الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   مطلوب افادة من اعضاء المنتدى و فطاحلته و تجاره (http://www.egyhunt.net/showthread.php?t=23546)

essnawy 12-02-08 05:06 PM
مطلوب افادة من اعضاء المنتدى و فطاحلته و تجاره
 
انا مشترك فى هذا المنتدى منذ فترة وكنت فى خلال هذه الفترة اكتفى بالمشاهدة و الاطلاع على المشاركات كلها بس مش براقبكم و الله هو بس انا كنت بحاول استفاد من المشاركات دى كلها حتى اتمكن من اتخاذ قرار حول اقتناء الاسلحة و ربنا وفقنى فى اسلحة الصوت اما الان انا بحاول اتخذ قرار لاقتناء بندقية هواء او (بندقية رش ) بس بصراحة انا دماغى وجعنى جدا لان الموضوع مش سهل خاصة ان انا واحد لما باخد قرار ما برجعش فيه لكن لو اكتشفت بعد الشراء ان فى مشاكل كتير فى الحاجة اللى اشتريتها انا بوصل لمرحلة ان انا بشحتها لاى حد بس متعدش معايا الحاجة دى اللى انا اشتريتها و انا مصدوم فيها عشان كده بعد اذن حضراتكم انا قرأت كل مواضيع المبتدئين و الترشيحات ليهم من البنادق و كل ما اقول صينى الاقى فى ناس بتتكلم عن المشاكل اللى فيها طب ارجع و اقول تركى كرال الاقى فى كلام قفلنى منها غير كده سألت عن الانواع الحلوة فى السوق زى ماتقولوا كده التجار عاوزين يبعوا على مزاجهم و بس ولما تلح على طلبك يقولوا لك اصلها مش موجوده دلوقت او يرفعلك سعرها فى السما بغباوة فبعد اذنكم انا طالب من الاخوة الاعضاء و اصحاب الخبرة زى الاستاذ محمود شلبى و الاستاذ هشام سمير و باقى كل الاعضاء مش عاوز انسى حد منهم و اقلل من شأن حد منهم بعدم ذكر اسمه بس والله انتوا كتير جدا و كلكم احسن من بعض مساعدة فى اتخاذ قرار نهائى لشراء بندقية كويسة بسعر مناسب بس تكون عيوبها ومشاكلها اقل ما يكون ودى اهم حاجة كمان تكون متوفرة فى السوق ولو تكرمتم تقلولى فين وبكام ولو اى معلومات عنها و على فكرة انا جاد فى الشراء بس بشترى الحاجة اللى مايختلفش عليها الناس كتير زى ما بنقول بنبصملها بالعشرة . شكرا على تعاونكم معى و اسف على الاطالة

pooforever_2010 12-02-08 05:44 PM
رد: مطلوب افادة من اعضاء المنتدى و فطاحلته و تجاره
 
يا باشا توكل على الله واشترى الكرال (اى نوع ماعدا الرمايه ويفضل الفيبر ) لانها ارخص من الخشب
والاستاذ محمود شلبى يغيرلك الفبرة اللى تحت السوسته بالحديد من عنده
وانسى يا باشا حاجه هاى بور وسعرها على قد الايد
ده رأى الخاص
تحياتى

kefafy 12-02-08 05:50 PM
رد: مطلوب افادة من اعضاء المنتدى و فطاحلته و تجاره
 
لا يوجد كلام بعد كلام الكبير
الله ينور على حضرتك
ولصاحب الموضوع ربنا يوفقك

kefafy 12-02-08 05:51 PM
رد: مطلوب افادة من اعضاء المنتدى و فطاحلته و تجاره
 
وتحياتى لاهل حلوان من اول مايو لحد التبين :)

pooforever_2010 12-02-08 05:54 PM
رد: مطلوب افادة من اعضاء المنتدى و فطاحلته و تجاره
 
اقتباس:
المشاركة الأصلية كتبت بواسطة kefafy (المشاركة 304666)
لا يوجد كلام بعد كلام الكبير
الله ينور على حضرتك
ولصاحب الموضوع ربنا يوفقك
ربنا يخليك يا حبى ده انت اللى كبيرنا
وكلنا اخوات يا باشا وربنا يديم المحبه
تحياتى

essnawy 12-02-08 09:37 PM
رد: مطلوب افادة من اعضاء المنتدى و فطاحلته و تجاره
 
الف شكر للاساتذة اللى ردوا عليا و مش هلاقى بشوات احسن منكم والله

amin hegazy 12-02-08 10:28 PM
رد: مطلوب افادة من اعضاء المنتدى و فطاحلته و تجاره
 
الموضوع يتوقف في الاول على الميزانية المتاحة بالنسبة ليك
ومفيش حاجه كمله الكمال لله واحده سبحانه وتعالى بس الناس بتجتهد في حل المشاكل اللى بتظهر في البندقية اللى بتكون معاها عشان توصل بيها لاحسن وافضل اداء
لو ميزانتيك مش هتزيد عن 1500 جنية في البندقية يبقى الكرال طبعا وزي ما قالك أ/ محمد سعيد عليك وعلى أ/ محمد شلبي هتاخدها وتضبطها عنده بالمرة ويبقى مشوار واحد
لو ميزانتك اعلى شويه ممكن تشوف انواع اخرى سوء اسباني أو غيرة ولو مبحبه حبتين تلاته يبقى الرويال والديانات

adel152 12-02-08 10:42 PM
رد: مطلوب افادة من اعضاء المنتدى و فطاحلته و تجاره
 
اقتباس:
المشاركة الأصلية كتبت بواسطة essnawy (المشاركة 304624)
انا مشترك فى هذا المنتدى منذ فترة وكنت فى خلال هذه الفترة اكتفى بالمشاهدة و الاطلاع على المشاركات كلها بس مش براقبكم و الله هو بس انا كنت بحاول استفاد من المشاركات دى كلها حتى اتمكن من اتخاذ قرار حول اقتناء الاسلحة و ربنا وفقنى فى اسلحة الصوت اما الان انا بحاول اتخذ قرار لاقتناء بندقية هواء او (بندقية رش ) بس بصراحة انا دماغى وجعنى جدا لان الموضوع مش سهل خاصة ان انا واحد لما باخد قرار ما برجعش فيه لكن لو اكتشفت بعد الشراء ان فى مشاكل كتير فى الحاجة اللى اشتريتها انا بوصل لمرحلة ان انا بشحتها لاى حد بس متعدش معايا الحاجة دى اللى انا اشتريتها و انا مصدوم فيها عشان كده بعد اذن حضراتكم انا قرأت كل مواضيع المبتدئين و الترشيحات ليهم من البنادق و كل ما اقول صينى الاقى فى ناس بتتكلم عن المشاكل اللى فيها طب ارجع و اقول تركى كرال الاقى فى كلام قفلنى منها غير كده سألت عن الانواع الحلوة فى السوق زى ماتقولوا كده التجار عاوزين يبعوا على مزاجهم و بس ولما تلح على طلبك يقولوا لك اصلها مش موجوده دلوقت او يرفعلك سعرها فى السما بغباوة فبعد اذنكم انا طالب من الاخوة الاعضاء و اصحاب الخبرة زى الاستاذ محمود شلبى و الاستاذ هشام سمير و باقى كل الاعضاء مش عاوز انسى حد منهم و اقلل من شأن حد منهم بعدم ذكر اسمه بس والله انتوا كتير جدا و كلكم احسن من بعض مساعدة فى اتخاذ قرار نهائى لشراء بندقية كويسة بسعر مناسب بس تكون عيوبها ومشاكلها اقل ما يكون ودى اهم حاجة كمان تكون متوفرة فى السوق ولو تكرمتم تقلولى فين وبكام ولو اى معلومات عنها و على فكرة انا جاد فى الشراء بس بشترى الحاجة اللى مايختلفش عليها الناس كتير زى ما بنقول بنبصملها بالعشرة . شكرا على تعاونكم معى و اسف على الاطالة
الاخ العزيز اسناوى باشا بعد التحية.
أظن بعد رد crÈme de la crÈme المنتدى وهم نخبة الصيد فى مصر من شبرا الخيمة والهرم وصولا الى الغردقة مافيش اى عضو يقدر يزايد على ردودهم.
بالتوفيق فى اختيارك.
خالص تحياتى للجميع.

essnawy 12-02-08 11:49 PM
رد: مطلوب افادة من اعضاء المنتدى و فطاحلته و تجاره
 
اشكركم جميعا استاذ امين حجازى و استاذ عادل 152 على اهتمامكم الشديد و تأكيد المعلومة و تقبلوا تحياتى اخيكم اسناوى

pooforever_2010 12-02-09 12:08 AM
رد: مطلوب افادة من اعضاء المنتدى و فطاحلته و تجاره
 
اقتباس:
المشاركة الأصلية كتبت بواسطة amin hegazy (المشاركة 304863)
الموضوع يتوقف في الاول على الميزانية المتاحة بالنسبة ليك
ومفيش حاجه كمله الكمال لله واحده سبحانه وتعالى بس الناس بتجتهد في حل المشاكل اللى بتظهر في البندقية اللى بتكون معاها عشان توصل بيها لاحسن وافضل اداء
لو ميزانتيك مش هتزيد عن 1500 جنية في البندقية يبقى الكرال طبعا وزي ما قالك أ/ محمد سعيد عليك وعلى أ/ محمد شلبي هتاخدها وتضبطها عنده بالمرة ويبقى مشوار واحد
لو ميزانتك اعلى شويه ممكن تشوف انواع اخرى سوء اسباني أو غيرة ولو مبحبه حبتين تلاته يبقى الرويال والديانات
امين باشا انا بتعلم منك يا كبير

اقتباس:
المشاركة الأصلية كتبت بواسطة adel152 (المشاركة 304882)
الاخ العزيز اسناوى باشا بعد التحية.
أظن بعد رد crÈme de la crÈme المنتدى وهم نخبة الصيد فى مصر من شبرا الخيمة والهرم وصولا الى الغردقة مافيش اى عضو يقدر يزايد على ردودهم.
بالتوفيق فى اختيارك.
خالص تحياتى للجميع.
ايه ده الكبير ذكر منطقنى يبقى النهارده عيد
تحياتى استاذ عادل

pooforever_2010 12-02-09 12:08 AM
رد: مطلوب افادة من اعضاء المنتدى و فطاحلته و تجاره
 
اقتباس:
المشاركة الأصلية كتبت بواسطة essnawy (المشاركة 304830)
الف شكر للاساتذة اللى ردوا عليا و مش هلاقى بشوات احسن منكم والله
بالتوفيق يا باشا
مبروك مقدما
فانتظار صور الصيد يا قناص المستقبل
تحياتى


الساعة الآن 10:27 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir