|
الخلاصه في احداث بورسعيد
الله يرحم امواتنا...المسئول عن هذه الكارثه هي العقليه المنحرفه او التي اصبحت منحرفه للالتراس...سواء الاحمر او الابيض او الاخضر...و التباهي بالاعتداء علي افراد و مشجعين المجموعات الاخري بعدما ولدت مجموعات الالتراس عام 2007 اصلا في مصر لتشجيع الفرق الرياضيه و بث الحماس في الملعب فقط ......لا يوجد ايدي مندسه و لا طرف ثالت...هذا نتيجة ما اقترفته ايدينا...كم مره يتم تكسير محطة سكك حديد بورسعيد من التراس الاحمر و ماتش امبارح رفعوا لافته " بورسعيد بلد الباله مفهاش رجاله " هل هذه عقليه ؟؟
اقتحمت جماهير الزمالك مباراة الافريقي التونسي و كادت ان تحدث كارثه مع الاشقاء..و ماذا فعلنا ؟؟ سكتنا جماهير بورسعيد اقتحمت ماتش سموحه ..ماذا فعلنا ؟؟؟ سكتنا جماهير اسكندريه اقتحمت ماتش دجله ..ماذا فعلنا ؟؟ سكتنا الاسبوع اللي فات جماهير الاسماعيليه اقتحمت ماتش المصري..و سكتنا.. اقتحمت جماهير المحله مباراة الاهلي بالالاف بسبب هدف ملغي ..ماذا فعلنا ؟؟ سكتنا سكت اتحاد الكره و خاف علي فلوس الاعلانات و بث المباريات ولم يكن عنده الشجاعه لالغاء الدوري.. سكت الامن و لم يكن عنده الشجاعه ان يعترف انه لا يقدر علي تامين مباراه..و كان موقفه الامس محايد بين جماهير الناديين (واقف يتفرج زي موقعة الجمل كده) الخلاصه : ما رايناه الامس هو نتيجة ..السلبيه و السكوت + طواطؤ الشرطه و الجيش |
رد: الخلاصه في احداث بورسعيد
احنا من بعد الثورة واخلاقنا بئت فى انحدار مستمر مطلوب وقفة مع النفس
|
رد: الخلاصه في احداث بورسعيد
حسبنا الله ونعم الوكيل
|
رد: الخلاصه في احداث بورسعيد
بسم الله الرحمن الرحيم
(ولا تقتلوا النفس التي حرم الله الا بالحق) صدق الله العظيم والله احنا شعب غريب جدا في المظاهرات لاسقاط النظام نقول سلمية مع ناس مصت دم الشعب واهم بيكلوا ويشربوا ويتعلجوا حتي الان علي حسابنا واللي نايم في المستشفي مدعي المرضي اقفل بورسعيد وقطع رزقهم قدروا يعملوا حاجة ابدا لكن علشان لعب الكورة ولافتة فيها سب مش اقطع عيش موتوا الناس عجبي؟؟؟؟؟؟؟؟ رجوله |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
أبو سيف كلامك لا يعلى عليه وان كان المسئول الاول بالترتيب هو طنطاوي وشلته والشرطة ثم سلبيتنا كمصريين
رحم الله الاموات وجعلهم في جناته وأدعوه أن ينصرنا على كل مسئول متواطيء |
رد: الخلاصه في احداث بورسعيد
انها حقاً تصفية للثوار
|
رد: الخلاصه في احداث بورسعيد
مهى ديه المشكله انك عملت الألتراس و الشباب الصغير ثوار و طلعتهم فى التلفزيون و عملت عليهم سبوت يا جماعه الرسول عليه الصلاة و السلام قال ان الرجل لا يبلغ الحلم الا عند 40 سنه قبل كده بيقى مش اهل انه يقود او يتخذ قرارت كبيره او يحكم ذى منتو عاوزين ده نتيجه النفخ فى النار.حسبى الله و نعم الوكيل فى الاعلام الملوث و البيت ال معرفش يربى ال وصل البلد لكده
|
رد: الخلاصه في احداث بورسعيد
حسبنا الله ونعم الوكيل
|
رد: الخلاصه في احداث بورسعيد
مضبوط كلام حضرتك بس فين الامن وفين الجيش مفيش تامين للمباراه ولا ايه دى ارواح ناس خلاص بقا خايفيين يسيبو الشرطه واحنا نشتغل لجان شعبيه بدلهم لو هم مش حمل التصدى للبلطجيه والمخربين يقعدوا فى بيتهم احسن ربنا ينتقم من الى كان السبب وحسبنا الله ونعم الوكيل
|
رد: الخلاصه في احداث بورسعيد
اقتباس:
حسبنا الله ونعم الوكيل .. +++++++++1 |
رد: الخلاصه في احداث بورسعيد
تصدى ايه بس يا بوب؟ انت مش شايف الأعداد ولا ايه؟؟؟ و بعدين الجيش اتدخل و حمى الناس بس المصيبة كانت حصلت خلاص........ ولو الجيش متدخلش و حماهوم كان حصل اكتر من كده بكتير..........و للعلم طول بورسعيد كده متعصبين جدا و مش بيفهموا اساسا.
انا كنت فى بورسعيد سنة 1998 فى بطولة السباحه هناك و بالمصادفه كان فى متش كوره و كانوا حيكسروا علينا الاتوبيس و احنا ملناش دعوه لا بالكورة ولا دياولو.و عاوز اقولك شوفت مناظر متتوصفش و كنا ساعتها صغيريين شويه و كانوا ملبسين الكلاب فى الشوارع تيشرت الفريق المنافس على ما افتكر كان نادى المقاولين.وحاجه اخر قرف. و بعدين ديه نتيجة التسخين عمال على بطال و اسقاط رمز و هيبة الشرطه و بعديها الجيش يعنى الحائط الفيصل بين الناس .االخونه السوس عمال ينهشوا فيه. و من الأخر الخونه بيستغلوا اى تجمعات كبيره عشان يعملوا المصايب بتاعتهم و ده ال قولناه مليون مره قبل كده |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
,وكل حدث او مصيبه يقولك المجلس العسكرى و الشرطه ولا كأن المشكله حصلت ما بين الناس اصلا كأنهم هما الغاويين مشاكل.فكروا بعقلانيه شويه مين المستفيد ب الحصل امبارح؟؟؟؟؟!!!!!!!!!!!
المجلس العسكرى ؟؟؟؟؟ الشرطه؟؟؟؟؟ الألتراس؟؟؟؟؟؟ انا و انت؟؟؟؟؟؟؟؟؟ مجلس الشعب؟؟؟؟؟؟؟ طبعا كل دول شركاء فى الوطن وراكبين مركب واحده لو اتخرمت حتغرق بيهم كلهم لاكن ال طلع من ال game زى ما بيقلوا و راحت منه تورتة المجلس شعب و شورى و رئاسه هو المستفيد الوحيد انه يرجه الموضوع للمربع صفر عشان هو خسران. طبعا المستفيد الأول هو الأعلام الفاسد الى هو اكتر و احد استفاد من البيحصل |
رد: الخلاصه في احداث بورسعيد
اقتباس:
الجماهير في كل محافظة زي الزفت ما جماهير الاهلي السنة اللي فاتت جت وكسرت محطة قطر بورسعيد وجماهير الزمالك من سنة برضوا او اقل نزلوا الملعب وكسروا المدرجات وجماهير المحلة كسروا الاستاد وجماهير الاسماعيلي اقتحمت الملعب.. اتق الله واتكلم على صعيد حاجة اسمها البلد والحق الله يلعن ابو الكورة يا اخي زمان كنا دولة اسلامية واحدة دلوقتي حتت ونتف دول دلوقتي ايه هنقول بورسعيدي واسماعلاوي واسكندراني وبعدين؟؟؟ انت عمال تتكلم على الحيط ومجلس العار والشرطة الشرطة حرامية الشعب وفساد مندس بين الشعب والجيش بريء من مجلس العار لانهم بينفذوا اوامر قادتهم الاراطيس اللي مولعين في البلد وكل ما ميعاد تسليم السلطة يجي هيعملوا اكتر من كدة وقانون الطواريء اللي مجلس الشعب شاله واتكدروا مجلس العار ده بعديه تاني يوم حوادث سرقة بالاقتحام لبنوك ومؤسسات واي انسان بيفهم يقولي ايه الفرق بين قانون الطواريء وهو متفعل و وهو معطل؟؟؟ ما السنة اللي فاتت كلها قانون طواريء الامن زفت عايزين يخلونا نقول الثورة هي السبب بس مش هيتقال ولو بقينا مليشيات كشعب لان معانا الحق نعيش بني ادمين ما نعيش روسنا مدلدلة في الارض كله يضربنا على قفانا وأيوة المجلس العار المسئول عن كل ده, ده اذا كان مش هو اللي وراه وبينفذه زي ما حصل في ثورة 52 ومحمد نجيب ولا مش فاكر سيادتك؟؟؟؟ لكن وقتها المجلس العسكري كان فيه شرفاء دلوقتي كلهم امتداد لمبارك واحد فضل تحت رجليه 22 سنة بيحاكمه على سرير ونظارة شمس وولاده بكراسي ومسجون اللي هو العادلي اللي قتل وشرد وعذب الناس ماسك شنطة ولا كأنه رايح محاضرة ايوة هكرر هما المسئولين عن كل ده الشرطة كل قيادتها الوسخة زي ما هي والمجلس العار زي ما هما مش هيتغيروا على امل ان الشعب يستسلم بس مش هيحصل واهل بورسعيد اللي بتقول مش بيفهموا دلوقتي عاملين مسيرات ومظاهرات وبتقول الامن خرب بيوتنا والثورة مستمرة وهتفضل مستمرة وهنطهر الشرطة باذن الله واي مؤسسة فيها اوساخ منها المجلس العسكري لانهم مش عايزين ينضفوا ولو هتقولي الناس غاويين مشاكل طب مين قتل الناس في محمد محمود ورئاسة الوزرا؟؟؟؟؟؟؟؟؟؟؟؟؟؟؟؟؟ الناس برضوا وكان ماتش كمان والبورسعيدية فيه لانهم مش بيفهموا؟؟؟؟ ومبارك الله يلعنه قال الفوضى او الاستقرار ومجلس العار امتداد ليه بس نهايته قربت باذن الله |
رد: الخلاصه في احداث بورسعيد
اقتباس:
عارفين مين الطرف التالت انا عرفتوه امبارح الجهل و التخلف و قلة الدين و قلة التربيه هما دول الطرف التالت |
رد: الخلاصه في احداث بورسعيد
والطرف الثالث ده هما اللي قتلوا ال 120 بني ادم و 70 امبارح واصابوا 5000 ؟؟؟
لا ياباشا الشعب ده حما بلاده على مدار سنين طويلة ودلوقتي كلاب مبارك وكلاب مؤسساته بيحاولوا ينهشوا في عرض الشعب والبلد ومش هيحصل باذن الله وفضله |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
اقتباس:
ايه يا باشا انت مبتمشيش فى الشارع ولا ايه؟؟؟؟ و لا مش عايش فى البلد الشعب ده نسبة الأدب فى عاليه جدا و كمان الدين؟؟!!! |
رد: الخلاصه في احداث بورسعيد
يا رب احمى مصر من جهل الجاهلين و مكر الماكرين و خيانة الخائنين و افتح علينا و نورلنا بصيرتنا يا كريم
|
رد: الخلاصه في احداث بورسعيد
طبعا للاسف و الاعتراف بالحق هو بداية حل المشكله احنا شعب فعلا الغالبيه فينا تعاني الجهل و سوء الاخلاق ..لا احد ينكر ذلك و د ه اللي يميز تونس عنا و طبعا المجلس و الشرطه متهمين....حتي لما المشير ده فكر يبعت طياره تاخد الناس..بعتها الساعه 11 بليل..كانت الناس ماتت و ادفنت !! و كمان اقالة مدير امن بورسعيد معناه ان الامن متواطئ و لبسوا مدير الامن كبش فدا و المتواطئ الكبير هو اللي لبسوا في الحيط ..
|
رد: الخلاصه في احداث بورسعيد
لا تصدق مابمشيش في الشارع!! ولا عايش في البلد اصلي بتأبض من امريكا اصلي من 8 ابريل!!!!!
لما سيادتك تطلع تقول الطرف الثالث الجهل وقلة الدين انا بعقب على كلامك بقول دلوقتي احداث السفارة ومحمد محمود ومجلس الوزراء هل هما نفس الطرف الثالث اللي قتل 190 بما فيهم امبارح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هو سيادتك بئا اللي عايش في الدنيا معانا وعارف ان الشعب ده نفسه لعبوا ماتش السنة اللي فاتت في عز ما الامن كان متراخي اكتر من كدة ايوة حصل مصادمات بس ما فيش واحد مات؟ الشعب ده مش فاشل لدرجة يتحمل كل حاجة وكفايا طعن في العقول والدين الشعب ده بفضل الله من خيرة الشعوب في الارض لو دورت في الكتب ورجعت ل 73 هتلاقي ان مافيش جريمة قتل واحدة حصلت ولو رجعت لبعد الثورة بفترة بسيطة هتعرف ان الامور كانت ناصعة ماكنش فيها ملوثات وهم كلاب الحزب الوثني اللي منهم المجلس المتآمر على الثورة اللي بدأ ينفذ المخطط بحرفية وهلخص لسيادتك كلامي في ان الشعب ايوة فيه جاهلين بس الجهل مش هيخلي واحد يقتل اخوه ايوة فيه قلالات الادب بس فيه منهم جدعان ولو الشعب كله كدة كنت سمعت كل يوم عن عمليات قتل بالمئات لاننا 85 مليون الشعب عايز توجيه وروحه كانت في السما بعد 11/2 هي قلة وسخة ما بينا وفيه حكومة بتحوط على القلة دي عشان تعمل اللي الحكومة عايزاه او اللي الانجاس في طرة عايزينه وفي كلى الحالتين فهم باذن الله معاهم ويحشرهم ربنا عز وجل ذمرة لان كل نقطة دم سالت أفضل عند ربنا من ذوال الدنيا وما عليها بس ناس متبتة في الكرسي ربنا ياخدهم بيه |
رد: الخلاصه في احداث بورسعيد
انا راييى ان يلغى اتحاد الكورة وان تخصخص الاندية اللى عاوز يشترى من المستثمرين وبذلك يكون عبء التكاليف للاندية والمسخرة الامنية رفعت من على عاتق الدولة واللى عنده نادى يحافظ عليه ويجيبلة امن من عنده بقى زى اوروبا لان بصراحة لافيه كورة فى مصر ولا رياضة اصلا ولو اتطبقت فكرة الخصخصة للاندية يمكن نشوف لعب كويس ويمكن امن الملاعب الخاص يبقى اقوى لانه هيخاف على نادية لان وقتها هيكون بفلوس ومالك النادى اكيد هيخاف على ملعبة وفلوسة وتحياتى
|
رد: الخلاصه في احداث بورسعيد
يا ابو سيف مدير الامن متعين بقاله 3 ايام عارف يعني ايه؟ يعني مثلا زي ما بتقول جابوا واحد يلبسوله الموضوع
قيادات الداااااااااااااااااااخلية زي ما هي بتحرك كله زي ما هي عايزة المسئولية قدام ربنا عز وجل وقدامنا في رقبة المجلس |
رد: الخلاصه في احداث بورسعيد
هو تجهيز طياره ده سهل و بسرعه كده؟؟؟!!! يا سلام على السهوله و الجمال
يا راجل دول عملوا جسر جوى لحد الصبح بينقلوا فى الناس انت مشوفتش البث الماشر ولا ايه؟؟!!! و بعدين لو بواب عمارة سعادتك قتل و احد فانت المسؤل عشان عينتوا و جبتوا.كل و احد بيشيل مسؤليته و لا هو اختلط الحابل بالنابل. يا راجل ده ابرار جوى غير مخطط يعنى الحمد لله على كده و |
رد: الخلاصه في احداث بورسعيد
loot-ait
مش عارف ايه الاصرار في الدفاع عن مجلس خان الثورة ودافع عن كلابها وبيدافع عنهم باستماتة؟؟؟؟ لو موضوع مش طيارات فين تحقيقات الناس اللي ماتت في البالون والسفارة ومحمد محمود ورئاسة الوزراء ولا لسة بيجهزوا حاجة كمان؟؟؟؟ |
رد: الخلاصه في احداث بورسعيد
اقتباس:
طواطؤ ايه يباشا مع احترامى لرأى معاليك الشرطة تستخدم العنف يقولك شوف الشرطة الى معنهاش قلب بيعملو اايه فى الشباب تستخدم العقل يقولك شوف السلبيه فى الاداء ومع احترامى الكامل لحضرتك ورايك يفندم انت كام واحد شرطة مامنين المبارة وكام متفرج ؟؟؟؟؟؟؟؟؟ مستحيل مستحيل انهم يقدرو يصدو هجوم بالعدد ده من المتفرجين مينفعش!!!!!!!!! رايك اتفق معاك على ان بقا التعصب تعصب اعمى فى الفئة العمريه من 16 لحد 20 سنه مبقاش فى تربيه ومبقاش فى اى احساس بالمسئوليه والاهل الله يكون فى عونهم مشغولين عن تربيه عيالهم حاجة فى منتهى قله الادب و الاحترام لما شباب زى الورد يموت علشان رايح يتفرج على رياضه محترمه مش رايح ديسكو ولا كباريه والى قتلهم شباب زيهم فى عز شبابهم ايه ده وبردو نرجع نقول الجيش والشرطة هما الى غلطانين اهو هيجى رئيس وبكره هفكرك لما يحصل ده تانى الموضوع مش موضوع رقيب لأ كل واحد رقيب نفسه ورقيب على اهل بيته واهالينا زمان كانو بيقولو (الى عنده معزة يربطها كويس علشان الديب ميكلهاش) و طول مالتعليم تعليم متردى وهزلى زى الى موجود فى مصر عمر محال البلد هيتصلح ومن ساعه منعو الضرب فى المدارس عمر ما هيتخرج عبقرى زى احمد زويل وهو الى بنفسه قالها!!! الموضوع انحلال اخلاقى وبيئة خصبه للبلطجة و العنف ولحد كمان 20 سنه طول ما التعليم هيفضل زى كدة على ايامنا لما كان الواحد بيشرب سجاير كان يروح اخر الدنيا ولا يتخبى فى حته علشان محدش يشوفه شوف دلوقتى بيشربو فيين حضرتك فى البيت مع الاب كمان والى مشافش يبقا ميعرفش!! وبالنسبه لغلط المجلس العسكرى غلطة واضح وصريح واتفق معاه فيه ان معملش محكمة ثوريه بعيدا عن الدستور و القانون والكلام الفارغ بتاع قبل الثورة وأعدم كل رؤس الفساد ولو حتى اعدام بعيدا عن الاعلام زى المحاكمات الشكليه الى بتحصل!!! وتحياتى لحضرتك يبو سيف وربنا يحفظك ويحفظ اولادك يا اخى الكرم اخوك كفافى |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
اخى الاكبر ابو محمود الشرطه لو كانت تصدت لمنع الكارثه كانت ستتصدى عن حق وكان سيؤيدهم ويمجدهم الشعب المصرى كله دول سيقمعون مخربين ومشاغبين وقتله وليس متظاهرين سلميين واضح من اول وهله ان بعض الجماهير قاصده شر 000 مش هاتكلم كتير تحياتى يابو محمود واسف على الشعب المصرى:( ربنا يهدى الجميع ويرحم ضحايا البربريه والهمجيه
|
رد: الخلاصه في احداث بورسعيد
مع احترامى لييك يمحمد بيك
هتتصدى لمين ولا لمين ؟؟ هتتصدى للناس فى المدرجات بترمى ناس من فوق زى الاكياس ؟؟؟ ياخى العزيز بس عاوزيين نتحلى بشويه واقعيه واى حد عنده ادنى خلفيه عسكريه يقدر ياكد الكلام الى بقوله الاستاد بيشيل كام والعدد الرسمى الى بيبقا موجود من الامن المركزى كام؟ علما ان العدد بتاعهم كان فى كامل عددهم! ولو حتى كان تصدى ببنادق الى كان الجمهور اكلهم هما كمان وضيف بقا يمعلم عدد ضحايا تانيين على العدد الى حصل وساعتها شرطة مصر كلها هتعمل اضراب بجد ومحدش هينزل شغله وانا وانت وحضرتك مش هنروح شغلنا علشان نقعد نحمى بيوتنا و اولادنا من الهجوم الشاسع الى هيتم عليهم من البلطجية وكمان الشباب الحلو بتاع حقى وحقك وحقوق الانسان هيقولك شوفت الشرطة بتستخدم الخرطوش فى تفرقه الشباب البرىء الى لسه سنه متعداش 20 سنه هههههههههههههههههههههههههههههههههه مهزلة مهزلة بمعنه الكلمه من وجه نظرى ان الشرطة عملت زياده عن المفروض يتعمل ومات منهم شباب زى الرود ومدير الامن على قدر كافى من المسئوليه انه قدم استقالته مش زى الايام الى فاتت كان الدنيا بتولع ومحدش حتى يطلع على التلفزيون يقول سلامو عليكم! وتحياتى ليك يا محمد بيك وتحياتى لمعاليك |
رد: الخلاصه في احداث بورسعيد
حسبنا الله ونعم الوكيل فى كل من كان مسئول عما حدث
|
رد: الخلاصه في احداث بورسعيد
اقتباس:
حقي و حقك و اتفرقوا الحقوق ... |
رد: الخلاصه في احداث بورسعيد
الموضوع كله يتلخص فى ان كل دائرة انتخابية كان موجود فيها عضو او اتنين للحزب الوطنى الناس دى مفيش ولا واحد منهم نجح وطبعا الكلام دة مش عاجبهم وكل واحد منهم مستعد يدفع اى مبالغ ويطلع العربجية بتوعة علشان يبوظوا البلد
|
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
كلام صاحب الموضوع مظبوط 100/100 بدون الدخول فى تفاصيل اخرى
|
رد: الخلاصه في احداث بورسعيد
اقتباس:
+111111111111111111111111111111111111111 |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
اقتباس:
يخى العفو متقولش كدة ازعل منك انت بردو ده انت اخويا يا محمد وربنا يعزك ويحفظك |
رد: الخلاصه في احداث بورسعيد
اقتباس:
كفافي باشا محدش يقدر يزعا منو ابدااااااااااا |
رد: الخلاصه في احداث بورسعيد
1 مرفق
=============================
|
رد: الخلاصه في احداث بورسعيد
ربنا يعزك يابوسيف انت الى محترم ومينفعش نزعل من بعض اساسا
كلنا اخوات جايز بنختلف فى وجهة النظر ولاكن نكن لبعض كل الاحترام و التقدير ويديم المعروف مبينا يارب وتحياتى لحضرتك ولكل اخوانى المحترمين |
رد: الخلاصه في احداث بورسعيد
اقتباس:
انا مع حضرتك فى كل كلمة بتقولها وربنا اعلم انا بأحترم عقليتك وتفكيرك قد ايه. انا عملت اكثر من مشاركة فى احداث مؤسفة من قبل يرجع تاريخها لأكثر من 7 شهور. برجاء الرجوع الى هذه المواضيع فى الروابط التالية: http://www.egypthunt.net/showthread.php?t=11541 http://www.egypthunt.net/showthread.php?t=12142&page=3 http://www.egypthunt.net/showthread.php?t=13725&page=2 http://www.egypthunt.net/showthread.php?t=14261 ومازلت حتى الان ادعوا من كل قلبى ربنا يعدى هذه الايام على خير ويحفظ هذا البلد من كل سؤ. تحياتى للجميع. |
رد: الخلاصه في احداث بورسعيد
بسم الله الرحمن الرحيم
بالرغم من السرد الكريم للاستاذ/ محمد أبو سيف للاحداث السابقه وان السبب هو التعصب الغبي بسبب لعبه إلا انا ليا ليه وجهه نظر أخرى في الاحداث اللى حدثت أمس فعلا حدث تجاوزات كتيره في مباريات سابقه لكن أول مرة في تاريخ احداث الشغب في المباريات يتقلب الموضوع إلى عمليه قتل جماعي كل مرة اللى بيحصل اصابه تكسير مدرجات ده اسمه تعصب لكن يتم قتل 75 واحد في مباراة اعتقد أن الأمر خرج من حيز التعصب تماما وتدبير عقاب شديد لالتراس الاهلي والوايت نايتس عقاب ايه والترايس اهلي ويت نايت ايه بس ايه بقه اصل الناس دي كل مظاهرة نازلين بيسخنوا الناس وعاملو مشاكل كتير ويوم محمد محمود تجاوزو حدودهم بزيادة يبقى من الاخر لازم تتقرص ودنهم قوى قوى قوى يعنى كل اب أو أم عارف ان ابنه نازل مع الالتراس يتحبس احسن هااااااااااااااااااا وده في رايي بيدل على شيء مهم جدا والله ان لسه مبارك والعادلي مازلوا يحكموا هذه البلد ولكن بشكل اخر وهو (المجلس العسكري) شاب في الشقة اللى قدامي والله منتهى الادب والاخلاق والهدوء 19 سنه وحيد أمه ولقى مصرعه أمس في هذه الاحداث رموه من فوق الاستاد يعني مش مجرد خناق لا اللى بيعمل كده قاصد يموت وهو ده بيت القصيد اللى حصل أمبارح يعتبر عمليه قتل جماعي مش مجرد تعصب وحناقة جماهير مع بعض.... يارب يا حنان يا منان ألهم اهالي الشباب ده الصبر وأرحم أمواتنا وأموات المسلمين آلهم اهلك الظالمين بالظالمين واخرنا منهم سالمين |
هدا ما حدث وممنوع عدم الاحترام
اولا بالله عليكم كل واحد مفتى يحط لسانو فى بقو ويقفل علية احسن وانا على استعداد اسمع واناقش كل واحد مادام الكلام فى نطاق الاخلاق والادب مش واحد محترم بيقول اقتباس:
ويرجع يقول اقتباس:
الوقت بقى كلامى للناس المحترمة والى عارفة اننا كلنا مصريين سواء بورسعيدى قاهرى اسكندرانى ...........الخ انا بقى كنت فى الاستاد من الساعة 4.15 وشااااااااااااااااااااهد عيان على كل الى حصل والى حصل كالتالى هما دخلونا واقصد الالترس و الجرين ماجيك بدون تفتيش ودة اعتبرناة لعدد الجماهير المهولة الى كانت حاضرة لمشاهدة المباراة المهم قبل الماتش بحوالى 10 دقائق لقينا مشجعين كتير جداجداجدا داخلين على المدرجات وطبعا مش ممكن بل ومستحيل تبقى عارف الناس الى فى المدرجات كلها وتحكم ان كانو من مشجعى المصرى او الاهلى المهم بدات المباراة ووقت التسخين شتيمة من هنا وسب من هناك وشماريخ من هنا وشماريخ وسواريخ من هنا ودة كلو بالنسبة للى بيتابع اى مباراة كورة من المدراجات عااااااااااااااااااااااااااااااادى جدا المهم بدا الجمهور من النحيتين تراشق الحجارة على اللاعبين من الفرقتين ودة برضو صدقونى بيحصل كتير جدا ومعاهم كمان خد عندك الليزر وشتيمة اللعيبة والله عارف انو غلط بس دة العااااااااااااااااااااادى فى المدرجات المهم لقينا يافتة كبيرة اوووووى مكتوب عليها ( بورسعيد يا بلد البالة مفكيش رجالة ) والغريبة والى متعرضش للى بيفهم ان التلفزيون مجبش وركز على مدرجات الاهلى اساسا والى كان بيحص فيها ودة لية ؟؟؟؟؟؟؟؟؟؟؟ اسالو نفسكم ( للعلم ابويا الى قالى على موضوع التلفزيون دة ) المهم حصل الى حصل وخلص الشوط الاول والى كان بين الشوطين دة بقى الى مصيبة يا عم المحترم اسمع بقى الجمل دى وركز فى ميتنها عساكر الامن المركزى ( ههههههههههههههههههه اومال عملين رجالة بس علينا واهو جيين يحبسو دمكم فى بلدكم ) ( عيب عليكم والله لما تتشتمو فى بلدكم ) ( احااااااااااااااااااا يا بورسعيدية والله وبقيتو مسخرة البلد) اسف على اللفظ بس بدال بنقل لازم اقول كل الى حصل وعلى استعداد لالغاء عضويتى بالمنتدة مقابل انى اقول الى حصل وابرر الموقف كلة المهم اكلم احسن اتقاااااااال من دة كتير اووووووووووى والناس طبعا سخنت وولعت بس الموقف دة ولا اول ولا مرة يحصل واحنا اخرنا كنا كعقلاء بنفهم المقصود منو والبلبلة الى عاوزين يعملوها اماا المتعصبين واعتقد انهم مش فى بورسعيد بس فكان الكلام دة وكانك تسب امو بدا الشوط الثانى والى حصل فى الشوط الاول حصل فى الشوط الثانى ويمكن الى مجابوش التلفزيون اكتر بمليون مرة من الى كان وخلاص جبنا الجون الثالث والماتش خلص هنا بقى اللغز وعاوز حد يعللة تم قف جميييييييييييييييييع مخارج المدرجات كلهاااااااااااااااااااا ما عدا باب واحد وهو اسفل مدرج الالترس بحجة ان جمهور الالهلى يخرج الاول لعدم التلاحم ( كلام جميل اووووووى ومقدرش اقول فية كلمة ) هنا بقى جم عساكر الداخلية وفتحو الابواب الى على الملعب واتقال كدة بالنص ( يلا يا معرصين لو سيبتو حقكم تبقو خولات روحو خدم حقكم من ولال المت..... دول ) وهنا العاطل والباطل جرى بالصورة دى فى العقلاء الى جرت ناحية حسام للاحتفال اما المندسين الى دخلو قبل المباراة ب 10 دقائق فراحو وعملو هجوم على اللعيبة مع المتعصبين من جمهور المصرى ووالله العظيم انننا كنا بنجرى ندافع عن لاعبى الاهلى وهنا سمعتها بودنى واحد بيقول لواحد والله لسقط 3 واصورهم واوريهوملو اومت ماسكو انا والى كان معايا وقولتلو تسقط مين وتورى لمين يا كدا كدا كدا ودارت معركة وعلشان الحمد لله كنا مجموعة خدو كفايتهم بس اننا نلاقى اى عسكرى امن او داخلية نسلمهم مفيييييييييييييييييييييييييييييييييييييييييييييش وقولنا ناخد حقنا بادينا وكاااان وخدو الى هيخليهم يبطلو بلطجة طول عمرهم (ضرب بلا رحمة لاعتبارهم من المفسدين بالارض وربنا يسامحنا على الى عملناة معاهم) وكان ما كان وهنا بقى افاجئكم بحاجو واقسم بالله انها حاصلة فعلا انتا بتقولو ان مات من الاهلوية 72 واحد طب من بورسعيد عرفتم كام انا اقسمت بالله وهتحاسب علية ان اليوم فقط من منزلى لمنزل والداى قابلنى اكثر من 6 حالات وفاة غير الى طلعو مع المظاهرة طب دول بورسعيدية مين موتهم يا ناااااااااااااااااااااس؟ والله الى يشتم فى اهل بورسعيد بعد الى شوفنا امبارح وسهرنا عند بنوك الدم انسان مينفعش يتقال علية مصرى لاننا والله اطيب شعب واحن ناس على الغريب والا مكنش يبقى فى بورسعيد اكثر من نصها متغربين وشغالين فيها كفاية كدة وانا مستعد لاى مناقشة على الخاص والرد على اى كلمة ومستعد للمسائلة على كل كلمة او لفظ قولتو انا منعت نفسى من كلمات اتقالت علشان مجرح مشاعر الناس لكن اننا نتشتم انا مش هسمح بكدة واسف للاطالة |
رد: الخلاصه في احداث بورسعيد
و ماذا نحن فعلنا (سكتنا ) و رحمه الله على امواتنا يا رب
|
رد: الخلاصه في احداث بورسعيد
amin hegazy موافقك في كل كلمة ياباشا
__________________ kefafy أخي الحبيب والفاضل لا ياباشا اسجل اعتراضي على كلامك وهو ان شباب زي الورد قتل بعضه لان برجع وبكرر لو جماهير بورسعيد اللي قتلت كنت هتلاقي مئات القتلى اللي قتلهم بلطجية فلول مجلس عسكري اي جهة من الجهات دي بمعاونة الأمن اللي مش هيحوش مين ولا مين طب ما في ماتش المحلة وقف في النص وصد الناااااااااااااااااااااااااااااااس لو مش قادرين يأمنوا ليه بيقولوا كله تماااااااااااااااااااام وعمري ما شفت عسكري قاعد على كرسي الا في الماتش ده وعمري ما شفت عدم تفتيش للي داخل الماتش الا في الماتش ده وعمري ما شفت بوابات المدرجات مفتوحة الا في الماتش ده وعمري ما شفت ضباط امن بيسخنوا الناس ويقولولهم الاهلاوية بيشتموكوا الموضوع باين انه لعبة وماينفعش نلبسه للناس او لجهلهم لاني هرجع واقولك يا احمد لو الناس عملت كدة في بعض مين قتل شهداء محمد محمود ومين قتل شهداء مجلس الوزراء؟؟؟؟؟؟؟؟؟؟؟؟؟؟؟؟؟؟ مين الطرف الثالث لما تبقى في بلد فيها مخابرات على اعلى مستوى عامة وحربية وامن وطني مش عارفين الطرف الثالث ده يبقى ايه؟؟؟ ده استهبال من المسئولين اللي هما المجلس العسكري المتواطيء مع حسني مبارك لاي سبب كاسر عينهم مشتركين معاه اي سبب لما مجلس الوزراء حصلت كأحداث وقبلها محمد محمود قولنا دول ناس من 6 ابريل عايزين يخربوا البلد لكن دلوقتي برضوا هنلاقي سكة نلبس الناس فيها الجريمة ؟ انا شايف اللي بيحصل ينطبق عليه مقولة او سياسة لوم الضحية زي ما سمعتها من الداعية معز مسعود لما البنت القوات بتاعة طنطاوي عريتها قال سياسة لوم الضحية سياسة انهزامية تدل على الخوف من الجاني او حسابات شخصية والمقصود منها اننا وصلنا لمرحلة مش عايزين نصدق ان اللي بيحمينا هو اللي بيلعب بينا والحمد لله ربنا كاشف كل حاجة وجماهير الاهلي الالتراس عاملين مظاهرات عارفين ان اللي وراها الشرطة والمجلس العسكري وبكرر وبرد على النقطة دي يا احمد باشا اقتباس:
بالله عليك قولي تفسير واحد لكل ده يا احمد واخيرا الشرطة تقدر تمسك العصاية من النص بمعنى لو سيادتك وانا وكل الناس شافت الامن بيضرب بلطجي هنعترض؟؟؟؟؟ والله لو الناس شافت الامن بيضرب اللي نزلوا ولو برصاص بس في رجليهم ماكنش حد اتكلم لكن ما تروحش تقتل متظاهرين وتقول بلطجية ولما تواجه بلطجية تقولي اصل خايف الناس تقول عليا كذا وكذا لو مش قادر يحمي ولا قادر يبقى الا طرطور كرجل أمن نحل الداخلية وكل بني ادم يأمن نفسه وخلاص ماكل العالم فيه شرطة الفرق ان الشرطة هنا نجسة كلها ولائها للعادلي باشا الله يلعنهم ويحشرهم معاه لازم نصدق يا احمد ان البلد ما نضفتش وكل الجهات بتحاول تخلي الناس تقول مبارك كان ارحم ومش هيحصل والله لو حتى تحولنا لليبيا اللي طهروا نفسهم بايديهم مدير الامن اللي ما تعرفوش انه متعين من 4 ايام او 5 يعني جابوا واحد جديد عشان يلبسوهاله وخلاصة القول فاكر قوات طنطاوي 2 فبراير اللي فات لما عدوا الناس من تحت الكوبري بالجمال والاحصنة بالسيوف؟؟؟؟؟؟؟؟ ده اتكرر والله بالنص امبارح بس المرة دي قوات العادلي وربنا ينتقم منهم هما الاثنين وفرج ربنا قريب وربنا يستر والعدو معروف وباذن الله كل حاجة هتوضح وهتخلص قريب |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
لسة جايلنا خبر والله مؤكد من أشخاص بتقول من ناحية بعد جمرك الجميل الجنب التاني للجمرك شاف بعينه عربيات نزلت ناسكانوا بيلبسوا احمر واخضر وركبوا عربيات تانية ودخلوا بورسعيد على انهم جماهير
يا جماعة احنا في مؤامرة علينا والله وكفايا نلبسها لاي حاجة عشان احنا عايزين نريح دماغنا أو عايزين مانشوفش الحقيقة بورسعيدية اتقتلوا الموضوع بعيد عن انه يكون اشتباك جماهيري |
رد: الخلاصه في احداث بورسعيد
والله العظيم يا حسام انى كنت فى دمياط امبارح الضهر علشان بلين العربية بعد العامرة واقسم بالله انى شوفتهم بعينى ومكنتش متخيل اى حاجة ممكن تبقى بالصورة دى ورجعت على الماتش وفهمت الوقت دول مين
|
رد: الخلاصه في احداث بورسعيد
بعد أذن الزملاء الاعضاء من بورسعيد يا جماعه انتو مش محتاجين تدافعوا عن نفسكم
انتو في الاول والاخر مصريين ومعتقدش حد من أهلي بورسعيد ليه مصلحة في اللى حصل وحتى لو حصل اشتباكات بين الجماهير الفريقين وده وارد انه يحصل مش هتوصل للقتل ابدا ولا المذبحه اللى حصلت دي الموضوع مدبر وحسبي الله ونعم الوكيل |
رد: الخلاصه في احداث بورسعيد
amin hegazy
عارف اخي الحبيب وده كلامي لاي شخص بيقول ان ده شغب جماهير قاعد دلوقتي لواء شرطة سابق على قناة النهار بيقول ومين مسئول عن محمد محمود والبالون ورئاسة الوزراء وغيرهم ده عمل ممنهج الله ينتقم من المسئولين |
رد: الخلاصه في احداث بورسعيد
يا وليد الحمد لله انت شاهد عيان تاني الله يلعن الداخلية واي شخص متواطيء في المجلس العسكري الفلول
|
رد: الخلاصه في احداث بورسعيد
|
رد: الخلاصه في احداث بورسعيد
مع احترامى ليك يا ابوسيف و لكل الاعضاء اللى شاركت انت بتقول السبب فى الموضوع الالتراس ؟؟ !!! انا مش هكلم عن جمهور المصرى عشان متعاملتش معاهم انا معاك ان الوايت نايتس و التراس اهلاوى فيهم ناس متعصبة كتير و بيعملوا كماين و يضربوا الناس اللى مش معاهم بس عمرها متوصل لقتل هو صحيح ان التراس اهلاوى حرق مشجع زملكاوى بس الله اعلم ليه و كل مجموعة التراس بيبقى ليهم عقلية و سواء اهلى او زمالك بتبقى انهم يوصلو رسالة سواء للمشاهدين او للامن موضوع ان الوايت نايتس نزل فى ماتش الافريقى ناس من الوايت نايتس اتقبض عليهم و اتحاكموا و طلعوا براءة لكن احداث بورسعيد عمر ما هيكون شغب جمهورى او اى اولتراس فى مصر ليها يد فىه و لو التراس المصرى ليهم فى الموضوع يبقى كان من بعيد و الموضوع فتح منهم
|
رد: الخلاصه في احداث بورسعيد
الله ينور يا أستاذ أبو سيف فعلا موضوع الالتراس دول كارثة ليس دائما لسوء اخلاق معظمهم او لحملهم شعارات مشينة او لتلفظهم بالفاظ نابية او حتى لانهم يقومون ببعض الاتلافات لكن المشكلة الحقيقية انهم جماهير كبيرة يتم تحريكها من جانب قوى غير معروفة ولان معظمهم شباب صغيراو دعنا نقول صبية فى مرحلة المراهقة فهم غالبا لا يعون الاهداف الحقيقية لتحريكهم وسهل جدا جدا إثارتهم ولا مراء ان الالتراس كان داعما قويا جدا وقت الثورة بتحركهم الجماعى الكبير ولكن بعد الثورة ارى انهم يتم تحويلهم حاليا لمعول فوضى وهدم وهذه هى الكارثة اما موضوع الاحداث الممنهجة ورغم تحفظى وسوء ظنى بالمجلس العسكرى الا انى لا ارى تحميلهم كل الامور فهناك لاعبون كثيرون على الساحة خارجيا أميريكا وأوروبا وإسرائيل وقطر والسعودية وإيران و داخليا يوجد الجيش والمخابرات و رجال الأعمال والاحزاب يمين ووسط ويسار وطبعا فلول وطبعا البرادعى وللأسف الكل شادد حيله وفعلا صعب جدا معرفة من الجهة الداعمة والمخططة للعمليات الأخيرة وربما تنوع الداعمون.
سؤال واحد عمال افكر فيه اليومين اللى فاتوا .... رغم انى من المناهضين لبقاء عسكرى واحد فى اى مركز من مراكز السلطة فى مصر ولو حتى رئيس حى ولكن ياترى لو بعد تسليم السلطة اصبح الامن اكثر سوءا والاسعار اصبحت اكثر غلاءا ياترى ايه الخطوة القادمة ؟؟؟!!! |
رد: الخلاصه في احداث بورسعيد
|
رد: الخلاصه في احداث بورسعيد
|
رد: الخلاصه في احداث بورسعيد
الله ينور عليك أخي ahmedmh_ali
الله يلعنهم هيتكشفوا والله كلهم واحد كلهم حلقة وسخة مفرغة وهنكسرها |
رد: الخلاصه في احداث بورسعيد
يا جماعة محدش يظلم بورسعيد كل المدن فيها متعصبين وكلنا عرفين ان فريق المصرى متعصبين جدا بس مش قتلة وكل الفرق ليها متعصبين وجهلاء ومفيش حد ممكن يكون بالقسوة دى من الجماهير العادية حتى ولو متعصب انما واضح انها فوضى مخطط لها تمام وعلى فكرة وزير الداخلية ملوش يد كلنا شكرناه لما حسينا بفرق بمجرد ما تولى الوزارة مداهمات ولجان وكان بينزل بنفسة ومش هنعوضة لو مشى مش هتصدقونى لو قلت لكم انى اعرف اخوة الله يرحمة مات وكانت عربيتة سيات واخوة فى عز مجدة فى الداخلية يعنى ناس نظيفة وتعرف ربنا انما المشكلة لمن يدينون بالولاء او يقبضون من العادلى والنظام السابق فى وزارة الداخلية بردو من قيادات وهما الى بيعملو الفوضى ويحرضوا على جماهير الأهلى وهما الى عايزين يقتحموا وزارة الداخلية حاليا لأن الهدوء مش من مصلحتهم ومع الأسف انهم بيسوقوا معاهم ناس مش فهمين حاجة وشباب صغير وبيعرفو ازى يخلوهم يدمروا ويحرقوا ويقتلوا كمان انما شعب بور سعيد مثلهم كأى بلد بها البلطجية والمتعصبين وبها المحترمين العقلاء والغير راضين تماما عن ما حدث والفلول عرفت تدق الأسفين التمام فى المناخ الخصب له ولازالت تكمل مخطتها وان شاء الله تفشل وياخذ الجميع عقابة من اول المركز الطبى العالمى الى البلطجية الجهلة الى بتخرب مقابل تراب الفلوس
وربنا يعدى الأيام دى على خير ويفسد كل مخططات المفسدين والذى حققوا جزء كبير منه مع الأسف |
رد: الخلاصه في احداث بورسعيد
ربنا ينتقم من اللى كان السبب و يولى من يصلح يا رب
|
رد: الخلاصه في احداث بورسعيد
رايح الماتش وكان مبسوط ...
فجأه اتقلب الحال لسكوووت ! قريت أخبار فيه ناس بتموت قولت أكيد قنوات اشاعات ! ... ... ... فتحت موبايلى لقيت رنات ! كلمته مره ... كلمته التانية ... انسان غريب رد عليا ! ... أقوله ميـــن ؟؟! ... يقولى الفاتحة ... أخوك مــات :'( بتقول ايه ؟ بلاش تهريج ... اديني اخويا ابوس ايديك اصوات كتير زعيق وصريخ ... اخويا مـــــات ... والله برئ مصري ده ولا احنا يهود ؟؟ .... أخويا نزل ورجع فـ تابوت :(( انا لله وانا اليه راجعون |
رد: الخلاصه في احداث بورسعيد
احنا كل حاجة بنجيبها على الشرطة والجيش ماشي معاكم لو هما متؤاطين فى موضوع الاستاد زى مابتقولوا بس ليه بقى محدش جاب سيرة الموضة الجديدة اللى اخترعها الالتراس و الواايت نايتس واللى هى الكمائن كانوا كل مجموعة بيكمنوا لجروب من المجموعة الاخرى وشغل ضرب وياخدوا الفانلات دليل انتصار وطبعا سلوك قمة فى الغباء واعذرونى ممكن اى كان اللى مسئول عن موضوع استاد بورسعيد استوحى اللى حصل من الكلام الفارغ ده طبعا مع الفارق .... احنا ليه ماتكلمناش على الموضوع ده لما بداء يحصل سلوك مشين وتفكير غريب ولا ده كمان الحكومة هى اللى خلتهم يعملوا كده
ياريت الاخوة اللى كل ماحاجة تحصل يقولوا نظرية المؤامرة والعسكر السبب وبيسيبوا التغيير اللى حاصل فينا احنا بسبب اداركنا ان الأمن موش شغال كويس وان الواحد ممكن يعمل جريمة وفوضى ويهرب من العقاب |
رد: الخلاصه في احداث بورسعيد
اقتباس:
|
رد: الخلاصه في احداث بورسعيد
والله يجماعه وبكرة هفكركم هيجى باذن الله رئيس منتخب وهيحصل الى بيحصل بردو
وشغب وحرايق عند وزارة الداخليه وساعتها هنقول عاوزين نغير الرئيس الجديد زيه زى الجنزورى كدة تالت رئيس وزارة وبردو عاوزين نغيرة و زى وزير الداخليه الجديد بعد الى عمله كله فى زمن قياسى هنلبسة هو شماعه الى حصل ومبدأ التخوين هيفضل لحد يوم الدين مش عاوزين نبص على السبب الرئيسى وبنبص بس تحت رجلينا العيل فى المدرسه المدرسين بيتحايلو عليه علشان يتعلم و مش عاجب ليه الحق لسه العيل بياخد مصروفوه من ابوه وفى الوقت نفسه ابوه ميعرفش هو رايح منين وجاى منين فعلا هيا دى الحريه بقينا بسم الله مشاء الله فى قمه الديمقراطيه شويه عيال امبارح جوه وزاره الداخليه والالتراس على لفيس بوك بيقول مش احنا امااااااااااااااااال مييين؟؟؟؟؟؟؟؟؟؟؟؟؟ مين ياجماعه هو اى حاجة تحصل تانى نقعد نقول المجلس و الشرطة ؟ ولا تقصدو امبارح الى كان عند وزارة الداخليه دول شرطة بتضرب فى شرطة بردو ويموتو منهم فى بعض؟؟؟؟؟؟؟ ولا المتخلف رئيس النادى الاهلى الى بيقول مش هنلعب فى بورسعيد كمان 5 سنيين ده اسمه ايه يا جماعة ؟؟؟؟ ده كلام يرضى ربنا ؟؟ وفى الوقت ده تحديدا يصح انه يتقال ده؟؟؟ هل ينفع المجلس العسكرى او رئيس الوزرا يحل اتحاد الكورة وتيجى الفيفا تقول مش من حقنا ان مصر تحل اتحاد الكره بتاعها ؟ ياريت نفوق ونكيل الامور بمكيالها ونعرف ان فعلا ان احنا مستهدفين داخليا وخارجيا والى مش مصدق وبيقول ده هجص بكرة باذن الله هيصدق غظب عنه ولله الامر من قبل ومن بعد |
رد: الخلاصه في احداث بورسعيد
اقتباس:
هيحصل زى الحصل عند الداخليه و مليونيات وكلام فارغ وقله ادب و هيقولو ان الرئيس ده من فلول النظام السابق زيه زى الجيش و الشرطة كدة وشكرا لمعاليك على رايك |
رد: الخلاصه في احداث بورسعيد
اقتباس:
والناس مش قادرة تفهم ان احنا الى بنعمل كدة احنا منا فيينا الى بنحرق ونولع مفيش تعليم و فى جهل وفى بطاله كل العوامل الخصبه للفساد ده ليه نتيجة حكم فاسد بيزرع لمدة 30 سنه فساد تفتكر ممكن يحصد ايه؟؟ لما فى يوم واحد يبقا اعتصام فى اكتر من 80 مصلحة حكوميه واحتجاز 3200 سائح فى اسنا و خطف 2 سياح امريكان وسرقة 3 بنوك وعدد 1 بوسته فى حلوان ودار المسنيين ايضا ده على مستوى الجمهوريه يعنى دول كلهم فلول ؟؟؟؟؟؟ فلول يا اصحاب العقل والحكمة؟ والناس مفكرة الى بيحكم ده ماسك عصى سحريه من ديزنى لاند !! ربنا يصلح حال البلد يارب وميشمتش فينا حد ولحضرتك كل احترام وتقدير على كل ارائك |
| الساعة الآن 08:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir