الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   خلاص قررت بس محتاج مساعدتكم (http://www.egyhunt.net/showthread.php?t=23933)

Ja-mes 12-02-14 08:01 AM
خلاص قررت بس محتاج مساعدتكم
 


بسم الله الرحمن الرحيم
طيب فى البداية انا كنت بشوف المنتدى دلوقتى بقالى اكتر من 3 ساعات وقاعد اشوف المسدسات الصور والحى والرش وعجبنى حاجات وحاجات لا
عرفت ان الصوت شكله حلو بس مش هيكفى للحماية ومش هيكفى انى ادافع عن نفسى
عرفت كمان ان البلى او الرش يكفى بس مش هيكون مرخص او بمعنى اصح هتشفط لما اضرب بيه ومش هيكفى
وعرفت انى مش اقدر اسافر بمسدس صوت خصوصا لانى ممكن تيجى الظروف واركب مواصلة عامة ( باجر عربية ) لانى متعود على السفر نسايبى من اسكندرية وكل يوم بروح ازورهم لما بنزل مصر وفى نفس الوقت عرفت انى مش هينفع الف وادور واقولكم عايز صوت وادافع عن نفسى والكلام ده الى فى ناس عملته قبل كدة
لا انا قررت وهدخل فى الموضوع علطووووووووووووووووووووووووول
انا يا رجالة مصرى عايش فى السعودية 25 سنة
عندى شقة فى مصر وفى منطقة شعبية كمان فى القاهرة ( ما تديهم العنوان احسن )
ههههههههههههههههه
بس انا من فترة قولت لازم يبقى معايا حى فى حال انى سافرت ولا شىء لما انزل مصر
يكون معايا ملازم ليا يحزام فى صدرى وهكون صريح مجرد انك لابس الحزام وحاطط فيه الطبنجة
مش فى بقى عسكرى او ظابط هيوقفك ويسالك عن بطاقتك
طيب هنقول انى خلاص قررت اطلع رخصة سلاح نارى لاول مرة فى حياتى هيبقى معايا سلاح نارى
انا امكانياتى كلاتى وانا على قد حالى بس احمد ربنا على كل شىء فى ناس اقل من كدة بكتير
احمدك يارب واشكر فضلك
انا عندى شقة
وحساب فى البنك فيه حوالى 50
مش عندى عربية ومش عايز عربية لانى بكره السواقة فى مصر
كل الكلام ده حلو سؤالى بقى علشان مش اطول على سيادتكم
هل دول كفاية انى ممكن اطلع سلاح نارى او ترخيص
انا عاجبنى جاكال و الجلوك
اخويا معاه توكيل عامل رسمى هل ممكن يقدر انه يخلصلى الاجراءات مع العلم انه محامى
طيب لو انا نزلت مصر هل ممكن هو يستلم الاوراق التانية ؟؟ او لا
بس هى دى اسالتى الى بسالهالكم
ياريت مش اكون ضيف رخم عليكم وطولت عليكم وتحدفونى بالطوب

وفعلا منتدى يستحق الاحترام

ahmedmh_ali 12-02-14 08:03 AM
رد: خلاص قررت بس محتاج مساعدتكم
 
بالتوفيق ان شاء الله ( مع العلم أنك متفائل زيادة عن اللزوم ) ..

Ja-mes 12-02-14 08:30 AM
رد: خلاص قررت بس محتاج مساعدتكم
 
طيب وايه المشكلة لما الواحد يتفائل يعنى سؤال لو معايا حى وربنا قدر انى اموت مش هموت هموت طبعا لو ربنا قدر انى اخد الرخصة هاخدها حتى لو الرئيس نفسه قال لا
يا عم تفائل بقى خلوكوا متفائلين الحياة حلوة والله اه فى صعاب بس هتبقى احلى واحلى كمان

ahmedmh_ali 12-02-14 08:33 AM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة ja-mes (المشاركة 309710)
طيب وايه المشكلة لما الواحد يتفائل يعنى سؤال لو معايا حى وربنا قدر انى اموت مش هموت هموت طبعا لو ربنا قدر انى اخد الرخصة هاخدها حتى لو الرئيس نفسه قال لا
يا عم تفائل بقى خلوكوا متفائلين الحياة حلوة والله اه فى صعاب بس هتبقى احلى واحلى كمان
مش القصد يا فندم بس أقصد خلى العشم فيها قليلة و فى ربنا كتير ، علشان لو محصلش نصيب متزعلش على المجهود لعل ربنا لية حكمة ..

ahmed alx 12-02-14 08:34 AM
رد: خلاص قررت بس محتاج مساعدتكم
 
بالتوفيق انشاء الله
وربنا يقدم الي فية الخير

قناص الظلم 12-02-14 08:42 AM
رد: خلاص قررت بس محتاج مساعدتكم
 
بالتوفيق ولكن لازم حيازات او رصيد بنكى يعدى المئه الف واهم حاجه واسطه جامده وطول مالجنزورى ماسك مافيش رخص خلى بالك

bodygard 34 12-02-14 11:29 AM
رد: خلاص قررت بس محتاج مساعدتكم
 
عفوا ياسيدى الفاضل..الرصيد البنكى لايعتبر مبرر للترخيص لأنه محمى داخل البنك حتى لو تعرض البنك للسرقه فالضامن هناهو البنك المركزى..المبررات اللازمه للترخيص هى بالمقام الاول حيازه زراعيه واعتقد حد ادنى 10 فدادين مزروعه او جارى استصلاحها..التعامل فى ارصده ماليه بشكل مستمر بمعنى حساب جارى سحب وايداع مما يستدعى حمل مبالغ ماليه من والى البنك بشكل مستمرمش ودائع ولا شهادات ولا ارصده..المقصود حركه سحب وايداع .. امتلاك محلات تجاريه كبرى او محلات صاغه او مكاتب صرافه..واخيرا امتلاك سكن فى مناطق نائيه..اعتقد انى كده جمعت لك المبررات

القانوني 12-02-14 01:12 PM
رد: خلاص قررت بس محتاج مساعدتكم
 
يمكنك الاطلاع على هذا الرابط
به كل ماتريد

حصريا طريقة استخراج رخصة سلاح حى فى مصر

http://www.egypthunt.net/showthread.php?t=6676

موفق ان شاء الله

imagination boy 12-02-14 04:43 PM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة bodygard 34 (المشاركة 309816)
عفوا ياسيدى الفاضل..الرصيد البنكى لايعتبر مبرر للترخيص لأنه محمى داخل البنك حتى لو تعرض البنك للسرقه فالضامن هناهو البنك المركزى..المبررات اللازمه للترخيص هى بالمقام الاول حيازه زراعيه واعتقد حد ادنى 10 فدادين مزروعه او جارى استصلاحها..التعامل فى ارصده ماليه بشكل مستمر بمعنى حساب جارى سحب وايداع مما يستدعى حمل مبالغ ماليه من والى البنك بشكل مستمرمش ودائع ولا شهادات ولا ارصده..المقصود حركه سحب وايداع .. امتلاك محلات تجاريه كبرى او محلات صاغه او مكاتب صرافه..واخيرا امتلاك سكن فى مناطق نائيه..اعتقد انى كده جمعت لك المبررات
طب حضرتك لو حد عنده فيلا هل ممكن يطلع رخصه ؟

ولو ممكن الواحد يروح فـيـن عشان الاجراءات ؟

Ja-mes 12-02-14 11:55 PM
رد: خلاص قررت بس محتاج مساعدتكم
 
طيب شكرا شكرا شكرا بجد انتم فعلا ساعدتونى وشكرا على الرد الجميل منكم
انا فعلا بحب الاسلحة جدا بس مش اعتقد انى ممكن فى يوم من الايام اضرب حد بالنار او حاجة من دى تحصل
وربنا يوفق باذن الله بس ياترى هل ممكن اخويا الى يقدم عنى الموضوع ده بالتوكيل العام ولا لازم اكون انا هناك شخصيا

bodygard 34 12-02-14 11:58 PM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة ja-mes (المشاركة 310309)
طيب شكرا شكرا شكرا بجد انتم فعلا ساعدتونى وشكرا على الرد الجميل منكم
انا فعلا بحب الاسلحة جدا بس مش اعتقد انى ممكن فى يوم من الايام اضرب حد بالنار او حاجة من دى تحصل
وربنا يوفق باذن الله بس ياترى هل ممكن اخويا الى يقدم عنى الموضوع ده بالتوكيل العام ولا لازم اكون انا هناك شخصيا
لابد من وجودك شخصيا..

bodygard 34 12-02-15 12:00 AM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة imagination boy (المشاركة 310021)
طب حضرتك لو حد عنده فيلا هل ممكن يطلع رخصه ؟

ولو ممكن الواحد يروح فـيـن عشان الاجراءات ؟
حسب مكانها وهل فى تغطيه امنيه للمنطقه بتاعتها..الاجراءات تتم عن طريق قسم الشرطه اللى انت تابع ليه

TRIGGER 12-02-15 07:24 AM
رد: خلاص قررت بس محتاج مساعدتكم
 
ممكن اعرف ايه لزمة الطبنجة ادام واحد بلطجى طلعلى بآلى ؟

TRIGGER 12-02-15 07:27 AM
رد: خلاص قررت بس محتاج مساعدتكم
 
و عمره ما حيبقى واحد لوحده كمان. نقول 2 3

tarekvb 12-02-15 08:32 AM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة trigger (المشاركة 310538)
ممكن اعرف ايه لزمة الطبنجة ادام واحد بلطجى طلعلى بآلى ؟
مش معنى كيدا ان هو ملوش لازمه زى مانتا افترض الحاله دى ليه متفترضش مثلا ان حد بيثبت حد بمطوى وساعتها ممكن يتم التعامل بالسلاح وليه افترضت العدد (مش قاعده) ممكن اوى واحد يثبت يعنى فيه حالات ينفع فيها وحالات لا ليه افترضت ان كل الحالات لا ؟؟؟

TRIGGER 12-02-15 08:41 AM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة tarekvb (المشاركة 310593)
مش معنى كيدا ان هو ملوش لازمه زى مانتا افترض الحاله دى ليه متفترضش مثلا ان حد بيثبت حد بمطوى وساعتها ممكن يتم التعامل بالسلاح وليه افترضت العدد (مش قاعده) ممكن اوى واحد يثبت يعنى فيه حالات ينفع فيها وحالات لا ليه افترضت ان كل الحالات لا ؟؟؟
أنا أقصد فى الحالة الى قلت عليها بس. خصوصا انه بقى زى اللب و السودانى معاهم

tarekvb 12-02-15 09:02 AM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة trigger (المشاركة 310601)
أنا أقصد فى الحالة الى قلت عليها بس. خصوصا انه بقى زى اللب و السودانى معاهم
اللى بيشيل سلاح حى بيشيله لاى ظروف - مش معقول يقول يمكن يطلع عليا اكثر من واحد خلاص مش هجيبه هو بيجيبه لو الظروف مساعدتهوش يبقى حظه كيدا بس الاغلب بينفع طبعاً

bodygard 34 12-02-15 01:04 PM
رد: خلاص قررت بس محتاج مساعدتكم
 
اقتباس:
المشاركة الأصلية كتبت بواسطة trigger (المشاركة 310538)
ممكن اعرف ايه لزمة الطبنجة ادام واحد بلطجى طلعلى بآلى ؟
اعرف ناس تقدر تتعامل بطبنجه مع اكتر من واحد ولو مسلحين باّلى ..بس دى بصراحه شغلتهم

الاسيوطى 12-02-15 01:20 PM
رد: خلاص قررت بس محتاج مساعدتكم
 
القصة مش فى السلاح القصة فى الى ماسكه

hokaboka 12-02-15 01:23 PM
رد: خلاص قررت بس محتاج مساعدتكم
 
ههههههههههههه هوا فعلاً اهم حاجة انك جيت علي نفسك وخدت القرار الصعب..تطليع الرخصة ده امره سهل!!!!

يا باشا قررت ولا مقررتش..مش ده المهم!...أصلاً عشان تطلع رخصة..انسي..لو معكش واسطة مش حتطلع الرخصة ولو بعد مليون سنة...ولازم ارض زراعية وترش فلوس بالعبيط..غير كده مش حتطلع.

ربنا كرمك وحصلت المعجزة وطلعت رخصة ...انسي برضة..عشان تجيب حلوان جديد حتجفع 22 الف وانت طالع..ومستحيل تفكر في اي سلاح تاني مستورد...ممكن تشتري حلوان مستعمل طلعانة عين امه ب12 الف وانت طالع..

والانواع اللي حضرتك بتتكلم عليها دي..بلي ..يعني صوت معدل..يعني مجرم قانوناً وفيها سجن مشدد لو اتقفشت بها او بطلق بلي معدل..

نصيحة..سيبك من ده كله والحامي هو الله وخلاص.

قناص الظلم 12-02-15 01:45 PM
رد: خلاص قررت بس محتاج مساعدتكم
 
نسيت اقولك اهم حاجه وجودك خارج البلاد وحده كفيل باعطائك لامبرر من الترخيص لعدم اقامتك الدائمه ولان سبب الترخيص سيزول بمجرد سفرك مما سيؤدى لسحب الترخيص - لا داعى للموضوع من اساسه


الساعة الآن 07:27 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir