|
طلعه خفيفه اليوم لمده ساعه ونص فى الضباب والبندقيه استعبطت
2 مرفق
ازيكم يا اجدع صيادين اخباركم ايه واخبار بنادقكم ايه:d انهارده طلعت طلعه خفيفه حلوه ووحشه فى نفس الوقت الظاهر مفيش طلعه مفيهاش صعوبات والصعوبه المرادى حاجتين الشابوره الجامده فى الصباح تقريبا عشان جو الارياف كان عامل شغل وتانى مشكله قابلتنى ان البندقيه بعد ما نظفتها وشلت الصدأ منها طبعا كانت معركه وانا بنظفها فالنشكان بتاعها اتلعب فيه غصب عنى وبقت تحرف المهم حاولت اظبطها وظبطها بقت تمام على المسافات القريبه 10 متر تقريبا فى الصيد بقى جننتنى تصيب هدف بعيد اوى وممكن ما تصبش هدف وتوقعه من مسافه أقل وتيجى فى ديل اليمامه او منطقه مش مؤثره وتطير تانى انا موضوع النشنكان ده مضايقنى اوى لانى مش خبير فى ظبطه ونفسى الاقى تفسير للى حصل والحمد لله على الرغم من الحوارات دى الحصيله كانت معقوله أحسن من مفيش لانى بعتبر ان الواحد يصطاد بنبله مظبوطه احسن من بندقيه مورس ومش مظبوطه الحصيله كانت خمس يمامات اتنين منهم هيد شوت وواحده سادسه وقعت فوق عشه معرفتش اجيبها كمان ضربت على سمكتين كانوا على وش الميه فى ترعه وبرضه معرفتش اجيبهم منتظر تعليقتكم ع الطلعه والبندقيه .. |
رد: طلعه خفيفه اليوم لمده ساعه ونص فى الضباب والبندقيه استعبطت
الله ينور عليك وباين عليك قناص محترف ما شاء الله وأنا معايا بندقية كرال خشب نمرة 2 والنيشان بتاعها برده غلس أوي لسه مصطاد بيها امباح 13 يمامة والنهاردة 7 يمامات بكون ضابطها بالليل في البيت وأنزل الصبح أضرب ألاقيها مش مضبوطة واضطر أضبطها وبعد كده بتبقى كويسة وأنا سمعت إن النيشان الخلفي بتاعها علشان بلاستك بيخلف وإن شاء الله هاشوف حد يغيرهولي حديد وتحياتي لك
|
رد: طلعه خفيفه اليوم لمده ساعه ونص فى الضباب والبندقيه استعبطت
ماشاء الله حاجه جميله سلم ايد وبالتوفيق ديما يارب
|
رد: طلعه خفيفه اليوم لمده ساعه ونص فى الضباب والبندقيه استعبطت
طلعة موفقة يا دكتور , البندقية ال cf20 من البنادق الدقيقة , انت بس محتاج ظبط النشان كويس |
رد: طلعه خفيفه اليوم لمده ساعه ونص فى الضباب والبندقيه استعبطت
طلعة جميلة وبالتوفيق
|
رد: طلعه خفيفه اليوم لمده ساعه ونص فى الضباب والبندقيه استعبطت
بالتوفيق ان شاء الله وربنا يفتحها عليك كمان وكمان
|
رد: طلعه خفيفه اليوم لمده ساعه ونص فى الضباب والبندقيه استعبطت
بسم الله مشاء الله ربنا يزيد و يبارك
|
رد: طلعه خفيفه اليوم لمده ساعه ونص فى الضباب والبندقيه استعبطت
ليس العيب فى النيشان ولكن العيب هو ان الجامو بتشد وتخرخى لماذا لان الاولسيه ناشف شويه حطلها شوية زيت خاص بالبنادق وان لما تجد فزيت ماكينة الخياطه الزيت الابيض خفيف وهيحافظ على الاولسيه وشوف السوسته قويه مع التعمير وثالث حاجه الجزره اللى بتحط فيها فيه الرشايه لها 2 اولسيه واثنين فى الصدر (القميص) اذا غيرتهم هتبقى معاك ماشاء الله
|
رد: طلعه خفيفه اليوم لمده ساعه ونص فى الضباب والبندقيه استعبطت
تضع 3 الى 5 نقط بالقطاره وتكرر العمليه دى كل 50 رشايه منين تجيب الاولسيه الصغير ده من اى محل بيبيع خراطيم هيدروليك واخلع الاولسيه اللى فى الجزرة بالابرة وخده معاك علشان تجيب نفس المقاس بالظبط وهاتلك 10 او 20 وخليهم عندك احتياطى الاولسيه 50 قرش او جنيه
|
رد: طلعه خفيفه اليوم لمده ساعه ونص فى الضباب والبندقيه استعبطت
كيفية التركيب الكبس بتلحيسة شحم لاتذكر او وضع امير وتتركه حتى يجف لماذا كى لا يتكسر الاولسيه فيما بعد وما ذكرته من واقع تجربتى وسوف تجد ان الجزره بتدخل بصعوبه وتخرج بصعوبه ده فى البدايه بعد 200 رشايه تتعدل معاك ولحس الجزرة شحم من الاجناب وهى اماكن الاحتكاك وقولى بعد كده على ضربتها حتى لو استخدمت سوسته لف من اللى بتصنعوا تحت اسلم
|
رد: طلعه خفيفه اليوم لمده ساعه ونص فى الضباب والبندقيه استعبطت
وعلى فكرة لما تيجى تحط الزيت حطه من الماسورة وتسحب العتله وتسيبها دقيقتين وحط رشايه واضرب ولا تضرب بيها هواء على الفاضى
|
رد: طلعه خفيفه اليوم لمده ساعه ونص فى الضباب والبندقيه استعبطت
شكرا على مروركم يا رجاله بجد انتم ناس محترمه جدا
وربنا جمعنا مع بعض فى هوايه جميله استاذ مصطفى ابواسماعيل جزاك الله كل خير ع المعلومات القيمه بصراحه الجزره بتاعه البندقيه كانت مزهقانى بس لما زيتها من الماسوره بقت حكايه بجد شكرا ليك .. |
رد: طلعه خفيفه اليوم لمده ساعه ونص فى الضباب والبندقيه استعبطت
ما شاء الله طلعة جميلة
|
| الساعة الآن 06:36 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir