الصيد فى مصر - أضراب ( 11 فبراير )

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - أضراب ( 11 فبراير ) (http://www.egyhunt.net/showthread.php?t=23639)

أضراب ( 11 فبراير )

سؤال محير أنتشر فى الفترة الأخيرة عن أضرب 11 فبراير يا ترى أنزل ؟؟ و لا لا ..

لا طبعا أوعى تنزل .. لية !!!!

مش عايز أدمر استيراد القمح والرز والذرة وفول الصويا والطماطم .

. مش عايز أدمر استيراد الحديد ومصنوعاته .

. مش عايز أدمر استيراد الآلات والأجهزة الآلية والكهربائية .

. مش عايز أدمر استيراد العربيات والقطارت .

. مش عايز أدمر استيراد اللحوم والأسماك .

. مش عايز أدمر استيراد الاسمدة والملابس الجاهزة والمنسوجات القطنية .

. مش عايز أدمر الفوانيس والسبح والسجاجيد الصيني .

. اتقوا الله في واردات بلدنا .. متوقفوش عجلة الانتاج .. حرام عليكم هتخربوا الصين :)

http://www3.0zz0.com/2012/02/10/00/615383073.jpg

Re: أضراب ( 11 فبراير )

ربنا يهدي الحال والامور تمشي والبلد تفوق بقى يارب

رد: أضراب ( 11 فبراير )

ايه يا عم احمد انت بتقطع عليا في المواضيع ولا ايه

رد: أضراب ( 11 فبراير )

اقتباس:

المشاركة الأصلية كتبت بواسطة karim eid (المشاركة 306019)

ايه يا عم احمد انت بتقطع عليا في المواضيع ولا ايه

الرأى و الرأى الأخر ( قناة الجزيرة ) :)

رد: أضراب ( 11 فبراير )

عندك حق يا ابوحمييييييييييييييييييد

رد: أضراب ( 11 فبراير )

الله ينور يا احمد
فيه ناس بتتكلم ان الثوار سبب خراب البلد
على اساس اننا بقالنا 30 سنه بنصنع طائرات وصواريخ
والسنه دى كل ده وقف
يا راجل حتى الكبريت بطلع يتصنع فالبلد وبقى صينى
حاجه تزهق
تقبل مرورى
وشكرا

رد: أضراب ( 11 فبراير )

أ. أحمد اسمحلى أختلف معاك بشدة لأن كل بلد بتنتج وبتستورد حتى أمريكا وحتى ألمانيا ولو حضرتك سافرت برة حتى فى ألمانيا أو فرنسا حتلاقى المنتجات الصينى مغرقة المحلات بتاعتهم والله يا أخى كنا بنغلب فى المول لحد منلاقى حاجة صناعة أوروبى والله مرة كنت انا وواحد زميلى فى ليون وقلبنا السنتر على كاسيت اوروبى وهوا اشترى توشيبا يابانى وانا جروندنج المانى ورجعنا الفندق و زميلى بيفحص الكاسيت بتاعه لقى ورقة مستخبية بتقول انه صناعة صينى راح ماسك الكاسيت بتاعى و راح مطلع نفس الورقة انه صناعة صينى بترخيص من جروندنج المانيا الكلام ده سنة 2000 كمان مش دلوقتى ونفس القصة فى المانيا وايطاليا. روح أمريكا وأوروبا وشوف كم السيارات اليابانى والكورى اللى عندهم فهل ده معناه ان مفيش عندهم صناعة سيارات.

يا إخوة أنا مدير عمليات فى احدى الشركات الصناعية العالمية الكبرى وبقولكم عن خبرة وتعايش ان مصر فيها صناعات كبرى بمعنى الكلمة وأى حد يقولكم غير كده يبقى بيضللكم القصة اننا معندناش صناعات بالقدر الكافى يعنى عاوزين نزود ونزود كتير ونركز كمان فى بعض المنتجات وندعمها ونخلق اسواق ونعمل علامات خاصة بنا.

وأخيرا لما احنا معندناش صناعة ولا زراعة امال الناس هتضرب عن ايه؟ الاضراب معناه ان فى عمل انت بتضرب عنه طيب لو مفيش عمل سيادتك بتضرب عن ايه؟ كمان لو الصناعة والزراعة ديه ملهاش قيمة يبقى ايه فايدة الاضراب ؟؟؟؟
بلاش ندمر بلدنا وندمر نفسينا بادينا

رد: أضراب ( 11 فبراير )

انا مش هتكلم علشان مشركاااااتى بتتحذف :mad:
هقول تسلم ايدك يا باشا :rolleyes:

رد: أضراب ( 11 فبراير )

اقتباس:

المشاركة الأصلية كتبت بواسطة saskon (المشاركة 306387)

+++++++++++++++++++++++++++++++++++++++++

رد: أضراب ( 11 فبراير )

أحترم جميع الأراء أيا كانت ، فقط أريد الأبتسامة على وجه الجميع ...