفع ممكن نطلع معاك انا وطارق ، وملعش انا كتبت كده على العام علشاد ادبسك اتمنى تكون ادبست فينا ( هتلاقى طارق هيقول دلوقتى انت بتشحت عليا يا محمد هههههههه ) وطبعا مشكور على المجهود |
رد: تجربة عملية ل Laser Bore Sighter تثبت فشله بجدارة
اه نسيت انت بتصور ازاى من الاسكوب علشان انا معرفتش ؟
|
رد: تجربة عملية ل Laser Bore Sighter تثبت فشله بجدارة
اقتباس:
بالكاميرا عادى بس تبعدها شوية عن السكوب لغاية ما الصورة تظبط |
رد: تجربة عملية ل Laser Bore Sighter تثبت فشله بجدارة
اقتباس:
عفواً , حضرتك ساكن فين ؟ |
رد: تجربة عملية ل Laser Bore Sighter تثبت فشله بجدارة
اقتباس:
مانت مكسّل خالص و مش شايفينلك حاجة |
رد: تجربة عملية ل Laser Bore Sighter تثبت فشله بجدارة
اقتباس:
فى واحد صحبى وحبيبى واخويا الكبير قالى انه هيطلعنى طلعه الجمعه اللى جايه لحسن الاشاعات كترت عليا وانى بتاع بدل وحركات ومش صياد لو صدق ومنفضليش اوعدك انها هتبقى طلعه محترمه بأذن الله تعالى |
رد: تجربة عملية ل Laser Bore Sighter تثبت فشله بجدارة
ساكن ورا حديقة بدر فى الجراج
|
رد: تجربة عملية ل Laser Bore Sighter تثبت فشله بجدارة
بارك الله فيك أخي الحبيب الدكتور محمد حسن...محاولة جيدة وبداية موفقة ومجهود تشكر عليه ولا ينكره أحد عليك...وإن كانت النتائج مخيبة للآمال...ولكن يكفي شرف المحاولة...خير لك أن تضيئ شمعة بدلا من أن تلعن الظلام...فلنأخذ الموضوع بهدوء لنصل لتحليل منطقي وموضوعي...أولا لا يمكن ظبط أو تطابق شيئ ثابت بمتحرك...والثابت هنا في تجربتنا هو التيليسكوب...وبطبيعة الحال سيكون المتحرك هو الليزر بور سايتر...لماذا؟!...لأن التيليسكوب مظبوط ظبطية واحدة ومثبت على قواعده في البندقية ولا يتم فكه وتركيبه أو إعادة ظبطه مرة أخرى...أما الليزر بور سايتر فيتم فكه وإعادة تركيبه عدة مرات ولذلك فإنه يعتبر متحرك...المفروض في البداية أن يتم تركيب التيليسكوب بميزان ماء لضمان عدم ميله يمينا أو يسارا ليعطي أبعاد وقراءات سليمة واقعية وليست إفتراضية بدليل أن تجربة الـ 3 رشات الموضحة بالصورة تبين أن الرش قريب من بعضه ولكن أسفل يسار الهدف ( الكروس داخل الدائرة ) وبجوار بعضهم البعض بالرغم من أنك تصوب نحو الكروس في منتصف الدائرة...وهذا يدل على أن التيليسكوب غير مصفر أو مظبوط جيدا على الهدف...وبالتالي فإنه غير دقيق...ثانيا فإن الليزر بور سايتر تماما كالتيليسكوب يحتاج لميزان ماء لضمان عدم ميله يمينا أو يسارا أو أعلى أو أسفل...لضمان إستقامة شعاع الضوء في خط مستقيم دونما أي إنحراف وليس به أي ميل...وكذلك فإن الليزر بور سايتر به مسمارين كالتيليسكوب واحد بالأعلى والثاني على اليمين للظبط الدقيق لمسار شعاع الضوء...ويتم ظبط الليزر بور سايتر مرة واحدة مع التيليسكوب بحيث أنه لو تم فك الليزر بور سايتر وإعادة تركيبه مرة أخرى يتم إجراء الخطوات السابقة مرة أخرى...تماما كالتيليسكوب لو تم فكه وإعادة تركيبه يلزم إعادة تصفيره وظبطه مرة أخرى...هذا ما قصدته بقول لا يمكن ظبط ثابت على متحرك ( طبعا هذا يختلف في ظبطه عن الليزر المثبت بجوار أو على التيليسكوب )...كل مرة يتم فيها فك التيليسكوب أو الليزر بور سايتر يلزم إعادة التصفير والظبط من جديد لضمان الدقة في إصابة الهدف...وللعلم وبتجربة بسيطة لو ثبتت البندقية وظبطت شعاع الليزر بور سايتر من نفس المكان وعلى نفس بعد المسافة على موضع تجربة الـ3 رشات في الصورة...سيتطابق شعاع الليزر مع الكروس في التيليسكوب...طبعا بشكل تقريبي وليس دقيق...هذا في حالة إفتراض أن المسافة والهدف واحد وثابت...ولكن لو تغيرت أي من هذه العوامل ستختلف الإتجاهات وبالتالي النتائج...أعتذر للإطالة وأرجو أن يكون شرحي واضح وبسيط وليس به تعقيدات أو لوغاريتمات أو مصلطحات تحتاج لقاموس...أعد المحاولة مرة أخري وتأكد أنك ستصل لنتائج أفضل...وكل مرة ستكتشف شيئا جديدا كان غائبا من قبل ومحيرا...أكرر شكري وتقديري لتعبك ومجهودك في هذا الموضوع الشيق الجميل وإثارته لتعم الفائدة علينا جميعا...ولك مني أعلى وأحسن تقييم...تقبلوا مروري...مع خالص تحياتي...
|
رد: تجربة عملية ل Laser Bore Sighter تثبت فشله بجدارة
تسلم الايادي يا استاذنا
بجد حضرتك ريحت ناس كتير و انا منهم جزاك الله عنا كل خير |
رد: تجربة عملية ل Laser Bore Sighter تثبت فشله بجدارة
اقتباس:
مجرد أن الموضوع لَفَت انتباه حضرتك فهذا يعتبر أكبر مكسب لى من الموضوع ولن أبالغ إن قلت انه وسام على صدرى كلام حضرتك واضح , وأنا كنت عارف أن السكوب مش مضبوط 100% , ولكن القصد من التجربة هو اختبار مدى ثبات شعاع الليزر فى نفس المكان برغم فكّه و تركيبه عدة مرات , يعنى لو كان ثبت فى نقطة واحدة حتى لو مش فى الكروس بتاع السكوب كان هايبقى كويس , ولكن كل مرّة بمكان مختلف وأغلب المرّات كانت فى اليمين من الكروس برغم ان البندقية أصلاً بتضرب شمال الكروس , طيب هانظبط السكوب على أى مرة منهم ؟ المشكلة حضرتك فى البور سيتر نفسه , مش بيثبت بشكل جيد بداخل الماسورة برغم أنى حاولت أثبته فى كل مرة جيداً ,, وعلشان كدة لو ظبطنا عليه الظبط مش هايطلع سليم. عارف حضرتك , زى ماتكون بتقيس ضغط الدم بجهاز بايظ , فكل مرة يديلك قراءة غير التانية , ساعتها المشكلة تبقى فى الجهاز مش فى الضغط , نفس الفكرة , أعتقد أن نوعية البور سايتر المتداولة ليست جيّدة . خالص تحيّاتى لحضرتك |
رد: تجربة عملية ل Laser Bore Sighter تثبت فشله بجدارة
جزاك الله خيرا علي المجهود الرائع
|
رد: تجربة عملية ل Laser Bore Sighter تثبت فشله بجدارة
اقتباس:
هل البندقية التى تم الاختبار عليها ذات نيشان امامى بحلية بلاستيك تغطى فهوة ماسورة البندقية من الامام؟ تحياتى |
رد: تجربة عملية ل Laser Bore Sighter تثبت فشله بجدارة
بعد التجربة ... صحيح هو مش دقيق بس بيقرب بنسبة كبير ... اكثر استخدامه لما يكون الصياد ليسة مركب السكوب جديد وعايز يقرب تجاه نقطة الهدف فده بيعمل عملية التقريب دى
بمعنى اخر بيقلل عدد الرشات المستخدمة يعنى لو الصياد هيستخدم 20 مثلا لضبط النشان هيستخدم 10 فقط لان البور سايتر هيخليه فى حدود نقطة الهدف يعنى التنشين مش هيستهلك رش كتير بعد كيدا |
رد: تجربة عملية ل Laser Bore Sighter تثبت فشله بجدارة
اقتباس:
|
رد: تجربة عملية ل Laser Bore Sighter تثبت فشله بجدارة
اقتباس:
نعم يا أستاذنا الكبير |
رد: تجربة عملية ل Laser Bore Sighter تثبت فشله بجدارة
اقتباس:
اسمحلى يا أستاذنا الغالى أوضّح نقطة واحدة .. حتى لو السكوب مش مظبوط , ولكنه مثبت جيداً , يعنى المفروض ان مكان نقطة الليزر كل مرة يكون فى نفس المكان حتى لو مش على الصليبة , وحتى مع وجود الحلية البلاستيك , لأن كل العوامل ثابتة ماعدا الليزر , فهو لو مظبوط , كان المفروض ان كل مرة أفكّه و أركّبه يطلّع نقطة الليزر فى نفس المكان |
Re: تجربة عملية ل Laser Bore Sighter تثبت فشله بجدارة
ازيك يا دكتور عامل ايه؟
صحيح انت بندقيتك جاي معاها الروتاري بتاع الرش ولا لئه؟ |
رد: Re: تجربة عملية ل Laser Bore Sighter تثبت فشله بجدارة
اقتباس:
نعم ؟ إيه الروتارى ده ؟ وضّح علشان مافهمكش غلط ههههههههههه |
Re: تجربة عملية ل Laser Bore Sighter تثبت فشله بجدارة
يا باشا الروتاري دي الي هوه الخزنة بتاخد 8 رشات نمرة 2 او 10 رشات نمرة 1
|
رد: Re: تجربة عملية ل Laser Bore Sighter تثبت فشله بجدارة
اقتباس:
آسف لأنى مش باقدر أرد على التليفون أثناء العمل , وهاكلمك لما أخلّص ان شاء الله والروتارى ده بيتركب فين على الرويال , أفتكر مافهاش مكان يسمح |
Re: تجربة عملية ل Laser Bore Sighter تثبت فشله بجدارة
لا عادي مفيش مشكلة
بس دي اكبر ميزة في الرويال بتاعتك انها ليها روتاري وعلي العموم انا ممكن ابقي اجيبهالك من برا وبكده هتكون بندقيتك مميزة علي مستوي مصر كلها |
رد: Re: تجربة عملية ل Laser Bore Sighter تثبت فشله بجدارة
اقتباس:
أيوة كدة , هو ده الكلام يا ميدو , تروح و ترجع بالسلامة يارب :)-:)-:)-:)-:) |
Re: تجربة عملية ل Laser Bore Sighter تثبت فشله بجدارة
والله انا بكلمك بجد
لاني بفكر اجيب بندقيتين واحدة رويال والتانية ولتر فاكون بس في جميع الاحوال هجيبلك الروتاري بتاعها ان شاء الله |
رد: Re: تجربة عملية ل Laser Bore Sighter تثبت فشله بجدارة
اقتباس:
مبروك مقدماً يا باشا , وييجوا بالسلامة ان شاء الله , الرويال هاتعجبك جداً ومنتظر الروتارى |
Re: تجربة عملية ل Laser Bore Sighter تثبت فشله بجدارة
وانا تحت امرك يا دكتور
|
رد: تجربة عملية ل Laser Bore Sighter تثبت فشله بجدارة
الله ينور يا دكتور بجد تجربه جميله
ووفرت علينا كتير لانى كنت بفكر اجيبه عشان اظبط السكوب على الكرال عشان لو ربنا اراد ولقيت طلعه مع حد ومبروك مقدما على الروتارى واستاذ احمد خدوم جدا وبنك معلومات متحرك تحياتى |
رد: Re: تجربة عملية ل Laser Bore Sighter تثبت فشله بجدارة
اقتباس:
العفو يا باشا , ربنا يديم المحبة |
رد: تجربة عملية ل Laser Bore Sighter تثبت فشله بجدارة
اقتباس:
شكرا يا محمد , التوقيع بتاعك جميل |
رد: تجربة عملية ل Laser Bore Sighter تثبت فشله بجدارة
اقتباس:
|
رد: تجربة عملية ل Laser Bore Sighter تثبت فشله بجدارة
شكرا يا باشا على نقل التجربه لافادة الزملاء
وعايز اقول حاجه كمان كل الليزر اللى موجو في مصر صيني وفيه بوش جامد في شعاع الليزر نفسه ودي سهل قوى تعرفها لما تركب الليزر في الماسورة لفها في شكل دائري المرفوض ان الليزر هيبقى في نفس النقطه لكن بتلاقي اشارة الليزر بتلف في شكل دائرة وده معناه ان الليزر مش تمام |
رد: تجربة عملية ل Laser Bore Sighter تثبت فشله بجدارة
اقتباس:
|
رد: تجربة عملية ل Laser Bore Sighter تثبت فشله بجدارة
اقتباس:
بالظبط كدة يا استاذ أمين , وهو ده هدف التجربة |
رد: تجربة عملية ل Laser Bore Sighter تثبت فشله بجدارة
اقتباس:
العين عمرها ما تعلى على الحاجب وحضرتك عمنا كلنا. سبب سؤالى انى جربت الليزر على بندقيتين عليهم تليسكوب مضبوط مسبقا. البندقية الاولى التل المجرى الكسر 527 ونقطة الليزر جت على قلب شعار التليسكوب %100. البندقية الثانية الكرال ونقطة الليزر كانت بعيد عن قلب شعار التليسكوب حوالى 2 الى 3 ميلى فى اتجاهات مختلفة حول شعار التليسكوب. وبذلك استخلصت من خلال تجربتى أن عدم الدقة بيأتى من الدائرة الامامية للحلية البلاستيك فى الكرال. وقد قمت بمناقشة فى 9-1-2012 مع الاخ العزيز كريم الكرانى فى منتدى أخر بخصوص هذا الموضوع وأكد لى صحة نظريتى حتى انه قام بحل النيشان الامامى من بندقيته الكرال وأكتشف أن الرشة تحتك بها أثناء الخروج مما يؤثر علي الدقة اثناء التصويب مما يؤكد ان هذه الحليات ليست على نفس استقامة ماسورة البندقية %100. من وجهة نظرى الشخصية أن هذا الليزر يستعمل لتقريب المسافة بين قلب شعار التليسكوب والهدف على قدر المستطاع وبعد ذلك يتم التعديل بالطريقة العادية وهى استعمال الرش والتصويب على الهدف للحصول على دقة %100. أتوجهة بتحية خاصة للأخ العزيز المحترم الدكتور محمد على هذا الموضوع مع تمنياتى له بدوام الصحة والعافية. خالص شكرى وتحياتى للجميع. |
رد: تجربة عملية ل Laser Bore Sighter تثبت فشله بجدارة
اقتباس:
الشكر لحضرتك على مشاركتك المتميّزة , و تمنياتى لحضرتك و الأستاذ جمال كل صحة و عافية لنستزيد من خبرتكم التى لا تبخلون بها علينا |
رد: تجربة عملية ل Laser Bore Sighter تثبت فشله بجدارة
السلام عليكم ...
تجربة جميلة جدا يا د.محمد والاجمل تصويرها .. ولكن اعتقد ان ممكن تكون المشكلة عند حضرتك فى الجزء اللى بيتم تثبيته داخل الماسورة ...انا استخدمت البورسيتر من زمان واول استخدام ليه كان رائع وكانت نسبة الخطاء لا تتعدى 5 % ..المشكلة اللى ممكن تكون عند حضرتك هى ان الجزء دة متنى يعنى مش مضبوط 100% ودى المشكلة اللى واجهتنى فى احد المرات وانا بضبط السكوب ومركب البورسيتر اتخبط منى فى الحيط ...فالجزء اللى بيركب فى الماسورة اتنى ..وحاولت عند خراطين اكتر من محاولة انى استعدلة بس كان مستحيل لانه على شعره... ..وووارد ان البورسيتر اللى عند حضرتك يكون جايلك اساسا مش مضبوط 100% فى الجزء دة.. |
رد: تجربة عملية ل Laser Bore Sighter تثبت فشله بجدارة
اقتباس:
|
رد: تجربة عملية ل Laser Bore Sighter تثبت فشله بجدارة
اقتباس:
بس الفكرة ان الواحد بيقول على حاجه جربها وممكن تفيد الزملاء |
رد: تجربة عملية ل Laser Bore Sighter تثبت فشله بجدارة
انا مليش قوى فى بنادق ضغط الهواء
بس بصراحة موضوع رائع و شيق و مفيد جدااااااااااااااااااااا |
رد: تجربة عملية ل Laser Bore Sighter تثبت فشله بجدارة
تجربه كويسه بس للاسف فشلت و كفايه انك حاولت
|
رد: تجربة عملية ل Laser Bore Sighter تثبت فشله بجدارة
اقتباس:
أشكرك يا باشا على تعليقك الجميل |
رد: تجربة عملية ل Laser Bore Sighter تثبت فشله بجدارة
اقتباس:
|
رد: تجربة عملية ل Laser Bore Sighter تثبت فشله بجدارة
على فكره بقى البور سايتر ده بتاعي انا ههههههههههههههههههههههه
|
رد: تجربة عملية ل Laser Bore Sighter تثبت فشله بجدارة
اقتباس:
ماشى يا عم , متشكرين لتعاونك معنا :):d:):d:) |
رد: تجربة عملية ل Laser Bore Sighter تثبت فشله بجدارة
اقتباس:
شكراً لمشاركتك القيّمة |
رد: تجربة عملية ل Laser Bore Sighter تثبت فشله بجدارة
اقتباس:
كلام سليم |
رد: تجربة عملية ل Laser Bore Sighter تثبت فشله بجدارة
يا باشا انا مش فاهم ايه هو الروتاري ده معناه ان البندقية هتبقى بخزنة يعني ولا ايه
|
رد: تجربة عملية ل Laser Bore Sighter تثبت فشله بجدارة
اقتباس:
أنا أول مرة أسمع عنه , بس أعتقد كدة |
رد: تجربة عملية ل Laser Bore Sighter تثبت فشله بجدارة
هو تقريبا استخدام الليزر بور دة لتقريب اقرب نقطه ولا يجوز ظبط الاثنين على بعض الاسكوب والليزر لان الكل فى اتجاة وغير مثبتين الاثنين جيدا مرة واحدة فأما ان تظبط الناشينكاة على الليزر او الاسكوب لكن الاثنين مع بعض اعتقد هيكون صعب جدا
|
رد: تجربة عملية ل Laser Bore Sighter تثبت فشله بجدارة
بارك الله فيك دكتور محمد و أتمني من حضرتك تجارب أكثر لنستفاد منها و من خبرة حضرتك
إلي مزيد من الإبداع ان شاء الله |
| الساعة الآن 07:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir