|
مين بيخاف يشيل مسدسه المرخص ويمشى بيه ؟
.
يا ترى كام واحد ترك مسدسه فى البيت بعد حادث قتل المحاسب للسواق ؟ فى تعليق لواحد صاحبى عنده مسدس برخصة .. قالى : المسدس ده يا إما يخليك جبان أوى .. يا إما يخليك جريئ أوى .. وبيقولى هو طول الوقت سايب المسدس فى البيت فى علبته .. بيخاف يشيله لاحسن الشطان يغلبه طب السؤال بقى هنا : هو أنا شايل المسدس معاية فى الراحة والجاية ليه ؟ 1- شعور بالأمان 2- علشان لو حد اتخانق معايا 3- علشان لو خشيت على نفسى الهلاك (أو توهمت الهلاك لنفسى) 4- علشان شايل معايا فلوس .. وبيحصل تثبيت كل 5 دقايق للناس اللى خارجة من البنك أو مكتب الصرافة ومعاها كيس نايلون اسود 5- علشان أتدرج فى استخدام القوة زى ما الحكومة بتقولى .. طب يعنى إيه التدرج فى استخدام القوة ؟ 1- يعنى أنا متحكم فى أعصابى فى المواقف الحرجة الصعبة 2- يعنى بأعرف أنشن كويس .. وأعرف أضرب فى مناطق تعجيز الشخص المهاجم لى 3- يعنى أنا متدرب كفاية على سرعة سحب المسدس من الجراب وسحب الأجزاء وفك زر الأمان والنظر بعين فاحصة على المهاجم ومحاولة معرفة تحديد نوع الهجوم ما إذا كان يستدعى التعجيز أم القتل .. والتنشين على منطقة تعجيزية وضرب رصاصة والانتظار قليلاً حتى أرى هل جابت نتيجة أم يحتاج المهاجم الى رصاصة ثانية فى مكان تعجيزى آخر .. طبعاً كل ده لو المهاجم جاي لى من مسافة 20 متر على الأقل علشان أخد وقتى فى تنفيذ كل الإجراءات دى .. الكلام كده شكله صعب تحقيقه .. طب ماهو أنا ممكن أروح أتدرب على التنشين على المناطق التعجيزية فى الجسم بس .. وأبعد كل البعد عن المناطق التى تؤدى عادة للقتل .. وأتدرب كتير بحيث العقل الباطن يحفظ الكلام ده فى الموقف اللى تفكيرى بيتشل فيه من مفاجئة المهاجم لى أو من خوفى على نفسى عند الهجوم .. وأقعد أتدرب فى البيت على سرعة سحب المسدس من الجراب يعنى الموضوع يستاهل منى التعب والتدريب ده كله ؟ - لو مش عايز تقتل إنسان وتتحمل ذنبه طول عمرك - لو مش عايز أهل المقتول يقطعوا طريق جامعة الدول ونفضل واقفين 4 ساعات ما بنتحركش - لو مش عايز يبقى عليك تار طول عمرك .. فبعد أن كان البلطجى شخص يستاهل الحرق والقتل هو وعائلته .. فيصبح شخصاً كريماً شهيداً مجنى عليه ويجب الأخذ بثأره .. وتصبح أنت ملاماً مطارداً قاتلاً .. وممكن تتلب 3 سنين سجن بالميت .. دا لو المحامى بتاعك ماعرفش يقول الكلمة المشهورة .. (لما خشى موكلى على نفسه وتوهم الهلاك .. قام بدفع الضرر عن نفسه بإطلاق النار على المجنى عليه فأصابته دون قصد فى مقتل .. فأودت بحياته .. وموكلى غلبان يا بيه) السؤال الأخير بقى علشان أروح : هل نقدر ناستشف من الآية الكريمة (إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ *) أن نتدرج فى استخدام القوة على حسب الموقف .. حيث أن الله أمرنا بالتدرج فى استخدام العقاب على حسب الجرم الذى فعله هذا الفاسد ؟! . |
رد: مين بيخاف يشيل مسدسه المرخص ويمشى بيه ؟
السلاح مهم ولو مش هشيلو دلوقتى مش هينفعنى بس اهم من ده كله ضبط النفس
شكرا |
رد: مين بيخاف يشيل مسدسه المرخص ويمشى بيه ؟
الله ينور عليك
|
رد: مين بيخاف يشيل مسدسه المرخص ويمشى بيه ؟
موضوع مهم وجميل بس رأى انك بالسلاح ممكن تتجنب الكثير من المشاكل احنا كل خمس دقائق فى حادثتين خطف على الاقل وربنا يستر
|
رد: مين بيخاف يشيل مسدسه المرخص ويمشى بيه ؟
فى اعتقادى الشخصى ان الانسان طالما مش شايل معاه سلاحه المترخص يبقي ما لوش لازمة انه يبقى عند سلاح اصلا
على اسوأ الظروف الضرب فى الاطراف ( و اهم حاجة الارجل) هيبقي افيد شيء ( المجرم هيتعجز و مش هيقدر يجري ) بس دع فى حالة لو حرامى او بلطجي بسلاح ابيض اما اللى شايلين فرد خرطوش او آلي ينضربوا فى دراعتهم عشان ما يستخدموش سلاحهم ضدك |
رد: مين بيخاف يشيل مسدسه المرخص ويمشى بيه ؟
شكراً لكم لزيارة الموضوع
فيه معلومة بتقول لو الإنسان اتعور فى دراعة مثلاً بسكينة فا المخ بيحصله حالة من الارتباك والنفعال ومحاولة ضخ مادة تساعد فى تجلط الدم الفورى فى منطقة الإصابة وذلك لعدم سيلان الدم بنفس قوته أثناء دورته فى الشرايين .. الكلام ده بيخلى المخ يسحب كل تركيزه لمدة 5 ثوانى على الأقل لعمل هذه المهام التى يجب أن تنفذ سريعاً ولما يكون الجرح أعمق .. أو قرب الرقبة أو الرأس .. تطول هذه المدة لتصل إلى 15 ثانية أو أكثر من الذهول وعدم التركيز لانشغال المخ بمعالجة الموقف ساعتها لما الواحد يرجع من المدة دى بيبقى زى اللى صاحى من النوم فجأة لقى ناس كتير فى غرفة نومه فا بيتخض (إيه !!؟ هما أمموا اللحمة ؟!! ) طيب ده لو ضربة مطوة مثلاً .. أمال لو رصاصة وكمان اخترقت العظم .. ها تدينا فرصة قد إيه من الوقت نقدر نجرى .. أو نقدر نسيطر على المهاجم لو نقدر ؟ |
رد: مين بيخاف يشيل مسدسه المرخص ويمشى بيه ؟
الصراحة الموضوع فعلا محير وانا كتير بقيت اخاف اشيل مسدسى وبسيبه فى البيت
|
رد: مين بيخاف يشيل مسدسه المرخص ويمشى بيه ؟
المادة التى تتكلم عنها حضرتك هى انزيم الادرينالين و هى من أخطر الانزيمات و أعقدها فى الجسم البشرى و سرعة انتشارها فى الدم لا يمكن تصورها و من أثارها سرعة تخثر الدم و تقلص طبقات الجلد الخارجى مما يسبب وقوف الشعر (ليس هزار) و اتساع مسام العرق للتخلص من أكبر كمية من العرق بسرعة كبيرة (العرق البارد) و زيادة عدد و قوة ضربات القلب و زيادة شدة العضلات الى 6-8 مرات المعدل الطبيعى بالاضافة الى ازدياد سرعة استجابة الجهاز العصبى اللاارادى (reflexive system) و كل هذه التجهيزات من نعم الله سبحانه و تعالى على الانسان فى مواقف الخطر و مهم جدا ان نذكر ان هذا الانزيم مثل السم اذا تم حقنه فى الجسم من الخارج او اذا استمر افرازه داخل الجسم لمدة تزيد عن 3 دقائق و ممكن ان يسبب الوفاه و هو تفسير عبارة "مات من الخوف".
اما عن خطورة حمل السلاح فى هذه الحالة فيرجع الى سيطرة الجهاز العصبى اللاارادى على ردود الفعل أكثر من الجهاز الارادى الذى يحكمه المنطق و الخبرات و بالتالى فان خطر رد الفعل المتسرع قد يكون مميت بدون داعى .. و يتم تعويض هذا بما يسمى التأهيل النفسى لحمل السلاح و هذا ما يفتقده أكثر من 90% ممن يحمل السلاح فى مصر سواء من المواطنين او حتى الداخلية و أكبر اسباب القتل الخطأ. فى رأيي الشخصى ان السلاح المرخص يجب الا يغادر المنزل الا اذا دعت الضرورة القصوى و لا يجب استخدامه خارج المنزل الا اذا كان دفاعا عن "النفس" و ليس دفاعا عن السيارة او المحفظة او الموبايل و لا ننسى ان اشهار السلاح يجعل المعتدى فى حالة حياه او موت حتى لو كانت نيته السرقة فقط .. ربنا يكتب السلامة للجميع. |
رد: مين بيخاف يشيل مسدسه المرخص ويمشى بيه ؟
اقتباس:
أخى الحبيب , أرجوك لا تفتى فى الطب لأن هذا الكلام كله غلط , الأدرينالين هرمون مش انزيم تقلص طبقات الجلد مش هو اللى بيوقّف الشعر الأدرينالين لا يؤدى لفقد أكبر كمية من العرق الجهاز العصبى اللاإرادى اسمه autonomic nervous system الأدريناليم مش زى السم و يمكن حقنه من الخارج فى حالات معينة الموت من الخوف بيكون بسبب الصدمة العصبية و ليس الأدرينالين الجهاز العصبى اللاإرادى لا يمكنه ان يسيطر على التصرفات لأن و ظيفته هى التحكم فقط فى الأعضاء الداخلية مثل المعدة و الأمعاء خالص تحيّاتى |
رد: مين بيخاف يشيل مسدسه المرخص ويمشى بيه ؟
موضوع فعلا رائع وجدير بالمناقشة كل الشكر لصاحب الموضوع
|
رد: مين بيخاف يشيل مسدسه المرخص ويمشى بيه ؟
رأيي الشخصى وبعيدا عن مجادلات الطب والقانون
السلاح مقصود بيه الردع وليس الإستخدام في موقفين السلاح ممكن يستخدم فيهم 1) تعرض الشخص للإعتراض أو للهجوم أثناء سيره في الشارع أو في سيارة 2) تعرض الشخص للهجوم أثناء وجوده في ممتلكاته (بيت - متجر - شركة - أرض...) في الموقف الأول لو حسبت معظم المواقف إلي حيتعرض ليها الشخص حتلاقيها حتخلص بمجرد إشهار السلاح في وجه الخصم... ولو زادت أوي حتضرب طلقة أو 2 في الهوا.. ونادرا جدا لو حتتطر تضرب علي رجله أو كتفه.. ناهيك عن قتله. أما في الموقف الثاني.. دى مفهاش كلام ولا ضرب في الهوا... إنت بتخلص الخزنة في قلبه |
رد: مين بيخاف يشيل مسدسه المرخص ويمشى بيه ؟
تسلم ايدك على المجهود الرائع
|
رد: مين بيخاف يشيل مسدسه المرخص ويمشى بيه ؟
اقتباس:
وانت دكتور واكيد بتفهم اكتر مني ..........انا قلت كدة حسب دراسة كنت عاملها في معهد تومسون في ماساتشوستس Thompson Education Institute |
رد: مين بيخاف يشيل مسدسه المرخص ويمشى بيه ؟
اقتباس:
اقتباس:
اقتباس:
اقتباس:
وشكراً لكل من قام بإضافة جديد فى هذا الموضوع الذى يشغل الناس الآن |
رد: مين بيخاف يشيل مسدسه المرخص ويمشى بيه ؟
يا دكاترة ويا باحثين :
بعد هذا النقاش حول الأدرينالين .. عايزين نتأكد من معلومة إنه عند إصابة الخصم فى أحد أطرافه .. هل ينشغل مخه عن التفكير لفترة زمنية معينة تتيح للشخص الذى تمت مهاجمته السيطرة عليه أو الهرب ؟ أم أن الشخص الذى تعرض للمهاجمة هو الذى سيصاب بحالة من الفزع وهايجيلوا تسمم وشعر سدره ها يقف ومش هايعرف ينجوا من الموقف رغم حيازته للسلاح ؟ ولو عندكم نصيحة طبية تفيد فى هذا الموضوع .. كأن يأخذ حامل السلاح قبل ما ينزل من البيت ومعاه السلاح إنه ياخد دواء معين لمنع حدوث مثل هذا الرعب ومساعدته على هدوء الأعصاب .. كأن تنصحوا مثلاً بشرب الينسون أو أى شيئ مهدئ وهل الإكثار من التدريب على الشيئ يجعل العقل الباطن (أو أياً كان اسم هذا الشيئ) مستعد للسيطرة على الموقف ؟ |
رد: مين بيخاف يشيل مسدسه المرخص ويمشى بيه ؟
اقتباس:
بانسبة للأدرنالين معنديش خلفية عنه بس متهيألي بترجع للشخص نفسه وسرعة تصرفه في المواقف الحرجة بالنسبة للدواء احب اقولك اه في دواء (اللهم انا نجعلك في نحورهم ونعوذ بك من شرورهم)) ((اللهم انت عضدي ,وأنت نصيري, بك أجول ,وبك أصول,وبك أقاتل)) ((اللهم رب السماوات السبع,ورب العرش العظيم,كن لي جارآ من فلان بن فلان وأحزابه من خلائقك, أن يفرط علي احد منهم أويطغى , عزجارك,, وجل ثناؤك ولااله الاانت)) ((الله أكبر,الله أعز من خلقه جميعآ, الله أعز مما اخاف وأحذر,,أعوذ بالله الذي لااله الاهو , الممسك السماوات السبع ان يقعن على الارض الابإذنه , من شر عبدك فلانٍ, وجنوده واتباعه وأشياعه,, من الجن والانس ,,, اللهم كن لي جارآ من شرهم, جل ثناؤك, وعز جارك, وتبارك اسمك ولاالة غيرك)) ثلاث مرات ((اللهم منزل الكتاب , سريع الحساب , اهزم الاحزاب , اللهم احزمهم وزلزلهم)) ((اللهم اكفنيهم بماشئت)) عن نفسي بحب اقول الدعاء ده ""وجعلنا من بين ايدييم سداً ومن خلفهم سداً فأغشيناهم فهم لايبصرون"" |
رد: مين بيخاف يشيل مسدسه المرخص ويمشى بيه ؟
اقتباس:
ربنا يحفظك ويأتيك فى الدنيا حسنة وفى الآخرة حسنة ويقيك عذاب النار آمين .. آمين .. آمين ولو تسمحلى أزيد على هذا أن النبى صلى الله عليه وسلم قال : " مَا مِنْ مُسْلِمٍ يَخْرُجُ مِنْ بَيْتِهِ يُرِيدُ سَفَرًا أَوْ غَيْرَهُ ، فَقَالَ حِينَ يَخْرُجُ : بِسْمِ اللَّهِ ، آمَنْتُ بِاللَّهِ ، اعْتَصَمْتُ بِاللَّهِ ، تَوَكَّلْتُ عَلَى اللَّهِ ، لا حَوْلَ وَلا قُوَّةَ إِلا بِاللَّهِ ، إِلا رُزِقَ خَيْرَ ذَلِكَ الْمَخْرَجِ ، وَصُرِفَ عَنْهُ شَرُّ ذَلِكَ الْمَخْرَجِ " . |
رد: مين بيخاف يشيل مسدسه المرخص ويمشى بيه ؟
اقتباس:
تأثير الأدرينالين على الجسم إن الإنفعالات الشديدة والضغوط التي يتعرض لها الإنسان كالخوف والغضب يحرض الغدة النخامية على إفراز هرمونها المحرض لإفراز كل من الأدرينالين والنور أدرينالين من قبل الغدة الكظرية، الذي يؤدي إفرازه في الدم إلى تغيرات فسيولوجية وكيميائية حيوية مذهلة، إنه يهيئ الجسم لقوى شيطانية رهيبة؛ وذلك استجابة لإشارة التهديد الصادرة من الغضب والغيظ والحقد، وتقوم أيضا غدة "الأدرينال" بإفراز هرمونات القشرة مثل هرمون "الكورتيزون"؛ لإعداد الجسم بيولوجيا للدفاع عن الإرهاق النفسي بأشكاله المختلفة.كما تقوم الأعصاب الودية على إفراز النور أدرينالين. إن ارتفاع هرمون النور أدرينالين في الدم يؤدي إلى تسارع دقات القلب، وهذا ما يشعر به الإنسان حين الانفعال، والذي يجهد القلب وينذر باختلاطات سيئة. فهو يعمل على رفع الضغط الدموي بتقبيضه للشرايين والأوردة الصغيرة، كما أن الارتفاع المفاجئ للضغط قد يسبب لصاحبه نزفاً دماغياً صاعقاً يؤدي إلى إصابة الغضبان بالفالج، وقد يصاب بالجلطة القلبية أو الموت المفاجئ، وقد يؤثر على أوعية العين الدموية فيسبب له العمى المفاجئ. وكلنا يسمع بتلك الحوادث المؤلمة التي تنتج عن لحظات غضب. هذا وإن ارتفاع النور أدرينالين في الدم يحرر الجليكوجين من مخازنه في الكبد ويطلق سكر العنب مما يرفع السكر الدموي، إذ من المعلوم أن معظم حوادث الداء السكري تبدأ بعد انفعال شديد لحزن أو غضب. أما ارتفاع الأدرينالين فيزيد من عمليات الإستقلاب الأساسي ويعمل على صرف كثير من الطاقة المدخرة مما يؤدي إلى شعور المنفعل أو الغَضِبْ بارتفاع حرارته وسخونة جلده . كما ترتفع شحوم الدم مما يؤهب لحدوث التصلب الشرياني ومن ثم إلى حدوث الجلطة القلبية أو الدماغية، كما يؤدي زيادة هذا الهرمون إلى تثبيط حركة الأمعاء ومن ثم إلى حدوث الإمساك الشديد. وهذا هو سبب إصابة ذوي المزاج العصبي بالإمساك المزمن. تحياتى. |
رد: مين بيخاف يشيل مسدسه المرخص ويمشى بيه ؟
يعنى لو ما متناش من البلطجى هانموت من التغيرات الكيميائية
|
رد: مين بيخاف يشيل مسدسه المرخص ويمشى بيه ؟
كلامك في محله ؛ وللعلم في ناس كثير حاليا ما بتمشيش بسلاحها المرخص ؛ لان الطمع في المسدس الآن اصبح كثيرررررر ؛ وكمان ناس كثير بتقول لو طلع عليك البلطجية بال آلي هينفع مسدسك معاهم بأيه ؟؟؟؟؟ |
رد: مين بيخاف يشيل مسدسه المرخص ويمشى بيه ؟
كلامك مظبوط طب لو شخص ايده بتعتبر سلاح يسيبها فى البيت ازاى؟
ههههههههههههههههه الالعاب القتالية بتخلى عندك تحكم كبير فى ضبط النفس وسرعة رد الفعل وثبات واتزان الافكار فى احلك الظروف امال الصين ماعندهاش مشاكل كتير زى عندنا ليه لان النظام الرياضى هو الى سايد هناك ده فى قانون فى هونج كونج بيحتم ممارسة الرياضة يوميا وباستمرار اسف لو طولت |
رد: مين بيخاف يشيل مسدسه المرخص ويمشى بيه ؟
انا اول مارخصت سلاحى كنت خايف جدا وانا شايله..بس بعد ماتدربت عليه كويس وضربت بيه تحت اشراف متخصص عالى قوى.. واتعودت كل ماتيجى فرصه اشيله فى ايدى (عشان اتعود على وزنه ومسكته فى ايدى) وغالبا بكون لوحدى لما باشيله فى ايدى وكمان اتعودت انى بشيله فى جنبى بجراب او بدون جراب حسب لبسى عشان مايبقاش ظاهر..وكمان انتظامى فى الصيانه وتنضيفه باستمرار..كل ده خلى وجوده معايا باستمرار شئ طبيعى بالنسبه لى..وعدم وجوده هو اللى بقى مش طبيعى.. بصراحه حبيت سلاحى
|
رد: مين بيخاف يشيل مسدسه المرخص ويمشى بيه ؟
الحامى هو الله والسلاح الحقيقى هو الايمان
قل لن يصيبنا الا ماكتب الله لنا |
رد: مين بيخاف يشيل مسدسه المرخص ويمشى بيه ؟
موضوع غاية فى الجمال
|
| الساعة الآن 04:32 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir