السلام عليكم ورحمة الله وربكاتة


اولا انا انسان عادي جدا يعني ولا شيخ ولا ملتزم بس بنحاول علي قد ما نقدر نقرب من ربنا شوية ونكون ملتزمين والحمدلله الفكرة دي جت في بالي كتير بس قررت اكتبها دلوقتي بعد لما شفت الفيدو بتاع الست الكبيرة الي عايشة ب 10 جنية



طبعا كلنا عارفين اننا بنصرف كتير وقليل في اليوم
ولو في خروجة ولا حاجة ال 250 جنية بتتفرتك في الهوة

وانا فكرت نعمل كدا جروب مننا فينا وكل واحد ياخد قرار ويحضر النية والنية خالصة لوجهة الله
انو يشيل 2 جنية يوميا علي اخر الشهر هيبقي كل واحد شايل 60 جنية

لو 30 عضو من المنتدي الجميل عمل كدا
يبقي في اخر الشهر هتكون فلوسنا كلنا كام 1800 جنية يبقي كدا كل شهر


كل شهر بقي نعمل حاجة مختلفة يعني مرة نشوف عروسة يتيمة وتكون علي قد حالها مش قادر تتجهز نروح جايبنلها التلاجة مثلا

مرة نروح دار الايتام
مرة دار المسنين للناس الكبار الي زي العسل دول
مرة لمستشفي السرطان

يعني كل شهر نروح مكان شكل


بجد انا نفسي دي تحصل وطبعا 2 جنية دي حاجة رمزية جدا جدا جدا

والي يقدر يزود عن كدا هيزود يعني انا احط 2 جنية عضو تاني يحد 5 جنية يوميا

فاهمين قصدي

وياريت بجد الاقي قبول للفكرة الجميلة دي

وربنا يجعلها في ميزان حسنتنا ويوفقنا للخير
وهنقرب لربنا اكتر وبردو الاعضاء هتقرب من بعض اكتر


اية رايكم

اخوك ميزو