الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   تخيـــــــــــــــــــــــل (http://www.egyhunt.net/showthread.php?t=23244)

dr_ahmad 12-02-04 11:29 AM
تخيـــــــــــــــــــــــل
 
بسم الله الرحمن الرحيم

السلام عليكم يا أصحاب أفضل هواية فى الكون
تخيل يا أخى أنك تعيش فى مكان واسع كثير الشجر و الزرع ملئ باليمام و الطيور بأعداد كبيرة كما يوجد نهر كبير به ما تشتهى عين أى صياد من بط برى و عنز و دجاج الماء و غيره حاجة تجنن روحت اسكندرية دخلت أحد محلات فتح الله فى محطة مر لقيت عنده سلافيا 4.5 و ديانات 54 و 52 مستعملة
المهم خدت منه كرال ماجنوم 5.5 فيبر البندقية كويسة جدا على قد فلوسها ( 1200) بس ده على مستوى اليمام بصراحة مش مالية عينى لذلك اتخذت قرار أرجو أن تساعدونى على تنفيذه عاوز أجيب أقوى بندقية فى مصر و أقوى منظار فى مصر ( الحمد لله معايا ميزانية مفتوحة خصصتها لهذا الأمر )

أرجو ألا تبخلوا عليا بـآرائكم

عفوا للإطالة و بارك الله فيكم

محمد حافظ بك 12-02-04 11:42 AM
رد: تخيـــــــــــــــــــــــل
 
اهلا بيك يا ريس .. الكرال نمرة 2 سرعتها 240 متر في الثانية .. الاقوي منها الموجود في مصر هيبقي ديانا 350 ماجنوم نمرة 2 و اعتقد هي نفس السرعة .. و طبعا ديانا 54 اير كينج سرعتها اعتقد 260 متر في الثانية لنرة 2 و الاسعار بقي مختلفة بس مش هتقل عن 6500 جنيه لاي من البندقيتين.. اما المنظار فعندك اما المهندس كريم عندنا هنا في اسكندرية او هشام سمير و برضه بيجي اسكندرية و هما عاملين عروض هنا في المنتدي علي المناظير.. و ارجوا ان اكون قد افدتك..و لك تحياتي

mohd_wafik 12-02-04 12:07 PM
رد: تخيـــــــــــــــــــــــل
 
السلام عليكم ...
ارجوا ارسال نمرتك خاص و انا هكلمك و هساعدك في الموضوع باذن الله ... انا مش تاجر على فكره انا محاسب قانوني ....

dr_mohasan 12-02-04 12:55 PM
رد: تخيـــــــــــــــــــــــل
 
فعلاً , كلّم محمد وفيق وهو هايجيبلك من الآخر فى الموضوع ده

أنا عن نفسى أرشحلك بندقيتين , الديانا 350 ماجنوم ... والجامو cfx رويال

بالتوفيق ان شاء الله

mohd_wafik 12-02-04 12:58 PM
رد: تخيـــــــــــــــــــــــل
 
اصل هقوله على سي اف اكس و هقوله يجبها منين بس كده عشان محدش ينصب علي الراجل في فلوس ..

kefafy 12-02-04 12:59 PM
رد: تخيـــــــــــــــــــــــل
 
اقتباس:
المشاركة الأصلية كتبت بواسطة mohd_wafik (المشاركة 300630)
السلام عليكم ...
ارجوا ارسال نمرتك خاص و انا هكلمك و هساعدك في الموضوع باذن الله ... انا مش تاجر على فكره انا محاسب قانوني ....
طول عمرك يا محمد بيك رمز الرجوله و الجدعنه
ربنا يكثر من امثال حضرتك

mohd_wafik 12-02-04 01:00 PM
رد: تخيـــــــــــــــــــــــل
 
اصل هيه مش ناقصه بجد و كل ما اشوف حد جديد على الهوايه بفتكر نفسي في بداياتي و حاسس ان من واجبي اني اساعده عشان اقصر عليه المسافه و ميتنصبش عليه و يكره الهوايه اساسا

mohd_wafik 12-02-04 01:05 PM
رد: تخيـــــــــــــــــــــــل
 
اقتباس:
المشاركة الأصلية كتبت بواسطة kefafy (المشاركة 300653)
طول عمرك يا محمد بيك رمز الرجوله و الجدعنه
ربنا يكثر من امثال حضرتك
طب والله العظيم الفضل في كده اكيد لله سبحانه و تعالى ثم الاستاذ اشرف باهي هوه إلى علمني ومازال يعلمني و انا مش بنكر فضله و مجهوده عليا .. انا ارجل و بقول الحق ومنكرش الجميل و العرفان عشان دي من سمة الرجال .. تقبل تحياتي

lilkapo 12-02-04 02:45 PM
رد: تخيـــــــــــــــــــــــل
 
على فكرة يا دكتور حضرتك شكلك جارى لان المواصفات دة كلها انا عايش فيها
هههههههههههه والله لو كدة نتقابل انا على بعد كيلو من جزيرة تنيس فى بحيرة المنزلة وما ادراك بقى وانتا سيد العارفين شرشير وخضيرى وسلطانى وغر

محمد حافظ بك 12-02-04 03:01 PM
رد: تخيـــــــــــــــــــــــل
 
اقتباس:
المشاركة الأصلية كتبت بواسطة mohd_wafik (المشاركة 300654)
اصل هيه مش ناقصه بجد و كل ما اشوف حد جديد على الهوايه بفتكر نفسي في بداياتي و حاسس ان من واجبي اني اساعده عشان اقصر عليه المسافه و ميتنصبش عليه و يكره الهوايه اساسا
ربنا يوفقك للخير ...كده انت تمام

ahmed yasser 12-02-04 04:23 PM
رد: تخيـــــــــــــــــــــــل
 
البندقية والمنظار مقدور عليهم بس ايه المكان اللى فيه كل دا

bekhet 12-02-04 04:43 PM
رد: تخيـــــــــــــــــــــــل
 
المكان الروعة الى بتكلم علية دة مش محتاج حاجة جامدة زى منتا عايز خصوصاً أن الكرال قوية 240 م/ث المكان دة لو زى وصفك لية تبقا الرمسيس والمعادى تعمل بيها البدع بس لو إنت عايز حاجة قوية جدا والميزانية مفتوحة وعايز تضرب بإسكوب يفضل الديانا 54 & 56 علشان رد الفعل ميأثرش على الإسكوب بس عيبهم الثقل وضخامة الحجم وعلى فكرة ممكن تتعود عليها وميكنش عيب خالص بس فى ناس وناس وممكن بردة الديانا 350 أو الويبلى باتروت ودول بنادق كسر زى الكرال ولكن حاجة محترمة ألمانى وإنجليزى ويعبهم رد الفعل القوى
أرجو لك التوفيق

dr_ahmad 12-02-05 03:13 AM
رد: تخيـــــــــــــــــــــــل
 
أشكركم جدا يا جماعة
أنا محل عملى أسوان جنب النيل
و الحمد لله انا باعرف كويس اضرب نار
و جسمى قوى الى حد ما و ما يفرقش معايا رد الفعل فى البنادق الهوائية
لكن زى ما سبق و قلت ان الكرال مش مالية عينى مع ان الحتة اللى معايا نظيفةجدا ( صوتها عالى بس ) و هية حلوة شكلا و اداءا لكن لما تركب قارب فى النيل ما ينفعش تقرب قوى على الطيور و لما بتضرب بالكرال من بعيد بتصيب لكن الطير بيدخل فى الحشايش غير كده برده انا باكون حاسس ان فى ايدى حاجة هايفة
أنا عاوز اجيب بندقية كبيرة الحجم و اهم حاجة القوة و قلة الحاجة للصيانة لانى مش فاضى كتير
عشان كده من متابعتى لحضراتكم و بحثى فى منتديات اجنبية و عربية
انا بس محتار دلوقتى بين الديانا 350 و الاير كينج و أظن من ناحية القوة فلا منافس للماجنوم لكن التانية أظنها افضل فى قلة رد الفعل و تجميع نشانها لكن عيبها صعوبة التعمير
و الشكر للجميع على الاهتمام بالموضوع

dr_ahmad 12-02-05 03:33 AM
رد: تخيـــــــــــــــــــــــل
 
الطيور هنا موجودة فعلا و بكثافة عالية
تمشى بين الزرع و النخل و الشجر تلاقى اليمام و فيه سبحان الله أماكن بيتجمع فيها بأعداد كبيرة لدرجة انى طلعت رحلة مع واحد من العرب كان معاه بندقية خرطوش (صناعة يدوى لكن و الله أداءها ممتاز جدا عيار 12 ) المهم نزلنا البحر و كان الهوا شديد رجعنا للبر و بدأ الكرال يلعب ( أكتر من 40 يمامة فى خلال ساعة كنت واقف فى ارض القصب و فوقى سلك تيار جهدمتوسط )
لكن شغل البحر حاجة مختلفة بتلاقى بط صغير برى جميل جدا ( لكن قوى جدا و خواف جدا ) و القارب بيهتز من الموج لذلك كنت باصيب الهدف من بعيد (حوالى 50 متر ) يصرخ و يدخل فى الحشايش و سلامات غير بقى ان الموسم لسة ما اشتغلش و فيه انواع اخرى منها الكبير الحجم بتيجى
عشان كده انا باقول عاوز أقوى و أفضل هوائية فى مصر و كمان أقوى منظار

و الشكر مرة تانية لكل المهتمين بموضوعى ( على فكرة أنا من الدقهلية و باشتغل طبيب مكلف فى اسوان و يشرفنى انتمائى لهذا المنتدى فما احلى ان تلتقى بمن يشاركك نفس الفكر و الهواية )

mohd_wafik 12-02-05 10:32 AM
رد: تخيـــــــــــــــــــــــل
 
السلام عليكم ..
ازيييك يا دكتور عامل ايييه ؟؟
مع احترامي الشديد لحضرتك اسمحلي اختلف معك في معلومة في موضوع تجميع نشانات الماجنوم انا عامل موضوع لتجميع نشانات الماجنوم اطلع عليه و هتغير رايك ...
و احب انصح حضرتك ان الصيد في المصطحات المائيه ممنوع قانونا ... واي حاجه انا تحت امرك .. تقبل تحياتي

عادل عبده 12-02-05 11:02 AM
رد: تخيـــــــــــــــــــــــل
 
اقتباس:
المشاركة الأصلية كتبت بواسطة mohd_wafik (المشاركة 300654)
اصل هيه مش ناقصه بجد و كل ما اشوف حد جديد على الهوايه بفتكر نفسي في بداياتي و حاسس ان من واجبي اني اساعده عشان اقصر عليه المسافه و ميتنصبش عليه و يكره الهوايه اساسا
انت شاب رجوله وابن ناس محترمين وأصلك طيب

أحمد عطاالله إبراهيم 12-02-05 01:03 PM
رد: تخيـــــــــــــــــــــــل
 
اقتباس:
المشاركة الأصلية كتبت بواسطة عادل عبده (المشاركة 301463)
انت شاب رجوله وابن ناس محترمين وأصلك طيب
+++++++++++1 .. يا عادل باشا ده استاذ محمد وفيق .. وطبعا معروف عنه من زمان رجولته وحبه لمساعده الناس .. وانا بحترم ده فيه جدا ..

تحياتى ....

محمد ناصر 12-02-05 07:10 PM
رد: تخيـــــــــــــــــــــــل
 
نسأل الله ان يرزقنا بمكان مثل الذى رزقكم به .. ياريت يا جماعة لو فى شقق للايجار اخبرونى .. وياريت اكتر احد الاخوة لو يعطينى فكرة عن مكان يكون بالموصفات دى ويكون رخيص على اد اليد


الساعة الآن 09:20 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir