|
حصيله قليله بس طلعه جميله جدا
5 مرفق
ازيكم يا احلى صيادين مصر اخباركم ايه انهارده طلعت ساعتين بس كانوا زى الفل وحلاوتهم انى وانا بصطاد كل ما أقابل عيال صغيره يقولولى عمو عمو فى واحد تانى بيصطاد قدام طبعا انتم عارفين انا كنت هتجنن اد ايه والاقى حد اصطاد معاه لان الصحبه فى الصيد ممتعه جدا وخصوصا انى متعلم الهوايه من صغرى على صحبه والدى وعمى المهم مكدبتش خبر فضلت ماشى واقابل يمام اسيبه واللى اقف اضربه بسرعه كل ده عشان احصل اخينا اللى قدام ده والطريق طويل لحد ما الحمد لله شفت اتنين من بعيد اوى معاهم بندقيه كرال دبشكها اسود قلت بس لعبت ياريس وكل اما امشى هم يمشوا ربع ساعه على كده ومش عارف احصلهم لدرجه انى فكرت اعمر واضرب عليهم:d من الغيظ والحمد لله وقفوا شويه كتار كانوا بيجيبوا يمامه وقعت واخدوا وقت وحصلتهم اتعرفت عليهم وفوجئت ان البندقيه بتاعتهم سوستتها متهالكه لدرجه انهم ما وقعهوش الا يمامه واحده بيها ووقعوا كمان واحده ببندقيتى ووعدت الراجل انى اجبله سوسته من المنتدى عرفونى اماكن جديده بس للاسف على ما مشينا كانت الشمس طلعت والجو رخم بس ان شاء الله المره اللى جايه هنعمل طلعه جامده جدا معلش طولت عليكم الحصيله يمامتين-حمامه بريه-طائر الغطاس-بومه صغيره ودى الصور |
رد: حصيله قليله بس طلعه جميله جدا
ماشاء الله مش مهم الصيد المهم الجو واليوم الجميل اللى انت عيشته
بالتوفيق دائما |
رد: حصيله قليله بس طلعه جميله جدا
جزاك الله خيرا ,,, فعلا الصحبه مهمه جدا
|
رد: حصيله قليله بس طلعه جميله جدا
أولا بالتوفيق ان شاء الله في الطلعة القادمة وتكون احسن
ثانيا ياريت بلاش صيد البوم لا بيتاكل ولا من الفواسق الخمسة يعنى ملهوش لزمه صيده ثالثا بخصوص السوسته بفضل الله جبت واحده اسباني فعني واحده مصري زيادة جديدة |
رد: حصيله قليله بس طلعه جميله جدا
تسلم الايادى ياقناص وحنط البومه الاسكوبس شكلهاهيكون حلو لما تحنطها
|
رد: حصيله قليله بس طلعه جميله جدا
ما شاء الله ... بومه الاسكوبس دي لازم تتحنط ولو مش عاوز هشتريها منك بسندوتشين شاوره هههههههههههههههه تقبل تحياتي
|
رد: حصيله قليله بس طلعه جميله جدا
اقتباس:
انا عاوز حته من السندوتش ده انا لسه مفتطرتش |
رد: حصيله قليله بس طلعه جميله جدا
اقتباس:
|
رد: حصيله قليله بس طلعه جميله جدا
طلعات حضرتك كلها جميله ما شاء الله...و لو بأيدى ان الزمن يرجع كنت احب ان اتعرف على والدك عشان اتعلم منه الصيد و اتعرف على عبده بصلة :d ..بس التوقيع ده انا بشبه عليه :) ...تحياتى
|
رد: حصيله قليله بس طلعه جميله جدا
الله ينوررر
|
رد: حصيله قليله بس طلعه جميله جدا
مش مهم الحصيلة بقدر أهمية إنك تستمتع بالطلعة بتاعتك بالتوفيق دائماً |
رد: حصيله قليله بس طلعه جميله جدا
بسم الله ما شاء الله وربنا يباركلك في صيدك ومبارك على الطلعة الجميلة وتقبل تحياتي
أخرج الإمام البخاري ومسلم في (صحيحيهما) عن ابن عمر رضي الله عنهما : أن رسول الله صلى الله عليه وسلم قال : خمس من الدواب ليس على المحرم في قتلهن جناح : الغراب والحدأة والعقرب والفأر والكلب العقور وفي رواية : خمس لا جناح على من قتلهن في الحرم والإحرام وفي ( سنن أبي داود والنسائي ) : خمس لا جناح في قتلهن على من قتلهن في الحل والحرم . . الحديث . ثبت -أيضا- في الصحيحين من حديث ابن مسعود: أنه-عليه الصلاة والسلام- خرجت لهم حية في منى؛ فقال: اقتلوها. فمرت، وذهبت؛ فقال: كُفِيَت شركم، وكفيتم شرها وكان ينزل عليه القرآن، فمرت به، فالمقصود: أنه يقتل هذه الدواب وهذه الفواسق؛ لأنها مؤذيات، تقتل في الحل والحرم، ويلحق بها كل مؤذ. وعن ابن عباس قوله: والكلب العقور يشمل: كل ما عقر الناس، مثل: الذئب والأسود والنمور مما أشبه ذلك، مما يعقر، ويؤذي. وفي بعض النسخ بدلا من العقرب ذكر الحية |
رد: حصيله قليله بس طلعه جميله جدا
اجمل حاجة فى طلعات الصيد بتكون الصحبة وبتكون الاستفادة اكتر لو الصحبة دى رجالة بجد اتمنى انك تكون عرفت الناس دى كويس ومتتسرعش فى الصحبة لمجرد الصحبة .
يا ريت متضربش على حاجة انت مش هتستفيد منها يعنى انت ضربت البومة ومأكلتهاش وهى مش من الفواسق وانا مش مع موضوع التحنيط ده يبقى من رأى عدم ضربها اصلا ارجوا ان المغزى من كلامى يكون وصلك . تقبل مرورى وكلامى بصدر رحب |
رد: حصيله قليله بس طلعه جميله جدا
بالتوفيق فى المرات القادمه بأذن الله
عايزين اسد بقا مااشى ؟.؟؟؟ هههههههههههههههههههه |
رد: حصيله قليله بس طلعه جميله جدا
اخر حاجه يفكر فيها الصياد هى الحصيله المهم انه يكون استمتع بالطلعه وبالتوفيق فى طلعاتك القادمه
|
رد: حصيله قليله بس طلعه جميله جدا
استفسار بسيط
انت ليه ضربت البومه الصغيره , لازم يكون فيه سبب والا كده ندخل فى باب الحرمانيه , تحياتى |
رد: حصيله قليله بس طلعه جميله جدا
اكيد مافيش احسن من الصحبه بس يا ريت بلاش البوم لانه مفيد فى كل الاحوال واكله الاساسى هو الفئران
|
رد: حصيله قليله بس طلعه جميله جدا
بسم الله ماشاء الله الله ينور يا قناص وربنا يكرم ونتقابل عن قريب بإذن الله :)
|
رد: حصيله قليله بس طلعه جميله جدا
بالتوفييق يا باشا
|
رد: حصيله قليله بس طلعه جميله جدا
الله ينور يا باشا وفعلا بندقيتك ماشاء الله من احسن البنادق
|
رد: حصيله قليله بس طلعه جميله جدا
ياباشا أهم حاجه ان الواحد يستمتع بالرحله ويكتسب خبره أكتر والله الموفق
|
رد: حصيله قليله بس طلعه جميله جدا
ما شاء الله.. مش مهم حجم الصيد بقدر الإستمتاع.. يعني ممكن تضرب ضربه أو أتنين جامدين جداً بمائة ضربة و مائة فرد حمام ..؛)
|
رد: حصيله قليله بس طلعه جميله جدا
المتعه ليس فى العدد
|
| الساعة الآن 11:29 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir